皇室冰廳 (已結業)

基本上每個星期六都同男朋友食下午茶，今次黎呢間貪佢有特飲系列。男朋友叫金牌炸雞翼配薯角，雞翼炸得幾香口，外脆內軟，肉質滑溜。而我就叫芝士吉列魚柳包，大家一樣加$8 要特飲～～我個杯係Oreo特濃阿華田，特別在於有大量Oreo碎，飲起來有粒粒的口感！…查看更多

在長沙灣元州街482-492號金碧閣地下14號舖的皇室冰廳吃晚餐， 防疫措施做得非常足的一間冰廳， 首先體溫量度、派發口罩袋和消毒碗筷的濕紙巾。 然後送上兩碗清甜好飲的粟米蘿蔔例湯給我們，二人再簡簡單單點了兩個餐～粟米滑蛋斑腩飯$59+ oreo特濃阿華田$8 、皇牌菠蘿芝士鮮茄焗豬扒飯$58＋ 椰汁紅豆冰$8。皇牌菠蘿芝士鮮茄焗豬扒飯～酥香的豬扒厚度適中， 配上番茄醬汁、菠蘿和芝士， 簡單又美味。粟米滑蛋斑腩飯～魚塊的粉不會太厚， 魚肉入口嫩滑， 粟米汁也好好送飯。Oreo特濃阿華田～ 阿華田一向好飲， 加上oreo，味道更加濃郁。椰汁紅豆冰～ 熟透軟身的紅豆和香甜的椰汁，超美味。茶餐廳一向都是香港市民最喜愛又方便的食肆， 皇室冰廳食物質素不錯，到長沙灣可以一試。:)…查看更多

位於元州街嘅皇室冰廳相信好多長沙灣街坊都聽過, menu有傳統冰廳特餐亦有好吸引嘅特飲系列, 牛乳炒滑蛋更係必食item之一, 早餐已經食左, 所以go for豐富晚飯小菜🥢. >例湯- 青紅蘿蔔煲豬骨😋完全無落味精嘅青紅蘿蔔煲豬骨湯好好味, 我地碗有好幾件豬骨食, 送嘅湯都咁足料Good.>招牌椒鹽蒜香豬扒 (HKD62)係爆多嘅脆炸蒜粒呢!! 豬扒件件都厚切啖啖肉, 有鑊氣得黎, 肉質非常juicy唔係乾柴👍🏻, 紫洋葱同辣椒炒埋真係勁惹味呢, 送飯(勁大碗)一流!>黃金粟米魚柳 (HKD62)撈飯perfect嘅蛋花粟米芡汁濃稠適中, 魚柳首先炸脆, 咬落先係脆口, 魚肉意想不到嘅滑, 完全唔dry, 又係件件啖啖肉, 好抵食呀.>椰汁紅豆冰, Oero特濃阿華田 (+HKD8)加8蚊就可享特飲一杯, 紅豆冰充滿椰香, 凍飲嘅阿華田都感受到特濃嘅味道👍🏻.>走嗰陣見到li排外賣自取有9折優惠, 樓上街坊拎返屋企慢慢嘆, 幾個小菜有湯有飯開心share😋.…查看更多

今日去左搵朋友，就係個頭搵左間餐廳食晚餐，見到有佢喜愛既餸就入左去了。叫左兩個套餐，包白飯、例湯同熱飲。我地嗌左醬爆茄子脆魚柳煲，非常新鮮熱辣辣，茄子有硬有軟，非常入味，魚柳外脆內軟，非常可口，醬汁濃郁，值得一試。仲有招牌椒鹽蒜香豬扒，椒鹽同蒜味十足，味道香濃，食過其他食店都唔及呢間咁足料重味，豬扒亦都整得岩岩好，唔會‘韌’。見加$8就有特飲，嗌左杯oreo特濃阿華田，oreo碎好多，阿華田味亦濃。仲有杯雪山特濃朱古力，朱古力味一樣濃郁，加埋cream加點滑溜溜既感覺。雖然地方唔算大，但食物質素真係唔錯，有機會都會再黎食。…查看更多