Second Sip by Studio Caffeine (已結業)

之前係網上面見過好幾次人地介紹呢間小店既Pancake，但係地理位置比較偏，一直都等緊個住大坑嘅朋友帶我去，不過營業時間唔太長有啲難夾，呢日終於朋友有假放得閒食😛由於餐廳座位唔太多，閒日既下午茶時間去到都爆滿既，假日可能要等一陣位架🤤▪️ Hojicha Pancake（6.5/10）💲98無錯我就係衝住佢而黎，上檯果然係好有份量，佢既質感似係偏厚實類既蛋糕，食落有淡淡既焙茶香，個人口味問題一向都唔特別好呢種質感既Pancake👉🏻👈🏻相比下自家製既焙茶雪糕對我黎講更為有驚喜，入口有住香濃既焙茶味，會想就咁encore十球雪糕😍另外仲有唔少既配料，包括白玉、紅豆蓉、新鮮水果如士多啤梨、紅黑桑子、藍莓、柑等等，再淋上甜絲絲既楓糖漿，整體頗為飽肚🤗▪️ Classic Waffle（7/10）💲68 (2pcs)窩夫有兩塊或者四塊既選擇，叫左Pancake既關係，呢個少少地要兩塊算啦😂佢整到外脆內軟，而且富有蛋香，配上自家製既雲呢拿味雪糕同埋忌廉，水果都係有士多啤梨、紅黑桑子、藍莓，最後依然加上楓糖漿☺️▪️ Classic Chocolate - Hazelnut（7/10）💲48 (Iced)見人地叫熱飲有靚靚拉花，但係行到過黎天氣太熱，即刻要叫返杯凍飲降溫🤦🏻‍♀️朋友飲既呢杯朱古力不過不失，會甜左少少咁話🤔▪️ Japanese Tea Latte - Matcha（7/10）💲54 (Iced)我既飲落滑身，都有陣陣抹茶香，不過始終凍既冰溶左後漸漸變淡，感覺上會無熱飲咁強烈既回甘🍵🔎 整體評分（7/10）…查看更多

假期已到尾聲，還有很多事情想做，其中一件必是遊咖啡室，另一件就是相約少見的朋友仔，今日就一次過做齊兩件事。很久沒有走進大坑這個小美食天堂，每走一步都看到門面設計獨特的食店，雖有點密雜，但總給人休閒寫意的感覺，在這裡可輕鬆嘆咖啡，是假日的好去處。咖啡店一身白色牆身，開揚的門窗，設計簡樸舒服。地方雖小，但整齊優雅，四處放了不同的鮮花，還壁燈上以花朵襯托，好優美。近門設有一張四人枱，靠牆一邊有兩張二人枱，另一邊有排單人高座，座位不多。餐牌設計簡單清晰，分有三大類，Beverage、Food和Sweet，而每一款都分有幾項。Beverage有Filtes、Espresso Based和Non Coffee；Food有All Day Breakfast、Open-face Sourdough、Burger、Linguine、Salad和Snack；Sweet有Pancake 和Waffle。******************好多人都不太喜歡羽衣甘藍，但我卻偏偏喜歡，三款沙律中揀了Avocado Kale($78)，選材豐富，色彩豐富，見到都令人胃口大開。除了有爽嫩的羽衣甘藍外，還有其他清爽的沙律菜，伴上酸咪咪的雜莓、清甜的無花果，當然不少得香滑的牛油果，淋了酸咪咪的沙律汁，清新開胃。******************Open-face Sourdough有四款，每款配搭各有特色，點了Poached egg, avocado & crab meat with furikake ($88)。先把水煮蛋刺開，鮮黃的蛋汁馬上湧出，滲入麵包中，更鮮香美味。Sourdough外皮稍脆，包身有嚼勁，拌着香滑的牛油果蓉、鮮嫩的蟹肉、清爽的蔬菜和鮮香的半熟蛋，配搭既豐富又美味，最特別是灑上日式拌飯提味，又幾夾，不錯！******************甜品班戟是重點之一，對三款茶味都很有興趣，真係好難下決定.....最後友人選了Hojicha Pancake ($98)。擺設精美，配埋一隻優雅的碟子，單單賣相已取了不少分數。厚身的焙茶班戟上放了香甜粉綿的紅豆茸、自家製的焙茶雪糕和經輕燒的白玉丸子，再淋上甜美的楓糖漿。旁邊拌上香滑的忌廉和酸咪咪的雜莓，搭配豐富美味。班戟陣陣焙茶香，茶味香濃，但口感不是預期，較似鬆糕，有彈性和嚼勁，挺特別。最喜歡是那班自家製的焙茶雪糕，既香滑又充滿濃濃的焙茶味，香甜而不膩，拌着暖笠笠的班戟同吃，既大大提升焙茶香，亦冷暖交融，好想encore 多一球呀！******************身為抹茶控的我，明明見有不少抹茶甜品，並沒有吃就.....吃不下抹茶班戟，那就要個Almond Matcha Muffin ($28)。賣相的確有份自家製的感覺，很喜歡！拿上手熱烘烘，糕身質感比班戟更鬆，茶味甘香，少甜少油，正合我口味，還混入不少杏仁片，多份口感，又不甜膩，個人覺得比配紅豆更適合。******************友人近排突然受不了奶類飲品，故點了杯Hot Americano ($33)。一上杯就聞到陣陣咖啡香，她覺得味道不錯。雖然我愛喝咖啡，但見到店子有幾款少見的飲品，如Beetroot latte、Genmaicha 和 Turmeric。最後Beetroot latte ($43)，轉了用Oats milk都不用補錢。雖然用燕麥奶調沖而成，但多瓣的心形拉花圖案亦很清晰挺身，加上粉紅的顏色，很美！啖啖燕麥奶香和紅菜頭的甜美，口感順滑，挺特別!------------------------------剩餘一兩天假期，不知可否作最後衝刺，走多幾間不同的咖啡室，寫多幾篇「假日遊咖啡室」跟大家分享。…查看更多

餐廳坐位不多，裝修簡約，以白色為主，感覺清新，食物價錢合理。Poached Egg, Avocado & Crab Meat Sourdough 很多蟹肉和牛油果，非常足料，水波蛋弄得剛剛好，加上天然酵母麵包，吃得很滿意。House All Day Breakfast 份量很大很豐富，有香腸、煙肉、大啡菇、煙三文魚、茄汁豆。炒蛋很嫩滑，沙律菜很多和很新鮮，煙靭的麵包是我喜愛的口味，加上牛油果蓉更加美味。Hojicha Pancake 我們選了焙茶班戟, 班戟不是鬆軟那款，質感是實身比較似蛋糕，還有紅豆蓉、白玉和忌廉，伴碟的水果很新鮮，我最喜歡茶味濃郁的焙茶雪糕。Beetroot Latte 拉花很特別，淡淡的紅菜頭味，因為沒有咖啡因，感覺健康些。Rose Latte 咖啡味不算很濃，但有玫瑰味。…查看更多