活蘭印度素食

個Fd 話想食素，我又唔想食傳統素食，咁啱俾我見到依間#woodlandshk 入到去見到好正宗印度菜🇮🇳睇餐牌都睇左15分鐘先諗到食咩🤔1️⃣Paper Masala Dosa （cheese) 強烈推介， 黎到果時嚇親我，超巨型，脆皮又有芝士碎，好好食😋😋 似好薄好薄crepe 加碎芝士，佢仲有一碗紅湯用嚟點脆片2️⃣Alu Gobi Masala 薯仔椰菜花咖喱， 好重香料味，用嚟點薄餅一流，椰菜花原來加咖喱係超夾3️⃣Sev Puri 薯仔絲炸米餅 呢個係店舖推介，比想像中冇咁好食，炸米餅唔係太脆，但上面薯仔絲同醬汁都幾夾，一口食哂4️⃣Mango lassi 芒果乳酪，之前去重慶大廈食咖喱嗰時都知芒果乳酪係印度菜必叫飲品，芒果味道好濃郁，乳酪唔太甜👍🏻👍🏻整體來說，餐廳食物好特別，值得一試，好傳統的印度菜式，如果想食素，亦可以試吓依一間餐廳————————————————…查看更多

同好朋友HAPPY FRIDAY，飲野前想食D野墊肚，諗起同事一直推介既印度素菜，於是就心血來潮黎左喇~~我地去到時間尚早，無咩人，門口有幾個印度人，舖面又比較舊，就咁睇外表真係唔會吸引到你入去…..><我地都有D唔敢入去，好似好尷尬咁~哈哈後黎有個識講廣東話既印度人招呼我地，我地就放心入左去喇~~~餐牌好多選擇，全部都英文，有D都唔多識分係咩( 後黎走個先發現原來有中文MENU，但要問侍應拎….)於是我地就叫左一D同事推介既食品喇~~飲品方面我地試左LASSI，朋友既芒果味好好飲，我既菠蘿味就比較酸同稀，但都可接受既~~之後我地叫左SAMOSAS(類似咖喱角)，超好味~!!!係我未試過既味道，而且好脆好有咬口，正!另外叫左個SOUTH INDIAN THALI，7種醬料配飯同薄餅，我地仲學人用手食，體驗下地道食法，哈哈用手食飯真係難，成日跌到周圍都係。不過D飯比較乾身，每粒都分開，好散，我自己就唔多鐘意食，覺得難食，但我朋友就幾鐘意，所以真係各人口味不同呀~~~但對於薄餅類，我係無辦法抗拒，食DOSA-CHEESE PLAIN時，我真係停唔到口，個種好味難以形容，如果你同我一樣係芝士怪就更加會沉淪落呢塊餅度。。。。請一定要試下！！！食薄餅始終比較油，我地覺得飲酸酸甜甜既LASSI係比較令人消滯～～期待下次再黎…查看更多

黎過好多次啦, 之前亂咁叫黎食. 不過自從上次個印度客黎左, 提議左點食, 再番兜黎食我上左癮既MASALA DOSA 洋蔥薯仔烤餅MASALA DOSA咪睇佢成塊野,好似好大...其實我一個人可以食得曬. 最重要係入面PAT薯仔蓉。一路搣少少DOSA, 一路揩D薯仔蓉黎食, 好好味. 不過要提醒, 會有D油, 頂唔順油既朋友, 免叫.但真係會係一個損失.DAHI-PURIWAITER介紹食, 話我地香港人好多鐘意食佢WOR, 幾得意丫, D YOGHURT 凍凍地,冚住D薯仔同有D好似脆餅物體. 似甜品多D雖然.NORTH THALI SET好多人都介紹過, 唔駛多講. 抵食餐!! 有飯, 餅仲有甜品, 共冶一爐(係一TRAY) (不過真係好X甜) 一定要講係左邊第2 兜綠色PAT野, 盡量唔好掂啦, 唔係好岩香港人食架. 食完好SATISFIED, 下次又要再食過.P.S. 印度人習慣食晚飯食得晏,想唔同佢地逼, 8點前黎食啦 …查看更多

位處MTR尖東站P1出口就係永安廣場, 唔使搵就到. 步入永安廣場, 上一層電梯就見到 Woodlands餐廳.我去到餐廳係6:25PM, 餐廳營業時間係6:30PM,由於早左到, 坐底等左一陣, 點內燈光亮起.初時餐廳加埋我都係得兩台客, 不過大概 到7點左右, 客人一湧而來. 8成坐位轉眼經已坐滿.聽住印度唱片, 眼見四周都係印度人, 再加埋店舖舊式裝修, 感觀上有如置身第三世界. Dosa印刷烤餅 長長o既烤餅卷, 包裹住咖哩雜菜薯仔, 係每台客必食之選. 可以點豆泥或湯一齊食. North Indian Thali北印度套餐 (有炸素包一大個, 4份咖哩, 乳酪, 雜菜炒飯,豆湯同印度煉乳) , 先講個炸素包, 脆卟卟,好油膩,試左一小塊已經食唔落. 雜菜炒飯 色彩繽紛,賣相好靚, 落左香料一齊炒,睇見就想食.4種咖哩都用左大量香料, 同去重慶食o既咖哩完全唔同味. 咖哩開頭食咖哩好易入口, 唔算好辣,但食食下會發覺愈來愈辣. 乳酪 唔係我地平時食果種甜品, 少甜, 酸酸地,加埋d炒飯食, 味道好夾, 係妙絕配搭. 豆湯 甜甜地, 味道比較淡,想信冇味精-我話o既.印度煉乳(kheer) 甜到溜,唔係人人食到. 唔可以唔提係一小份o既辣椒醬, 有一塊果肉, 用黎開胃食o既. 果肉勁酸(同生食檸檬差不多), 辣椒醬o既辛辣程度係紫天椒o既幾倍. 套餐o既份量足夠畀兩個人食, 我一個女仔, 食剩野就少不免. 店員見我食晒d炒飯, 得返d咖哩就問我要唔要添飯. 其實呢個餐o既咖哩同甜品Kheer都可以免費加添. 不過真係食得晒先再添, 有咁o既免費添加服務o既餐廳唔多, 我支持唔好濫用同浪費食物. $60 - Dosa印刷烤餅 $75 - North Indian Thali北印度套餐…查看更多