1仔冰室

去紅館看演唱會前在紅磡一帶搵食朋友在網上見到1仔冰室有這個龍蝦鮑魚籠仔蒸飯所以就決定來試試啊～～我們兩個女生吃得不多，所以就只點了這個籠仔飯送例湯，湯的味道略鹹了一點另加兩杯特飲，我要了雜果利賓納！龍蝦鮑魚籠仔蒸飯，兩人份有3隻鮑魚，龍蝦的份量亦不少～～！鮑魚爽口彈牙！龍蝦啖啖肉，肉質都好新鮮，不會霉～～蒜香味十足，夠惹味！稍嫌飯濕了一點，不過飯量好足！我們兩個女生吃完都好飽！雜果利賓納，利賓納略甜一點雜果果肉不太有咬口，例如菠蘿是有點偏向一絲絲一粒粒會比較有咬口！朋友說她的紅豆冰幾香！總括而言，我們主要為了籠仔蒸飯而來籠仔蒸飯的味道都不錯！材料亦夠足啊！…查看更多

有感好耐無同班行家聚一聚，update 下市場最新狀況，尋晚ad hoc call 飯局，大家分佈港九新界，最好就搵個中心點方便大家。尖咀好多餐廳唔坐得耐，又貴夾唔飽。Search 到紅磡有間新開冰室就決定試下約呢度，話晒東西鐵總站，又係巴士總站。夜走都有的士，最0岩第2日要返工又想聚下呻下嘅飯聚。天氣麻麻，我就懶行，紅磡火車站$24蚊的士去到門口，方便又affordable。可能我早啦，一入去無咩人就揀咗張大枱，都幾光猛同乾淨。要讚一讚厠所幾衛生，不過就窄咗少少。我地一行6人，個個志在吹水，所以都無點太多嘢。因為早，好好彩食到佢地龍蝦鮑魚蒸飯，D 飯蛋白炒底，好有心機，上面鮑魚用陳皮蒸，龍蝦就加咗大量蒜蓉，D 鮮味落晒D飯度，好惹味！男士要啤一啤，所以就點咗好送酒嘅椒鹽鮮魷。外脆內軟，唔老，火喉控制得好好。少少辣係幾開胃。呢間冰室肉餅都幾多款，好少冰室咁多選擇，我地就點咗潮式的，食得出手刴，好家常，感覺好屋企(可惜掛住食無影)。我地都另外加多兩碟菜，好夠鑊氣。…查看更多

夜晚行過紅磡必嘉街被一間冰室既門口一句粉紅螢光句子「我是一個吃貨」吸引，睇裝修幾新正，仲幾有潮感。一坐低，就聽到有個職員話咩蒸飯剩一，我即刻問咩飯咁早7點幾就賣剩一個咁巴閉。原來係龍蝦鮑魚籠仔蒸飯是也！就係咁，我地就成為今晚最後一個食到呢個蒸飯既人。個龍蝦🦞拑好輕易就拆到成件拑肉出黎，加分！而個飯用荷葉蒸到岩岩好，每啖飯都有荷葉香加龍蝦上既蒜香仲有鮑魚上既陳皮香，好食到直豎拇指！嚴重建議2-3人分食，真係好大籠呢！而最令我驚為天人竟然係我本以為最平平無奇既吞蛋厚多士！佢既流心蛋加秘製醬吞拿魚既結合，連同芝士厚多士一齊焗！唔放入口你都估唔到咁夾咁正！口感極豐富，真心空肚最少可以掃2碟！直接列入我既直豎拇指系列！雞翼控要留意喇！呢間冰室既桂花蜜雞翼，絕對係人生食物。隻隻都好肥大，桂花蜜既甜香係上聯既話，雞翼既脆香就係下聯，雙方既口感互相呼應！小菜方面都係水準之作，黑松露蝦仁炒蛋，香就梗嫁啦，無諗過佢既蝦仁咁爽彈，一碟仲有好多粒添。而乳鴿仔都係即叫即燒，最重要係無咩油，食完都無咩罪惡感！終於講到甜品喇！呢度招牌甜品係「金磚四角」，簡單黎講就係4件迷你夾心西多仔！仲有4隻味擇，花生，果占，咖咉同朱古力！每件唔同味都得，唔洗食哂4碟！呢4件金磚係特別外脆內軟，外脆就當然係炸得脆啦，佢既軟原來係因為佢特別只係用面包既中心位黎炸，我都係8掛問先知，覺得連個西多都做到咁用心，無得輸啦！此時此刻如可加球雪糕一齊食，你話幾爽呢！冰室價星級味道，回頭率100%！…查看更多

知道紅磡開咗1仔冰室，今晚唔煮飯，咁一於去試下啦。位置係黃埔Benz showroom附近，撘地鐵去黃埔站B出口，步行五分鐘左右到，好易揾。地方新淨光猛，卡位出奇地闊落，坐得好舒服。龍蝦鮑魚籠仔蒸飯，必須一日前打電話預訂。龍蝦好鮮甜多汁，鮑魚好爽口，配果皮蒸好香，個飯底係蛋白炒飯，索曬海鮮汁同蒜蓉，夠味到一滴豉油都唔洗落，真係好正，會有下次👍🏻沙薑雞例牌係半隻，雞皮唔肥夠瘦，但肉滑，沙薑汁夠濃，灑上芝麻好香，即刻叫多碗白飯😂三色肉餅有驚喜！蝦餅+墨魚餅+肉餅係以慢火煎，所以製作需時。香口彈牙有肉汁，冇半油炸個D咁又乾又熱氣。叫咗士多啤梨乳酸特飲，消暑透心涼！用Maison Jar上，好大杯😆…查看更多