倫哥尚品火鍋私房菜 (已結業)

一次過滿足3個願望既晚餐🍣刺身🍖雞煲🍲打邊爐上次試過係佐敦分店食過，喜歡呢間觀塘店多啲, 呢間服務較好(店員好主動講介點炒雞,亦好主動幫我地炒埋,主動清理枱上啲雞骨,收碟)，座位較寬敞(都有少少迫,但比佐敦分店好好多,可能上次係坐系房入面所以顯得更迫), 食物質素好些(d雞滑好多)前菜有四季豆，雲耳，2款都有少少辣，少少酸，亦好好爽口開胃。今次6人行都係2個煲，一個用電磁爐，一個要用gas爐因爲有一個電磁爐壞左，但gas爐成個鐘都唔滾。一個煲揀BB辣，一個揀小辣。店員話雞煲先煮8分鐘，之後每2分鐘炒一次，今次店員一手包辦，幫我地炒左幾次雞。食到一半將豬皮，魷魚，牛柏葉放落去。龍蝦肉冇咩味，有點失望海鮮拼盤有龍𧄌魚片，鱔，脆鯇魚片，花甲，海蝦，蜆，蟶子。龍躉魚片好嫩好滑, 魚皮含豐富膠質今餐飯食得好開心，任食唔限時，可以同朋有慢慢傾。店鋪只收現金

我一路認為，食店出品好係應該既，因為係基本食店原則，但我係倫哥食野除左食品好之外就多左樣野，係乜野？係開心！果日係星期日，同朋友聚會，一行六人已經早三日係Wapp訂位（老老實實訂位員工幾有耐性，因為我地都好煩，值得加許👍🏽）人齊坐低上雞煲，有位肥哥哥介紹如何炒雞，但由於我地冇黎過，肥哥哥就好有耐性及好有笑容咁介紹食品流程，唔只佢，其他員工都好有笑容，跟本唔似星期日員工應有既黑口黑面，奇怪🤔🤔第二個驚喜係抽獎！電視正播抽獎，好野👍🏽！每日都有抽獎，好野👍🏽！即場比得獎獎卷，好野👍🏽！我從來冇想到食飯有獎抽，倫哥你係得既👍🏽！肥哥哥由派卷及至到比獎品都帶動出歡樂效果👍🏽沒有官腔，只有貼地推介！談到食品，不得不讚雞煲（建議少辣），海鮮及刺身，龍蝦湯底不得了，仲有黑白滑，正👍🏽老實說，我第一次係open rice 出文，因為之前真係冇野好寫，但今次真有驚喜，今次當係支持倫哥，希望各位笑容員工能夠keep住本質，講真，只係食品好係唔夠，客人開心最重要！