隆記茶室

朋友推薦北角有間特色茶室叫隆記茶室，Happy Friday收工決定過北角覓食！呢間茶室環境舒適，裝修有特色餐牌選擇多樣化，跟平常的茶室不一樣，有扒餐，竟然仲有羊腩煲！呢幾日咁凍，當然要食返個羊腩煲暖暖身🍲朋友就揀左龍蝦汁蝦球伊麵🍤另外再叫左柚子蜜雞翼，蔥花黃金炒蛋扒多士🍳等左一陣羊腩煲就送到黎，價值＄168既羊腩煲好足料！內裏有冬菇，馬蹄，蘿蔔，枝竹，羊腩🍲支竹同羊腩份量毫不吝嗇，一直食發現原來煲底有好多羊腩羊腩鬆軟富濃郁羊味，點腐乳食一流👍🏻龍蝦汁蝦球伊麵🍝龍蝦汁不會太鹹，配伊麵食好吃柚子蜜雞翼，厚身的柚子蜜裹着雞翼，甜甜的好好食蔥花黃金炒蛋扒多士🍳黃金即係鹹蛋黃，鹹蛋同雞蛋炒埋一齊原來係奇妙的配搭，炒蛋加入左蔥花好香口配牛油厚多士一齊食不得了最後飲品揀左香蕉華田奶昔🍌香蕉奶昔面頭撒上了阿華田粉，呢個配搭幾特別！好飲…查看更多

星期六開始氣溫急降至13度, 據天文台報導, 寒冷的天氣會持續。老爸第一時間想起並不是找出厚衫厚被, 而是暖胃補身的羊腩煲, 哈! 老爸的確是為食之人, 正所謂有其父必有其女, 所以我都愛吃, 到處覓食是我的強項, 而帶老爸周圍食就是我的樂趣。既然老爸咁想吃羊腩煲, 今晚咁凍, 正是好時機一起去覓食。行經一間茶室, 見到門口貼了一張秋冬限定支竹羊腩煲海報, 我倆都不加考慮, 就它吧! 茶室採用全落地玻璃門窗, 途人站在外面可清楚看到內裏的環境, 而門口亦擺放了餐牌和貼滿不少推介菜式, 看來幾吸引。走進內裏, 座位不多, 分了兩區, 一邊有一排單人吧枱和五至六張四人枱, 而另一邊則有三張卡座和一排沙發座配二至四人枱。雖然地方不算很大, 但裝潢富心思, 白色的磚牆配上香港地圖, 具代表性。還掛上一個很特別的木吊鐘, 全店古色古香, 帶有傳統的中國色彩, 很優雅舒適。除目標羊腩煲外, 還有什麼吃呢? 翻開厚厚的餐簿, 每頁均附有菜式相片, 設計精美, 分別有大廚推介、招牌推介、尚品餐、嚐餐/特餐、酥金寶、香濃咖喱、綠營營系列、鐵板餐、自家製麵包甜品、特色小食、多士/三文治/奄列等等, 而飲品就有濃豆豆系列、玻璃茶、特飲和港式飲品, 選擇不少。******************************現時追求綠色飲食, 一向講求多菜少肉的我, 一看到綠營營系列便滿心喜歡, 正合我心意。在有五款蔬菜類中, 二話不說便揀了二款。先來一客蒜蓉西蘭花 Stir-fried Broccoli with Garlic ($32), 份量很足, 每件沾上蒜蓉, 滿有蒜香。炒弄時間剛好, 保持翠綠色澤, 半爽半腍之間, 亦烹調入味, 最欣賞是少油少鹽, 完全合乎至營之選。另一款是黑松露菜心 Choy Sum with Black Truffles ($38)同樣份量十足，而每條菜心都相當粗壯。以清灼方式烹調，菜面放了一堆黑松露醬，灼得合時，保持翠綠，很新鮮，雖不算很嫩口，但並沒有渣滓，還嚐到原有的清甜味道。吃時配些黑松露醬，既有黑松露的幽香，又不失清新的味道，兩者都幾夾，但如果試試以黑松露醬炒菜心，將它們混為一體，會否更美味呢？******************************老爸一早視羊腩煲為目標, 而我就揀了一客龍蝦汁蝦球伊麵 Prawns Flat Noodles with Lobster Sauce ($75)。足足有七隻大蝦球 放在伊麵面，還淋滿龍蝦汁。每隻蝦球 都很肉厚肥大，肉質爽彈，老爸讚口不絕，正！鮮橙色的龍蝦汁 稀稠度適中，剛好掛在伊麵 上，當中夾雜些蔬菜粒，多份口感，但可惜味道不夠香濃，未能嚐到鮮香味。******************************待一會支竹羊腩煲配白飯、生菜($168)便出場。以小火爐邊滾邊吃，一直熱辣辣之餘，亦一直散發香氣，吃得更滋味！數數看，一煲非常足料，配料有很多我喜歡的支竹、又腍又多汁的白蘿蔔片、爽身的冬菇、爽口的馬蹄，還有一大碟新鮮的生菜，只要滾一會，又爽脆又入味，正！眾配料都烹調入味。羊腩汁 味道都幾香濃，拌入白飯中，不禁爬多幾啖飯。別以為只是配料多，主角羊肉 都不少，足足有十件，而每件都唔細，真係絕不欺場！當中有淨肉，也有連骨，部分還連帶滑嘟嘟的羊皮。羊肉煲得都算入味，蘸上些腐乳，鹹香帶辣，更惹味！但可惜肉質不夠腍嫩，略為紮實，連骨的肉質就嫩一點，所以我專揀有骨的來吃，哈！******************************氣溫急降，不慎着涼，又些作感冒, 老一輩教在感到感冒初發時, 飲一杯暖笠笠的薑檸樂有治療之用, 其實都不太清楚原因, 但小朋友總喜歡飲可樂, 那又怎會抗拒。但想一想, 原來很久沒有喝過, 就今晚重拾此味道。一杯暖笠笠的薑檸樂 Lemon Coke with Ginger (+$8), 內有四大片檸檬 及薑絲, 經煲過的可樂, 部份糖已蒸發, 故不會太甜, 而薑味亦很足, 喝後的確好似舒服了一點, 不知是否心理作用呢? 哈!天氣乾燥，老爸都好識揀，要了一杯檸檬蜜 Lemon Honey (+$5)滋潤一下，醒目！足足有四大片鮮檸檬，一點都不吝嗇，味道極討老爸喜歡，邊飲邊讚，非常滿意！------------------------------一向怕凍的我，13、14度對我來說真係好凍，並沒有誇張呀！今晚選擇以羊腩煲同步過冬，的確最適合不過，邊吃邊脫，吃完仍暖笠笠，太好了！救命呀！乜事？天文台又話周日急降至12度，天呀⋯⋯要快快諗下以什麼同步過冬。…查看更多

最愛去一 d懷舊冰室食飯， 但呢間冰室比較 Fusion d. 難得2pair人都得閒， 可以約埋一齊食飯喇。 有 d特別係佢地嘅提供嘅飲用水係由日本嘅三和電解還原水， 令每位食客都食得開心， 飲得放心。 好細心喔。 我自己就叫咗龍蝦汁蝦球伊麵 + 勞氣沙冰。 爽口蝦球大大粒， 伊麵吸收曬啲龍蝦汁更加 惹味。 勞氣沙冰係朱古力沙冰上面再加個朱古力雪糕， 我話係邪惡沙冰多 d, 朱古力味濃厚， 大大杯真係飲唔哂。 老公要咗鐵板紐西蘭牛柳， 5成熟外脆內嫩， 牛肉味濃吸收哂 d 蒜蓉汁更加好味， 鐵板上熱辣辣， 配上香脆炸薯條同去咗皮嘅番茄就係傳統鐵板餐喇， 跟餐仲有餐湯同餐包。 飲品就簡單嘅雜果冰， 好有小時冰室嘅味道。 朋友地就叫咗龍蝦湯鮑魚絲通粉餐，餐內包咗黑松露炒蛋+多士。 份量好大， 原來呢個餐中午到夜晚都有嘅。 原味奶茶紅豆冰，我都試咗一淡， 奶茶都香滑， 唔係好甜(呢個我鐘意), 而且紅豆冰都好多好大粒， 值得推介。另外就係 酥金寶配烏冬， 大大個酥皮包內原來滿滿嘅龍蝦湯， 仲有好似天婦羅嘅蝦碌。飲品係好好聽嘅清新小姐， 其實係雙檸soda, 但提提你呢個有糖漿嘅， 如果唔飲太甜嘅記得叫小甜呀。 不論係食物同飲品嘅份量都幾大， 但價錢又合埋街坊價， 都值得再試。…查看更多

生日大日子，男朋友帶左我去呢度食呢間平價fusion菜！開頭睇個餐廳名，以為系普通茶餐廳，點知原來系高質餐廳！有心思，估你唔到啊！我地去到時好多人，好熱鬧啊！睇黎真係好受歡迎啊！無論裡面望出去定外面望入黎，都好有feel，好正啊！我地開始揀野食啦！我地揀左一個鐵板餐(甜餐包、龍蝦湯、法式香草烤羊架配秘製汁)、龍蝦汁蝦球伊麵、蒜蓉西蘭花、桂花雪梨玻璃茶同雪糕紅豆冰。甜餐包好鬆軟，好香！搽左牛油更香！兩個人分就岩岩好，如果唔係就會好飽嫁啦！龍蝦湯嘅龍蝦味好重，一黎到時已經聞到好重嘅龍蝦湯味，重點系已經隔著層酥皮啦！龍蝦肉都好多，用料好足！配埋酥皮一齊食，超有口感，好match啊！可見餐廳都好dum本啊！烤羊架配秘製汁嘅羊岩岩好熟，肉質好捻！我就麻麻地生野，呢個就剛剛好！秘製汁真係好好味，我地問過個度嘅負責人，佢地話大廚嘅秘製汁黎嫁，大廚都唔講佢地知！！真係好match啊！薯條整得剛剛好，好脆，點番茄醬一流啊！西蘭花同番茄可以做到清新口氣嘅作用，亦可以有開胃嘅作用！蝦球伊麵嘅分量真係唔係你想像到！好！多！啊！龍蝦汁好多，撈埋一齊終於唔使食dry撈麵啦！伊麵嘅麵質整得好爽口，好彈牙，即使撈左汁好耐，一啲都唔會捻！蝦肉好多，唔洗我講，就咁望相都知啦！最重要系，佢幫你撩埋啲蝦嘅腸出黎，男朋友好驚食呢啲蝦，但都贊不絕口！仲話啲蝦好爽口添啊！西蘭花，好甜好甜好甜！唔係落左糖個種甜，系真系菜甜個仲！蒜蓉好多，好香，系我嘅最愛啊！蒜蓉西蘭花真係冇得輸！食落亦覺得唔係用好多油去炒，健康啲！桂花雪梨茶好清潤，呢種天氣飲系非常好！用料非常多，雪梨味好出，桂花味亦能令成壺茶變得好清甜！翻到屋企都想整反壺黎飲啊！唔講唔知，佢用嘅水系日本三和電解還原水，有排毒功能，有助抗衰老。見到日本人咁年輕就知佢地飲嘅水系幾咁高要求啦！餐廳用呢種水去沖呢壺茶，可以加強功效啊！雪糕紅豆冰嘅雪糕系vanilla favor，我同男朋友都超中意食vanilla！另外佢系真係將大冰打成沙冰等雪糕溶左一齊飲，變左好香嘅雲尼拿沙冰味！再加埋紅豆原本嘅甜味，成杯飲品又香有甜，冰溶左，飲落又香又滑！好正啊！佢地宜家仲做緊like fb優惠，我地一開頭冇留意到，冇like到，但就算唔要discount都值回票價啦！另外，個度嘅員工好樂意解答你嘅問題，亦好樂意去改善有咩不足，我覺得呢樣真係好好嘅態度！客人食得開心，員工做嘅開心，我想呢個系老闆最想見到嘅野啦！男朋友果然冇帶錯啊！反正都系附近返工，實會再黎試下其他野！…查看更多