原藝

男朋友同我食生日飯，揀咗呢間餐廳位置隱蔽，喺YWCA隔籬事先book咗枱叫咗個二人套餐，包五道菜連飲品▶️ 麵包籃足足有三款麵包：蒜蓉包、法式Baguette, Ciabatta拖鞋包全部都外脆內軟，好味🍞 ▶️ 蕃茄沙律慢煮牛面肉健康沙律菜，配有牛肉條醬汁帶少少辣味🥗▶️ 周打海鮮湯｜龍蝦忌廉湯周打海鮮湯比較特別同好飲，味道超濃郁又唔太鹹仲有帶子、蝦、青口😋龍蝦忌廉湯正正常常用嚟配餐包好夾！▶️ 蒜香牛油醬燴青口有成六大隻青口🦪食落口感幾新鮮唔老蒜香牛油醬調味啱啱好▶️ 牛肝菌及羊肚菌意大利飯冇諗過個意大利飯咁出色😍牛肝菌醬汁極濃稠入味creamy配有足料羊肚菌，較少見，非常重菇香，而且索盡醬汁好正🍄‍🟫Resort米飯有咬口，唔會太濕太淋味道好令人上癮，可以話係數一數二好食嘅risotto▶️ 香草烤雞配栗子醬成隻烤雞，有雞髀、雞翼同雞胸本身烤雞好香香草味，感覺係infused而唔係淨係灑喺面烤焗過嘅雞肉保持雞油，入口Juicy雞胸位唔乾柴🐔栗子醬帶淡淡栗子蓉味，都係第一次見，令雞肉帶少少甜味不過本身隻雞已經好夠味道，唔點栗子醬都好OK一路食我同男朋友都讚不絕口🙂‍↕️-無可挑剔嘅一餐🩷全部嘢都好好食尤其推介「牛肝菌及羊肚菌risotto」同「香草烤雞」服務唔錯，上菜算快手環境舒服，因為唔多人所以清靜啲，而且燈光昏暗營造浪漫氣氛性價比高，大概$400/人，食到咁好食嘅一餐絕對值回票價🫶🏻多謝男朋友哈哈～見佢哋出咗聖誕Menu，有興趣可以book你同另一半試啊！…查看更多

睇完音樂劇喺附近食晚餐，之前嚟過兩次食午餐，今次就食晚餐，每款食物都好好味，環境闊落舒適，店員服務極佳，十分適合約會和三五知己小聚會🎈晚市二人套餐$728起，有麵包籃、沙律、餐湯、前菜、意粉、主菜及餐飲，非常豐富🫃🏽另外亦有單點菜單🥖麵包籃有三款麵包，全部都暖而軟熟，蒜蓉包又香又脆😋 最鍾意龍蝦忌廉湯🦞味道香濃，質感細滑，一試難忘🤤 周打海鮮湯有蝦、青口和帶子，足料鮮甜又美味，加埋法式長棍包浸湯食都好味😋 西班牙香辣蒜片蝦蒜汁用白酒和橄欖油調配，味道香而帶少少辣，惹味又開胃，用意大利白麵包蘸汁食一流，蝦肉亦爽口彈牙🦐 以不同麵包配搭各款食物，十分細心👍🏽🥗蕃茄沙律配慢煮牛面肉拌上蕃茄醬，牛面肉軟嫩，沙律菜新鮮🦞龍蝦汁意大利飯配帶子有驚喜😍 味道濃郁，帶子鮮甜爽彈，意大利飯口感軟硬度適中🥩炭燒澳洲M4和牛牛板腱上枱就聞到炭燒味牛板腱生熟程度適中，容易切開，肉質細嫩，好香牛味，並散發出淡淡炭香，邊位亦有少許焦脆，令人難忘🤤 是日甜品係柚子芝士蛋糕🧀 柚子令整體味道清新而不膩👍🏽 當日臨近萬聖節，蛋糕亦放上萬聖節主題黑朱古力，趣怪又好食😆套餐有兩杯飲品🍹個人比較鍾意🍍菠蘿荔枝梳打，菠蘿味較突出；另外一杯係藍莓芒果梳打…查看更多

聽朋友講九龍塘有間隱世法國菜，於是我就叫佢同我去食。間店係女青入面。一入去就俾間店既設計吸引住。由於唔算好肚餓，我地決定散叫share一道湯，一道沙律，同埋兩個主菜。雜果乳酪酒醋沙律 $98朋友堅持要叫個無肉既沙律食，開始我無咩期待，但食左一啖俾佢個開胃又酸又甜既黑醋汁吸引住，草莓同心形既菜令成個沙律即時少女心左，又提升左酸甜既對比，菠蘿令成個色調變得有層次。龍蝦忌廉湯 $98個湯好濃郁，有好勁既龍蝦味，好飲。日本北海道和牛西冷 $288 配菜都好好食朋友揀左半熟既西冷。和牛質素本身好食，唔駛配汁都好完美。配菜燒烤得恰到好處，靈芝菇好彈牙，蕃薯就配醬汁食，蒜頭就咁食都好好味。今晚既surprise係第一次食有水蜜桃一齊既菜色。個乳豬好香滑鬆軟，烤得岩岩好。食曬所有野先食水蜜桃，可以感受到延後既幸福感。…查看更多

晌雜誌見到「原藝」呢個名字，就諗緊喺唔喺兩年多前晌太子幫襯過嘅小店「原藝」呢？表姨甥女近排晌西貢荔枝莊嗰頭嘅梅子林搞藝術嘢，幫啲村屋畫牆畫，可謂日曬雨淋，真喺服咗佢，個項目接近完成，當然要請佢食餐好嚟鼓勵吓啦，所以，專誠走到嚟位於九龍塘「原藝」嘅新店。雖然，對好多人嚟講，餐廳嘅位置比較吊腳，但對小弟而言，一啲都嚟陌生，皆因中學時期郁喺晌大坑東、南山邨、九龍塘呢幾個片區頭渡過。踏進餐廳，一室深灰為主調，配以原木嘅木系枱櫈，有種原始風。最有趣喺近門口位佈置成一個工作台，有專業嘅畫圖枱櫈，牆上又掛上好多工具，喺打卡位嚟。並配以柔和嘅燈光，令人感覺好舒服，我就最鍾意喺每枱都有射燈聚焦，方便喜歡影相嘅朋友。細心位唔止呢樣，牆上嘅冷氣都特別加裝咗擋風板，令到吹出嚟嘅冷氣迴轉向番上，一來唔會咁快吹凍啲食物，二來重點就喺唔使照頭吹，吹到頭暈。此外，餐具套都好有特色，以牛仔布整成，打開之後就見到一整套基本餐具。晚市食物選擇方面，可以講主要喺供應套餐，而晚餐包括自選主菜配餐飲，定價$108-$238；但另提供多款頭盤，如沙律、冷盤、小食、湯品，變相讓你將晚餐「升級」，彈性而豐儉由人。另外，亦有一組「全套」嘅晚餐，包晒沙律、頭前菜、餐湯、主菜及甜品，雖然餐牌無寫，但都包埋餐飲。定價每位為$488，但兩位用就收$788。小弟本身一向都唔好酒，不過，順帶介紹埋佢哋嘅餐酒菜牌，正正印晌晚餐菜牌之後。整體而言，感覺定價好進取，相信都喺因為住得呢區都喺唔介紹消費高啲，但就想食有質素嘅「上等人」。凱撒沙律先嚟一道清爽嘅凱撒沙律，醬汁撈得均勻，每炷羅馬生菜都被醬汁薄薄咁包住，混和煙肉碎、烘麵包粒及巴馬臣芝士碎，爽口俐落，點點鹹鮮味。白酒煮青口當送到上枱之時，真喺散發出陣陣酒香，不過，晌食嘅時候，啲白酒揮發得差唔多，所以，唔使太擔心有太重酒味；隨之而嚟，喺青口嘅鮮甜味，而且，啲青口都幾夠肉地。龍蝦忌廉湯個龍蝦湯加咗少少食用花伴伴碟，立時靚咗好多。入口，夠熱辣，蝦味極之突出，每口湯都帶着龍蝦精華似的，而且，質感非常柔滑，喺好有質素嘅一道湯品。唯挑剔喺缺少啲特色嘅麵包嚟配餐湯。油封鴨腿呢一道都可以講喺幾經典嘅法國菜式，大大隻鴨脾煎封好，外皮油潤有光澤，一咬喺堅脆口，但卻唔會一口油，拆開啲肉，鬆化並有種鴨嘅獨有羶香，沾少少自家調製嘅蘋果醬，更去走埋剩下丁點嘅油膩感，味道更平衡。伴菜有好多菇菌及野菜，唔喺白烚貨色，都喺以蒜蓉炒過，寧舍香；但最深得我心喺橙黃色嘅蕃薯蓉，非常香甜，搓得軟滑，但仲保留少少蕃薯肉，令口感多添幾分層次。澳洲M4霜降和牛板腱另一道主菜以牛板腱入饌，喺較少接觸嘅位置，你問我喺乜位，其實我都唔喺太清楚，但切開嘅紋理，本身嘅外觀，都有啲似牛展，不過，煮得十分鬆化，而且，超入味；雖然喺M4級，又話明喺霜降，不過，油脂比預期少，卻甚具肉香。即磨咖啡上甜品前，先嚟杯即磨咖啡，好調節吓心情迎接兩款甜點。咖啡其實無咩特別，但入口仍然喺醇香馥郁，不過，鮮奶可以另上，讓客人自己決定落奶多定奶少會更好。法式檸檬撻3款甜點中，小弟首選就喺檸檬撻，因為，既可清清味蕾，又喺法式甜點中嘅經典。果然，不負所望，外層嘅撻殼做得又薄又脆，無論邊定底，厚薄一致。餡心嘅檸檬蓉，既軟滑，又酸香，非常清新，襯咖啡一流。朱古力黑茶慕絲雖然啲甜點無乜點加啲擺設做裝飾，但呢件慕絲餅外觀花俏吸晴。切開一睇，餅底中間喺一大嚿較硬身朱古力，被柔滑嘅慕絲所包圍，不過，「黑茶」？就唔喺太覺得有咩茶味，反而，朱古力味較為搶。事隔兩年多再訪，都無失望，食得出食材確喺有質素，大廚嘅廚藝紮實，加上環境、氣氛好，喺叫人食得好舒心、好享受。結尾，都分享番表姨甥女嘅其中兩張作品，同樣喺原創嘅藝術。表姨甥女打後仲有好多大項目，希望呢餐真喺可以為到佢打打氣。…查看更多