浦東晉家門

無意中發現一間適合一群人聚會的地方！地點方便，太子站D出口右轉直行就到。坐得舒服，6-8人可以有個小空間暢所欲言。擺設用心，無論牆上或餐碟都走中國風。雖然餐廳是中國風設計，但食物是西式，真的出乎意料水牛城雞翼 $68水牛城雞翼即叫即焗，焗到外脆內嫩滑！雞翼帶點微辣，配上濃香芝士醬汁，十分惹味！珍寶帶子墨汁意粉 $108帶子微微煎香兩邊，肉質比較豐厚，口感較軟。我以為意粉是食完會嘴黑的墨汁意粉，可現實是加墨汁製成的意粉，墨汁味淡反而意粉感覺像手工製的，麵質彈牙而且有麵粉的味道，整個意粉比較清淡口味，不過超驚喜的！！龍蝦忌廉汁煮海鮮意大利飯 $108如剛剛的意粉是清淡口味，這個便是重口味！海鮮分別有大蝦，青口，墨魚仔，十分豐富。龍蝦忌廉汁煮意大利飯燉到濃稠綿糯，意大利飯有加入芝士所以會比較膩。不過對於重口味的我，每一口都十分滿足紫薯草莓鬆餅 $88如果只是食主菜是不夠飽的，所以甜品是必須的！鬆餅烘得外脆內軟，而且夾心是紫薯！草莓十分甜，奶油十分滑，整體好味手工啤酒 $78值得一講，這間餐廳有10幾種手工啤酒，超乎意料HAPPY HOUR嘆一杯放鬆一下…查看更多

中學同學去完旅行，又有人生日，就諗住約出黎食餐飯，打算聚下舊，順便派下手信，慶祝生日。本身約咗食打冷，可惜冇開，所以轉去附近既呢間。到咗呢間野，由門口睇，到入面既裝潢，都會令你覺得呢間野係食中國菜，真係完全唔知其實係食西菜。入到去又唔多人，最入面個卡位已經有人，我地五個女仔坐卡位出面一張大枱。就咁睇MENU，都仲係覺得好中國風。開頭見MENU話每人最低消費一杯飲品，仲以為一定要叫野飲，後尾知道係唔駛既。我地叫咗幾樣野，每樣都要等一段時間，我諗真係即叫即預備，係要一段時間，我覺得等得唔係好耐，係接受到既。最先上既一定係 炭燒雞胸凱撒沙律 ($78)，雞胸唔鞋，配搭生菜，啱啱好。跟住上呢碟 龍蝦忌廉汁煮海鮮意大利飯 ($108)，我覺得D汁唔錯，海鮮就有蝦、青口等，D risotto軟硬適中，幾好味！再黎呢碟 意式野菌海蜆意粉 ($88)，一望，點解D色水咁似之前個碟既？有少量野菌同埋蜆肉既，意粉都彈牙，都唔錯！我地想叫碟小食，所以就叫咗呢碟 水牛城雞翼 ($68)，一上枱見到有5件，一人有一件，即刻放心哂XD望見D雞翼煎得金黃，上面仲有芝士醬淋係面，香味撲鼻，忍唔住即刻夾一件，朋友一咬，即刻淥親個嘴，證明D雞翼應該係即刻整好！我等咗一陣先敢咬落去，嘩！好有肉汁，味道雖然唔係好夠，但有芝士汁襯搭，雞肉夠嫩，好味！其實大家都唔夠食，所以叫多碟 白汁香菇雞柳天使麵($88)。D白汁唔錯，D麵軟硬適中，香菇好味，雞柳就普通。開頭唔為意係天使麵，仲問︰「咦？D麵幼身架喎！」朋友︰「因為呢D係天使麵lor~」……em...睇黎我放工有D攰……^^"整體黎講，我地都覺得野食D汁其實味道都幾似，唔係太食到分別，不過係好味既。我鍾意呢到唔多人，張大枱好啱一班人約埋一齊Gathering，我地食完都坐低傾咗一陣計，update下彼此既近況，D員工都冇嫌我地阻住哂，趕我地走，可能我地都好乖咁十點前埋單走人啦(因為相約係平日，第二日仲要返工呢)~XP…查看更多

每次經過門口都覺得裝潢好有中國風，而恰巧又食過附近既居廬晉家門感覺好好，所以又帶肥仔去試下呢間先。入面既裝潢都好有強烈中國風的特色，但係門口有bar 台就好中西合璧。珍寶帶子墨汁意粉 $108珍寶帶子真係超超超大，喜歡食帶子一定要叫！帶子既肉好滑，可以有一絲絲的肉，墨汁麵就係本身d麵係墨汁麵，並非用墨汁炒成的，所以唔會食到成咀都係黑色架！墨汁麵既墨汁味冇咁重，但係因為用左忌廉炒，所以都creamy。真係超超超超超大架!龍蝦忌廉汁煮海鮮意大利飯 $108飯身比較濕，同時意大利飯本身係硬硬地，所以都算正宗。:)海鮮有去殼既蝦、魷魚、青口，小小蜆肉，龍蝦忌廉汁比較多，所以食落口會好cream，龍蝦味較淡身，所以可以食出海鮮既味道，唔會cover左。焗意式芝士煙肉蘑菇頭是配欖油雜菜沙律$68肥仔想食芝士，意式芝士即係蓄茄醬做底，食落酸酸甜甜好開胃，面頭既芝士都可以拉絲，加上大量既蘑菇，呢個算唔錯！oreo 曲奇沙冰 $48Oreo比較多，亦有加上朱古力一同打碎，成杯都朱古力色，好肥仔！Honey latte 蜂蜜拿鐵 $40見到每杯咖啡都有用心拉花，讚。Latte奶沬好滑，而honey味當然出，但又唔會太甜。環境方面，餐廳一直播住tv係外國歌手唱英文歌，但係我地食中式裝潢既餐廳食飯，就係中西合璧的感覺。…查看更多

上次係太子附近食完水餃已經覺得呢鋪幾特別，好想試，所以星期日約左朋友黎左呢度食野╮(╯◇╰)╭ 食食下途中有一隻黑貓係咁鬼鬼祟祟咁行黎行去，加上食店環境偏暗，更加覺得貓貓好神秘！！走個時見貓貓訓係面口位置，好似好悶咁，原來等緊隔離鋪貓貓過黎陪佢玩(〃∀〃)~♡水牛城雞翼($68+10%) 很喜歡這碟雞翼，炸得脆身又唔會太乾，外皮仲有小小芝士醬 不過，要挑剔既一點係雞翼醃得不夠耐，醃耐小小會更好(◕‿◕)龍蝦忌廉汁煮海鮮意大利飯($108+10%) 飯粒有咬口，不會太軟呢！海鮮則有青口、蝦等…但我覺得醬汁有點偏膩，龍蝦味不太特出，食多少少會覺得濟(>﹏<)珍寶帶子墨汁意粉($108+10%) 兩粒大大粒嫩滑既帶子，係一款食完個嘴都唔會變黑色既墨汁意粉唔怕食完會嚇親人! 餐單上食住各種粉類都可轉做墨汁意粉/長通粉/天使麵~~ 意粉伴著蒜蓉香同咸香既芝士調味，調味得宜，多吃也不會膩呀～～個人認為比龍蝦汁飯更好！紫薯草莓鬆餅($88+10%) 黎之前已經bookmark左呢款甜品！窩夫賣相有驚喜，顏色鮮艷，食落薄脆，帶蛋香，士多啤莉都好甜，配著雪糕食，整體唔會太乾身。如果有得自選雪糕味道就好！我一定會揀士多啤莉雪糕（づ¯ ³ ¯）づ！ 紫薯藏在每一件窩夫的一角中，份量不多，如果紫薯份量再多點，我會很滿足 唔記得左呢杯叫咩朱古力，但就幾好飲，朱古力味濃郁，奶味也很特出呢～ 餐廳設計很中國風呢，但就唔係食中菜～～紅色牆身設計，掛著大紅吊燈，還有一塊牌匾掛著懸樑的位置。餐牌 …查看更多

好朋友生日, 一大班好姊妹一齊嚟到呢度食生日飯一間特色嘅cafe, cafe裝修以中式為主題只睇門面既完全估唔到係一間cafe & bar😆咁有中西氣氛, 大家都好期待佢地既菜色會有幾咁特色!可能位置不佳, 雖然當晚係星期日, 不過只有2枱客人..😳裝修以深紅黑為主, 望落同整體感覺都比較沉色.. 被安排座左係沙發座, 加上冇咩人, 係個幾好Gathering既地方~一大班女人爭論完食咩之後, 唔算叫左好多野食~1個Pizza, 2個Main, 同2個小食水牛城雞翼 $68圖片原來與事實不符😨😨😨明明圖片有6隻…點知出到黎既成品只有5隻6個人分5隻雞翼…. 猜輸果個冇得食(真係慘慘豬><)水牛城雞翼其實只係一個名, 多數餐廳會加以芹菜/酸奶酪醬. 不過呢度只係輕輕將雞翼炸過再加上少量千島醬. 熱辣辣味道都ok, 不過味道同一般食既水牛城雞翼有D距離~~~五香炸薯角 $58新鮮熱辣辣, 味道有少少咸香但唔會重火, 同平時食開既薯角冇咩大分別魚子什菌墨汁意粉 $88Menu寫既係魚子什菌, 可惜黎到既竟然係蟹子什菌… (難道當我係唔識分魚子蟹子嗎?🤔🤔🤔)墨汁意粉原身已經係以墨汁製成, 因為冇再加以用墨魚汁煮製, 所以食落唔會食到個口黑蚊蚊…不過味道夠香, 只係一個普普通通既墨汁意粉, 冇驚喜龍蝦忌廉汁煮海鮮意大利飯 $98龍蝦製成既意大利飯, 因為有海鮮關係都會食到有dd鮮味, 意大利飯呈少少生米狀態, 係我最喜愛既口感, 有咬口但唔會太硬身不過意大利飯既份量都幾少, 一個人食都只會係岩岩好..而且係呢區黎講價錢都幾貴千島蜜桃煙鴨胸薄餅 $68Pizza算係呢餐黎講味道較為出色既一道菜色, Pizza以千島醬, 蜜桃 & 煙鴨胸製成, 配起上黎味道都幾夾Caramel Chocolate焦糖朱古力 $36焦糖配上熱朱古力, 其實預左會偏甜 😳😳😳不過呢杯焦糖朱古力確實甜到有d過份, 飲落只飲到好甜, 而且冇咩朱古力味… 飲左都冇一半我就已經放棄左了!朋友既飲品, 佢地話麻麻地整體味道真係好一般, 因為朋友生日簡左呢間門面都幾有特色既café本身都好期待會有咩驚喜.. 不過確實有d失望…味道好一般, 面對呢個價錢可以有更多既選擇, 應該未必會再黎呢度了…查看更多

這間位置太子區的餐廳，由門面到室內裝潢都用上很強中國風🏮但偏偏係食西式多國菜加上外國音樂😚夠哂過癮<芒果熱情果沙冰> 🍹$50 <<青蘋果茶> 🍹$40呢到嘅沙冰做得幾好，除咗果味夠唔會得個甜字外，仲打得幾好👍好怕水還水冰還冰感覺<水牛城雞翼> 🐔$68雞翼外皮炸得夠脆身，肉質夠嫩😓但好似醃得唔夠香，就咁一滴醬去伴食<密瓜巴馬火腿> 🐷$98密瓜夠新鮮帶甜，塊ham都唔錯👉少濃帶點鹹香無咩筋<龍蝦忌廉汁煮海鮮意大利飯> 🍛$98這個我喜歡，因為我鍾意食多汁嘅risotto💦可能因為用咗龍蝦忌廉做汁，非常濃郁🙄但略嫌唔夠海鮮做餸<魚人海鮮薄餅> 🍕$98呢到嘅薄餅都係薄批，批邊烤焗夠脆，用料都唔錯🧀如果再多啲芝士更加分，你知啦📢宜家勁多重芝士控✨另外這裡都係一間Pub，酒類都幾多，也可以嚟飲番杯放鬆一下✨溫馨提示:好似只有一位廚師，所以可先點1-2款小食跟飲品先，主菜再慢慢諗…查看更多