聰嫂私房甜品 (已結業)

灣仔嘅聰嫂比起銅鑼灣嘅大，同樣小人排隊好多！因為比銅鑼灣嗰間大，又唔係好多人去，所以食完都仲可以坐好耐傾計，都冇俾人趕。咁先係食甜品既好地方架麻！大熱天時，叫咗兩個都係冰！芒果椰果冰，我朋友叫咗龍眼椰果冰+ extra 椰果！芒果椰果冰，OK啦，芒果肉偏甜，好似浸過糖水咁。朋友嘅龍眼椰果冰，好好食呀！龍眼冰好清新，本來以為會好似泰國餐廳飲嗰啲龍眼冰咁，甜耶耶，點知超乎我想像好清身，仲有龍眼肉mix係入邊添！比較推介龍眼冰！ ！…查看更多

以前中學放學去銅鑼灣聰嫂食下午茶 總係大排長龍 坐得又逼 今日竟然係灣仔見到另一家聰嫂 重要無人.唔知係咪因為人少 店員有多D時間準備甜品 灣仔分店質素遠高於銅鑼灣 味道同分量兩方面我同朋友都好滿意.龍眼椰果冰呢個係聰嫂嘅招牌甜品食落就知同其他水果味嘅冰有分別 龍眼味濃郁 咬落淡淡龍眼肉 好明顯係用真龍眼切碎而成 真材實料 不過正因為咁 味道比較甜 唔嗜甜嘅人應該會覺得好漏 龍眼肉同埋椰果都好有咬口.芒果雙皮奶係朋友點嘅 我唔鍾意芒果所以無試 好多片芒果 奶凍軟滑.蜜瓜涼粉陣味好似Melona蜜瓜雪條 清甜解渴 蜜瓜冰量好多 成個半球體咁 可惜蜜瓜粒粒數量唔多 涼粉爽口 中和蜜瓜冰嘅甜味…查看更多

其實我嘅題目有D歧義喇，人地真係唔係好甜嘅，甜度啱啱好，不過對於我來講，食甜嘢真係幸福到飛起吖！我地來嘅時候係下午，所以人唔係幾多，唔使排隊，平時像唔排隊嘅話簡直係發夢，聰嫂太旺喇成日都係排長龍嘅。龍眼椰果冰你地一定要食吖，好正！龍眼清甜肉大件又多汁，椰奶味好濃，加埋d彈牙嘅小珍珠，真係無論口感或味覺都有足夠嘅享受！榴蓮班戟，適合榴蓮愛好者，唔食榴蓮嘅一定唔好點，因為榴蓮真係好大粒吖，榴蓮味好濃，鐘意食嘅真係好口福吖，班戟皮軟軟嘅然後有d凍凍地，裡邊仲有d雪糕，＋埋榴蓮真係，榴蓮黑糯米，其實我依家係度向鐘意食榴蓮熱同胞放毒，又係香甜嘅榴蓮，＋買糯糯嘅黑糯米，彈牙小珍珠，味道一絕！其他芒果之類嘅都非常真材實料，得閒來試下喇！…查看更多