Chop Chop 食神叉燒 (新城市廣場)

而家晚餐都係外賣，咁啱經過見到有黯然銷魂飯就試下啦，打開有點失望，份量小，見到碗底還有空位的⋯⋯味道方面還可以，有個沾叉燒嘅醬好喊，有兩塊叉燒仲有騷味⋯⋯應該唔會有下次。…查看更多

今日收工過新城市廣場，食Chop Chop食神叉燒嘅黯然銷魂飯。個個都係叉燒飯，點解會話係正宗黯然銷魂飯？一切皆因戴龍師傅係電影食神入面果碗黯然銷魂飯嘅創造人。正宗黯然銷魂飯材料簡單，講白啲都係叉燒、荷包蛋和米飯。但要好食一啲都唔容易。叉燒選用咗五花腩肉，肥瘦相間，滿口油香而唔膩。叉燒微微焦香，入口鬆化，淡淡嘅甜味過後，香醇玫瑰露酒由脷底滲返出嚟。非常好味。再點埋秘製叉燒醬，更加係另一個層次嘅味道。除咗叉燒，飯都好特別，我就唔識分米嘅品種、但感覺有陣木頭同茶葉香味。除咗黯然銷魂飯，仲點咗招牌干炒牛河、同埋鮮茄牛肉。招牌干炒牛河面頭鋪滿木魚，真係第一次見。而餐廳用咗較少見嘅粗身河粉，非常有口感。牛肉亦都好滑，整個干炒牛河都好夠獲氣。至於鮮茄牛肉，都好好食。牛肉什至比招牌干炒牛河嫩滑，蛋滑之餘好香蛋味。依道菜餸白飯一流。…查看更多

夜晚又有番堂食，好掛住食神炒飯呀～炒飯做到粒粒分明，爽而不乾，香而不鹹，飯粒有咬口，爽口蝦肉、叉燒、雞蛋、蔥花以及放上無加熱的蟹籽，醬汁炒得均勻，只係賣$75，係期望之上。燒鵝切雞雙拼成隻鵝脾上，油香加梅醬最正。切雞唔少得自製薑蔥油，好味呀～唔可以唔食呢度招牌飯，「食神黯然銷魂飯」，特別重焦香味嘅叉燒配上較杰身嘅秘製醬汁，可以食多幾碗飯！（呢度係白飯任裝），留意番，叉燒係一層肥一層瘦㗎，所以食落去好有口感～仲有飲品原罐汽水上嘅鹹檸七、鹹檸樂，鹹檸味道有d鹹柑桔味，清熱解渴！餐廳用包裝左嘅即棄筷子，疫情下感覺較衛生👍🏻…查看更多

見有85折外賣自取，放工專登過黎買晚飯。見啲員工細心清潔又有禮貌，買外賣都放心好多。叉燒新鮮，見啲叉燒肉顏色比較淺白就知道首選要買嘅唔使講一定係「食神黯然銷魂飯」，當叉燒、煎蛋、豉油、飯，每樣都做得比人好嘅話，就唔係平凡一個叉蛋飯。半肥瘦口感實淨嘅叉燒，因為來回燒過幾次，嗰種焦香同平時食嘅叉燒係與眾不同。然後咬到肥肉嘅部份，完全唔覺得肥膩，係有少少爽口。半生熟煎初生蛋，仲有自己調校比較杰身嘅燒味豉油，五常米煮成軟硬適中嘅白飯，吸收左叉燒嘅焦香同燒味豉油，識食又食過嘅一定會體會到箇中嘅美味。切雞叉燒雙拼嘅叉燒同黯然銷魂飯嘅叉燒係完全唔同，少好多肥肉但好軟淋，焦香味冇咁重。切雞髀夠嫩滑，雞味好重。份量都OK。比較特別有木魚絲鋪面嘅食招牌乾炒牛河，炒得均勻惹味，牛肉新鮮冇渣，都唔錯。既然有八五折，就唔爭在叫埋鹹檸七、鹹檸樂。呢度用料唔差，用靚嘅鹹檸檬加冰，跟原罐汽水，返到去唔驚沖淡晒。外賣包裝企理，盒盒都裝滿嘅份量，外賣有呢個質素好唔錯！…查看更多

食神叉燒,分店越開越多了連沙田都見到佢分店係疫情之下,都係主打外賣優惠套餐,咁就同大家試下佢啦~講下佢有咩餐牌先,佢有迷你叉燒咸蛋飯,40蚊,外賣價!一個人食岩岩好!另外仲有唔同套餐,自取85折!可單點燒味,食神腩叉同梅頭叉燒,燒鵝,排骨,油雞等等可以買半斤或一斤!食神叉飯79蚊!晚市仲有小菜,78蚊款!古老肉,叉燒炒蛋,豆腐火腩,鮮番茄牛肉等等共6款選擇兩人套餐,小菜一款,燒味雙拚,一份蔬菜兩個飯或湯粉,包飲品2款今次我地叫左好多人都推介既炒牛河同埋燒味雙拚!仲有食神叉燒飯!招牌黯然銷魂飯 用上特選肉部份製作而成,特調既醃料,食起上黎同平時既叉燒風味完全不同記得叫肥叉呀!,我唔記得左叫所以無比肥位我,可惜!特別帶有一種香氣,好似少少煙燻過既味道,食起上黎鬆軟肉味濃,不肥膩,加上本地蛋,蛋味濃郁,拌勻一齊食風味更突出,米飯粒粒分明,加上秘製醬油配飯食,好味到食曬成盒飯!雞肉嫩滑去骨,雞肉濃郁,唔洗另外配醬汁食都足夠燒鵝皮薄肉嫩,估唔到叉燒之外都做得出色主食就要左招牌乾炒牛河,份量十足,牛肉片比得相當多,食到差不多有十片,少油之餘又夠獲氣仲加左木魚花絲,特別多了一種日式風味,食起黎與別不同…查看更多

抗疫尚未成功，大家繼續外賣。碰巧在沙田收工，見到食神大名，勾起了對這套電影的回憶，決定買回家好好品味一番。⭐️ 黯然銷魂飯$79要叫的當然是電影裡面的經典，黯然銷魂飯。這叉燒看上去肥瘦均勻，火候控制剛好。配上太陽煎蛋，一碗美味的黯然銷魂飯就足以帶你來回電影之中了。⭐️食神炒飯$75第二個餐是食神炒飯。叫他是因為被賣相吸引了，但實物竟然也與廣告照一模一樣，令我食指大動。炒飯十分足料，有蝦子蝦仁小蝦，飯身炒得剛剛好，粒粒柔軟分明，十分香口。⭐️豆腐燒腩仔$78另外還叫了個小菜-豆腐燒腩仔，雖然都是用紙碗外賣，但吃起來跟沙煲差別不大。火腩十分夠火候，軟腩腩的吸收了蔥蒜的配料的味道豆腐似乎不是用傳統豆腐，而是用類似玉子豆腐但比玉子豆腐實淨的豆腐做的，味道很好，送白飯一流。飲料叫了鹹檸樂$12和鹹檸七$12，值得一讚的是整粒黃金鹹檸檬，十分足本。…查看更多

這段期間晚上6點後都沒有堂食，只好買回家吃！今次就試試這間有黯然銷魂飯吃的餐廳！點餐後，在店外等了不久便有！正宗黯然銷魂飯，第一次食這個飯，其實就是叉燒加太陽蛋的飯，而這裡的叉燒跟出面有些不同，這裡的用上腩叉，所以半肥瘦很平均，有少少燶邊！太陽蛋因為返屋企的時間耐左少少，所以流心蛋都變熟蛋，再加上他們的秘製醬汁，味道更美味！招牌干炒牛河，都有一段時間冇食啦！這裡的牛河牛肉份量很多而且入味，河粉不會太油，味道剛剛好！燒味雙拼，燒鵝拼油雞，燒鵝皮脆，鵝肉都幾juicy！油雞雞肉嫩滑，味道不會太咸！凍檸樂、凍檸茶，前者是一罐可樂給你回家自己倒，不怕回到家汽水變沒有氣了！而檸茶茶底澀澀地，好有茶餐廳的味道！希望疫情快點好轉，到時便可在餐廳堂食，味道會更正！…查看更多

經過見到好多人叫外賣，於是就試下，食完覺得整體都不錯，員工服務態度好，地方夠大，坐得舒適，之後網上查下，睇到評論意外地較小好評，但相信餐廳已改善了很多，食物質素也完全冇問題，大家可放心去試😉-🤍黯然銷魂飯$79🤍食神炒飯$75🤍燒味雙拼$109-🤍黯然銷魂飯⭐️⭐️⭐️⭐️配料有一排叉燒、一隻蛋、菜心，叉燒既角位有小小lon邊，所以有小小焦香同口感😍仲有蜜汁味，重點有黯然銷魂汁，酸酸甜甜，配飯不錯！/🤍燒味雙拼⭐️⭐️⭐️⭐️叫左油雞同燒鵝雙拼，油雞仲係無骨既Tim，肥瘦均勻😍 燒鵝外層燒得香脆，內裏肉質鮮嫩，價錢合理。-環境：7.5/10服務：9.5/10好味指數：8/10回頭率：7/10…查看更多