暖心芝作

星期日出左荃灣食飯，飯後想食甜品，醒起社交平台同見好多人大讚既暖心芝作。當日大約4-5點去到，keep住有條小人龍，大約廿多人排隊，見每一個客人都係會買黑芝麻軟雪糕，有啲就另外再加芝麻卷或流心布甸，我做咗功課最多人推介都係流心布甸同軟雪糕，所以就決定買呢兩樣。排隊期間係聞到勁香濃嘅芝麻味。黑芝麻軟雪糕🍦（$28）軟雪糕係芝麻味不特止，再額外加咗黑芝麻醬，非常濃郁，又唔會太甜，食完個嘴黑黑小朋友一定好喜歡。流心黑芝麻布甸🍮（$25）口感好綿細密，去到中間流心芝麻醬又係超級香，不會太甜，好enjoy會再光顧，假如必須二選一我會揀流心布甸，如果個胃仲有quota就兩個都試晒啦…查看更多

以石磨方式將黑芝麻研磨🗿並衍生各種甜品(eg.芝麻糊/芝麻雪糕/布甸/豆漿)✿黑芝麻軟雪糕 $28黑芝麻味極濃郁🖤雪糕軟香,帶沙沙地口感,彷如食緊芝麻糊咁😳另在雪糕面層淋上石磨芝麻醬!!直接將雪糕再度昇華!濃上加濃😝🆙…查看更多

一入小店，就是黑芝麻的世界空氣裡瀰漫香濃黑芝麻香氣 🌿每一道甜品 = 一段小故事 📖🍦 黑芝麻雪糕｜清涼＋細膩🍰 黑芝麻卷｜輕盈＋暖心🥣 黑芝麻糊｜濃稠＋安定🥛 黑芝麻豆漿｜簡單＋純粹✨ 天然手作｜無添加｜安心滋味🏆 素食展專業評審獎🌟 米其林必比登推介📍 荃灣路德圍運通街6號地舖⏰ 最佳時刻：飯後來一份雪冰，把今天溫柔收尾 💖🌟 米其林必比登推介📍 荃灣路德圍運通街6號地舖⏰ 最佳時刻：飯後來一份雪冰，把今天溫柔收尾 💖#香港美食 #香港探店 #黑芝麻控 #荃灣美食 #香港美食#香港探店#香港生活#香港旅遊#香港旅行餐廳#營養健康早餐#香港打卡##香港購物#香港拍照#餐廳推薦#道地人美食#早餐#香港工作#香港生活#快餐#本地人愛吃的店#隱藏式美食#香港餐廳#黑芝麻#黑芝麻丸#黑芝麻糊#芝麻#芝麻糊#荃灣…查看更多

今日喺荃灣有嘢做 之後都係約咗幾個朋友早咗做完 朋友到咗就一齊食車仔麵先食完經過見到呢間 其中一個朋友食過大推佢話另一間分店要排好耐隊 但當日冇長隊..因甜品係第二個胃 我哋食咗以下幾樣嘢食- - - - - - - - - - - - - - - - - - - - - - - -1. 石磨芝麻糊碗嘢深灰黑色 表面少少反光質地都幾光滑 好似融咗嘅朱古力慢磨工藝令質感細膩到「無渣」但又見到一點點黑芝麻 入口即化好濃芝麻香氣 天然微甜 唔會好甜2. 黑芝麻軟雪糕質地軟綿柔滑 食落係冇冰晶 融化就後好似芝麻糊咁濃稠食到好多黑芝麻嘅顆粒感九蒸九曬工藝帶出少少焦香 面頭仲有淋上石磨芝麻醬淋成個口感就係黑芝麻味爆炸濃烈3. 黑芝麻豆漿聲稱有煲足兩小時 質地厚實卻不黏喉仔細睇係有啲細點黑芝麻喺入面豆香同芝麻香平衡得啱啱好 冇豆腥味可能加咗蕎麥 微甜中又帶啲麥香同埋佢有植物蛋白配方 好啱養生人士4. 流心黑芝麻布甸布甸表面光滑如鏡 好似燉蛋一樣嫩滑挖開流心緩緩湧出 流心醬帶啲黏稠感係有驚喜到我 係枇杷蜜同芝麻醬整成外層醇厚微苦 有枇杷蜜清甜平衡膩感同埋佢係低脂配方 食完冇罪惡感XD 5. 芝麻粉最後買咗包芝麻粉 諗住平時沖嚟飲用明顯係純石磨研磨 細膩粉末又冇結塊冇一般市售嘅「粉感」 唔會溶化…查看更多

呢間小店啲黑芝麻產品好出名，我就係嚟食黑芝麻軟雪糕。去到門口，見到條約十多人嘅人龍，原來係排隊買芝麻卷（每日12點至19點，每小時得25盒，每人限購一盒）。睇吓時間，差幾分鐘就18點，數數條隊嘅人頭，唔夠廿個，即刻排隊。黑芝麻軟雪糕（$28）第一啖咬落去，嘩，不得了，有驚喜。黑芝麻味超濃，好似食緊一碗勁香勁濃味嘅芝麻糊。因為軟雪糕上唧咗一圈嘅黑芝麻醬，所以將濃度再提升。軟雪糕又濃又香又滑，配埋脆口嘅雪糕筒，好耐未食過咁高質素嘅軟雪糕。十級推薦。黑芝麻菲林卷（$25）一盒六小條，表面洒上少許白芝麻。入口時仍然微溫，咬落好有彈性，口感軟滑，芝麻味濃，甜度適中，味道不錯。…查看更多

前日（15-2-2025 Sat）晏晝，同老公食完晏同甜品後，行到過嚟呢邊，見天氣熱熱地，就索性行埋嚟之前老公想食嘅呢間買芝麻雪糕食，嚟到時見到有人龍，但都照排隊啦，見到唔止有年輕人排，重有中年，甚至老人，竟然咁吸引。喺等嘅時候，睇吓menu有咩買同價錢係點先，排到舖面，見到有個電動石磨，磨𡁵芝麻漿出嚟。到我哋喇，我就買咗三樣嘢，$18.00嘅黑芝麻豆漿，$28.00嘅黑芝麻軟雪糕同$25.00嘅流心黑芝麻布甸，原本都想買埋杯庄硬雪糕返屋企，但我哋冇冰袋喺身，怕會溶，所以唔買啦。買完食得，黑芝麻軟雪糕面上淋咗啲黑芝漿，食落，黑芝麻味道夠濃又唔太甜，口感係軟滑，感覺輕盈唔太heavy。5分返到屋企，即刻雪住唔兩樣，到食完晚飯，就攞流心黑芝麻布甸食，呢個味道都濃唔太甜，但唔算好滑，可能始終會有小粒，而流心餡杰到好耐至滴到一滴（Openrice取消咗上載影片功能，令我唔可以上載芝麻流心慢慢滴落嚟嘅片），流心份量唔算多。4.5分最後黑芝麻豆漿，到夜啲至攞出嚟放暖少少飲，買嘅時候，店員有問要無糖定低糖，我揀低糖，倒出嚟時唔杰，飲落，芝麻味唔太濃，豆味，好似冇乜，成個飲落口，似水還水，芝麻還芝麻，溝唔埋分開嘅感覺，唔通因為少甜？我哋覺得唔好飲。0.5分不過為咗健康，始終低糖會好啲嘅。…查看更多

終於開左入黎荃灣喇，身為半個荃灣人嘅我，一開張即刻要去幫襯，試左黑芝麻軟雪糕、芝麻糊、菲林卷、無糖黑芝麻豆漿。黑芝麻軟雪糕：黑芝麻醬點綴左黑芝麻雪糕，令到芝麻味更加有層次，但$28有啲少貴芝麻糊：買個時佢岩岩入盒，返到屋企食仲係暖暖的，勁濃芝麻味，真材實料，唔係出面啲芝麻糊咁水流流，$30 okay菲林卷：每個鐘頭限量，因為人手即時整，不過個人唔鍾意個口感，唔爽口，太淋，$25試一次無妨無糖黑芝麻豆漿：因為個人飲野全部走甜，所以無試少甜，呢個豆漿正常無乜特別， $15可以接受…查看更多