Wingman (船街)

我朋友勁鍾意食雞翼🐥既然係咁梗係要同佢一齊去食吓「雞翼放題」睇吓究竟可以食到幾多啦😆我哋揀咗🔟款口味仼食，每次可以點最多5⃣️款，每款4⃣️隻，而飲品就任飲。🔟款包括：BBQ蒙古燒烤味(孜然香及微辣）、泰式甜辣醬、紐奧良香粉(好似食緊辣薯片咁😆)、黑芝麻海鮮蜂蜜 (🈶️d似中式甜醬海鮮醬嘅味道)、水牛城醬、死神醬(唔食得辣所以無點)、BBQ咖啡香味 (有炭燒香味)、巴馬臣芝士蒜蓉味 (雞翼上面鋪滿芝士碎，加埋蒜蓉好惹味）、田園風味 (又係好似食緊薯片咁，不過係洋蔥酸忌廉味😍）、加勒比海香辣雞 (酸酸甜甜帶微辣，仲配埋菠蘿粒，幾特別)。另外亦加咗3⃣️款Dip，大大兜都只係$20/3碟🤩店員介紹話藍紋芝士傳統上用嚟點「水牛城雞翼」，又真係好夾喎～芝士嘅奶油味平衡左水牛城醬嘅酸，食落亦🈚️咁辣👍🏼黑松露蛋黃醬睇🉐️唔係街外現成嗰啲，🈶️好香嘅黑松露味又creamy。至於是拉差香甜辣醬都幾特別，係泰式風味醬，微辣之餘又甜甜地，點邊款都啱😉食完之後計過數，我哋喺9️⃣0️⃣分鐘內食咗4X隻雞翼，個桶仔🪣內嘅雞翼骨成座山咁，睇到都覺得誇張🤣🤣…Read More

💛 Bookmark咗呢間Wingman好耐, 終於去食啦, 佢出名雞翼放題, 可能大家都唔陌生, 發現佢6/6 - 13/6推出"Crunch Time" Burger 買一送一, 仲有埋薯條, 抵食又好食過某全球大型連鎖店啦!😋😋先講下佢個雞翼放題, 黎到Wingman梗係要食雞翼啦, 佢分別有3、10、17款口味既All You Can Eat Wings set 選擇, 我就揀咗中間嘅10款口味，每款4隻，每次可叫5款口味，食到你唔想食為止🤣🤣🔸 超值雞翼放題 (10款口味- $178/ $198) 星期1,2,4去食會再平D- $178, 我星期日去嘆就$198, 仲包埋free flow selected beer/ soft drinks/ iced lemon tea🥤, 真係食多多都唔怕太熱氣呀XD 有幾款我幾鍾意:✨"黑椒檸檬"惹味得黎酸酸地, 加埋黑椒更帶出香味~✨"黑芝麻海鮮蜂蜜" 男朋友好鍾意呢隻口款, 我覺得食落好似腸粉d海鮮醬XD✨"巴馬臣芝士蒜蓉味", 蒜蓉味好濃, 我本身好鍾意蒜蓉調味, 加埋芝士味幾出 同淡淡 parma ham味, 超愛!✨"田園風味" 唔太濃味, 平凡得黎又幾好食, 覺得食到咁上下, 用黎中和下口味係唔錯!✨"蒙古燒烤味" 用上羊肉燒烤常有嘅孜然粉, 唔會過咸, 幾香口~另外有幾款特色口味, 我都覺得值得一試, 不過order一次就夠晒~😝☕️"咖啡香味", 咖啡味超出, 唔算太苦澀, 但我平時唔太飲咖啡, 如果係咖啡控就一定要試下!🌶"死神醬" , 一見到呆咗, 唔止面頭鋪滿紅辣椒碎, 仲有滿滿嘅辣椒醬, 我食一啖就頂唔順, 男朋友食咗成隻, 辣到講不出聲, 好在有free flow drinks XD🤤🤤食得辣嘅朋友一定要挑戰一下!😝😝🔹 Chicken Burger ($78- 發現有期間限定買一送一)有辣有唔辣, 我食唔辣, 雞好大件好厚, 幾嫩滑又冇雪藏味, 仲有埋薯條, 好食過X記好多!😌買一送一真係勁抵呀, 要去試下啦! 😍😍…Read More

之前在中環食過一次，今次在灣仔樓上酒吧不同的主題又不同風味。[服务铃]服务：有中外語言服務，因為地理環境在皇后大道東同船街轉角，果個地方附近的位置一直都是酒吧外籍人士居多的休閒聚會地方。負責帶位的是一個外籍女服務員，雖然帶住口罩但都有聽到努力say中文的問候。因為樓下已經聚集不同的吸煙區，以及外籍飲酒。所以我地選擇在樓上景觀位都不錯的地方，有吧台，以及卡座。今次見到有個雞翼放題，128，178，250不同主題放題雞翼，無限續杯飲品。A朋友鍾意雞翼，每次燒味都只食雞。因為擔心食不多因此試了178的套餐，有11種不同口味。|蒙古燒烤以及蜂蜜芥末^蒙古燒烤風味係以前傳統羊肉燒烤有孜然粉味道，白芝麻密密麻麻中和口感相對比較適中不會過咸。蜜糖芥末就honeywasabi譯名，原來仲有紫薑伴碟有喜歡辛辣就口感重味少少。|巴馬臣芝士蒜蓉^巴馬臣芝士碎末灑落入雞翼上面，偏甜而有少女下午茶的風情。|黑芝麻海鮮蜜糖^起初在檯面見到這張鋪住的餐台菜單。不同口味介紹，黑芝麻呢款擔心中伏不敢多叫，但試左一次原來黑芝麻的濃郁香味就類似蒙古燒烤的白芝麻一樣，調味香濃。另外都有左美國風味以及田園風味。十一種口味不同的料理令到普通雞翼大放異彩。我地每個人差不多都食左15隻雞翼。食完才感慨，雞翼原來都可以有咖啡味道，芝士味道，黑芝麻等等。…Read More

最近疫情緩和，相約朋友到灣仔逛逛，順道嚐嚐久違的雞翼。過了午餐時間，店內下層還是坐滿人。旁邊通往上層的樓梯，有一個充滿玩意的巨型霓虹燈「一齊叫雞」，配合餐廳的主題。既然是吃雞翼的專門店，雞翼的味道怎可馬虎。雞翼分乾身和濕身，依乾與濕的特質配搭各種調味，乾身的味道以各式調味粉和芝士碎為主，而濕身則以醬汁作調味。我們各選了一款乾身和濕身的雞翼，嚐嚐兩者的分別。在乾身雞翼中，我們選了巴馬臣芝士蒜蓉味($69/6隻)。撒上巴馬臣芝士碎，吃下一口，一次嚐遍雞皮的香脆、巴馬臣芝士碎的軟滑和蒜蓉碎，雞肉、芝士和蒜蓉三種濃烈而各有不同的味道充斥着味蕾。香脆的雞皮包裹着多汁嫩滑的雞肉，口感的對比比較明顯。而在濕身雞翼中，選了黑芝麻海鮮蜂蜜($69/6隻)。加入蜂蜜和海鮮醬的雞翼吃來甜甜的又鮮嫩多汁，與乾身雞翼不同的是醬汁能滲入雞皮。海鮮醬常用於乳豬、北京填鴨等食材，這次用在雞翼上是一個新嘗試。外層的海鮮醬與內裏鮮嫩多汁的雞肉相輔相成，黑芝麻則作點綴，味道還是以海鮮醬為主。甜薯薯條($55)，連一碟醬。甜薯薯條量多，甜薯多了一點甜味，十分香脆，吃多也不覺膩。另外點了一碟墨西哥煙椒乳酪醬($10)拌甜薯薯條，蛋黃醬味較重，非常好吃。…Read More

同事話我知灣仔船街有間美國餐館WingMan主打食雞翼，於是我約了靚媽同事放工一齊去試。小店位於船街樓梯口，由合和中心向金鐘方向行就看到的啦^^ 訂枱18:00，到達後由門口望入只見四、五張方枱，還以為只適合2-4人的小聚，入座後發現人客愈來愈多，原來行入去還有幾張大枱，人多座內堂，私隱度即時提升^^WingMan除了最出名的翼煲，還有三款set餐：分別18、24以及48隻雞翼加配菜，我同朋友2個人就order 最basic set 的18隻。雞翼可自選3款口味，乾身Dry Rub、濕身Saucy口味超過20款，味道別具風味，左揀右揀後柯打了咖啡香味、黑芝麻海鮮蜂蜜以及蒙古燒烤由最淡味的黑芝麻海鮮蜂蜜開始，屬偏甜味雞翼醬汁，雞翼表皮掃上蜂蜜、撒上香口芝麻，好味鍾意惹味的朋友，蒙古燒烤味雞翼，焗至脆邊的外皮，咬一啖，香料味道慢慢滲入喉嚨，愈食愈滋味過引Tɪғғᴀɴʏ同朋友一樣愛飲咖啡，叫了一款平日較少見的咖啡口味雞翼，聞確有淡淡咖啡豆香，但入口沒太大驚喜，咖啡味只留於外皮，但不得不讚是每款雞翼都肉質嫩滑，大細適中，把酒閒聊確實爽爆別忘記套餐跟一款配菜，食得多肉要補纖維菠菜甘藍沙律兩款蔬菜都高營養價值，高鐵質高纖維，Balance一下身體邊食邊傾，時間過得好快啊…Read More

今天安排提早收工，喺灣仔附近行逛一會便收到老友記電話都喺附近， 即興就喺附近食個tea。喺船街行到上去皇后大道東， 沿途都有好多特色食肆， 本地特色小店， 感覺頗優閒～餐廳地方唔太大， 其中一角係 小型吧檯， 特色嘅牆壁， 七，八十年代唱片封套作裝飾。店家招牌主打當然係各式各樣唔同做法嘅雞翼。 主要分乾身(dry rub) 和濕身（saucy) 的。款款都好想試～ 『黑芝麻海鮮蜂蜜』酒滿粒粒黑芝麻， 混入海鮮味醬料， 加上蜂蜜， 唔會過甜又夠滋潤， 味道豐富， 所有雞翼选用法國雞翼， 醬汁亦冇蓋過雞肉本身嘅鮮味！👍 另一款選了『 黑椒檸檬』 乾身嘅做法， 熱辣辣炸起， 外皮一啲都唔乾唔油膩， 好厲害！ 雞皮部分已經好入味， 醒神嘅檸檬酸再加鹹鹹哋嘅黑椒， 衝擊味蕾之餘更令你吃不停口！ 佩服咬落之後雞翼還有肉汁， 店員都話經過反覆嘗試，找出最好的製作方法以達到最佳效果！讚！一路食腦裏面仲好想試其他款式～ 因為做得太美味啦！Lemonade 味道清新， 配滋味嘅雞翼一流！午餐原來也很抵食😋還有多款醬汁可供選擇。 睇嚟我要試一次雞翼放題才可一嚐心願～❤️❤️…Read More