花斑茶社 (Smithfield Walk) (已結業)

Bookmark咗花斑茶社好耐，有日去堅尼地城食晏，咁啱喺街見到有人拎住幾杯黑糖珍珠奶茶外賣，原來附近都有，就決定食完晏去買珍奶飲。天氣熱經常心思思想飲台式飲品西環呢間分店位於商場地庫，所以落單後可以涼住冷氣等，啱晒我呢啲怕熱怕曬嘅人。餐牌上都有好多選擇，原來仲有芋圓食，而且有奶茶底，好吸引，下次真係要試下！第一次幫襯所以揀咗餐牌上「精選推薦」嘅黑糖珍珠烏龍奶茶，少甜少冰🧋落單後等咗幾分鐘就有，好有效率。由於叫咗少冰，所以喺底嘅黑糖珍珠微暖，好香黑糖味。咬落煙韌，軟硬度適中，而且份量都好足夠，配埋少甜嘅烏龍奶茶，稍為攪拌一下，令黑糖珍珠食落唔會過甜烏龍茶同奶味好平衡，烏龍茶醇香得嚟唔會過濃下次再經過花斑茶社會再試下其他款式，同埋奶茶底嘅芋圓。

【黑糖珍珠烏龍奶茶】💰$26 係我最鍾意嘅珍珠奶茶黃店💛 嗌咗走糖 但有黑糖掛杯 所以甜度啱啱好👌🏻 黑糖甘甜有少少蜂蜜味🍯唔係化學死甜味👅 用上鮮奶同烏龍茶底🍵 好濃厚😍 茶味好岀但都冇蓋過奶香味🤤 最驚飲水汪汪嘅珠珠奶茶🤢 但花斑嘅奶茶係飲到底都好濃郁🥰 珍珠Q彈黑糖味濃 粒粒分明super chewy🤩 唔會煮到一patpat🧋 之前做過學生優惠只係$18一杯 嗰排成日飲變🐖 經過嘅話可以支持下 🎗 另外仲有四間分店：尖沙咀荃灣北角新蒲崗🤙🏻📍花斑茶社 (西環)西環堅尼地城士美菲路45-51號Smithfield Walk地下5B號舖

朋友介紹之下便黎試一下此店的珍珠奶茶，店面小小卻大排人龍，是因為黃色經濟圈的緣故嗎？試一試他們的飲品再講。一啖試飲便覺好飲，雖說我事前確實叫了少甜，但茶味香濃，卻不覺苦澀，焦糖味香甜，卻不會太重，粒粒珍珠相當有咬口，煙煙韌韌，沒有生粉味道，淡奶香滑，勁易上癮，想飲完再飲。再加少冰，相當的消暑解渴。再說佢個杯既外表素得來甚有格調，在他們的招牌面前拍個照打個卡都好IG-able。

懲罰黃店，支持黃色經濟體💛今次嚟到西環遊順便幫襯本土小店飲珍珠奶茶。靚女店員話最受歡迎係黑糖珍珠烏龍奶茶 ($26)，咁我哋就叫咗杯，另外叫咗黑糖珍珠厚鮮奶 ($30)。鮮奶好香濃，烏龍茶嘅茶香都好出，甜度恰到好處，啲珍珠仲好彈牙。店舖同一般奶茶舖一樣間隔細小，但所有牆身都用盡空間做連儂牆，仲有隻可愛pepe 💛。翻查資料，原來花斑茶社並非台灣進駐，而係香港人花過百萬自創茶飲品牌，係正宗的香港本土品牌，雖然冇台灣品牌的光環，但每一啖都是香港精神！更值得支持💛。

我唔係一個成日寫食評嘅人，每次只有非常好味而服務又好嘅食店，先值得我花時間去表揚。花斑茶社嘅黑糖珍珠烏龍奶茶，係我覺得全香港最好飲嘅珍珠奶茶，回想起第一次同媽咪一齊初嚐花斑茶社，飲第一啖，我哋兩個即刻瞪大眼叫出嚟：「好濃茶味呀！」黑糖珍珠烏龍奶茶嘅烏龍茶底非常清香，而且珍珠煙韌得嚟一咬即斷，唔會好似膠咁咬好耐先斷，所以肯定消化得到，最重要係難得少有可以走冰嘅茶店，d 冰唔會溝淡晒杯奶茶，啱晒重口味又鍾意飲茶嘅我，簡直係 Perfect！試過一次就會愛不釋手，覺得香港其他我試過嘅珍珠奶茶都係冇乜茶味…每次再去花斑茶社，我都冇再試過其他飲品，因為忍唔住必飲黑糖珍珠烏龍奶茶！今朝喺西環睇完醫生，就買幾杯返公司比同事試吓，坐喺我隔離嘅同事每飲一啖就講一次：「好味！」、「d 茶有回甘㗎！」，另一個坐得遠嘅同事就 Whatsapp 我講咗幾次好欣賞 d 茶味。美中不足係花斑茶社好少分店，唔係咁易買到，我又唔係成日會去西環，所以每次都要隔好耐先飲到一次，真係好吊癮！！！另外，有幾次放工特登由鰂魚涌去西環買飲品再轉車返屋企，但去到都話黑糖珍珠賣晒，要等45分鐘先有…希望呢一點可以改善吓，我明白店員想保

今日天氣非常炎熱，適逢路過堅尼地城既小小地下商場Smithfield Walk, 見到間新開張既珍珠奶茶小店，就來試一下吧~~睇完個飲品menu, 就叫左一杯招牌凍飲- 「黑糖珍珠烏龍奶茶」，要正常糖，正常冰，價值hk$26。比完錢，大概等左5分鐘就可以取走。由於太口喝了，我大啖大啖甘飲，入口黑糖味不錯，黑糖味都算特出，比傳統既台式珍珠奶茶既味濃一點點，奶茶既奶味香滑，同烏龍茶嘅淡淡清香味配合得非常之好，整體來講，無論甜度，濃度，冷度都調教得非常恰當。之於珍珠，入口尚算彈牙，不過個人覺得珍珠個size可以再大粒少少，會更加有咬口，而且珍珠同奶茶既份量都可以再多少少，因為飲完一杯好似覺得唔係好夠喉甘呢!!~以hk$26呢個價錢來講，如果杯珍珠奶茶可以再大杯少少就完美啦!!~