新仙清湯腩咖哩專門店 (已結業)

今日食既係連續四年獲米芝蓮推薦既清湯牛腩店，唔洗等位，只有三，四枱客人，地方唔算大，裝修好有舊香港既感覺，價錢平民貼地。1.招牌清湯腩飯 $55美味指數 : ⭐️⭐️⭐️⭐️佢名就叫清湯，但我覺得似味精湯，牛腩都有牛肉味，肉質適中，唔會過淋又唔會過硬，非常有咬口，一碗大約有七，八塊牛腩，蘿蔔都有四，五舊。2.腩汁淋甜蘿白 $16美味指數 : ⭐️⭐️⭐️⭐️⭐️煮蘿蔔個湯底非常清甜，唔似有味精，同清湯腩個湯不一樣，令蘿蔔更加清甜，感覺非常健康，一碗大約七，八舊蘿蔔，讚讚👍🏻3.黑白胡椒煨牛尾 $34美味指數 : ⭐️⭐️⭐️汁會有少少辣，對少食辣既我都不大問題，辣既程度可以接受，重有濃濃既胡椒味，牛尾會有d牛羶味，每碟大約有七，八舊。環境 : ⭐️⭐️⭐️⭐️服務 : ⭐️⭐️⭐️價錢 : ⭐️⭐️⭐️⭐️⭐️美味 : ⭐️⭐️⭐️⭐️新仙清湯腩咖哩專門店 (油麻地)油麻地砵蘭街37號地舖…查看更多

旺角油麻地呢頭有間米之蓮牛腩，門口出面已經聞到牛腩嘅香味，搞到我好肚餓。一坐低就嗌咗個全牛宴，sy上咗個小食，牛尾半肥瘦，只係用黑白胡椒同少少辣椒調味，清清地幾好味！牛坑腩河粉原來有六、七舊牛腩咁多，有好多牛筋，口感夠爽，肉夠鬆化，蘿蔔亦索晒啲腩汁，好少係街食到啲咁正嘅牛腩！超超超好味！咖喱三寶有牛脷、牛肚同埋牛腩。份量夠多，每個餸都有三四件，香濃咖喱味，用嘅係巴基斯坦咖喱，送飯送牛腩都好好食！！…查看更多

做咗成日嘢，全日只係食咗一個早餐，到暈！一收工就即刻搵嘢食！途經哩間清湯腩，見到門口貼住連續幾年米芝蓮得獎就入去試下佢到底係龍與鳳！咖哩牛腩飯，咖哩汁係比平時食開果啲深色，而且係辣中帶少甜，我食小辣，辣度剛剛好，再辣就食唔到，牛腩有牛味，而且幾腍，唔會極都吞唔到，果然係牛腩專門店！薯仔好粉好好味！我通常食咖哩飯比較著重係啲薯仔，好多時寧願少肉多薯，所以哩度嘅薯仔加分！平時食牛尾都係紅酒煨，哩度就用胡椒煨，牛尾好重胡椒味，exactly係胡椒豬肚湯果隻味，牛尾雖然煨得唔係超腍，但味道同口感仍然唔錯。麻辣雲吞，我揀咗小辣同麻辣醬分開上，小辣已經超辣，辣過咖哩飯！雲吞細細粒，一啖一粒，皮薄又滑，饀亦好鮮味，我反而覺得唔點麻辣醬就咁食仲鮮味！…查看更多

上星期上完堂後, 便去了位於油麻地的新仙清湯腩咖喱專門店食午飯. 這間店來頭不少, 連續四年得到米芝蓮的推介, 當然要一試這裡出名的牛腩.店內的裝修充滿懷舊色彩.餐牌中也有介紹牛腩不同的部位, 客人可以因應自己的口味而去選擇.最後, 我選了一級坑腩米線.另外, 也有不少小食, 我點了黑白胡椒煨牛尾和蜆芥炸鯪魚球.店員先奉上黑白胡椒煨牛尾.我自己鍾意食牛尾, 但以黑白胡椒整法, 也是首次食.牛尾夠腍身, 入口充滿胡椒的香味, 帶幾分辣, 辣度剛好, 夠醒胃.味道調教適中, 幾入味, 四件真係唔太夠食. 一級坑腩米線.坑腩部位是半肥瘦, 肉質夠鬆軟, 好腍身, 啱晒最鍾意食腍身質感的我, 若想有點咬口, 爽腩會啱晒多一點.入口時帶有幾份肥肉, 多了一份甘香味道. 米線軟硬度適中, 帶微微口感.蘿白也不要錯過, 吸收晒湯和坑腩的精華, 所以夠鮮甜, 而且蘿白入口無渣. 蜆芥炸鯪魚球.上枱時熱辣辣, 即叫即炸.有些店舖為了減低成本, 用少些魚肉, 這樣鯪魚球出來效就唔太好食.而這裡的魚肉份量較多, 入口相對較彈牙, 較有口感, 魚味較濃.單食的時候, 鯪魚球味道較為淡口, 若加了蜆芥汁, 能夠提升鮮味, 入口時感覺有所不同.…查看更多

米芝蓮除了推介高級食府外, 更會推介平民食店, 有平又有貴, 難怪成為食客的搵食指南。在砵蘭街看似一碗普普通通的清湯腩, 竟然連續四年都獲得米芝蓮推介, 成為殿堂中的一二。 足見大眾化的食肆只要用心, 那夥星星也可摘取。新仙清湯腩 - 從油麻地地鐵站口走過來只是一分鐘不到的路程。裝修過後的"新仙", 走懷舊香港路線:黑白照, 鐵窗花和鐵閘, 摒棄從前那茶餐廳的風格。午飯時間過後仍然座無虛席, 很多都是慕名而來。一碗清湯腩索價過百, 很進取呢, 雖然想試, 還是叫上經濟一點的常餐。招牌清湯牛腩河 $45據說食店的牛肉是用上本地黃牛, 格外鮮嫩。這碗選擇了瘦腩, 碗內的牛腩軟綿腍滑, 肉質條理分明, 炆得可口又入味, 牛味香濃又帶點點嚼勁, 令人回味。湯很鮮甜濃郁, 不太油膩, 似沒有味精的加入, 除了散發牛骨的香味外, 還有鮮甜醇厚的肉味, 更有微微冰糖的甜味, 非常不錯。 河粉口感乾淨利落, 確實比其他粉麵店好食, 值得一讚。墊底還有角白蘿蔔，軟腍入味又夠清甜, 好好食。鎮店牛雙寶湯河 (牛腩+雲吞) $52沒想過雲吞會是新仙的鎮店之寶, 於是好奇下一試。這碗牛腩要了半肥瘦, 牛味濃郁, 夾帶的油脂甘香豐腴, 軟嫩鮮香的牛腩彈牙糯口, 輕輕一咬就鬆開了。一碗三粒的一口雲吞細細粒, 雲吞皮非常薄滑, 內裡包有蝦和豬肉餡, 蝦粒爽口不錯。不過相比起, 牛腩才是名副其實的鎮店之寶呢! 這亦因為三粒雲吞而沒有加入白蘿蔔, 非常遺憾啊!!黑白胡椒煨牛尾 $34另外也嚐嚐店方的推介 - 煨牛尾。呈上時已聞到香濃胡椒味, 吃下強烈並帶辣, 更去除那腥味, 牛尾炆得剛好, 又不會過腍, 肉質有嚼口還帶少許膠質, 不過份量較少。一般粉麵店較少吃到煨牛尾, 這看似較西式的部位, 新仙也做得不錯呢。凍檸賓 $6即沖的利賓納稍稍偏甜, 勝在有檸檬中和一下, 而且夠凍, 可以降一下溫。蜂蜜咸檸 $6蜜糖的甜加咸檸的酸, 悶熱天氣中為之精神一振。光顧當日剛巧碰上食店的冷氣壞掉了一部, 以至不夠涼快, 熱辣辣的吃著牛腩麵, 汗流浹背, 一邊撥扇一邊吃麵非常忙碌, 大叔店員見狀, 放下一把芭蕉扇給我們, 小店的人情味真叫人窩心。…查看更多

聽人講左呢間米芝連食店好耐今晚終有機會拉埋表哥仔陪食到底有幾耐未試過兩條友一齊坐底食飯呢餐廳大約6-7張枱左右點選了$88一人餐再加其他野食一人餐包咖哩牛腩飯+兩款小食+菜+飲品先來主角咖哩牛腩 牛腩非常軟林咖哩味十分香濃 帶有微微嘅辣 送飯一流麻辣牛脷同釀青椒 俾人食晒🙄我地另外叫左蝦籽雲吞麵麵底超爽口 雲吞皮薄蝦肉超彈牙 正👍🏼最尾加左個黑白胡椒煨牛尾牛尾超香濃胡椒味 煨到肉質軟林好食 不過略嫌份量太少😅…查看更多

這一段街的食肆最近開了一間又一間,最新開張的這間就是和對面街店一樣的賣清湯腩!這裡的賣點是客人可選牛腩–肥、瘦、爽、淋的任何部位(不過部份要加錢)而且食物種類更多.黑白胡椒煨牛尾----聞起來有頗濃的胡椒味道,但吃來又是另外一回事.牛尾都尾得好緊要下!細件得可憐,大小像手指公般粗的多,肉已經少還要炆得並不入味.牛爽腩河----湯底味淡口偏薄,但出奇地帶甜味,看來"師傅"幫了不少忙,蘿蔔淋而不甜.牛腩質感算ok不過又是同一問題---味道淡.河粉貨源麻麻,入口嚡及容易折斷,想夾起的話揸筷子都要幾叻!鯪魚球粉絲----體形比沾仔記更大件,但入口欠彈性更有點削,要命的是腥得厲害及有碎骨!粉絲太硬身,差些咬也不斷.金牌咖喱薯仔牛腩----自稱都是巴基斯坦式咖喱,選擇了要大辣,出來的樣子也和亞龍的有三分像而且碟頭更大,餸料更多!咖喱汁一樣是下了大量洋蔥粒及南薑去煮,但欠缺了亞龍那種複雜的香料味道.薯仔軟淋好吃,可以自選部位的牛腩只揀了普通,出來效果質感不錯,不黐牙!以此價錢來說實是交足功課.冰糖薏米水----瞌上眼喝的話會以為是一杯微甜的冰水!一點薏米的味道及丁點黏的感覺也沒有.收起牆上當眼處的馬評吧!看完再吃只會帶來反效果.突然發現這裡的餐牌菜式原來和生龍差不多是一樣!牛腩表現算不錯但在這區賣$28一碗......祝君好運!…查看更多