豚王 (香檳大廈)

#豚王拉麵 提供紙巾、水，環境算舒適，另收加一服務費～#黑天拉麵 #🍜 #豚王拉麵 #墨汁拉麵 #墨魚汁 #黑魚汁拉麵 $97薩莉亞的墨汁意粉味道，熱湯濃郁得來惹味～選了小辣不會膩，而且辣度是很多人都食到～可以選擇麵質的軟硬度。肉類有簡了腩肉薄片，勁肥美😂有3片，肥到好濟...另外+$17一粒溏心蛋，好吃服務質素：7/10環境舒適度：7/10ᶘ ᵒᴥᵒᶅ個人口味評分：8/10#food #hkfood #hkfoodstagram …查看更多

同朋友去尖沙咀行街，行到攰就諗住去食拉麵，咁諗住去豚王食，點知朋友同我講佢搬咗舖，好近我哋行街嗰度，好彩朋友提醒如果唔係就去咗地方！咁去到新嗰間豚王，見到鋪內面積比以前大好多，而且d位都坐得舒服咗!咁我一向都淨係食豚王，而我朋友就食黑王，而我就突然好想飲啤酒，見佢有個高知縣柚子手工啤酒，好似好特別咁就試吓啦！雖然佢搬咗舖，但拉麵嘅水準一樣咁好食，湯底夠濃厚！如果手工啤酒亦都好好飲，聞落陣柚子味超香，飲落就覺得啤酒同柚子陣味好夾！…查看更多

第3次黎食啦～上兩次試左豚王同翠王一直都覺得黑王個賣相...好擔心會食到好冇儀態..同埋驚食完會成口黑哂好驚清潔今日終於忍唔住試左然後發現！黑王係3種入面最最最最好食嘅個湯好濃好杰好香啲麵掛湯力好強 每一啖都可以食到好香濃嘅湯味用匙羹不埋湯就更好食啦～但我本身食得比較淡 對我黎講鹹左少少食左大半碗麵同湯之後會有啲口渴不過真係好值得推介！！Ps 食完除左嘴邊有啲湯跡之外 啲牙係安全嘅 唔會黑哂 大家可以放心去試…查看更多

記得豚王以前總店係中環，聞名已久。而家有好多分店係香港之外，有時返大陸食野都見到。唔知點解而家越開越多呢第一次食未有叫豚王，叫左黑王，黑王既湯底係濃濃既黑蒜油，湯麵上都有一大匙既黑蒜。原本水狀既湯底，撈勻全部黑蒜之後，變得有啲＂杰＂，好似乳狀咁。而每食一口拉麵，每條麵條都會掛上黑蒜湯底。但由於湯底好濃郁，味道稍咸，但未至於要不斷灌水。配菜有黑木耳絲同椰菜，可以略為減去油膩感。而本身叉燒油脂分佈平均，入口鬆軟。雖然高峰期未試過，唔知有冇退步，但今次體驗唔錯，湯底令人留下深刻印象。…查看更多

黑王 $96墨黑色既湯底由墨魚汁製成 加上日本傳統黑醬 同香味油(揀左濃) 味道真係好濃烈👹蒜香突出 特別在於有肉碎 食落口感更豐富 木耳絲亦好爽脆 肉可選腩肉或肩肉 腩肉既脂肪同肉層層分明 油脂味甘香 不過湯底有啲過鹹 食完有少少口渴.翠王 $96呢款湯底比較特別 原味豚王湯底加上橄欖油 再加埋大量既芝士粉🧀配合羅勒葉🥦味道香濃 同黑王既濃香味好唔同 橄欖、羅勒同芝士香配合得好好 而肩肉肉質軟腍 無腩肉咁多油脂 幼身既拉麵好掛湯 每一啖都食到湯底既香味🤓另外仲加左隻糖心蛋(+$17) 略嫌唔夠入味 但流心程度滿分☺️…查看更多

本身和朋友想去第二間鋪頭吃晚餐突然經過見到未有人排隊 所以就入去食首先揀咗自己想食嘅拉麵食拉麵我個人喜歡豬骨湯底湯底非常濃厚 加了小小辣 啱啱好份量都比較大 我和朋友都食唔晒💁🏼‍♀️朋友揀咗呢個湯底我哋都不約而同地加咗流心蛋呢個係一定要加 好食！反而令我失望嘅係呢塊林左嘅紫菜🤕但整體來講係好食嘅！…查看更多

講都冇人信，講左想食豚王咁多年今次竟然係第一次來。下午6點半到店，對面霸嗎人龍好長，反觀豚王門可羅雀，店內只有三兩客人，不禁感歎一番香港地果然競爭激烈日新月異。兩個人一個點左豚王一個要黑王，都加左溏心蛋，最後加多份柚子味醬油餃子王。豚王：湯底好濃厚，唔會過鹹，超硬麵確實幾硬，但未至於食落覺得半生不熟，食到後面就變左普通硬麵。因為我真係太中意硬麵，哩個硬度我中意黑王(普通醬油，多香油，多蒜，1辛，腩肉，太麵，硬度普通)：同其他地方嘅黑蒜油麵唔同，可能因為有墨魚汁同肉碎，飲起身層次比較豐富，蒜味當然也比較弱。溏心蛋係真係好出色，甜甜地，個流心好正。至於個餃子，皮薄肉多，皮唔算脆。相當普通，唔值得試。其實一直都唔算好中意拉麵，尤其大部分拉麵店都係幼麵，又冇得揀超硬，好多時候我會忍唔住覺得同上海麵區別唔大，所以實在冇咩興致。所以可能就係咁，豚王反而好啱我口味。豬骨濃湯&超硬太麵，完全同上海掛麵區分出來。飲完最後一啖邪惡的濃湯，真係一個美好的夜晚。(離開果陣見到對面的霸嗎依然長龍中.....食過兩三次霸嗎始終冇咩深刻印象，各花入各眼，只能說豚王啱好係我杯茶？…查看更多

夜晚八點樂去完美麗華行街，原本諗住去試霸嗎拉麵，點知去到見到門口排哂長龍，正諗緊轉唔轉場行遠小小去棉登徑豚王，正考慮之際見到對面馬路原來開咗間豚王，仲要難得地竟然無人排隊，今日下晝已經好想食拉麵，個天都咁幫我無理由唔試啦，雖然佢個招牌都幾顯眼，但係個門口位都幾細，要上一層窄長樓梯，上到去已經有店員招呼我地，唔洗等就有位，間鋪唔算大，目測計埋吧枱應該大約40個位咁上吓，位與位之間唔算迫，起碼唔會黐到密質質食都食得唔舒服，每張枱都有紙仔俾你揀咩湯底、濃度、配菜、麵嘅種類同埋軟硬度，同一蘭差唔多，佢有五種唔同口味嘅拉麵選擇，其中一款好似係期間限定，我地兩個人去食，因為我地都唔算太餓，所以只係按住自己喜好揀咗兩碗拉麵，無叫其他小食，我叫咗碗辣味軟身幼麵濃湯底，而另一碗就叫咗墨汁拉麵硬身扁麵，硬身爽口彈牙，可能我叫果碗本身就已經辣，叫咗二辛雖然食完未致於成頭汗(我都算食得辣)，但係飲埋湯到食完之後隔成個鐘個胃都仲辣辣地，配菜方面豚肉同椰菜份量略嫌小咗啲，食幾啖都已經食哂，我本身超鐘意食拉麵，豚王嘅拉麵味道都算唔錯，就算我唔食嘅墨汁我試咗兩啖都覺得幾好味，下次再去可以試埋啲小食。…查看更多

下午來到豚王新店, 要行一層樓梯上一樓, 裡面鋪面明顯比第一代港島店闊好多。坐左張2人枱, 餐牌依舊, 有豚王, 赤王, 黑王, 還有限定口味, 每日限售20碗!自己比較喜歡食硬身扁麵, 選了肩肉和腩肉, 糖心蛋。下午茶時間客人唔多, 落單和上菜都好快。登龍街和加連威老道的拉麵店競爭越來越激烈, 豚王新店走日式風格, 食物水準能夠維持, 不過不失。**想在乾淨闊落的地方食個麵, 加連威老道豚王不錯!…查看更多

豚王 - 黑王星期六行過The one, 見到Bari-Uma對面開左間豚王、打對台、睇黎新戰場！上次食過尖沙咀Bama, 遲黎先上餐、感覺唔太好！所以試下新對手豚王新店水準！黑王保持一向的水準、層次感十足、重口味人士必食，細麵選擇了超硬、很有口感！而且上菜時間10-15分鐘、整體上感覺很好！可惜溏心蛋不如以往般滋味、蛋白位置也呈現水狀、而且很微冷！平時食開豚王都必叫蛋、可以話香港拉麵界頭幾名好食、試業期間唔會要求太苛刻、希望正式開個陣保持一向水準。食豚王必須加辣芽菜、提升整體用餐感受！必食！！那霸睇黎遇上勁敵啦！哈哈…查看更多