龍璽酒家 (已結業)

上星期日放假去左行西九龍M+博物館湊熱鬧, 行完就去左ICC龍壐食左個lunch. 佢午市選擇都幾多, 價錢雖然偏貴, 但勝在用料講究, 手工精緻. 我同朋友叫左叉燒腸粉, 黑松露素粉果同魚湯花膠泡稻庭麵. 腸粉口感好滑, 配埋芫荽, 豐富味道. 黑松露配素粉果呢個組合我都係第一次試, 有好濃既黑松露味, 個皮又唔會太厚, 值得一試! 花膠泡稻庭麵個魚湯一D都唔腥, 配埋大大塊花膠, 為我個午餐畫上完美句號! 一邊居高臨下咁望住對面維港景, 邊嘆住精美既點心, 簡直係人生一大享受! 有時間一定會再嚟食過!…查看更多

以前做過嘅公司冬至都會去飲茶，呢間都唔例外，但選擇嘅地點就好特別😍~以前d公司只會揀近公司嘅普通茶樓，絕對唔會咁有heart特登車我地黎咁遠食😢,真係好佩服老闆and老闆娘對食嘅要求and口味and對員工咁好👍👍👍好喇,廢話少講~去相~仲有叉燒包，$50 3個好食過平時d叉燒飽~雖然餡料應該同出面嘅茶樓無咩分別~總括黎講,食物質素好高,環境超正,服務態度有善，價錢就。。。都幾貴😛…查看更多