洛煮意 (已結業)

同朋友shopping，逛到旺角新之城地下，發現有一間主打意粉的小店，店內裝飾雅緻舒服，好想坐下呢入到餐廳感覺好relax，細看餐牌圖文並茂，單看圖片已被吸引，忽然覺得很肚餓，樣樣都想吃。薯條炸得不油不膩，微微金黃軟硬適中，用金屬籃子盛載，很別緻的。流心芝士大燒菇，上桌時覺得似漢堡包，夾層是燒菇和鴨胸肉，杰杰的芝士汁像熔岩般傾瀉，睇到已經流晒口水，吉列外皮又脆又香，估唔到芝士鴨胸又得喎，加埋大啡菇juicy爆汁，啖啖芝士香，加埋菇菇汁直達口腔，值得推介。人氣蜜糖雞肉三文治，未食落肚見到都好味，多士先掃過蛋漿才烘培、夾層雞肉、番茄青瓜沙律菜、外貌吸引兼且份量十足，最正係D蜜糖淋上層層疊的三文治外面，第一啖似食西多士，再去食落又似食公司三文治，多重口感真係好味到暈，我封佢係全場冠軍蒜香配合清甜的鲜蜆，加入菇菌，輭輭的又有咬口，混入青醬的意粉，每一啖都散出淡淡的香草味、簡單的料理，清新嘅味道，而且感覺較輕怡健康。天使麵是用湯底煨煮過的，吃得出很入味，黑松露香味很搶，駁一口creamy 嘅天使麵中和一下，胃口就按耐不住，我倆就吃得飽飽的大滿足。飲品嘅名稱真的美極了，藍天白雲和粉紅戀人色調迷人，味道甜甜的原來係水果味乳酸，好睇又好飲今日行下街，食下嘢，唔覺意又撞到呢間餐廳，味道好價錢又唔貴，原來真係會特別開心的，大家下次到旺角，不妨試吓呢間洛煮意…查看更多

旺角、太子、油麻地一向多野食...行完街想掃街之制就醒起旺中都有唔少小店！一心預備去搵下食掃下街咁，上去新之城之前見到扶手電梯口的旁邊有條小人龍...突然又覺得幾吸引...決定揀間可以坐低慢慢食唔掃街嚕！餐廳十分開揚⋯係出面望入黎既話一眼就望晒⋯用上白色的主調襯托一些西方的格調及擺設⋯顯得在旺中這個中下消費區裡也有一間有質素的西餐廳！:)門口擺放左一些мenυ…告訴你主打是海鮮拼盤、意粉、小食、三文治及甜品等等⋯座位閣落梳化位舒服⋯每張枱都有適合既距離⋯мenυ選擇還好⋯不會太心大心思⋯見到每樣既價錢$50-60起⋯其實真的挺便宜⋯尤其係食西餐呢頭盤來一個海鮮拼盤 $168足夠既二人份當中有款不同海鮮...每款都各一或以上...有蜆、鮑魚、蝦、青口、帶子、龍蝦我最喜歡就是蝦及帶子因為比較大隻同鮮美較出...蜆就一般！唔夠味可以點醬汁...餐廳將tabasco 同黑椒碎加入茄汁食落幾特別...但偏辣的！真的想不到這間小小的餐廳還可以提供到海鮮的選擇呢！都抵食既！意粉點了黑松露忌廉野菌天使麵 $83唔係好多餐廳有得食天使麵...通常意粉及闊條麵居多天使麵軟硬度適中，啲黑松露汁掛晒係啲天使麵條之表層...非常香濃...唔會覺得太膩至於野菌數量可以再多一點...因為唔係好夠喉啊！！！還有一個跟主食無樣的香烤蜜糖芝士牛肉三文治 $78…呢個係成餐晚飯最讚的⋯為什麼？因為首先我是個麵包控 對著這個方包皮被浸過蜜糖又用雞蛋煎過的麵包真係好想快點放入口⋯食落唔係脆口係少少腍身像french toast似的甜甜哋再配埋入面咸咸地既牛肉、生菜、蕃茄、蜜糖！又真係好夾好開胃！個肉用左免治牛肉所以好重牛味！整體幾有口感同埋有點菜會減低油度⋯⋯不錯不錯呢個三文治真係會食完好飽架！建議女生ѕнare食喔熱辣辣行到攰最後來一杯凍的芋香珍珠奶茶 $26一開頭叫少冰少甜⋯雖然芋香味好香⋯但冇得少甜就有點失望！因為真係好濃味⋯珍珠粒數好多！夠晒食呀一整晚都人流滿滿想必第一個完因是十分就腳第二個原因價錢算接受到而食物、環境都不錯吧...傾一陣計又過左個輕鬆愉快既晚上啦！行完即刻有得食！開心！…查看更多

今日和姊姊在旺角逛街，經過新之城有一間西餐廳佈置幾特別，環境幾舒服，午餐價錢很划算，還可自由加配食材，選擇非常多，價錢由$10-$38不等，又可以優惠價$18加小食，我們選了脆炸雞翼和凱撒沙律，午餐包熱飲一杯，加$18更可享用特飲。脆炸雞翼 賣相精美，雞翼外脆內嫩，加上酸辣醬，真的不錯。凱撒沙律 沙律菜很新鮮，份量也很多。藍天白雲、粉紅戀人 藍天白雲顔色有點迷幻，喝時帶點乳酸味和白桃味，但味道比較甜。粉紅戀人有石榴和白桃味，味道也很特別，但同樣也是比較甜。黑松露忌廉野菌天使麵 $65的黑松露忌廉野菌天使麵，我另外加了虎蝦、帶子和露荀。虎蝦很新鮮，帶子則略略煮得熟了一點，忌廉汁比較少，天使麵腍了少少。煙三文魚蟹籽忌廉天使麵 姊姊叫了$58的煙三文魚蟹籽忌廉天使麵，另外加了虎蝦、牛柳粒、帶子和露荀。虎蝦很新鮮，牛柳粒大約煎至五成熟，所以很腍滑，帶子也是煎得熟了一點，三文魚卷成花朵狀，忌廉汁比較少，天使麵份量超多而且腍了少少，所以我們也吃不完。…查看更多

旺中可說是讀書年代的回憶，今日難得經過這邊，發現在這個熙來攘往的商場內藏著一間小清新cafe - 洛煮意。小店面積不大，座位排得比較密，但氣氛閑適自在。餐牌頗多選擇，而且價錢經濟實惠。脆脆扭紋粗薯條 $26就是平時在茶餐廳常見「波浪型」薯條，勝在炸得很脆，份量又夠多。小食拼盤 $78一碟有齊脆炸雞翼、薯角、德國脆皮腸及脆炸流心芝士大啡菇，份量澎湃，足夠兩三個人share。一切開大啡菇就會湧出流心芝士，十分邪惡，不過也實在是太heavy，吃完四分一已覺得很滯膩。我自己就比較喜歡薯角，炸得外得內軟，酥脆又香口。香烤蜜糖芝士雞肉三文治 $68叠得高高的三文治，內裡夾著雞扒、生菜、芝士及蕃茄，餡料豐富，不過雞扒略嫌鞋口，肉質未夠嫩滑。三文治是以西多士的做法所製成，將麵包沾點蛋漿再落油鑊一炸，麵包本身容易吸油，所以油膩是在所難免的，可惜裡面的蕃茄生菜出水，加上被蜜糖淋濕了，有欠脆口，反而令麵包口感變韌。黑松露忌廉野菌天使麵 $73麵量出乎意料之外的多，吃完一定會感到十分飽足。可是黑松露缺了本身應有的於濃郁馥香，忌廉汁調味偏淡，天使麵亦煮得過於軟身，口感不夠Al dente。 朱古力奶蓋 $24表層鋪滿厚厚柔滑的奶霜， 朱古力味夠香濃。紫薯奶蓋加珍珠 $27紫薯味不太明顯，而且珍珠煮得過軟，口感不夠Q彈。…查看更多

旺角中心近年黎，不停地進行革新，不停有餐廳及小食進軍旺角中心 。今次就黎到位於新之城既洛煮意。地方唔算太大，但勝在座位擺設岩岩好，令到坐滿都唔會太擠迫。老闆娘親自在餐內招呼客人及落單，仲親自向客人介紹唔同既食物 盡心盡力，所以餐廳內人客都係坐滿的。幸好我到既時候仲有一兩張枱。黑松露忌廉野菌天使麵，相信大家一聽到忌廉已經覺得非常之膩，但相反煮得啱啱好份量唔會太多而且意粉唔會因為忌廉而變得一pat pat，份量啱啱好食完唔會覺得太膩！重頭戲黎喇原隻虎蝦配忌廉番茄闊條麵，因虎蝦制作需時所以會比較耐少少，但食到好既食物，係需要忍耐一下。闊條麵煮既軟硬度剛好，口感唔會過淋，不得了，而蝦既鮮味出曬黎，，一黎蝦係爽口彈牙，加上忌廉番茄汁簡直係無得頂，可以話有100分！係飲品方面朱古力沙冰嘅濃度簡直係甜到入心，而拿鐵濃濃既咖啡香味，一飲入口，走到全身，十分醒神！…查看更多