小糖鈕甜品專門店 (已搬遷)

好耐無去過元朗, 行左好又拖住1大1細要搵個地方休息下, 記得明渠個邊有B仔, 原來已經無左, 隔離有間甜品店, 色彩鮮艷, 仔仔已經狂指住COLORFUL的鈕形圖案, 就落腳試下.MENU上的甜品全部都好精緻, 好似去左酒店食甜品一樣. 花多眼亂.不過唔駛怕, 原來有甜品拼盤, 化解曬所有《選擇困難症》問題. 另外還點了一個果茶.甜品拼盤叫為﹝大糖鈕特選拼盤﹞, 一共有8款甜品, 其中5款係MENU上可以單點的, 另外3款係神秘甜品, 日日唔同, 呢個IDEA幾新鮮!賣相極靚, 碟上還畫滿了不同顏色的花紋, 灑上乾果, 焦糖脆脆, 鈕形朱古力等等, 好似藝術品一樣!1 - 黑加侖子拿破崙Topping有一個拿破崙圈圈, 仲有2條士多啤梨蛋白棒, Base是酸酸的黑加侖子MOUSSE, 質地有點似硬身的雪葩, 又酸又香又有不同口感, 好玩好味!2 – 燒焦蕉杯內有香焦芭菲, 朱古力Brownie同埋焦糖香蕉, 仲有少少脆朱古力粒同一片薄脆係面, 全有野一匙一齊食, 蕉味滿口, 香蕉永遠都係同朱古力最夾! 蕉迷一定要試!3 - 神秘甜品 – 桂花杏仁奶凍Topping係麻薯粒加酥皮碎, 下面係奶凍, 桂花味比杏仁味重, 麻薯煙韌加上奶凍幼滑, 雙重質感.4 – 意式蕃茄芭菲個樣睇落以為係士多啤梨, 一咬就有驚喜! 原來係蕃茄, 十分清新, 估唔到有人用蕃茄黎做甜品, 清新的蕃茄味, 仲有一大片蛋白餅, 亞仔一手已經羅左蛋白餅黎食.5 – 神秘甜品 – 紅酒燴無花果用了原粒無花果, 加入紅酒去燴, 連裡面都滲滿了紅酒味, 勁多汁! 酒香滿載但又唔會醉, 好得意.6 -富士蘋果撻蘋果撻上有烤脆了的蘋果絲, 下面有金寶脆脆, 蘋果粒及雲呢拿雪糕, 呢個甜品有齊冷熱脆軟, 可惜食2下已經食曬, 太好味!! 大件少少就好了!7 - 神秘甜品 – 楊桃芒果爆珠奶凍TOPPING都有已烤脆的楊桃片, 下面有什果粒粒及爆珠, 味道更為清新.8 -雜莓芝士忌廉杯小小的高杯裝了3色的MOUSSE, 最頂係士多啤梨醬, 有藍莓及黑莓, 呢款甜品都幾甜, 配番花茶飲就最好.果茶有不同味道揀, 有D係fruity味, 有D係花香味. 店主會沖滿一JAR, 2個人都夠飲!店舖細細, 甜品真係好似藝術品甘精緻, 大人細路都食得好開心!…查看更多

前幾日去左小糖鈕食野 同朋友慶祝生日 見依間既甜品好有特色 擺盤又靚 諗住俾個生日high tea驚喜我既朋友座位吾多但4點依啲時間無乜人同fd吹水 gossip gathering又幾爽 仲有earlybird discount!!大糖鈕拼盤 $198創新滿分 有6款menu上既甜品再附加3款廚師發板神秘甜品 甜品都就係令人甘心癢癢 伴碟仲有啲朱古力鈕扣同啡色既糖(激似樂家杏仁糖既內層) 岩晒嗜甜人士 入面既menu甜品有：燒焦蕉杯 黑加侖子拿破崙 玫瑰荔枝燉蛋 富士蘋果撻 雜莓芝士忌廉杯神秘甜品：楊桃芒果芭菲 咖啡杏仁奶凍 綠茶檸檬蛋糕 但係會每次吾同架 可以抱住期待甘等佢上枱入面我最愛就係楊桃芒果芭菲 少見楊桃做甜品 加埋大愛芒果爆珠 感覺爆珠經常出現係甜品入面 仲有上面既楊桃乾都好正 同水果乾一樣 甜甜地又食到楊桃味個拿破崙環就好似杏仁酥個個酥既味 配住酸酸地既黑加侖子平衡番又幾正喎依個甜品多人分享都幾有趣 又岩晒我依啲對住menu 1516既人 每樣試小小更加滋味:) 入面吾同既甜品吾係每款都岩你口味但多人share既時候 你又岩一樣我又岩一樣 泥一次有趣既gathering佢既飲品都好特別 平時見人用乾冰外用噴煙就見得多啦 但原來內服都一樣得 乾冰沉底噴泡帶煙 食甜品前比較鍾意蜂蜜桂花茶:) 甜甜地香桂花味 味道單一但清澈 但後方既小糖鈕特飲就相對特別 清涼有啲番石榴味 令我諗番起台灣飲既芭樂汁 食緊甜品時飲都味道突出 相反蜂蜜桂花就會變淡朋友生日 依個價錢又ok wo 仲試到甘多甜品…查看更多

聽朋友講元朗有間好特色的甜品店,所以今日專誠來拜訪一下,到了元朗都揾了好一會,原來在大坑渠附近,見到店舖了,立即推門進去,坐下。店舖用上了橙紅色為主題,吊燈也是用了五顏錄色的鈕扣,令人很開心和舒服。店舖內,外都有坐位,相信是方便吸煙的顧客。 靚仔老闆就給餐牌我們看。原來星期六,日會提供tea set 至到6點鐘,咁難得今次可以order,所以,我們便叫了個Tea set,老闆推介了特飲....La La La La La , Wolfberry and Pink Guava.La La La La La ,這裏是將蘋果混合椰子。 看下去好純潔的白色,沒有放太多的冰一起,可以飲到好清香的椰子味,餐廳用了玉桂加在此杯飲品,很配合。Wolf berry & Pink Guava , 一送上,好似仙境咁,餐廳將乾冰放在杯底,有煙不斷昇上,估唔到甜品店都有這種特色。未曾飲過用杞子調製的飲品，杞子並沒有什麼味道,但飲到蕃石榴的香味。好有創意. 飲完後,杞子肉還留了在杯邊,用料十足.下次必定來吃個大糖鈕拼盤.等了一會,Tea set 送上Tea set 有7 款小食.鬆餅和三文治各有兩件,其他各一件,　鬆餅,是暖的,好香牛油味,配上花香味士多啤醬,和忌廉,吃上去不會太乾.煙鴨胸青瓜三文治,裏面青瓜,和鴨胸切了幼粒,方便進食,加上了沙律醬,這個很清新.一口一啖啱啱好美國芝士蛋糕,這個不似一般的那麼硬身,但也有很香的芝士味,面頭放了一粒黑朱古力的糖鈕,苦中帶甜.　蘋果金寶,面頭有好多牛油粒,撥開了,發現裏面也有很多蘋果粒,很香脆,細細杯,吃完都唔覺好漏.什莓芝士忌廉杯,分開了4層,面頭有紅莓和藍莓,顏色好靚,芝士忌廉有少少甜,配了莓的酸味,啱啱好.朱古力Brownie,朱古力不是太苦,有大大粒的合桃,很香口,中和了朱古力的味道,今次配合了白朱古力在面頭,黑和白形成一個強烈對比.吞拿魚卷,這個也是暖的,牛油鬆皮很多層,很脆,夾了些吞拿魚在內,一款好好食的小食.吃完後,感覺"耳油未盡",問老闆還有什麼其他甜品,於是,他又推介了這個小糖鈕精選拼盤這個真是不得之了,每個做型都佷特別, 全個碟的食物都可以吃,包括了所有的裝飾.除了兩個杯之外. 這裏有大,小糖鈕精選拼盤,分別係,大糖鈕有多3款神秘甜品,每日有3款唔同的甜品,等顧客每次嚟吃都有神秘感.脆焗南瓜肉桂芝士卷,外皮很香南瓜味,外表焗到啱啱金黃色,好脆,裏面啲南瓜芝士蓉,又好香滑,南瓜味沒有比芝士味蓋過.　意式蕃茄巴菲配紫薯慕思,這個要快些食個蕃茄巴菲,因過了一會,蕃茄巴菲會溶,很有蕃茄酸酸甜甜的香味,紫薯慕絲,有好滑,好香紫薯的香味,蛋白入口即溶,不是太甜.小糖鈕森林(白朱古力忌廉及意大利黑松露配橙香燉蛋),很得意,真是像一個森林,樹枝用上了黑朱古力,白磨菇就是蛋白加糖霜,還有意大利黑松露配橙香燉蛋,好少吃黑松露配上甜品,第一啖,覺得怪怪的,但吃下去又覺得好好味.還有些金寶放在燉蛋上,平時只是吃燉蛋,今次配合香橙,好特別,有兩個唔同味道.黑加侖子拿破崙,拿破崙做了一個圓環,比平時見到只是方形的嚟得有創意黑加侖子毛士,不會太甜,蛋卷脆脆的,但比起拿破崙又是另一種脆的感覺.70%特濃朱古力配黑椒脆片,面頭紅色的是甘荀絲做的,食落很香好煙靭,黑椒脆片,帶些少微辣,朱古力毛士用了法國的朱古力,苦度及香滑到恰到好處.這裏每款的甜品,都有至少包含兩種味道以上,有唔同的層次,平均都是30元一款,但做型每款都用過心思,每款都是迷你版,可以試不同的味道,剛好和好友一起分享.因不是食甜品的黃金時間,所以老闆有時間和我們閒談,原來這店舖已開業1年多,全新一年,老闆將大部份的甜品都改了現在的款式,不是不受歡迎,因仍有些舊客想食往年的甜品,因這裏的甜品每個都有特別做型,所以,老闆堅持不做外賣,寧願賺少啲,都不願意影響甜品的質素。傾談下才知老闆往時是在文華及半島酒店做廚師,唔怪得這裏的甜品做得咁出色,雖然這裏沒有中式甜品,但老闆用了多種中式的素材做甜品,如杞子,紫薯,甘筍等.今次吃了接近十種甜品,好滿足.…查看更多

很多時候晚上經過這裡，總是滿滿的人潮等候進內。這天，特意與朋友於下午時間拜訪這間人氣頗高的甜品店「小糖鈕」。「小糖鈕」這個名字也十分易記，店內的怖置、配搭均與其店舖名字十分符合。下午時間幸運不用等位便可入內，抬頭望望，連燈罩也給七彩繽紛的衣服鈕所包圍著。發現紙巾上也印著小糖鈕標誌，證明店舖在細微地方上也悉心裝扮過，紙巾上也不忘留下印記。冰鎮玫瑰荔枝燉蛋從侍應手上端上來時候，已開始感受到眼前視野煙霧瀰漫，瀰漫之際散發著陣陣芬芳的玫瑰味。未吃前，視覺已得到充分的滿足，完全沒法想像燉蛋也能創出其他的味道來，創意十足。先嚐一口，發現不是一般普通燉蛋的厚身質感，反而像在吃奶酪似的，細滑無暇。士多啤梨、荔枝果粒混合在一起，產生一種清甜感覺，很適合這個春夏季節時份。玫瑰花以蘋果皮來製作，非常有心思，脆口無比。黑加侖子拿破崙外表已非常吸引眼球，一般只有在酒店才會出現這樣的擺設，光研究如何擺法應該花了不少心思。環狀型的酥餅，吃下去鬆脆可口。藍莓、紅桑莓均勻分怖在表面及內裡。粉紅色長條味道是甜甜的，與下層夾著各種莓的情況下一起吃，顯得相當有層次感，比例均衡酸甜適中。若單是吃下層，酸度便會較為濃烈。香檸薄荷梳打又是煙霧彌漫的時候，店舖連飲品也能做到這種效果，完全是驚喜。這些效果全是因為飲品加了乾冰的效果。青檸薄荷葉配搭，味道清爽自然，帶點青檸雪碧的味道，因採用新鮮薄荷葉關係，薄荷味道相對輕微。對於向來不太喜好薄荷的人，會因而喜歡上這款飲品。元朗原來隱秘有這一間高水準甜品，在質素、賣相下，價錢相對合理，無論甜品、飲品均看得出是花了不少心思。…查看更多