鹹蛋王@Freshlane (已結業)

姜濤誕將我哋由銅鑼灣帶到去北角🥳，行到攰就喺附近買埋嘢食先返屋企。城市花園有Freshlane，即刻上網睇吓有邊間食肆加盟。我見到有間叫「鹹蛋王」嘅餐廳，而且經網上落單滿$100可享半價優惠🈹！顧名思義，佢主打嘅就係鹹蛋黃菜式。Creamy Salted Egg Chicken Bowl邪惡鹹蛋醬炸雞粒飯($68)，🍳鹹蛋黃醬絕對係精華所在，醬汁分開上以保持炸雞粒乾爽。炸雞份量幾多，皮脆肉嫩。鹹蛋黃醬流沙效果一流🤤，佢帶少少甜味，唔係得個鹹字，邪惡得嚟令人好喜歡。東南亞特色嘅飯當然亦唔少得太陽蛋️同青瓜蕃茄☀。Butter Soy Pork Bowl醬油炸豬飯($64)，小店賣嘅食物款式唔多，口味有三款，肉亦有三款揀。第二碗要咗醬油豬🐷，豬肉質硬少少，甜豉油唔會過重口味，加上配合埋煮到淋晒、入晒味嘅洋蔥，整體唔會比鹹蛋黃失色。Salted Egg Chicken Wings黃金炸雞翼($34)，🍗一客雞翼有四隻，每隻都好肥美。調味同樣係用上鹹蛋黃醬，所以味道唔會讓人失望。題外話，Freshlane嘅經營模式好新穎🤖，雲端廚房基本上全個取餐過程可減省人手嘅部份。總括嚟講，呢間流沙鹹蛋王專門

鹹蛋王係一間以多款鹹蛋王做菜式嘅外賣店。佢同其他外賣店最大分別，係佢冇實體店，而係同Freshlane(雲端廚房)合作。雲端廚房係一種新興概念，佢係一個有齊裝修設備嘅共用廚房，可以俾創業新手租用，餐廳可以慳返大量嘅店租同裝修費，租用雲端廚房製作美食，再放上外賣平台賣。因為成本比實體店低好多，所以哩類租用雲端廚房嘅食店定價都會比其他有實體店嘅食店更吸引。之前喺IG見倒佢新開張有買滿$100減$50優惠就一於試下。網上落單後喺指定時間黎Freshlane。上到去會見倒個取餐櫃枱，前面有部平板電腦，只要揀餐廳名同按指示輸入所需資料，就可以喺旁邊相應嘅儲物櫃拎外賣。外賣會一早pack好同有埋餐具。黃金炸雞翼($34)  - 雖然炸雞翼拎到返屋企都有少少腍左，不過食得出炸皮唔會太厚，同埋蘸埋個鹹蛋黃醬食依然係咁邪惡。醬油炸雞飯($64) - 醬油炸雞食落鹹鹹甜甜咁，雞肉唔會太乾，另外仲有煎蛋、番茄同生菜，份量睇落唔算好多，但食完都好夠飽。黃金醬炸蝦仁飯($88)  - 炸蝦仁飯同樣另外跟左黃金醬，蝦仁炸皮雖然腍左，但食落都爽口，黃金醬好多，蘸晒蝦仁都仲有淨，要黎撈飯超正。總結，由落單到拎外賣都唔