築地番本日式放題

番本係我一直都想試既放題, 而呢期仲加入左好HIT既蒸氣火煱, 即一個價錢可以滿足晒兩個願望, 點忙都要抽一抽時間黎朝聖下啦...其實大鄉里既我係第一次試蒸氣火煱咋, 所以仍然有新鮮感...好期待呀~~ 呢度除左比其他放題餐廳多左蒸氣火煱物, 其他放題餐廳有既呢度基本也有, 選擇都不小呀!正!!好快待應就送上個煱同夾子來, 還有ORDER左既火煱物, 只可惜今晚無蠔, 唉~~蒸氣火煱既好處就是可保留食物原有既鮮味, 我就特別喜歡海中蝦, 又夠大隻又新鮮, 食落爽口又彈牙, 帆立貝也是不錯既選擇, 同樣都好新鮮, 又唔怕靭, 白蜆都鮮甜, 但就細左DD, 而肥牛還是用作打邊爐會好一點~~ 沒有蒸蠔, 唯有叫黃金焗蠔黎滿足返我想食蠔既瘾先, 蠔面層既芝士燒得又幾香, 低層就是千層醬, 但蠔又唔會燒得太乾,超好食, 已一叫再叫... 放題必食既當然係刺身啦!! 而刺身必食既當然係大大隻既紅隻同帆立貝啦!! 刺身有一定既水準, 肉質新鮮, 味道鮮甜, 前後食了兩轉刺身啦!! 另外只要LIKE一LIKE佢地FACEBOOK 既FANS PAGE就可以每人送上成隻手掌甘長既刺身紅蝦一隻, 份量十足, 口感一流, 又勁彈牙, 勁想食埋朋友個隻呀, 哈哈~~而熟食方面除焗蠔, 我就比較喜歡明太子醬焗帆立貝, 帆立貝混沙律醬加明太子又想不到如此夾, 小小辣, 食落幾特別, 唔錯唔錯!! 還有牛舌, 配合調味粉, 令牛舌食落特別野味, 以上已ENCORE兩三次了...其實二百幾蚊可以食到放題加蒸氣火煱真的食到返番本了, 大滿足, 飽到行唔郁甘濟, 捧住個肚走...哈哈!! …查看更多

每星期的飲食雜誌，出現最多的想必是放題廣告。其中新開了一段時間的築地番本聲勢算數一數二。在旺角濕平完才五點幾，早已想了吃放題的我倆便決定早點吃，一來可以早點回家，二來早點吃較便宜約20-30蚊呢！由於我們真的很早，在桌椅排得密密的店內，彷彿有點包場吃放題的感覺。(笑)吃放題，重點是刺身，所以坐下的首要任務就是先試試所有刺身。整體上刺身水準都是不錯，其中油甘魚油香最為豐富，口感不俗。只是八爪魚及玉子切得有點薄身，有點失色。由於擔心壽司的飯會很大粒，所以只點了創作卷物。芝味牛肉卷滿滿芝士香氣，而鵝肝帶子卷滲出淡淡羶香，一口一粒的花之戀口感也夠豐富。放題水準高低，很多時取決定熟食的質素，牛油蒜香炒帶子及和風牛肉粒惹味十足。清酒煮蜆散發淡淡酒香，黃金焗蠔吃到鮮味也是難得。來到燒物似乎有點失色，牛舌及豚肉串燒得略為乾身，還好雞中翼及海老串鹽香倒是突出。炸物是常見的吉列蠔、雞軟骨等，也嚐了炸甜蕃薯條，不過點了一件卻來了一堆，差點漲了胃吃不下其他東西呢！天婦羅是最考功夫的一環，很多時放題店的天婦羅要不厚粉、要不太硬，很難掌握。築地番本的天婦羅粉漿厚薄算是適中，茄子及南瓜仍見濕潤。當中小弟首次見到甜粟天婦羅，感覺有點像平時吃開的粟米芯，吃來雖然滿口粟米的香甜，但口感偏硬。吃得熱氣，試試前菜的沙律及豆腐，也來一碗人蔘雞湯消消膩，蔘味也算濃厚。至於甜品，除了來貨的雪米磁及雪糕，也點了手工的奶凍，奶滑香濃。另外也嚐了炸朱古力香蕉及燒菠蘿，這裡的生果作品也算滿意。值得一提是一般放題較少會有清酒任飲，這裡則供應了清酒及梅酒任飲。不過嘛，最後只喝了菊花茶及忌廉鮮奶。…查看更多

跟同事吃晚飯，地點又是我們熟悉的旺角。今次到了築地番本日式放題。餐廳面積蠻大的，不過二人座位有點迫，餐桌太小了，當食物不停送上時根本沒有位置放下。香芒黃金大蝦卷，築地吞拿魚腩海膽卷香芒黃金大蝦卷，鮮甜的芒果包著炸得脆身的大蝦，美味得我們要多四件。築地吞拿魚腩海膽卷，在口中爆發鮮味的魚子配上吞拿魚腩和海膽，不錯。刺身刺身點了三文魚、劍魚腩、鯛魚、希靈魚、大八爪魚、榮螺、白玉蚌、甜蝦和冰山貝，其實整體都不是太新鮮，得又不夠厚，當中最喜歡的只有白玉蚌，爽口又有鮮味。日式清酒煮蜆蜆肉不夠新鮮，酒味也太濃了。黃金焗蠔芝士汁醬香濃，只是蠔肉比較細。天婦羅虎蝦天婦羅，南瓜天婦羅，剛炸起的，熱辣辣，而且粉不算太多，糖心番薯很甜。烤有機菠蘿甜美多汁的菠蘿。Like Facebook會送八爪魚和綿綿冰。八爪魚新鮮爽口的八爪魚，體積巨大，沒想到送的竟然如此美味。綿綿冰味道很人工，不太美味。以價錢來說其實是非常便宜，不過美中不足是刺身不夠新鮮，希望是個別事件吧，幸好熟食如黃金焗蠔及香芒黃金大蝦卷為其搶回分數。_____________________________我不是好人我未夠好你別投訴如留住我 繼續效勞定有天抵銷得到就怕分手之後 那日還未到…查看更多

我真係未試過食一間放題好野差成咁！！！！！！！！！！！早排睇食評, 見好多人都介紹番本, 咪同男友去試下囉....真係食到一肚火我地9點半到, 人唔多, 因為都幾餓, 所以就好快手叫晒野食, 上菜都好快手先黎既係壽司, 壽司同係爭先食果D差唔多, 基於佢唔算貴, 所以都唔係太反感, 但食食下就有D反感:1. 帶子唔係太新鮮, 食落唔好食2. 右下角果件唔係吞拿魚, 係北寄貝, 正常係1開2架麻, 佢搞到1開4/6咁, 連白色都睇唔到...3. 軍艦D料得一半又要同人講番本, 又要"姑姑寒寒"!!! 之後上左個江戶前黑松露溫泉蛋, 呢個真係嬲都爆, 溫泉蛋, 唔好食唔緊要, 係完全食唔到落肚!! 因為一食落去有陣石油氣味!!!  初初以為係我自己問題啦, 叫男友試下, 佢都食到有味, 我懷疑味唔係隻蛋度黎, 似係個汁度, 陣味唔係臭雞蛋味, 係人地入火機GAS既味, 完全人唔到!! 之後到刺身, 食落唔新鮮唔夠凍, 最過份係個八爪魚, 仲細粒過我手指公指甲!!!! 自家製醋味噌八爪魚, 呢個係我食過最難食既八爪魚!!! 又話係爽口, 食落淋PAT PAT, 個味又"梅", 個醬又難入口, 結果因為唔想浪費食物, 男友啃晒去....一夜干魷魚漬物, 原全冇味!!!黃金焗蠔, 唯一可以讚既只係呢個蠔, 食落好勁沙律醬味, 但有D蠔有少少苦自家製鵝肝多士, 完全食唔到D鵝肝係邊, 成落好似舊式麵包舖D吞拿魚沙律包咁! 鹽燒牛舌, 明明叫鹽燒, 黎個黑椒燒, 同埋燒到好乾日式清酒煮蜆, D蜆有D都冇開口, 個湯甜到痴線! 古法煮牛舌, 我叫既係古法煮牛舌, 而唔係古法煮牛腩, 食晒先得兩舊似係牛舌....汁燒八爪魚丸, 炭燒冬菇串, 只可以話我自己白痴以為汁燒八爪魚丸係人地燒, 入粒八爪魚肉入去果D, 原來係呢D, 一D味都冇....個炭燒冬菇串根本好似燒都冇燒過咁...我係完全難食到食唔落, 男友都係叫多碗"拉麵" 先頂肚 (碗麵超港式) 歷時45分鐘, 真係愈食愈嬲:1. 食野既時候, D人係唔會不斷同你收碗碟, 只會放係2. 睇住佢地執野既時候係推晒枱面既垃圾落地3. 食物異常咁難食4. 到我埋單時, 個經理問我咩事咁早埋單, 知唔知可以食兩個鐘, 問我D野食得唔得?心照啦5. 等找錢等好多耐, 個收銀係有放錢係枱面, 但係另一個經理係度禁電話, 我睇住佢, 等左5分鐘, 就叫個員工找錢, 之後個經理望一望我, 等多2分鐘先找錢俾我....…查看更多

今晚又同朋友黎旺角試下新放題，今次呢間我係第一次食，但朋友話食過好正，於是就帶我地一行4人黎試下。上到去。。嘩。。好多人呀。。好彩book 定左位，環境都算乾淨整齊，坐低之後當然即刻order 野食，呢度野食既選擇都好多呀，最正係可以有埋邊爐打。首先登場既當然係刺身啦，刺身全部都好新增，三文魚好鬼肥美，好多時都係腩位，之後劍魚都係值得推介之一，口感好肥美，好似入口溶咁。之後壽司水準都好高，同板長果d 有得比，以放題黎講算好正，最正係帶子壽司，雖然冇帶子刺身，但帶子壽司舊刺身都超肥美，所以可以補番數。之後炸物都唔錯，全部都炸得好香好脆，最夠要夠熱辣辣，以蝦天婦羅 蟹柳天婦羅 及芝士春卷最值得推介。好小地方有得 食呢隻八爪魚丸，好彈牙及燒得好香。焗蠔都好正，大家食記住要小心d. 因為真係好熱，芝士又夠晒多粟米及雜菌都不過不失，水準都係average 以上。之後牛舌都好正，牛味十足而且口感豐富，食落十分爽口，我一個人食左5串。食到咁上下日本野，係時候打下邊爐，細細鍋好方便，雖然選擇既料唔算多，但大路既都有，而且質素都ok. 食左好多肥牛總括黎講，質素算係相當不錯，而且好小漏單。係值得encore之選。…查看更多

放題的確是一個無懊惱的聚餐好選擇, 不用擔心所點的菜式是否適合對方, 各自各點選心頭好, 雖款式不及自助餐, 但勝在即點即上所需的份量, 既新鮮亦不會浪費。想起一盤擺放得精緻幽雅的雜錦刺身, 便馬上忍不住口……又來到食肆集中地, 旺角有眾多放題店選擇, 今次一試剛開業不久的《築地番本日式放題》。與一般的放題店相同, 不同時段收費不同, 我和友人放工都要6:30pm之後, 故只能在最貴時段入座, 6:30pm-8:00pm為$198, 另加一服務費, 以此定價尚算合理, 不知是否真的可吃到「翻本」呢?餐廳門口擺設了一個小水池, 帶有和風的色彩, 一入門口便設有兩排六人的卡位, 走進內裏地方寬敞, 多張兩至四人移動式的座位, 還間了一個獨立空間供一大夥兒訂座。餐店雖沒有花巧的佈置和裝飾, 但環境乾淨企理, 枱與枱之間又有一定距離, 令人坐得舒適。枱上已放了一大疊任點任叫的紙仔, 還有一張升級體驗宣傳牌, 客人只需加$50便可無限追加多款刺身和熱食。還是先考慮一回才決定是否加碼, 或許選擇單點。不計星級, 食物類別亦不少, A-M共13類, 先在飲品類作揀選, 邊食邊飲才滋味。除了罐裝汽水外, 還有酒精飲品供應, 我和友人都不勝酒力, 但郤獨愛日本冰梅酒, 以一個日式酒瓶盛載, 頗有風味, 其滿有梅香 的甜美, 亦有酒香, 相當容易入口, 一邊吃一邊喝, 不知不覺間添加再添加, 但原來酒度亦不弱, 快快便令我有點醉意……******************************繼上次在另一間吃放題經驗, 發現刺身上枱很快, 而燒物則需等待一段時間, 故今次一坐下先在燒烤類挑選。先有汁燒翠肉瓜串, 兩大件青綠的翠肉瓜 上沾滿甜甜地的醬汁, 燒製的時間剛好, 半腍半爽之間, 咬下去仍存瓜汁, 清鮮美味。******************************接著是鹽燒牛舌, 相信只是輕燒, 並不算香脆可口, 面層輕輕灑上黑胡椒碎 調味, 味道尚可, 質感亦爽身, 不錯!******************************一客兩隻的面豉焗帆立貝體積相當細小, 肉質不算爽口鮮味, 但所調的味道不錯, 鹹鹹香香, 都幾入味, 味道亦不俗。******************************還有黃金焗蠔, 焗至金黃色的外表, 上枱時傳來陣陣芝士香, 挺吸引! 看似頗大隻, 但原來內裏放滿的是鹹香的煙肉、洋蔥絲、忌廉 和芝士 等配料, 蠔肉 雖並不肥美, 但肉質嫩滑, 而且很入味, 與鹹香的芝士伴食, 挺美味!******************************數款燒物當中最討我歡喜就是這道鹽燒三文魚頭, 雖上枱時並非三文魚頭而是三文魚鮫, 貨不對辦, 有點失望, 但其味道和賣相取回所有分數。三文魚鮫燒至外層帶焦色, 魚皮和魚骨同樣香口, 近魚鰭和骨位肉質柔軟, 其餘部份則挺有咬口, 加上鹹香中亦能嚐到魚味, 是今晚最美味的一款菜式, 推介之選!******************************在前菜類點選了兩類, 先是江戶前黑松露温泉蛋, 愛吃蛋的我, 不論蒸蛋、炒蛋、糖心蛋等等, 通通都喜愛, 特別是温泉蛋, 故它是我必定之選。潔白的温泉蛋 浮游在微甜的醬汁上, 頂部放了一些黑松露, 份量合宜, 不會過於濃烈而取奪去蛋香。把極之嫩滑的蛋白 插開, 鮮黄色的蛋黃 緩緩流出, 其滑溜得差點一入口便滑入喉嚨內, 富黏性的蛋漿留在口腔, 充滿着蛋香和黑松露香, 又是另一推介之選。******************************另一款是意式黑松露帶子沙律, 還以為是用黑松露烹調帶子, 但原來只是在沙律菜上加入少許黑松露提味。沙律菜 清新爽脆, 拌了酸咪咪的意大利醋 和幽香的黑松露, 味道挺好, 可惜細小的帶子存有雪味兼腍身, 並不可取。******************************刺身類當中選了三文魚刺身、白肉拖羅刺身、赤貝刺身 及希靈魚刺身。擺設沒有想像中那麼幽雅精美, 只是以兩片葉子作點綴, 簡單平實。四款刺身當中最喜愛是三文魚刺身, 雖其外表不算太鮮紅亮澤, 但肉質肥美柔軟, 魚油脂尚算豐富, 可惜差了一點鮮味。******************************看見升級體驗的日式蟹粥很吸引, 但若然加$50星級版, 全枱人都要一齊星級, 故最終決定單點一窩日式蟹粥 ($23), 吃點熱食暖暖胃子吧!估不到其份量十足, 一眼便看到一個大大的蟹蓋 放在粥面, 而且內存不少甘香的蟹膏, 賣相極吸引。熱辣辣的蟹粥 煲得綿滑, 別以為只是簡簡單單放了一個蟹蓋 和一件蟹腳, 粥內還加入了不少蟹膏碎、紅蘿蔔、蛋白 等烹調而成, 啖啖鮮香美味, 以此價錢卻有此質數, 簡直超值。******************************最後在炸物類中點了一客紫心香芋丸, 圓碌碌炸至金黃色, 賣相可取。其外層炸至香脆可口, 且乾身, 沒有吃至滿口油淋淋之感, 讚! 中間是幼滑的紫心香芋, 帶有芋頭的香甜, 整體甜度剛好, 也是一個好選擇。------------------------------明白剛開業必定需要時間揣摩, 餐店仍有很多進步的空間, 今晚熱食勝一籌, 但對於放題來說, 刺身和壽司始終是重點, 相信餐店多聽取客人的意見, 必能快快改善, 不久便能站穩陣腳。…查看更多