小方糖甜品 (龍崗道)

营业中

休息中

同男朋友食完泰菜，又係指定動作嚟小方糖食甜品，又係指定動作大家都唔記得路，由街頭行到街尾先揾得到男朋友唔食榴槤，所以上次我無試到榴槤甜品，但一直都見到枱枱客都嗌，仲要成間鋪都充斥著榴槤香味，攪到我心思思。今次男朋友好體貼叫我試（其實佢次次都係咁體貼抵錫）我都唔同佢客氣等位期間已經選定咗目標，就係榴華，男朋友依舊揀黃金拿破崙。榴華其實係豆腐花、椰汁沙冰加水晶珠珠，當然唔少得榴槤肉。甜品上枱後，我先响角落頭𢳂咗啖沙冰同豆花比男朋友試，佢話無榴槤味，仲好好味添豆花應該係鋪頭自製，好香豆味同埋夠滑，椰汁沙冰夠香夠棉，兩樣加埋已經好正，最後我再撈埋啲榴槤肉一齊食，真係無得輸。男朋友仲話下次嗌兩份，一份榴槤肉另上，咁我就可以食到兩份榴槤肉喇，哈哈食完榴華仲要等多10分鐘拿破崙先到，唔知係唔係漏單，三件拿破崙有兩件係燶嘅，不過大大份拿破崙都已經好滿足

本身住九龍城，所以成日來幫襯。今次第一次試龍珠，結果好失望，一啲甜味都冇，裡面嘅爆爆珠無味，沙冰無味，龍眼肉輕微甜味，最甜係椰果，但由於大部分料都係無味，所以就算椰果甜都係幫唔到手。同平時一樣都會叫個黃金拿破崙，size大左，但係對於大左size嘅拿破崙芒果就變相好似少左。附上嘅相片系搵左嘅靓位影嘅，所以睇唔出少左。蛋白杏仁霜，味道不錯，但係就杰撻撻，好難入口，所以無吃曬。總括嚟講，感覺好似無以前好吃，今日係平日，應該同因為忙而出品無咁好系無關係。

雖然食到好飽，但既然黎到九龍城，朋友請咗我食生日飯，我又禮尚往來，請返佢地食甜品啦。其實九龍城甜品鋪都係多的是，都無話指定食邊間，只係唸住一路行，見到吸引嘅就入去。「小方糖甜品」入到去啱啱好有張4人枱，行慢一步就要等位 lu 。黃金拿破崙 $38拿破崙賣相吸引，而且有成三條，老闆好大方，實在太抵~ 足夠一齊分享。切落去「咔嚓」一聲，酥皮非常鬆脆，配上面層鮮忌廉、芒果同芒果醬，真係一試難忘，如果入面加埋吉士醬就好喇~蛋白杏仁霜 $30美顏甜品好大碗，差啲滿到瀉，杏仁味濃郁，但唔算幼滑。芒果樂園 $33鮮甜嘅芒果配上西米同口感煙靭嘅小丸子再加上冰凍嘅芒果雪糕，正~芒果班戟 $30皮薄入面芒果好大粒，仲好甜。

同肥柑太係九龍城用完晚膳，意猶未盡下一試當區甜品，就選上小方糖，入內後二人只點一客黃金拿破崙，因為我們已半飽，但想不到仍此甜品的份量實在有點嚇人。黃金拿破崙由三塊酥皮卷疊出來，外皮非常脆不過裡面是空心，所以看起來好像很大塊，口感還好。上面有加有忌廉及芒果，芒果切得OK大塊，底下有芒果醬，可惜分量不多，不足以沾滿酥皮卷，有點美中不足。

踏進店舖內,迎面而來是陣陣焗酥皮的香味友人坐下後立即下單要了個黃金拿破崙而我就要了個朱古力綿花冰黃金拿破崙很快便來了,友人看到這麼大份,嚇呆了因為她要自己一人吃掉呢.其實內裡只是很多層而已若然三人分享卻是剛剛好我嚐了一口,很香脆!與芒果汁很夾而且芒果是甜甜的最終友人還是吃剩了朱古力綿花冰,濃濃的朱古力味星星很脆,只是香蕉有點酸透明小珠子口感很特別,與綿花冰很夾吃完透心涼

黎到9龍城食甜品，事前上openrice 做左功課，入到鋪路，好快咁決定叫芒果蜜糖吐司同 黃金拿破崙。芒果蜜糖吐司個賣相好吸引，但一食個雪糕，伏左，食埋吐司，仲伏，雪糕用維記，吐司係好脆，不過完全冇蜜糖味，而且係凍既，可能之前睇左openrice,對佢既期望好大，食完就感覺好一般。另一個黃金拿破崙，其實係芒果拿破崙，一上檯即刻嘩一聲，好大碟喎，有3大舊。佢個酥皮好鬆化，而且好薄好脆，有微溫，芒果好甜，依個就可以一試。

節日不想外出吃A、B、C餐，KsMeow就在家里弄了一頓簡單晚飯！飯後跟早肥先生到甜品店一嚐拿破崙，為幸福的節日增添一份色彩！到達時已八時多，店內已經坐滿人。非正式統計，由顧客的多寡已可猜到食物的質素，似乎這店的甜品有保證！先點了椰香芒果糯米糍及黃金拿破崙。糯米糍是KsMeow暫時吃過中最薄皮的，里面的芒果夠甜，份量亦夠多！吃時充滿椰香果香！20個大洋有5粒，價錢夠大眾化！．KsMeow大愛芒果，想不到黃金拿破崙份量之大，完全可以用「超抵食」來形容！此店的拿破崙不是傳統法式那種，里面沒有吉士醬，比較像酥皮製品！但懶得去理...其鬆脆酥皮，再加上表面大量的芒果肉和忌廉混著吃，的確令人有幸福的感覺，大家可以和愛侶分甘同味呀！(笑....)．意猶未盡的KsMeow，決定追加一個炭燒藍山咖啡雪芭，雪芭不是一般的雪芭口感，其實是雪花冰造成球體。雪芭的咖啡味做得非常有質感，不人工化。中間的果凍亦有濃濃的咖啡香，每一口都像在品嚐藍山咖啡，咖啡迷應該喜愛這款甜品！今回小分享完畢，謝謝！

與一班好友食完晚飯之後, 意猶未盡, 決定再到九龍城食個甜品先回家 今次試的是友人極力推介的新店, 本身已經好飽既我們, 一見到當前既甜品, 第二個甜品胃就出來了~~事實上, 九龍城甜品店已經有好多, 大部份都試過, 但此間最吸引我們的是價錢便宜, 份量夠多, 而且等候時間又不長, 友人確實無介紹錯~~~由於選擇繁多, 每一款都想試既我們, 最終決定order 了皇牌6 款 芒果樂園~~~鮮甜的芒果 + 冰凍的芒果雪糕 + 芒果蓉打成的芒果汁 + 西米 + 充滿口感的小丸子, 正啊~ 留戀天使~~~ 不愛榴槤既我, 因為小弟既女友, 跟其好友們都十分酷愛, 故此, 她們就點了此款. 一大球的榴槤肉 + 雪糕 + 用榴槤蓉打成的汁 + 西米 + 圍邊的忌廉 , 眼見她們瘋狂地搶食之餘, 口裡也不停地邊食邊讚...." 好好味, 好好味....", 我就知道她們絕對沒有揀錯 而且, 其榴槤既味道濃郁非常, 令到鼻塞既我, 也聞到絲絲既餘香 芒果芋圓沙冰~~~ 在寒冷既天氣下, 食此沙冰, 確實是有點難道，但因為有我最愛既芒果, 再加上煙煙un un 既芋圓, 同蒟蒻, 完