舊時光石磨腸粉 (已結業)

𝗿𝗶𝗰𝗲 𝗿𝗼𝗹𝗹𝘀, 𝗮𝗸𝗮 𝗰𝗵𝗲𝘂𝗻𝗴 𝗳𝘂𝗻, 𝗶𝘀 𝗼𝗻𝗲 𝗼𝗳 𝘁𝗵𝗲 𝗺𝗼𝘀𝘁 𝗽𝗼𝗽𝘂𝗹𝗮𝗿 𝗱𝗶𝗺 𝘀𝘂𝗺. 𝗰𝗵𝗲𝗰𝗸 𝗼𝘂𝘁 @𝗶𝘃𝘆.𝘁𝗮𝗻𝗴.𝟵𝟰𝟲𝟭 𝗳𝗼𝗿 𝘁𝗵𝗲𝗶𝗿 𝘀𝗶𝗴𝗻𝗮𝘁𝘂𝗿𝗲 𝘀𝘁𝗶𝗿𝗿𝗲𝗱 𝗿𝗶𝗰𝗲 𝗿𝗼𝗹𝗹𝘀! 𝗱𝗲𝗳𝗶𝗻𝗶𝘁𝗲𝗹𝘆 𝗻𝗼𝘁 𝘆𝗼𝘂𝗿 𝗯𝗮𝘀𝗶𝗰 𝗮𝘃𝗲𝗿𝗮𝗴𝗲 𝗰𝗵𝗲𝘂𝗻𝗴 𝗳𝘂𝗻😜.石磨腸粉食得多，但撈石磨粉就比較少見，好彩一早已經揀好食咩，如果唔係嚟到望到個menu實左諗右諗～ 撈粉嘅牛腩炆得軟稔入味帶啲肥膏，有少少油香又多咗種煙韌口感，入口鬆化，石磨粉撈埋腩汁食好正！麻辣雞絲辣味十足，叫咗最小辣但我都係食唔到😂 不過聞落好香好惹味，雞絲份量都好多，不過下次應該會試唔辣嘅胡麻手撕雞，腸粉相比下比較失色，味道淡啲同粉皮厚啲，直接嚟食撈石磨粉就啱哂！

星期六同阿媽出咗尖沙咀行街，佢話夜晚唔想煮，所以就搵吓附近有冇嘢啱食。我哋行到去厚福街，見到小店「舊時光石磨腸粉」幾多人排隊，而且見餐牌啲嘢好似幾啱食😍。小店主打外賣🥡，但同時亦提供企位供堂食。喺等候食物期間，我就見到有兩個後生靚女係熟客仔，就算大熱天時都唔介意企喺度食。我哋預三個人開餐，所以總共買咗六樣嘢食，埋單都唔使$200，性價比極高👍。全部食物即叫即整，不過等候時間都好快。秘制牛腩撈石磨粉($48)，石磨粉超墜手，原來一盒份量有咁多！我估計石磨粉應該係同陳村粉差唔多，未煮前可以攤開一大片。佢透薄順滑，索汁一流。🐮牛腩雖然唔大件，但亦唔等如碎濕濕，而且肥瘦適中，質感唔嚡，味道唔錯。石磨粉加埋牛腩，感覺有啲似牛河，哈哈。麻辣雞絲撈石磨粉($42)，🐔雞有兩種揀，分別係雞絲VS手撕雞，我哋要咗前者，估計雞柳係切開咗一條條後先拎去蒸；而手撕雞就相反，係將雞蒸熟咗先再手撕。不過講到尾麻辣汁先係重點，佢嘅麻辣超級無敵正🌶，辣度同鹹度都好出，食落勁惹味，石磨粉墊底盡吸精華。韮黃鮮蝦腸($25)，我認為普通腸粉比起石磨粉份量少啲，即使造型有啲似，都係皺皮，但勉強會見到形狀係一條條。蝦腸用料新鮮