味道樂居酒屋 (河內道) (已結業)

與好友同有周日假期,就約定到尖沙咀晚飯及到酒吧消遣,以實際行動支持本地消費!而第一站晚飯選定了位於河内道的味道樂居酒屋;從門面的裝潢已滲出一股厚重的東瀛格調;室內與門面格調一致,十分具情懷的居酒屋,柔和的木色調,從木材透出的木香與多種海鮮鮮味交織一起,讓人感到的是很自然而然然的和風!餐廳有實體餐牌供參閱,點菜主要是用手機掃描二維碼進入官網去操作;在種類繁多的食物選單中,與好友交換意見後,選定了就在手機上落單;食物隨後逐一而至--南非鮑魚(2隻),燒至面層微焦,一入口的煙燻氣息填滿了味蕾,稍經咀嚼鮑魚的鮮美本味瞬即釋放,其質感爽滑彈牙,整體味感極之討好!北海道真蠔,嫩滑的生蠔肉在口中咬開後,海水鹹味夾雜著青瓜般的清鮮,一股晨露的海洋氣息擴張開來讓人有如沐浴在大海之中!而在生蠔底下舖墊了海藻粒及酸汁,有創意的做法!香炸日本池鱼仔,調味適中,香脆可口,一口一條,標準的餐前小食!黑松露溏心蛋(2隻),溏心蛋與黑松露醬是天生合拍者,此餐廳的出品在味道與質感上都令人吃得滿足!鹽燒雞軟骨,此食材炸得透徹,且極之入味,咀嚼起來有外脆內爽的口感,兼且可補充骨膠原,味佳又有益!煙肉荔枝卷,甜美的荔枝與鹹香的煙肉給味蕾帶來很多美妙的火花!當荔枝的香氣遇上煙肉的煙燻味,更有一種妙曼的融和!鐵板香煎厚切牛舌,用鐵鏟盛載上枱,感覺上別具田園風味;此厚切牛舌真正做到了香煎,質地爽嫩軟滑,肉汁鎖在內裡,油潤而不膩,由絲絲的煙燻味到油脂香氣帶起牛舌的本味,屬於有層次的美味!而本身就偏好薄切牛舌的我,對此道的厚切牛舌也甚為讚賞!鐵板原條成田醬炭火燒鰻魚飯,造型霸氣奪目,原條的炭火燒大鰻魚形成了一種熟悉的既視感!爽滑的魚肉,帶著膠質的魚皮,在以炭火燒及成田醬的提升下,鰻魚那股甜中帶甜的味感,尤其配搭著白飯就讓人有了幸福感!在飽餐一頓後,味覺與腸胃都大大地滿足了!再看價錢,竟是那麼的相宜!…查看更多

好耐冇出嚟尖沙咀行街，今日約咗閨蜜去買化妝品。行經河內道見到味道樂居酒屋，好有日本風味就入去一試。赤貝刺身（兩隻）$128赤貝是一種深海貝類，具有豐富的蛋白質和營養價值，第一口入口，味道鮮美，口感爽脆，沒有任何腥味，非常新鮮。建議在吃赤貝刺身的時候不要放太多醬油和芥末，以免掩蓋了赤貝本身的味道。珍寶膏蟹帶子壽司兩件（$78）膏蟹肉味道鮮美，口感滑嫩，加上店家使用的是非常新鮮的膏蟹肉和帶子，讓整道菜的口感更加頂級。壽司的米飯也非常好吃，口感軟糯，且不會過於黏稠。米飯的味道非常純粹，讓人可以完全品嚐到海鮮和食材的原味。脆炸軟殼蟹反卷（$98）軟殼蟹的口感特別，因為殼還沒有變硬，所以非常酥脆，吃起來十分有嚼勁。店家的軟殼蟹很新鮮，將軟殼蟹和其他食材一起卷進紫菜和米飯中，上面舖滿滿滿的蟹子，讓整道菜的口感更加豐富。海膽手卷（$88）海膽手卷，色澤鮮亮，讓人一看就食慾大開。它擁有濃郁的海洋味和鮮美的口感，店家使用的是頂級新鮮的海膽，食下去有滿滿的幸福感。鹽燒雞軟骨（$42）看起來非常香脆，色澤金黃，味道唔錯，鹽和香料的味道搭配，讓人吃起來非常過癮。此外，雞軟骨的口感脆爽，讓人一口接一口的吃不停。鹽燒華美雞雞頸肉（$68）華美雞雞頸肉的口感非常獨特，灑上少少鹽，帶點燒焦的香味，是一道非常美味的日式菜品，尤其是對於喜愛雞肉和燒烤風味的人來說更加適合。這裏地點方便，就在尖沙咀地鐵口1分鐘的路程，下次一定再來。…查看更多

想吃很久的居酒屋，提早book定枱，一放工就來🥰🥰呢間居酒屋佈置裝修都好有日本地道餐廳嘅風味黑松露帶子刺身沙律配柚子醬 賣相好吸引，帶子新鮮，味道鮮甜，松露嘅份量都唔少，值得一點七味唐楊魷魚鬚 炸得好香，而且口感好鬆脆日本生蠔比較大隻，幾肥美，同埋海水味濃，係居酒屋可以食到日本嘅海產網池刺身半條魚，有成大半碟，每一片都切得好均勻好薄，味道特別鮮甜鰻魚壽司脆炸軟殼蟹反卷炸軟殼蟹好鬆脆，入面仲有一啲黑松露醬，同埋芝士鹽燒翠玉瓜翠玉瓜外脆內軟，中間好juicy 鹽燒雞軟骨 炸得好香脆可口…查看更多

為慶祝朋友生日所以帶左佢去試下呢間居酒屋。最鐘意係佢個明太子免治雞肉棒，雞棒混入左雞軟骨，味道一流又有咬口，明太子醬又出色。香炸日本池魚仔好特別，送酒一流！火炙北海道帆立貝蟹膏卷賣相ok 但味道好普通，蟹膏冇咩蟹味，帆立貝亦好薄身，失望。清酒煮大蜆好好味，蜆肉又大又juicy不過得10隻左右，有d貴。鹽燒雞軟骨燒得岩岩好，味道口感都好出色，我地最後叫左4串！到主菜喇，我地叫左原條成田醬炭火燒鰻魚飯同牛肉壽喜燒，條鰻魚大到oh my god，肉質仲好鮮嫩，鐘意鰻魚既必食。牛肉壽喜燒就普普通通冇咩特別。最後埋單大概$700, 其實偏貴但真係幾好食，如果有折一定會返黎食！😂…查看更多

呢間日式餐廳食物質素真係幾高質，唔怪得吸引咁多食客，黎親都係滿座，要訂位先唔洗等咁耐，佢地既刺身好新鮮，每樣都食得出刺身既鮮甜同新鮮既質感🥰🥰帶子刺身好大粒，一份兩粒，呢度既吞拿魚同三文魚都好正架😋😋之後叫左幾個串燒，有雞肉同雞軟骨，雞肉燒得外層好脆，肉質又唔會老，醬汁岩岩好！雞軟骨用鹽燒既方式，食落好脆口好正☺️仲有呢串煙肉荔枝卷，選用既煙肉唔會太大陣煙熏味，肉質結實。呢款芝麻雞翼整得好好食，都係皮脆肉嫩，仲帶少少辣味，上面既芝麻香口令整體增加左口感既層次🤤今次叫左杯梅子燒酒梳打酸酸地好開胃😋😋呢間餐廳係值得黎試多幾次其他食物的～眼見仲有好多未食到😂😂…查看更多

星期三放工但求搵個就腳地方食飯，就黎左喺K11對面既呢間味道樂居酒屋🏮之前行過幾次都滿座，今日好在食lunch時記得book定位。放工七點去到都幾乎滿哂，睇黎都有唔少人識黎搵食😋先叫左個生啤同梳打飲下🍺🍹，順便叫左炸雞🍗七味唐楊炸雞既七味主要喺炸粉面同個沙津醬上，其實唔太重味，但個炸雞粉薄得黎好脆而唔油膩🥳，雞肉又嫩，送酒一流👍🏼刺身黎講我鍾意食赤貝，呢個好鮮甜，仲有海帶墊底，好睇又好食😋😋而且好爽口，但又唔會過份彈牙😍「飯」類我揀左食蔥toro蓉卷🍣🍣，呢個首先賣相已好好，排到一朶大花🌼咁，好靚🥰而且啲toro蓉都好鮮味喔👏🏼我以為居酒屋食串燒嗰啲為主，估唔到佢啲刺身卷物都咁出色!壽喜燒🥘都好食，湯底夠甜，牛肉🐮都好多，不過真係唔可以放得耐，要喺佢一上桌就拿拿臨食哂，再煮就好快鞋😅😂為左過口癮點都要叫少少串燒🍢🍡既，但因為都飽左八成，就只係叫左雞翼🐥雞軟骨，又真係好食，鹽燒但唔會乾爭爭😂流心芝士燒年糕都好香芝士味，呢餐大滿足🥰🥳…查看更多

相比K11商場入面的連鎖式食肆，我更喜愛河內道附近一帶各式各樣的小餐廳。所以和老公去尖沙咀的這天，是試了非常有居酒屋風味的一間餐廳。菜單種類非常多，而且很多特色食物，讓我們花多眼亂。店主都很熱情推介時令刺身，看見有好幾枱客人也點了刺身，所以應該質素有點保證。於是點了八爪魚刺身和金目鯛。八爪魚刺身非常特別除了切片還有吸管！吸管口感特別，有點咬口，另外八爪魚肉質鮮甜、很彈牙！金目鯛雖然有點貴，$98兩片，但那種厚切的飽滿口感，肥美肉質，再加上稍為燒過的魚皮，讓我那嘴叼的老公也不禁讚好！串燒方面，我們點了秋葵、雞軟骨及推介的汁燒大白鱔。很喜歡雞軟骨燒得恰到好處，保持其肉汁。每次去串燒店吃雞軟骨十次有七次都會燒到全乾，所以吃到高質的串燒我們都十分驚喜！大白鱔肉質非常厚身，燒得外皮稍脆仍保持其肉質鮮嫩，加上醬汁，真的非常滿足。是我們還點了吞拿魚腩卷，油甘魚腩壽司及左口魚邊壽司。吞拿魚腩卷分量十足，十分精美；油甘魚做到真正入口即溶，超級高質！左口魚邊壽司一向是我的最愛，這𥚃的肉質很厚，火灸過後還加一點醬汁，比平日其他地方吃的味道更提升了層次！因為點了大多是刺身或小吃，為食的老公還覺得不夠飽，所以多叫了一個日本冷稻庭烏冬。看似清淡沒什麼特別，但麵質彈口滑溜，也值得一讚！店員還推廣打卡讚好便送黑松露糖心蛋，雖然免費但也很好吃，黑松露味道非常濃郁，和溏心蛋兩者非常合拍！總括而言，這類的食材質素非常之高，而且無論刺身、串燒或壽司各類食物也做得很好，認真多項全能！環境充滿居酒屋風味，但亦很光猛，一班人聚會氣氛應該很好！…查看更多

好易搵, 地理位置極佳, 喺尖沙咀大型購物商場K11隔離既味道樂居酒屋, 係你shopping 完後大快朵頤既好地方🍻裝修都係以日式木系為主, 簡約得黎亦不失design👍枱面粒兔仔筷子座好卡蛙伊呢😍望下牆上面塊牌先, 因為通常最新鮮既刺身都會即日寫低, 平時menu 係唔會有架秋刀魚刺身(原條友) - $228喺師傅推薦下, 得悉今日最新鮮既秋刀魚, 但師傅提我地接受到較濃味既刺身先好點呢個, 因為佢既魚腥味會較重, 我地之前未食過, 一於接受挑戰啦😝果然好濃烈既魚味, 係有魚腥味, 但食得出係新鮮既香腥味, 唔係臭腥味, 係有好大分別架!! 點左少少薑蔥豉油一齊食有異常驚喜👍👍接受到佢咁濃味既人會非常歡喜呢個刺身😍日本原條網池(半條) - $118然後就食番個較為穩陣既刺身, 因為池魚既味道較為大眾化, 廣為人接受, 點少少香蔥柚子汁食, 更為惹味👍師傅刀功了得, 每一片都厚薄均勻👍吞拿魚腩壽司 - $188師傅用左少少岩鹽喺吞拿魚腩上面提鮮, 混入少少即磨既wasabi, 基本上一放入口即溶😍😍魚香喺口裡面四溢散發, 回味無窮🤤香炸日本池魚仔 - $48沾上薄薄既炸粉, 新鮮即炸既池魚仔, 脆到可以原條連骨食😍鹽燒雞軟骨 - $38雞軟骨燒既時間掌握得好好, 令d 軟骨唔會太硬但仍然keep 到雞既肉汁👍鐵板蒜片香煎厚切牛舌 - $68蒜片煎得好香脆, 牛舌真係好厚切, 大大舊放入口好滿足🤤野菜牛肉湯烏冬 - $78用左稻庭烏冬, 口感煙韌彈牙😍牛肉特登唔整咁熟, 特個湯底可以absorb 到牛肉既鮮味👍…查看更多