家賀屋刺身寿司專門店

灣仔性價比超高，超好食日本空運新鮮刺身壽司專門店因為有生日免費畫碟服務所以同媽咪嚟呢度慶生🎂.之前都食過超級抵，覺得一定唔可以錯過嘅推介✨產地直送活海產✨《活伊勢龍蝦刺身》6折割引唔使400蚊《北海道 活白象拔蚌刺身》半價300幾兩樣都係點好菜後先立刻處理超級新鮮，肉質當然鮮甜啦～多肉，好抵！好容易售罄！所以一定一定要預訂‼️.另外點咗《特選刺身盛+中本鮪魚腩》都係好新鮮，抵食，值得點《鹽燒仙台熟成牛舌芯》次次都會點，因為肉厚多汁好好味最近特色新品有折扣《鹽燒本鮪魚下顎(限定)》都係半價100蚊樓下.今次試埋定食《蒲燒山椒鰻魚丼》鰻魚燒得唔錯，仲有海鮮茶碗蒸中午都可以嚟食個定食！.媽咪鍾意Winnie the Pooh特登提早兩日請餐廳生日畫碟（免費的）點咗個巴斯克芝士蛋糕去配隻靚靚碟媽咪好驚喜😆.飲品呢⋯全日麒麟生啤做半價‼️我每次都係點杯大黑白啤 Half & Half 半價39蚊咋～.嚟家賀屋完全正確！又抵食又好食家人都好滿意好開心🥳…查看更多

之前食過銅鑼灣分店已經覺得好正，今次試埋佢哋嘅灣仔店。最近呢間嘅畫碟仲爆紅添！！之前食嘅畫碟都冇顏色，而家越整越靚，決定要嚟多次🤭▪️大名 壽司定食 $298壽司有8件，有齊蔥粒吞拿魚腩蓉軍艦、日本帆立貝、海鹽輕燒大拖羅、特大赤海老、汁燒海鰻、油甘魚同兩件師傅特選，刺身鮮甜，套餐包左湯、沙律同唐揚炸雞，好抵食▪️火炙左口魚裙丼 $128左口魚燒到有脆邊帶焦香味，魚肉軟嫩，飯底吸咗魚油味道更豐富▪️鹽燒仙台熟成牛舌芯 $128上次食過覺得唔錯，今次再encore，口感爽嫩，中間仲帶粉嫩顏色，燒得好靚▪️吉列芝心豬扒 $78芝心豬扒都係推薦必點！外層酥脆，唔會炸到好dry，芝士亦有拉絲效果👍🏻▪️北海道海膽軍艦 $85海膽入口甘甜，夠新鮮▪️牛油果軟殼蟹卷 $88軟殼蟹金黃香脆，亦無腥味，正常發揮▪️開心果巴斯克蛋糕$55嗌甜品就可以免費有畫碟，絕對係慶祝生日必點！不過記得要提早兩日預訂✨開心果味同芝士味都幾balance，開心果味濃郁，蛋糕口感幼滑▪️巨峰提子乳酸梳打酒$48生啤都做緊全日半價優惠，不過今次想飲啲甜嘅，就揀咗巨峰提子，果汁感偏重，酒味相對較輕鍾意食龍蝦或者象拔蚌刺身都有半價！好抵食！…查看更多

之前已經bookmark咗呢間居酒屋好耐，因為見佢嘅畫碟好精美，就計劃同另一半慶祝周年紀念嘅時候過嚟🫶🏻 咁啱遇上餐廳推出限時優惠，有啲高質素嘅菜式居然半價就食到！北海道活白象拔蚌呢個超級推介大家過嚟試吓，餐廳特意將象拔蚌切成有三款口感，三款都各有特色👻 第一款係薄切，好考師傅嘅刀工之餘，仲食到象拔蚌爽彈🐚 第二款係較厚身嘅粗條狀，個人認為呢一個最好食，個貝味好突出。而第三款就用上柚子醋醃製，味道都清新。時令日本真蠔嗌夠半打就有半價🦪 呢日係岩手縣米崎真蠔，蠔肉肥美，略帶點海水味。可以配日式柚子醋或雞尾酒醬，點少少調味，更能帶出蠔嘅鮮味。月見極丼呢個丼飯勁吸引，有齊晒我嘅最愛😻 有日本生蛋、海膽、手切本鮪魚腩蓉同埋特上三文魚籽，整個配搭係冇得輸嘅組合，食完真係覺得勁豐富同滿足🫶🏻 壽司呢個係期間限定一件變兩件嘅優惠🤑 有兩款可以選擇，我哋兩樣都嗌咗嚟試。♦️大本鮪魚腩係勁厚身同埋勁肥美嘅大拖羅，油脂感滿滿🍣♦️海鹽輕燒大本鮪魚腩呢一個加上少量海鹽同埋炙燒過，入口冇咁油膩。特選海鮮丼賣相非常色彩鮮艷，有多款唔同嘅海鮮，啱晒我呢啲有選擇困難症嘅人😍 特別鍾意佢有左口魚、赤蝦同埋三文魚腩🐟 呢一個係定食嚟嘅，包括咗海帶味噌湯、胡麻田園沙律同埋日式燉蛋，日式燉蛋一啲都唔馬虎，入面有蜆肉同埋帆立貝😮鹽燒仙台熟成牛舌芯牛舌超級粉嫩，食落口仲幾爽彈👅 側邊仲有黃芥辣可以點嚟食，不過個人比較喜歡原汁原味嘅牛舌。銀鱈魚西京燒每一啖都係幸福嘅感覺，魚肉油香勁重，有入口即溶嘅感覺🤩 仲可以點少少蛋黃沙律醬解膩。吉列芝心豬扒炸粉唔會好厚，入面嘅豬扒包裹住流心芝士，輕鬆做到拉絲效果🧀 伴碟仲有椰菜沙律，可以加埋胡麻醬食用🥗燒物♦️鹽燒三文魚腩邊有外脆內軟嘅感覺，一咬開要小心爆汁，因為真係幾juicy😚 ♦️汁燒雞爽肉串一份有兩串，雞爽肉幾有咬口🐥♦️串燒雞軟骨雞軟骨燒得好香口，係送酒一流嘅佐酒小食飲品生啤全日都係半價，勁啱我呢啲酒鬼🍻♦️麒麟一番榨 生啤♦️麒麟一番榨 黑白啤開心果雪糕脆窩夫杯我提早咗兩日同餐廳聯絡，希望可以有免費畫碟，畫到維尼同埋豬仔係隻碟度慶祝我哋嘅周年紀念🥳 真係畫得好靚，同原圖真係相似度有90%😍 呢一個雪糕用上花形嘅窩夫杯裝住，雪糕本來已經係開心果味，面頭再加買濃郁嘅開心果醬同開心果碎，食落口更加濃郁🍦呢餐真係食得好滿足，食材好新鮮，免費畫碟甜品又超有儀式感 。餐廳仲推出咗好多限時優惠同埋高性價比嘅定食set，俾大家用超抵價錢食到高質食物，好推介大家嚟呢間餐廳食飯啊 。…查看更多

這間網上爆紅的居酒屋其中一間分店位於灣仔，主打時令海鮮及日本料理，由日本築地自家漁商每日新鮮空運，當中精緻的畫碟服務最為受歡迎，適合約會或慶祝特別節目。店內環境寬敞舒適，裝潢以型格的黑色為主調，擺放清酒樽及掛畫等充滿和風。生日可享免費畫碟服務，每日設有名額，一定要預訂服務。黑松露三文魚 $28/2件紋理分明的三文魚富魚脂，火炙逼出魚油，外層帶點香脆，有陣陣松露沙律醬的飄香。海鹽輕燒中本鮪魚腩 - $48/件 X2中拖羅佈滿精緻的魚油花紋，輕輕火炙油香四溢，鮮甜得幾近入口帶化。黃金舟 $65/2件香甜的豆皮包裹著更有口感的角切三文魚，撒滿沙律醬及蟹籽。原條海鰻 - $45/件整尾超長的星鰻外皮鬆脆，内裏的魚肉柔滑細膩，有著微微的甜味及鮮味，塗上鹹中帶甜的蒲燒醬。海膽龍珠卷 - $148卷物有軟滑即溶的海膽，有淡淡海水鮮味而不腥，又有綿密細膩的本鮪魚腩蓉富魚油甘香，還有奶滑的醬油漬蛋黃，有著濃郁的蛋黃香及鹹香。明太子雞翼 $65/2件咬開雪白的雞肉嫩滑多汁而不柴，明太子辛而不辣很香口。銀鱈魚西京燒 - $118西京醬鹹中帶甜的味噌香，正好平衡銀鱈魚豐溢的魚脂甘香，魚肉鮮甜細滑。鹽燒仙台熟成牛舌芯 - $128牛舌芯的油脂比舌根少，口感較爽脆，熟成令其質感更加軟嫩多汁，牛味更有所提升，烤得外酥內粉嫩，厚切更具口感好彈牙。串燒雞軟骨 $58/2串金黃酥脆的雞軟骨毫不油膩，口感爽脆帶點鹹香。朱古力心太軟 - $78是Minions的電影海報，三位都光著屁蛋很可愛。外脆內軟的朱古力蛋糕，切開流出濃濃的朱古力醬，堅果味濃郁，又有酸甜的士多啤梨平衡膩感。北海道千層雲呢拿蛋糕 - $38層次豐富的千層蛋糕的餅皮好柔軟，每層也夾著幼滑細膩的忌廉。…查看更多

📍 家賀屋刺身寿司專門店家賀屋屹立於灣仔足足超過13年，主打時令海鮮既居酒屋🏮餐牌提供日本地道酒肴、時令海鮮、佐酒燒物揚物等，款式多之餘整體質素頗高！想食到新鮮海鮮同刺身既話，一定要黎食🫶🍣本鮪壽司 5點盛 ✨$178 （原價：$178）係豐洲直送嘅新鮮海鮮，仲要做緊特價，一定要試吓啦🤣壽司分別有：火炙大本鮪魚腩、極上本鮪魚腩、中本鮪魚腩，本鮪赤身醬油漬同蔥本鮪魚腩軍艦～個人比較鍾意食極上本鮪魚腩，油脂感Max！！滿滿既魚油一直係口裡面充斥著，久久不散😍🥚海膽龍珠卷 $148大大個醬油漬蛋黃，好誘人😍餡料有海膽同吞拿魚蓉，口感好豐富！重要既係海鮮係堅新鮮，一啲腥味都冇～仲要沈咗少少金箔喺上面，打卡一流✨真係滿足到視覺同味覺嘅體驗🐮鹽燒仙台熟成牛舌芯 $128厚切牛舌芯好彈牙，口感冇得輸！口感超爽口彈牙，肉味重濃，食到停唔到口！味道雖然已經好足味，但亦配左鹽，牛味更濃😇🐽西京燒熟成黑豚腩肉 $98賣相唔錯呀，仲有伴碟添！黑豚腩肉嘅肉質比較結實，食落較有口感；建議點埋個醬汁，味道酸酸甜甜，幾開胃🤣🍣火炙鵝肝壽司 $45價錢有少少貴😳但勝在鵝肝夠好食！食落入口即溶，幾Juicy～雖然鵝肝有輕微火炙燒過，但口感唔會好乾🫶都值得一試嘅🐥汁燒免治雞軟骨棒 $38雞肉棒食落爽口彈牙，仲食到雞嘅軟骨😚沾滿月見蛋黃醬汁一齊食，兩者嘅味道配合得好好😋呢個一定係居酒屋必點嘅串燒👍🏻😚🐂生薑燒安格斯牛肉丼 $148係高級版嘅牛肉飯呀！牛肉味濃郁，亦唔會乾爭爭，食落有肉汁🥰另外，醬汁味道啱啱好，唔會太鹹，最重要嘅係牛肉份量好多啊，食得開心又滿足🥸🧀巴斯克芝士蛋糕配挪威焦糖芝士 $65呢個巴斯克芝士蛋糕絕對係成餐飯嘅MVP👑餐廳有畫碟服務，當晚就畫咗個Labubu公仔，好cute🥳像真度極高～而蛋糕係焦糖烘燶既表面，切開是細滑Creamy的質感，淡淡嘅芝士香味喺口裏面揮之不去🍸Highball - 北海道燒酎蘇打 $48去居酒點可以唔叫返杯酒架😎味道較fresh,主要都係加咗檸檬同埋薄荷葉，但唔會話好重酒味，飲落都係比較清新為主，同時解一解油膩感👍🏻⭐️好味指數：9.5/10📍 家賀屋刺身寿司專門店 (灣仔)灣仔灣仔道83號1樓#灣仔 #家賀屋刺身寿司專門店 #家賀屋 #居酒屋 #本鮪壽司 #海膽龍珠卷 #牛舌芯 #黑豚腩肉 #火炙鵝肝壽司 #鵝肝 #汁燒免治雞軟骨棒 #雞軟骨棒 #巴斯克芝士蛋糕 #巴斯克 #挪威焦糖芝士 #highball #燒酒 #日本菜 #foodie #高質＃灣仔#灣仔美食 #香港美食 #抵食 #串燒 #香港串燒 #魚生 #赤身…查看更多

男朋友知我鍾意食正宗日式料理特別訂咗呢間居酒屋拍拖❤️.見日本麒麟生啤半價，$34杯，點咗然後發現勁～～～大杯，勁抵！6pm後到 last order 都可以點，唔飲會對唔住自己.餐牌食物選擇超級豐富！嚟一次真係食唔哂所有想叫嘅嘢《海膽龍珠卷》鍾意食海膽的話一定一定要點！海膽非常新鮮，味道鮮甜加上本鮪魚腩蓉同醤油漬蛋黃，真係好夾！少少金箔喺面，打卡味道都一流《法國普斯生蠔 (半打)》非常新鮮，而且叫半打有半價，好值得點！我覺得點日本柚子醋清啲好食啲男朋友就覺得點雞尾酒醬好啲《鹽燒仙台熟成牛舌芯》仙台最出名食牛舌我覺得同喺仙台食嘅味道有得比入口彈牙，加啲檸檬汁同七味粉，冇得頂！《汁燒免治雞軟骨棒 配 日本蛋黃醬油》蛋黃醬油味道調教得啱啱好免治雞棒裡面嘅雞軟骨令到口感更好，值得點《生燒白鱔》肉質唔錯，燒得幾好，叫2串抵食啲！《中本鮪魚腩 (3pcs)》魚生新鮮，但感覺上解凍過程可能留咗少少雪味《鮟鱇魚肝沙律》送酒一流🍶冬天先有得食，所以一定要點！《芥辣八爪魚沙律》調味真係唔錯！辣辣哋挺開胃，啱送酒《鹽燒油甘魚鮫》最怕有啲地方燒到好鹹，但呢度調味剛剛好肉質嫩滑，飽肚，值得點！《千層雲呢拿蛋糕》唔太溜唔太甜，好食！最值得一提係男朋友特意為我預約慶生隻寫字碟超級超級靚仲有隻食得嘅蝴蝶🦋喺個蛋糕度㗎～.食咗咁多嘢加埋兩位都係$1200好味又好抵，一定有下次！…查看更多

我們最喜歡食刺身, 今晚去了 灣仔 家賀屋刺身壽司專門店, 食材產地直送, 餐廳門面吾錯.座位多, 客人真不少, 必須先訂位. 日式佈置, 看那牆畫富濃厚日本風采.牆畫少不了日本名物  ~  刺身魚, 叫了 海三色丼.  大大碗,  擺設得好美, 有三款剌身, 鮭魚. 深海池魚, 赤蝦.   件件色澤亮麗, 厚切.   大家先吃赤蝦, 蝦夠大只,  爽口彈牙.   鮭魚, 深海池魚肉質嫩滑.   再吃玉子,  食落好香蛋味.  丼飯是用愛知縣產米, 好口感. 再來一個 特選剌身盛,   有 油甘魚, 吞拿魚, 魴弗魚, 鮭魚, 赤蝦, 八爪魚,  多加上鮭魚腩刺身.  全部魚生刺身都好新鮮喔！肥美又有光澤.魴弗魚, 肉質鮮甜,  質素很高.   深海池魚,  油份較重, 有魚香.八爪魚, 肉好厚, 好有質感. 今次來特別想食 海膽龍珠卷, 因為香港不是每間壽司店有做, 而此店價錢相當合理.醬油漬蛋黃大大個, 超級好食. 壽司足料, 內有拖羅, 海膽, 好味.店長介紹新創意壽司兩款:   火炙厚切鮟鱇魚肝燒,  黑松露煙熏帆立貝,  各有特式, 比坊間常吃的壽司不同.   帆立貝帶有黑松露煙熏香,   而火炙厚切鮟鱇魚肝燒確好味 . 柚子風手切本鮪魚腩蓉,   本鮪魚腩蓉, 高質素好鮮甜, 配上紫菜, 一流好食.慶祝家賀屋15周年紀念, 麒麟一番榨黑白啤, 正做半價優惠, 食燒物至岩.大家分別各叫黑, 白啤,  各有所好,  好好飲.鹽燒仙台熟成牛舌芯,  夠嫩夠厚, 帶有肉汁, 肉質彈牙又入味.生燒白鱔,   魚肉脂肪豐盈, 肉質肥嫩, 啖啖都是精品.食完刺身加燒物,  來一碗  關東煮手打烏冬, 暖胃暖心增加熱量.    好滿意. 新鮮的海產絕對是這裡的主角.   價錢合理, 想 不到 燒物也 做得好好.…查看更多

暑假遊日本時, 食過日本的七龍珠卷, 好喜歡.今晚朋友帶我去灣仔 [家賀屋刺身寿司專門店], 主要是再嚐 龍珠卷, 回味一番.  餐廳是樓上鋪, 裝飾日本風格.主打新鮮海產日本直送, 傳統酒肴, 燒物, 揚物, 和食等.燈光悠和,  環境舒適, 大小聚會都適合.我們不太懂 日本酒,  麒麟一番榨黑白啤, 比較適合.  慶祝家賀屋15周年紀念, 現正有半價優惠,  黑白啤氣泡多, 好爽又抵飲.  啤酒配   火炙厚切鮟鱇魚肝, 黑松露煙燻帆立貝,  絕佳. 火炙厚切鮟鱇魚肝燒得香口細膩, 入口柔膩甘美. 黑松露煙燻帆立貝,  貝肉彈牙鮮甜,  香滑可口, 伴有 三 文魚籽每粒都漲卜卜. 柚子風手切本鮪魚腩蓉,油脂爆燈, 非常肥美, 入口軟嫩豐腴.  魚油與飯粒混和, 每啖都有飯香同魚油香.海膽龍珠卷, 特別吸引, 賣相相當靚, 顏色悅目, 卷物內有醬油漬蛋黃, 拖羅, 海膽, 白石青瓜.  口感豐富有層次, 吃得有驚喜.特選剌身盛 - 時令鮮魚附,   有 油甘魚, 吞拿魚, 魴弗魚, 三文魚,  赤蝦, 八爪魚, 各兩件.  另加上三文魚腩刺身 4 件.好豐富.  每一件刺身都是厚切,  新鮮, 色澤亮麗.  由淡味的白身魚開始先食.  油甘魚, 肉質鮮嫩彈牙爽口. 魴弗魚 , 肉質爽口, 口感柔軟嫩滑.  特大赤海蝦, 蝦身晶瑩剔透, 肉質結實鮮甜.三文魚腩刺身, 入口溶化,   有無比的滿足感, 特別開胃.生燒白鱔,   肉厚,  外皮微微焦脆, 燒得肉嫩多汁, 香口惹味.鹽燒仙台熟成牛舌芯,  肉質較稔和有質感, 甘而不膩, 很滋味. 海三色丼,  材料鋪至滿滿, 完全遮蓋了白飯,  配有招牌玉子, 三文魚.  深海池魚, 赤蝦. 三文魚油潤, 鮮甜,  深海池魚,  肉質滑, 蝦肉彈牙柔順富膠質, 香濃鮮甜. 配上 醋飯搭配得宜, 越食越開胃. 關東煮手打烏冬:  材料豐富,  有豆腐, 蒟蒻, 蘿蔔, 竹輪, 烏冬夠滑又彈牙,  混起來很好吃, 湯頭甜美又暖胃.  剌身, 龍珠卷,  鮮味無窮,  價錢合理,  環境理想, 做得好 !…查看更多