利強記北角雞蛋仔

北角雞蛋仔係好味又夠脆，等10分鐘就有一底新鮮出爐雞蛋仔，但係都幾貴，仲不停加價，現在係寶琳地鐵站買一底要 $28，另外仲有粉果、魚蛋同燒賣都 OK 好味，同埋一定要試佢哋嘅辣汁。…查看更多

今晚食完飯經過北角雞蛋仔聞到好香忍唔住買左一個，$19一個應該係最近加左價。買完唔洗等即刻有得食，仲要係新鮮出爐，熱辣辣。一咬落去真係好脆，不過咬落去有少少好空嘅感覺，而味道亦唔錯，有蛋味。…查看更多

早排九月頭經過北角總店見到竟然裝修緊，令到我摸門釘實在太失望😞。呢日去開寶琳醒起地鐵站有分店，所以就去買一底頂頂口癮，不過其實一直無試過其他分店嘅雞蛋仔，因為覺得會無咁好味。寶琳舖比北角舖大，望落亦無咁混亂，而且姐姐比較友善好笑容😊無咁hea🙈，哈哈。無人排隊，所以一落完單，唔使半分鐘就已經有得食，第一下諗咪即係唔係即整咪唔熱，心諗伏已中。不過一拎上手發現係熱嘅，亦都非常香噴噴，一食就更加肯定個味係同北角總店一樣㗎，同樣係好好食。🥚北角雞蛋仔係賣all time飛佛，首先係個皮夠哂脆，就算放耐咗都一樣，自己本身都鐘意食脆身的。第二係雞蛋仔大大粒，唔係而家成日食到嗰啲空心。第三係蛋味好香🤤，遠遠已經聞到，唯一要雞蛋裡挑骨頭就係無炭燒味囉🤣🤣。總括嚟講，北角雞蛋仔仍然係高居於我排行榜嘅第一位🤩，真正外脆內軟，好食到自己一條友食哂一底都完全無問題。價錢其實都唔平，要$19一底，但由於好好食同夠大底，所以就覺得都值嘅。最後最impress我就係估唔到個質素能夠咁穩定，幾時食邊間方店都做到一樣咁好味😋。…查看更多

食過咁多間雞蛋仔北角雞蛋仔係我心目中最數一數二好食🤤好想知點解佢可以整到外層咁脆🤤外脆內軟真係好正😍而且真係有淡淡既雞蛋香真係會令人忍唔住一粒接一粒咁食🤤不過佢中間其實都幾空心下如果可以再多啲蛋漿係中間就好啦🙁同埋愈黎愈貴🙁…查看更多

今日放工突然心血來潮，很想吃小吃，在掙扎於雞蛋仔與魚蛋燒賣之間，最後選擇了雞蛋仔，因為難得這間北角雞蛋仔不用排隊！等待時間不需1分鐘，熱烘烘的雞蛋仔就到手！可能店員知道陸續都會有人幫襯，所以不停製作。雞蛋仔蛋味很一般，而且不夠脆，好像跟以前的有差，以前的比較鬆脆得多，而且很有「肉地」，但這個並不是不好吃，只是比較失色，跟普通街邊買的味道口感差不多，很像不夠划算。賣相也不太吸引，不夠金黃很想尋回以前「北角雞蛋仔」的味道！…查看更多