明記雞雜粥 (已易手) 新餐厅

大前日(7-3-2015 Sat)同男友食完牛雜後行返o黎食雞粥,我要$29.00o既雞粥,男友要$29.00o既雞雜粥,叫多個$15.00o既蝦米腸.蝦米腸即到,之後兩碗粥到o黎,影好相開動,我o既雞粥有7件雞,6件係雞胸,正.肉質未到好o鞋,雞味都有,粥底都算唔錯.男友o既雞雜粥仍有好多種料,不過我冇乜食.蝦米腸唔算好滑,不過食到米o既味道.o衣o家睇返我第一次o黎食o既食評: http://www.openrice.com/zh/hongkong/review/%E6%B2%B9%E9%BA%BB%E5%9C%B0-%E6%98%8E%E8%A8%98%E9%9B%9E%E9%9B%9C%E7%B2%A5/2042069?tc=sr2&con=rvwer.

聖誕節, 冇friend陪, 於是自己一個出去搵野食去到, 很多店舖都關門, 以為會白行一趟, 幸好它仍做生意雞雜粥$20很大碗其實碗粥不是很有雞味, 但是挺鮮甜的, 加些訐胡椒粉已很好有不少雞雜, 腸, 腎, 還有一些不知甚麼部位的還有一些雞肉, 可惜太少, 得一兩件, 雖然話就話雞雜粥, 可是多些會更好食完後, 好滿足, 原本寂寞的感覺一掃而空

一般人心目中想起廟街有代表性的食物會是煲仔飯?蠔餅?牛雜?炒蜆?不知數到何時才會記得起這裡?從它由街邊車仔檔搬入舖後開始兼賣車仔麵,到而家連燒臘飯都有!可知生意難做.唯一不變的是粥檔前堆得像山一般的雞雜!雞雜粥----一碗有齊雞件、雞腸、雞腎、雞膶、豬肚及生腸,再加葱花、薑絲、花生、大頭菜粒作配菜,真係當飯食都得!其實大部份材料早已煮熟,阿姐收到柯打就照單執料放入碗中,最尾加殼滚粥,搞惦!雞雜雖不可能再會有新鮮貨出現,但起碼處理得沒有雪藏味,亦沒有因煮得太耐而變老變韌.粥底味精是有,不過未算過份.油條----見阿姐用較剪都剪得非常吃力!果然用嚟扯大欖都得!炒麵、腸粉早前試過,屬於水準以下之作.比個貼士大家,如果貪心D叫多一款配料(例如雞雜+鯪魚球),都只係會收單拼價錢!