同屋企人係香港仔行街想醫下肚，經過間功夫點心，老人家又鐘意點心，就帶佢地去試下而家新式的港式點心店。星期日都算幾多人，等多十分鐘先入到去，入面D 人都幾沖忙咁，有D 茶餐廳感覺。主要都係我落ORDER 點點心，先黎梗係食返隻蝦餃9蚊隻蝦餃，講真真係有D 貴，但質素又真係算幾好﹗皮薄有汁，蝦都鮮﹗馬來沙嗲蒸鳳爪，其實唔太覺有沙嗲，反而好似有點沙茶感覺，但味道都OK瑤柱鮮蝦菜苗餃，同一般酒樓一樣，都係三隻，但都幾大隻同足料﹗皮薄得黎夠結實鼓汁排骨飯，料唔算好多，但幾得意，有幾條豆角，排骨又唔會話太肥，夠兩個人食鮮蝦腐皮卷，呢個好野，皮有D脆得黎又唔會話好油，入面蝦料好足，又夠香口翡翠鮮蝦春卷，呢個同腐皮卷又另一種感覺，面好乾身，無油，都足料同好食，但我比較鐘意腐皮卷多D懷舊綿香馬拉糕，呢個真係舊式野，但果然非常軟滑埋尾黎個九王原隻鮮蝦腸，原隻蝦好鮮，皮亦都非常薄，又夠滑，幾好整體黎講食物質素都算幾高，唯一就係個環境比較窄同埋因為人流較多，店員都好忙，令環境唔太和諧，不過呢個都係香港食野一個通病。但如果想快又想食高質點心，呢度都係一個非常之好既選擇…查看更多
