SMILEY CAFE with eGG

星期日，約了好友在朗豪坊相聚，來得太突然，沒有太多時間去搜尋，揀下揀下發現Smiley Cafe幾得意，而且食評不太差，便決定前去！假日的旺角，很多人，而朗豪坊地下幾層全是遊客，心有點驚去到要需時等位，上到10樓鬆一口氣，人沒有樓下層多，而食店不是太多人，還可以選擇座位😃。食店佈置以微笑😊為主題，黃色為主色調，很有活力，餐具、食物部分有哈哈笑加插，令人忘記煩惱🤩🤩。🍽😋小雲凍特濃朱古力-雲是棉花糖，配香濃朱古力，好可愛香煎肉眼牛扒配薯菜-肉質嫩滑鮮芒果芭菲杯-組合豐富，大滿足特濃朱古力心太軟+軟雪糕-朱古力心太軟不太甜，配雲尼拿軟雪糕，中和味覺😊真心喜歡這間食店，人係要微笑多一D！個人評分食物：B服務：B環境：A抵食：B…查看更多

星期六是難得能休息和放鬆的一天，當然想要開心渡過。在朗豪坊的這家cafe，單是佈滿笑臉的圖案就已讓人會心微笑，瘋狂拍照。整家餐廳都充滿黃色~除了餐廳的裝飾，連餐碟都充滿可愛的笑臉，款款不同的啊！餐牌是用tab看的，夠潮。煙三文魚雜菜沙律的碟都好有特色！菜清爽新鮮，煙三文魚又香又滑，好一個平衡。heavy的跟著就來了，先是半份豬肋骨。原來配菜都是沙律半份的肉量不算少，整塊骨都有燒烤醬汀緊緊包著，有酸甜味道又頗為入味。肉不會好實，都算易咬開的。用農夫包裝著的海鮮飯造型夠特別，不過我以為西班牙海鮮飯是蕃茄紅的，這款是比較像意大利飯，用的是忌廉蘑菇汁。忌廉的量剛好包裹每一粒飯，又滑又creamy，味道質感都濃郁。海鮮分散在飯內，有點鮮味，所以不會太膩。吃過飯，就輪到包殼了。不用擔心，餐廳會另外提供一碟醬汁用來點包吃。沒想過放了那麼久，包的外層還是相當脆，有驚喜雖然飽，但要盡興不能沒有甜品！特濃朱古力會送上雲朵，是即叫即做的棉花糖，超大朵吃不完啊！朱古力不太甜，味道真的好濃，喝到底部還有朱古力漿的伯爵茶焦糖布丁茶味不太突出，不過勝在蛋夠滑溜又有蛋味，感到是足料的，焦糖層薄脆~但我們還是更愛這鮮芒果芭菲杯，整杯塞滿材料好高興啊！有雪糕，忌廉，薄脆餅，長崎蛋糕等食材，還有甜點酸甜新鮮芒果粒和啫喱，份量十足，味道豐富，爽呀不知不覺吃了那麼多，果然人開心，食量也會隨之增加瘋狂點了六味都不用400元，好抵食…查看更多

［笑住甘食］友人提議黎食尼間充滿童真的餐廳，因為隔離甘岩也是自己用的眼鏡店，且系朗豪坊搵到尼個唔太貴的價位，所以上黎一試～以笑哈哈做主題，睇住笑臉emoji 食飯，真系第一次，有種給予「食飯就是開心」的感覺。友人都覺得特別餐牌有齊小食、主食、特色飲品同埋甜品，當中的飲品同甜品都多選擇。甜品有特色芭菲杯三文魚大份又厚，夠新鮮，份量算正常，可作為前菜點左尼杯，一上黎就忍不住要影相。用棉花糖當雲，都幾得意！棉花糖系香蕉味的棉花糖，不過本人並不太喜歡香蕉，所以最後試左兩啖就冇食，如喜歡香蕉味的朋友可以一試。朱古力正常的香濃夠滑！友人點的養生茶，意外地覺得好好飲，淡淡的桃香加入蘋果的清新，又真系幾養生，並不太甜。意粉系用扁意粉，蕃茄夠濃味，友人表示可一試本人點的5成熟牛扒，煮得岩岩好，大家根據自己的喜好調整成熟度。肉汁鮮嫩，薯條都似鮮炸～最後，芒果芭菲賣相好靚，用料十足、眼見到有：窩夫片、雪糕忌廉、芒果、蜂蜜蛋糕、啫喱同朱古力脆粒，食完真係都幾滿足最後，友人點的法式焦糖布丁，不算大碗，有新鮮水果士多啤梨作伴因為隔離就是眼鏡店，所以也有不少人出出入入，如感覺不便，可以選坐較裹面的位置。…查看更多

以前我都有在這裏eGG配過眼鏡，想不到現在它除了眼鏡，也開始進軍飲食業。就在郎豪坊這一間eGG分店旁邊，便開了一間以笑臉為主題的咖啡店。整間店舖以黃色為主，給人很開心，愉悅的氛圍。主題是微笑的笑哈哈，笑臉迎人，感覺親切。餐廳環境燈光光猛，舒適，給人正能量。這裏有不少晚市套餐，價錢不貴。＄60起已經可以吃到一個晚市套餐。單點價錢也大眾化，主菜$60至＄80多元便有交易。值得一提的是，這裡的餐紙和餐碟都用了黃色笑臉，很可愛和親切。小食拼盤＄98小食拼盤有四款小食，分別是馬介休，芝士條，雞翼和薯條。馬家休炸得香脆，薯蓉軟滑，加上有馬介休魚肉的鹹香，味道不錯。芝士條香脆，裏面的芝士有流心效果，很軟身，而且芝士味道濃郁。雞翼是蜜汁雞翼，雞翼外皮煎得薄脆，把油份迫出，所以並不油膩。蜜糖醬汁讓雞翼更添滋味。薯條份量頗多，是粗薯。薯條炸得金黃色的，配上番茄醬，減低熱氣感。一口牛柳粒炒意粉＄78賣相很吸引，意粉很有鑊氣，上枱時熱辣辣的。意粉用了扁意粉，很爽口彈牙，醬汁是帶甜的黑椒汁，很惹味。牛柳粒有嚼勁，煎得香口。我很喜歡它的三色椒和洋蔥，很清甜，配上意粉更添爽脆口感。香煎肉眼扒配薯菜＄118肉眼扒牛味濃郁，牛扒帶有幼筋，很有口感，有嚼勁。把它切開，清楚看見一絲絲牛肉的肉質，用百多元的價錢食到，性價比都算高。把牛肉沾上燒汁更加惹味。旁邊有些少沙律菜，很新鮮爽脆，上面淋了一些芝麻醬汁，很滋味。鮮芒果芭菲杯＄68這個是餐廳的招牌甜品。起初以為上面的是忌廉，原來是雲呢拿雪糕。軟雪糕十分香滑，雲呢拿味濃郁，與大牌子有得比！芭菲杯層次豐富，首先有一些蜂蜜蛋糕粒，很軟熟，蜂蜜味道很清新。再來就是朱古力脆粒，新鮮芒果和啫喱等等。口感豐富，讓人感到很滿足。海洋檸檬梳打 $30這個賣相很吸引，是以藍色帶出海洋主題。新鮮的檸檬加上有氣梳打，很清爽。這杯飲品是非常酸的，我很喜歡。最後二人埋單400多元，我們兩個都飽到捧腹而回。想不到一間小小的咖啡室也有這樣的質素，很不錯。下次經過朗豪坊也可以進來試下個下午茶呢！…查看更多

近期又做番《百萬富翁》，等我都同M佬玩番個A姐版《百萬富翁》先！A姐：$1題目，我最鍾意食嘅嘢？M佬：打邊爐！A姐：答啱！$2題目，我最鍾意飲嘅嘢？M佬：梳打水！A姐：答啱！$5題目，我最鍾意嘅男明星？M佬：余文樂！A姐：答啱！$10題目，我最鍾意嘅顏色？M佬：黃色吖麻！A姐：答啱！一百萬題目，呢度有幾多個笑哈哈...好彩M佬唔識答，因為我都唔知呢度有幾多個笑哈哈，而且我更加無一百萬！呢度係邊度？就係旺角朗豪坊嘅SMILEY CAFE with eGG！香脆炸蝦丸配雜菜沙律熱辣辣嘅炸蝦球，外脆彈牙，香口得嚟又唔會好油，配埋泰式辣醬就更惹味。蜜香雞翼配薯條雞翼夠晒入味，而且蜜味香甜，5隻雞翼真係同M佬分唔勻。蒜香蜆肉意粉上枱個刻已經聞到好香嘅蒜味，蜆肉好多，仲有色彩鮮豔嘅三色椒，夠晒健康，不過，略嫌意粉份量太少。香煎肉眼扒配薯菜平時去餐廳据扒，叫5成會俾7成你，叫7成就會俾全熟你。呢度就啱啱好，叫5成嘅肉眼扒真係夠晒火喉。肉汁鮮嫩，口感一流！雲朵特濃朱古力嘩！成舊雲係天空摘咗落嚟呀！呢個咁得意嘅雲就係綿花糖，而特濃朱古力好香濃好滑！Smiley Blue 海洋檸檬梳打除咗顏色好靚，好有夏日feel，最重要係夠晒解喝。鮮芒果芭菲杯食到飽飽又點少得甜品呢！呢杯芭菲除咗賣相好靚，更重要係用料十足，有甜脆嘅窩夫片、雲尼拿雪糕、忌廉、新鮮芒果、蜂蜜蛋糕、啫喱同朱古力脆片，口感豐富，食完真係好滿足。…查看更多

朗豪坊開左間好吸睛嘅新餐廳，星期六晚六點幾人流未算太多，唔洗等位最啱我，哈哈笑主題，隔離的egg眼鏡店應該都是同一間舖來的，眼鏡店做埋cafe，雖然兩者好似沒有關係🤔，但都幾特別吖。餐牌上菜式雖然不多，但就好多都好吸引，結果由小食開始到甜品我都一一有叫，太滿足了😂，加上價錢都好吸引，一點也不貴。首先點左蜜香雞翼配薯條，雞翼好好味呀，好甜好濃的蜜糖味，熱辣辣，仲有薯條沙律菜跟埋。虎蝦意粉味道恰到好處，虎蝦煎香了，爽口彈牙厚切牛扒份量適中，煎至6-7成熟，有肉汁，不錯。勁大杯芒果芭菲杯，加埋呢個甜品實在大滿足，好有層次，雪糕中夾著蜂蜜蛋糕，蜂蜜味超香甜，I like，中層仲有朱古力脆波，底部有芒果啫喱中和返，不會太甜。朱古力芭菲同樣都係好有層次，中間夾著蜂蜜蛋糕、焦糖爆谷及咖啡味啫喱。咖啡雖然飲唔出焦糖味，不過咖啡濃度剛好，淡淡的鮮奶味搭夠，好香滑。…查看更多

特登黎到朗豪坊食呢間新開既cafe因為朋友有85折卡但後尾發覺差唔多只係免左加一有dd貴，但好彩都好食呢間外面係cafe入面賣眼鏡其實我覺得應該調返轉會好d因唔講真係唔知入面有一角落係賣眼鏡一入到去裝修都覺d裝修幾靚好多笑哈哈連隻碟都好靚好想買返隻返去至於人就真係唔多都有家長帶細路仔黎亦有一個角落適合情侶坐但個view只係朗豪坊個中庭環境寧靜，可以慢慢坐至於野食方而，咁既價錢相信都唔會太差但希望意粉可以份量大d個意粉味道幾好，可能因為少人關係睇得出係用心製作份排都幾好食呀，配合燒汁，好夾但個甜品就差d啦，d雪糕都好味既但d芒果真係酸到不能接受！！…查看更多

好一排無去朗豪坊，前身係小甜谷原來已經變左Smiley Cafe，成間餐廳既擺設有好多笑哈哈，嗰日去到都差唔多滿座，咁多人食我地又唔執輸即管試下新野😄👁‍🗨 小食拼盤（7/10）💲98拼盤入面有鱈魚球，其實係鱈魚加上馬鈴薯泥既馬介休球，不過鱈魚味唔出，反而薯仔味更重，似食緊薯蓉，都幾飽肚🤔芝士條就比較硬身，但係入面芝士味都幾濃🧀雞翼辣辣地，感覺惹味🐥薯條係我地至愛既粗薯黎既，薯仔再加咁多薯條真係好薯好薯🍟😂👁‍🗨 香煎肉眼扒配薯菜（6.5/10）💲98 (Dinner Set)呢塊肉眼扒望落吸引，尤其係紋界得幾靚，仲要係厚切可以啖啖肉，可惜我地唔記得講明要幾多成熟，所以煎得比預期中熟，比較韌身同乾身，點埋醬汁一起食更好🤤個餐包一客甜品，當日係雲呢拿雪糕，同埋包一杯餐飲，就加錢轉左Smiley Blue海洋檸檬梳打😎👁‍🗨 香煎虎蝦龍蝦汁扁意粉（7/10）💲108呢三隻蝦帶點鹹香，口感爽口彈牙🦐至於個龍蝦汁都幾香濃，滲透曬落去扁意粉度，所以唔會話好乾，頗為易入口既🤗而且粉既軟硬度同份量亦都適中👁‍🗨 鮮芒果芭菲杯（7/10）💲68芭菲杯份量都幾多，兩個人食岩岩好😎面頭係雲呢拿味雪糕，吾易溶，幾香雲呢拿同牛奶味🙃上面就插左兩大塊牛油脆餅，至於第二層就有可可片，帶有淡淡芒果味既芒果蛋糕同埋頗甜既芒果粒😺cream就係第三層，但係個人認為cream既份量多左啲，有點膩，最後係透明啫喱加芒果粒，整體算吾錯👁‍🗨 焦糖布丁（7/10）💲28冇諗過佢既焦糖布丁🍮都做得幾吾錯，份量細細地，岩曬做飯後甜點，布丁上面既焦糖燒得夠脆身，甜度適中，布丁質感軟滑得離又夠香，連埋士多啤梨同忌廉一齊食，更加好味😋呢度既甜品比起主食更為出色👁‍🗨 Smiley Blue 海洋檸檬梳打（7/10）💲38成杯飲品既顏色同賣相夠哂吸睛😍令人諗起係韓國成日飲既日子😳味道酸酸地，吾太甜，真係夠哂醒胃，食完咁多炸野，fresh一fresh岩岩好😺🔛 整體評分（7/10）…查看更多