開餐 (已結業)

每次想食酸菜魚既時候，總要係公司搵幾個同事一齊食飯先可以滿足到呢個慾望，疫情發生之後呢個慾望就更加難實現。平時成日聽到身邊同事講＂開餐＂，都係第一次幫襯。入到鋪好快就決定要試個酸菜魚片湯河，又好貪心咁嗌左份津白同果醋。果醋係用＂香港人加油＂可重用水樽，飲晒可以將個樽循環再用，又可以用黎擺設。入面浸有蘋果、西柚、青檸等待，加埋果醋酸酸甜甜，非常開胃！主角出場了，唔好以為佢係一人份湯粉整出黎唔好食，佢絕對係色、香、味俱全，入面既魚片數量都唔少，份量十足！河粉配埋酸菜同湯一齊食，非常惹味另外個金華火腿奶油津白食落亦都令人意外，差少少我連湯都幫佢清埋獨自一人食咁多我都覺得自己好過份添大家去開旺角記得記得要去幫襯下，100%推介喔

呢間餐廳開業無耐就已經擴張到三間分店，之前仲要見人地介紹過呢間既酸菜魚同埋流沙奶皇包好吸引🤭不過當日腸胃又不適，唔敢食太過油膩既野，唯有介下口😐▪️ 招牌溫泉蛋雞扒鮮茄濃湯粉（7/10）💲56蕃茄湯唔會太稀或者太稠，味道係我鍾意既偏酸好開胃，雖則溫泉蛋係呢度好似同平時茶餐廳既蕃茄通粉有些少違和感，不過生熟度拿捏得唔錯，雞扒肉質會有少少略腍，但係調味得宜，配上扭紋通粉可以一戰🥫▪️ 喇沙雞球帶子湯麵 💲58呢碗係朋友食既，聞落都好香濃既喇沙味，麵底會係油麵🍜▪️ 鮮果消脂蘋果果醋（7/10）💲24；跟餐 + 12一開始入口稍甜，去到喉嚨陣果醋酸味先漸漸散發出黎，入面仲有唔少新鮮水果，消下濟一流，咁大支加上個樽係可重用當然帶走😍🔎 整體評分（7/10）