老點點心竹筒飯

6299一年都會來港兩次，老人家來港不外乎吃吃喝喝。今次趁他們來港，特登請兩天假陪食，算唔話得吧？！老人家喜歡吃中菜，所以等他們落機後，就帶他們到老點吃點心。老點已經光顧過幾次，它是我和星仔第一次在香港見面的地方，知道星仔喜歡周圍尋食，所以當時故意搜尋一些評價不錯的食店帶他去食。＊＊＊＊＊＊＊＊＊＊＊＊平日中午和周末的老點都坐滿食客，快快食完就要趕住走，但由於今日是平日加上已過了午膳繁忙時段，所以甫進店內時亦只有一兩枱食客，正好可以讓我們慢慢食慢慢坐。鮮蝦肉餅竹筒飯($32)6299未食午餐，點都要有飯落肚，但為免食得太飽吃不了其他點心，就點個竹筒飯share。竹筒飯雖然份量看似不多，但裡面放滿白飯，面層再放上肉飯，其實都夠二至四人分吃。醬油是分開上，食客可以按個人喜好澆在飯上。肉餅肥痩適中，口感軟滑味道濃淡得宜，對得起價格有餘。冬筍普通鮮蝦餃($20)蝦餃通常是出面茶樓的頂點，老點的蝦餃雖然只有兩隻，但$20確是抵食。蝦餃皮帶點微彈不會過厚，餃皮內除了鮮蝦和豬肉外，還多了冬筍，令爽彈的蝦肉間多了一絲爽口，都幾特別。吾係老點小漢堡($28)小漢堡一客有兩個，這裡是兩客份量。小漢堡中間的不是牛肉，是蝦堡，所以食起來帶點彈口，加上芥末醬，味道非常清新。鮮上肉響鈴腸($29)響鈴腸顧名思義就是腸粉皮包裹著響鈴，相比出面的春風得意腸來得更鬆脆。響鈴入面還有鮮蝦，所以鬆化得來又食到蝦肉的紹實爽彈，絕對是必點項目之一。清酒雲吞雞($32)雲吞雞經過烹調後其實酒味已經所剩無幾，不過湯頭仍然鮮甜，雲吞皮又薄又滑，雞肉亦不鞋口，食味不錯。雖然茗茶加價至$7/位，但不用加一，相比傳統茶樓仍然算平，點心特別之餘仍能維持高水準，但午膳時段確是多人，建議可以的話下午兩三點來最好。…查看更多

點心界黎講，老點一直都名氣不錯，今日趁早放，就去食個下午茶，４點呢個鐘數明顯就無乜人，朋友未到我就自己坐住先，而老闆（定唔知伙記）都叫我唔好寫點心住，因為唔洗等好耐，廢是凍晒。因為星期三，所以有$1 炸饅頭，老闆仲話食得落可以叫多幾份本身想食埋榴槤系列，但原來已經無出lu，total 叫左４款點心：炸饅頭($1)：岩岩炸起,，超熱，食得出唔係翻炸， 所以外脆內軟好好食，又唔會話太油既感覺。爆漿芝心炸蝦丸($28)：超級熱辣辣，入面芝士係流出黎，好正，不過真係好熱氣。鹹香黑魚子燒賣($19)：呢個就同平時既燒賣無咩分別。鮮上肉響鈴腸($28)：最後先上枱，但原來最好食就係佢，響鈴非常脆，而入面既肉就好JUICY，而個腸粉皮就好滑，組合起上黎真係perfect池今次就無試其他新式點心，始終唔係咁肚餓，但所有點心都熱辣辣，可以再戰！…查看更多

同朋友喺旺角， 佢講起有晚深宵時分經過呢到，仲人頭湧湧， 返屋企上網search到間舖頭攞過獎㗎， 對佢念念不忘 ，今日搵埋我一齊嚟開餐招牌紅噹噹好易搵， 主打fusion點心， 我哋先點咗本月人氣 no. 1 嘅唔係老點小漢堡， 一碟兩個，裏面嘅漢堡係蝦膠同免治豬肉， 加上沙律醬， 生菜， 未試過喺點心店食過呢啲點心， 好味嗌埋人氣no. 2嘅鮮上肉響鈴腸， 滑滑嘅腸粉 包住脆脆嘅響鈴， 裏面仲有嘅蝦仁，三種不同口感鮮蝦肉餅竹筒飯，啲肉好滑，仲有原來係百米溝咗紅米，感覺好健康高湯魚翅灌湯餃 ，裏面有鮮蝦，魚肚，帶子，滿滿嘅魚翅， 啖湯真係好鮮甜鹹香黑魚子燒賣， 長方形木盒仔好精緻，一盒兩件， 兩個人一人一粒最好啦。冬筍鮮蝦餃都係用長放木盒仔， 鮮蝦夠新鮮。榴槤點心而家半價呀! 我哋叫咗個百分百感覺 榴槤撻 ，好濃郁榴槤味 ，榴槤迷必叫見到點心紙嘅點心相好可愛 ，四件又食唔曬，所以一人嗌咗一件， 細細件好得意， 甜品好滑， 甜度適中。呢餐晏晝 ，朋友一啲都冇老點…查看更多

很多連鎖式酒樓的點心質素參差不齊，價錢貴但質素差的比比皆是，所以這十年都越開越多的點心店，更有一些入圍米之蓮一星的點心店。今次跟老公幫襯了位於旺角的老點點心，主要是見openrice有很多好評，食物款式都算多，加上近屋企。一坐下店員即時奉上一杯茶，每位茶位$6，茶味淡淡，但店員添茶效率高。全部碗碟都印有餐廳的名稱。店內的店員平均年齡都是阿叔級數，有位年紀比較大的叔叔很有禮貌，經常唔該前唔該後，收碟效率高。鮮上肉響鈴腸爽滑的腸粉包著香脆的響鈴，響鈴來包著一些豬肉，食得出響鈴是鮮炸好後即時包上新鮮的 腸粉。鹹香黑魚子燒賣黑魚籽帶有鹹香又脆口，感覺似食蟹子，燒賣內的蝦肉很大隻，豬肉新鮮。粟米百花魚肚魚肚份量頗多，但百花即蝦膠只有薄薄的一層，但蝦肉爽口。戚風班蘭馬拉糕有很香的斑蘭味，馬拉糕鬆軟。開胃番茄鮮竹卷鮮竹卷是剛炸好再淋上番茄湯， 所以外層鮮竹很脆口， 裏面是豬肉及蝦的餡料，非常新鮮。川貝雪梨燉海底椰湯內有雪梨海底椰及瘦肉，湯料十足還帶有一點川貝的苦澀味。榴槤撻其實一踏入門口已經嗅到很香的榴槤味，店員介紹是新出的榴槤甜點，在facebook打卡有半價優惠$12，榴槤味香濃，中間是忌廉，甜度適中，喜歡食榴槤是必點之一。整體而言，點心質素中上，新鮮熱辣，價錢中等，比一般酒樓好吃，服務不錯，店員有禮貌，是有用心去做的點心店。…查看更多

香港人無論年青的、上左年紀的都會喜歡一盅兩件。這個可謂大家從小到大的家庭回憶，到了現在長大成人，三不五時都會突然想飲茶！奈何都市人繁忙，相約飲茶都不一定「齊腳」，有時想利用午餐時間，快速地歎返一盅兩件都頗有難度。剛好放學途經老點點心，見到寫著由星級大師主理，每日都有不同的特價之選，便決定入內一試！店面裝潢使用中國風的大紅色但又不失型格！店名又大玩食字遊戲，雖名為老點但嚐過就知道並不是老點。餐牌內容為點心、燉湯及蒸飯。種類不多但有多款款式選擇。由於天氣十分熱，小妹著實喝不下燉湯，故今次就不試燉湯，改為主攻點心及蒸飯。先看蒸飯的種類，看到蒸飯是一個竹筒形式蒸燉，就試一個蟲草花雞竹筒飯！雞鮮燉且沒有蒸得過火，仍保持到有肉汁，雞沒有雪藏味！蟲草花令到整個飯更為香郁，飯粒與甜豉油混合，粒粒分明，且有點咬口不會糊成一團。鮮上肉炸響鈴腸賣相十分吸引，外層薄透的腸粉包著炸得酥脆的蝦肉響鈴。食前先點一點豉油，提一提味。咬下去，既食到腸粉滑嫩的口感又食到響鈴酥脆的口感！響鈴包著的蝦肉及豬肉，充滿彈性，調味適中，不會太鹹，值得一讚！戚風斑蘭馬拉糕身為馬拉糕迷的我，一看到就決定就算多飽都一定要試。馬拉糕蒸得企身面不會太實，著實鬆軟。與斑蘭混合一起，感覺創新又出奇地夾！總括來說，單憑這幾個小點心就能看出師傅功架，火候控制得宜，巧手拉腸粉拉得又薄又滑，又勇於創新及嘗試，值得加許及再光顧！…查看更多

在我和男友特別想吃點心的時候，總會想起老點，也來過好幾次。好久沒來了，今天經過，決定重溫這裡的滋味！設計沒變，仍是紅黑為主。舖面不太，再晚點來就要等位了~非繁忙時間也頗多人。他們有好多款自創點心，比酒樓傳統點心更有創意，吸引我們喜歡嘗試新東西的人。響鈴腸是他們的經典，把新鮮、彈牙的蝦肉加到響鈴內，還包了腸粉皮在外圍，那個響鈴竟然，竟然還是非常脆口！外皮軟，內脆再彈牙，這多重口感真是不得了，果是是招牌！小漢堡也是用了蝦肉，外皮炸得脆，內裡爽口彈牙，比響鈴腸內的蝦肉更厚更甜，正！可惜醬料有我不喜歡的芥末味道，我盡量刮走才吃。燒賣是我喝茶必點的item，此特色是咸魚子把燒賣提味，比普通豬肉餡味多了點咸鮮味，有畫龍點睛的效果。男友喜歡吃灌湯餃，所以他好期待這裡的湯頭。這個高湯味道鮮甜，帶點咸香，他好滿意呢。另外，“魚翅”的份量多，也吸收了高湯的鮮味，頗彈牙呢。破開餃皮看到裡頭有好多餡料，蝦仁，帶子，竹笙等較為高級的材料，全部都熟透入味，帶來味覺享受。最後已此煎堆甜品作結，小顆煎堆球芝麻香脆，內牆有一層像綠茶味麻糬質感的東西，正中就是麥提莎，甜滋滋的。這個又玩豐富口感，外脆，內軟再脆~只要like老點點心竹筒飯的facebook專頁和打卡，連茶錢都免了，爽歪歪~~…查看更多

朋友相約我在旺角食下午茶選擇一盅盅點心 ~ 老點竹筒飯。 在星期六下午約四時左右來到,想不到有那麼多客人。 睇餐單有好多創新特色點心選擇。 【芝心脆炸蝦丸】$29 蝦丸香脆彈牙,咬落啖啖JUICY流心芝士,為味覺、口感帶來雙重滿足,食時也可蘸甜酸醬,令人一試就愛上。* * *【戚風班蘭馬拉糕】$22 馬拉糕平日都食得多,但班蘭味馬拉糕都是首次食,淡香班蘭味,口感綿密,香甜柔軟,實在是太香太好吃了,想起都流口水呢!* * *【高湯素魚翅灌湯餃】$38 灌湯餃十分之足料,餡有大隻蝦肉及帶子, 鮮味十足,充滿鮮味,而高湯十分清甜不油膩。* * *【金腿高湯鮮竹卷】$22 鮮竹卷醮上的金腿高湯, 咸鮮的金腿味配合鮮竹卷彈牙多料口感, 不甚油膩,味道不錯。* * *【鮮上肉響鈴腸】$28 極力推介這個鮮上肉響鈴腸,非常特別, 最內中心是彈牙鮮蝦, 接著最特別是脆口響鈴,最外是透滑簿腸粉, 十分有層次口感,味道超正。…查看更多

星期六中午來到位於旺角東的老點點心吃中飯～ 二人同行無須等位😊 雖然店面很小 空間不寬敞，但是也不會因為坐得很急感到不舒服。總體對菜式表示滿意。下次還會再來吃😊 最後的甜品焦糖燉蛋和榴槤布丁比較出色😊…查看更多

有成年冇去喇，皆因坐得迫，啲坐椅又頂腳，但勝在好食同久不久有新嘢~瑞士汁炸鯪魚球 - 瑞士汁甜甜幾好味，鯪魚球唔粉但有我至憎嘅馬蹄粒粒，整體味道ok芝心脆炸蝦丸 - 哩個頸正，脆脆嘅外層，裏面係juicy嘅蝦肉，仲有軟韌嘅芝心，yummy~清酒雲吞雞 - 撲鼻嘅酒香，滑滑嘅雞肉，迷你小雲吞，湯一飲而盡，每次必食~高湯魚翅灌湯餃 - 餃裏面有兩隻蝦兩粒小帶子，湯未至於好清甜但還算可口鮮上肉響鈴腸 - 每次必食之2, 軟滑粉皮裏面係炸得超脆嘅腐皮，加上裏面嘅蝦(定魚？) 膠，口感層次豐富~咸香黑魚子燒賣 - 黑魚子有幾咸香就感受唔到，得嗰幾粒點食得出！？普普通通後記：雖然寶號叫包含竹筒飯幾隻字，但之前食過兩三次不同嘅竹筒飯都乏善可陳，但久不久推出新點心可以留住熟客，如果坐得舒服啲都會去多啲嘅，不過 ......…查看更多

記得第一次到老點，正是我跟星仔在韓國旅行認識後，第一次在香港見面的地方。他因為工作關係要來香港，所以我就帶他周圍食食食了。記得那天我們原本事前約好某個時間在點心店等，但由於我忘記較鬧鐘睡過頭(這裡要說明一下，平時我是極少遲到的，一般我都是早到的一個)，當我睡醒時剛好比約定時間遲了半小時，見到他留言說剛到住宿的地方，由於他一出旅館就沒有wifi不能上網，而且他距離點心店只有5分鐘路程，所以他就不停留言給我。 見到他的留言後，我也坦白說出原因，並以最快速度出門。來到點心店門口，正值中午人多時候，門外站了一堆人，突然有一個頭載賊仔帽面帶口罩的人走近我，原來就是星仔，這造形讓我笑了一個下午。我們就是這樣，在邊食邊聊間開始了解更多的對方。＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊老點位於旺角染布房街，就是旺角東火車站斜對面，所以距離旺角站會遠一點，在人來人往的街道走，都要約10分鐘才能到達。門面以紅色為主調，配上紅底黑字的招牌，非常醒目搶眼。不過由於今次來是下午茶時段，所以不單門外沒有人等侯，店內也只有半滿。店內就如一般新派點心店，由於走平價路線(相對連鎖茶樓)，所以座位都必定不太寬敞，但都是可接受水平，加上座椅為梳化座，都算坐得舒適。 一口黑芝麻豆漿($12)由於天氣開始熱，在港鐵站步行而來都已經汗流浹背，二話不說先點一個凍飲。老點除了汽水外，就只有原味豆漿和這黑芝麻豆漿，見甚為少見就點來試試。黑芝麻豆漿一枝都有約500ml，份量都算多，味道呢，除了少甜外，其實芝麻味和豆味也不太突出，不過以此價錢能有這麼有枝的凍飲，都不能要求太多。 吾系老點小漢堡($24)這小漢堡記得之前也有點過，那時仍是朋友身份的我們，現在關係已經改變了。小漢堡非常的骰，目測只有三吋高。包面鋪滿芝麻，稍微烘過，所以入口不會過於軟腍，中間是炸雞塊，軟嫩得來肉質不會過乾過鞋，最欣賞是中間的醬汁，有淡淡的芥末味，芥末強度清新得來不會過於嗆鼻，比一搬沙律醬好吃得多了。鮮上肉響鈴腸($26)響鈴腸聽其名就知道是腸粉包裹著響鈴。平時腸粉包春卷或腸粉包油炸鬼就見得多，腸粉包響鈴還是頭一次見。一碟有六件，醬油是分開上的，所以下多少任君選擇。腸粉皮厚薄適中，因為入面加了響鈴，所以入口非常鬆脆，這又跟春卷的脆是不同的，因為後者質地較硬，脆得來是沒有前者般鬆化的。入面除了鮮上肉，還有蝦米，整件放入口中，多重口感衝擊，味道確是不錯。冬筍鮮蝦餃($19)蝦餃以小型木箱盛載，雖然跟傳統的點心籠同樣是木製，但感覺有玩味得多。蝦餃一份只有兩粒，比茶樓的份量少了一半，不過如果只有兩個人，正好一人一粒，可以把quota留給其他點心。餃皮厚薄適中，從半透明的蝦餃皮，還能隱約看到入面淺橙色的蝦。蝦餃入面蝦和豬肉的比例約一比一，豬肉入口軟滑，蝦身結實爽彈，整體味道不錯。高湯魚翅灌湯餃($38)灌湯餃約有掌心大小，浸在高湯之上，上面鋪上不少粗如牙簽的魚翅。跟灌湯餃同上的，還有一小碟醋以供食客調味。魚翅呈應有的金黃色，整條晶螢剔透。餃皮同樣厚薄適中，入面都有數隻蝦和帶子，頗為足料。高湯濃稠適中，由於我習慣以醋佐食，所以微鹹的高湯多了一股酸香味，最後我亦飲得涓滴不剩。時間飛逝，距離第一次跟星仔約會(其實當時不覺得是約會，就是普通朋友吃飯)已有一段時間，當天星仔見我到了約定時間都不見踪影，不知會否猜測我是耍大排甚麼的，慶幸他的耐心等候，而且亦沒有半句抱怨，否則結果也可能不一樣了。縱使我們關係改變了，但老點的質素卻沒有變，仍然沒有令我們失望，而且價錢同樣親民，相信將來定有機會在這裡創造更多美好的回憶。＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊附上餐牌已供參考：…查看更多

星期日，最好就緊係同老公行街食飯啦！行完一輪已經三點幾，好想飲茶食點心，如果去酒樓，下午茶時段又有排等位。一路行一路諗，行到去中旅後少少，見到間老點，裝修靚靚地，就入去試試。叫左個鮮上肉響鈴腸($26),XO醬蒸鳯爪($18)，聲音白花壤魚肚($22)，紅魚子海皇餃($20)，吾係老點小漢堡($22)，是日燉湯—川貝雪梨燉海底椰($45)，向西嫩雞竹筒飯($26)，可愛四色小甜點($33),另外茗茶每位$4。鮮上肉響鈴腸，白滑既腸粉，包住香脆既響鈴，而響鈴一d都唔油，仲有陣陣豆香，最入面包住鮮蝦肉，層次分明。XO醬蒸鳯爪，汁香，鳳爪肉多。聲音白花壤魚肚，魚肚吸收左大量既汁，好鮮味，上面仲壤左蝦膠，好鮮甜味美。紅魚子海皇餃，皮薄餡靚，除左蝦肉，仲有紅魚子，咬落有蝦既鮮甜，仲有魚子既香。吾係老點小漢堡，細細既兩個，包好脆，入面有芥末，菜，而漢堡係用蝦膠做既，再炸成漢堡，好特別，感覺新鮮。川貝雪梨燉海底椰，瘦肉，龍眼肉，雪梨，海底椰，川貝，好足料，個湯好甜，非常的滋潤。向西嫩雞竹筒飯，雞肉好嫩，個飯係紅米飯，加埋個甜豉油，引晒d鮮味出黎。可愛四色小甜點，四款口味包括，香芒小布甸，石榴小布甸，忌廉焦糖燉蛋，咖啡鮮奶小布甸，四款各有特色，芒果個個，有大大粒芒果，最特別既係石榴味，香甜，帶點點微酸，焦糖燉蛋，香滑甜度又剛剛好，咖啡小布甸，咖啡味好濃。點心精緻，服務又好，下次要再黎試試其他點心！…查看更多

位處旺角呢間<老點>係原店黎…最近先係元朗開左分店…元朗店早前我已經試過…所以今次就返黎原店睇下改革後既新樣貌…大致上…只係點心款式唔同左…同分店差不多…唯獨飯類有些小分別…原店係竹筒飯…分店係缽仔飯…同時亦有每月人氣榜添…不過原店呢度就繁忙得多…出菜快…食野快…執碟快…人流都好快呢…呢度地方比較擠迫…而且要搭枱添…好多時d人食完都唔會久留…唔駛十分鐘…d食物就陸續送上…張枱都無位擺添…咁點可能唔快d食…食慢d又凍哂唔好食呢…首先黎既係竹筒飯…相信好多野食都係整定暖住…唔係蒸飯又點會咁快上枱…睇落去d餸滿到就快跌出黎…但其實只得肉眼睇到面果浸係餸…飯係混左少少紅糙米…餸滑飯香…響鈴就好似比以前縮左少少水…同埋無之前擺得咁整齊…但都維持水準既…皮薄鈴脆…新產品…好鬆軟…係有色既馬拉糕feel...魚肚幾厚身…味道ok...幾精緻…但味道有d古怪…有點滯肚…又係一口堆…呢個反而煙煙韌韌好咬口…內裡話係麥心…有少少硬脆既感覺…甜甜地…都幾特別…普通燒賣加魚子...唔覺咸...無咩特別...牛柏葉腍而入味...唔辣...都ok...新鮮熱辣拎出黎...內裡只有蝦比較寡...但皮薄而脆...無沙律醬...只得喼汁...總括黎講...今次開創新款式之餘...又能保持水準...都算快靚正...期待再有創新食品...…查看更多

自從試過一次老點點心之後，就愛上左佢地既創意點心，特別之餘又好味，今次已經係第四次黎了，發覺都差唔多試均佢地既點心，一有新點心推出又係再去幫襯既時候。.而且咁岩小妹有位友人都好鍾意食老點，咁岩元朗又開左新分店，所以食完呢次後，相隔無耐又去左食元朗個間，認真誇張!.鱷魚肉淮山燉豬踭 $45材料很足，有粟米、蘿蔔、豬踭和淮山等一齊燉，飲落就像媽咪煲個種無味精湯，所以每次黎都好鍾意點一盎燉湯黎飲，日日都有唔同味道供應。.鮮上肉響鈴腸 $26係小妹每次去老點必點既點心，腸粉皮包住脆身響鈴，沾上些豉油，好味，但攤凍左就會差點，所以最好速戰速決。.芝心脆炸蝦丸 $28一碟三粒炸至金黃色既蝦丸，熱辣辣的放入口，香口無比，再加埋內裡的流心芝士，身為芝士粉絲的小妹，覺得好好味呢。.彩絲正常牛柏葉 $22一向都鍾意食點心牛柏葉，不過唔係度度都食到爽口，而呢度既份量都唔少，又夠咬口，唔錯。.冬筍普通鮮蝦餃 $19接近成十蚊隻蝦餃，蝦餃皮比較易穿，幸好內裡的用料頗足，每隻蝦餃裡大約有兩隻蝦在內，食落頗爽口呢。.碧綠菠菜海鮮餃 $20餃皮算薄身，內裡菠菜既份量頗多，有埋蝦肉等材料，由於包著滿滿的菠菜，整體味道幾清新。.愛心白汁芝士蘑菇雞批 $26每件迷你雞批都焗得剛剛好，裡頭的白汁蘑菇雞很足料，食落有芝士香之餘，撻皮也富牛油香，超愛，比麵包餅店做得更好味!.紅棗糕 $18食落煙煙韌韌Q彈，唔過甜，帶有陣陣紅棗味，還不錯。…查看更多

頗喜歡食中式點心的小妹，這次相約了友人同到旺角的老點以點心作晚餐。其實早前也曾與食友到訪過一次，那次的印象滿不錯的，只是座位有點迫，點心的款式是比較創新那種，價錢也不算貴。.(這是二訪的照片，小漢堡同響鈴腸無得輸).大紅色黑字的老點招牌很易認到，這天約7點去到，店子座位不多，店內仍未爆滿，過了一會已開始有人在外排隊。.店子推出的夏日優惠，每星期一至五都有$1~$5的點心供應，手快有手慢無。.老點每週都有供應不同的老火湯，星期一到星期日款款不同，像蜜瓜鮮海底椰燉唐排、猴頭菇圓肉燉豬骨、川貝海底椰蘋果花燉上肉，很滋潤呢。店方還打趣的稱之為進擊的星期燉湯。碰巧當天係星期二，供應的燉湯係淮山節瓜燉上肉，每盅 $45。感覺這燉湯滿足料的，看到不少節瓜和梅花肉(上肉)，這湯飲落不過油，就是老火湯的味道，滿鮮甜的。對於不是常有老火湯喝的人，這裡的確實不錯，而這一盅，小妹便和友人分著喝。.鮮上肉響鈴腸 $26這是小妹其中一道很回味的點心，以透薄的腸粉皮包著平常火鍋用的響鈴和鮮豬肉，夾起沾些豉油，腸粉皮和響鈴吸收了豉油，咬落軟綿中帶有脆身的質感，真係好好味，小妹大定推薦。.碧綠帶子腸 $26這裡的手拉腸粉，味道還有比較普遍的叉燒腸和手拉白布腸。由於先試左響鈴腸的關係，感覺這款比較普通，而且腸粉皮的比例佔得多，料較少，皮又有點厚，不太能嚐到帶子的味道，整體一般。.脆皮麥心小煎堆 $22 (吾係老點推介)這是二訪所點的，煎堆賣相外型討好，每粒煎堆己小匙羹擺放著，咬落外層帶微脆和煙韌，內裡是綠豆蓉和麥提莎，其實整體味道不夾，玩味性較重，一時無妨。.標叔炸饅頭 $18熱辣辣的炸饅頭，咬落外脆內軟的質感，沾上滿滿的煉奶醬，甜甜的好滋味，是一道香港的地道點心。.咸香黑魚子蒸燒賣 $19 (吾係老點推介)燒賣和蝦餃等的點心都用上可愛的小木盒子盛著，有別於一般用傳統蒸籠上的更為別緻。大大粒的燒賣食落肉質鮮嫩，面層放了少許黑魚子，感覺是升級了的燒賣，也增添少許鹹香味，但還是較喜歡傅统味道的燒賣。.冬荀普通鮮蝦餃 $19 (吾係老點推介)內裡填滿了鮮蝦，整個就是很飽滿，咬落爽彈，雖然外皮未至於做到超薄，但味道確實頗不錯，挺喜歡。.白玉釀玉子豆腐 $22把蝦膠放在玉子豆腐上一同蒸，喜歡玉子豆腐的滑嫩，又喜歡蝦膠的彈牙，想不到兩者頗夾，不過油了點。.戚風班蘭馬孻糕 $20班蘭味未算得上突出，不過馬孻糕 (馬拉糕)的質感鬆軟，食味也是不差，小妹還是比較喜愛傳統味道的馬拉糕。.高湯魚翅灌湯餃 $38上面放上了一撮金黃色的是魚翅嗎? 小妹沒有深入的確實(雖然相信是素翅吧?)，湯底入口鮮甜好喝。而且灌湯餃的料頗足的，有鮮蝦肉和小柱等，皮又不會太厚。.吾係老點小漢堡 $22 (吾係老點推介)一碟兩個迷你小漢堡，芝麻漢堡夾上的不是豬柳或漢堡扒，而是蝦餅，入面還加了芥辣呢! 蝦餅也頗有厚度，食落彈牙，加埋惹味既芥辣，難怪這漢堡算係店中招牌點心之一，因為真係好味又有創意。.金腿高湯鮮竹卷 $20鮮竹卷吸收了金腿高湯的鮮味，一咬落高湯四溢，又不會過鹹，感覺比傳統的好味呢。.可愛四色小甜點 $33包括芒果、石榴、咖啡和焦糖蛋四種味道，散叫每款$9。每款都用精緻小巧的小砵子載著，每款味道都做得不錯，尤其喜愛比較特別的石榴味，入口滲出石榴的清香味，不錯。由於整體點心都頗有驚喜，而且小妹和友人對那響鈴腸也念念不忘，所以相隔星期又再度二訪，除了叫上次一些覺得好味的點心，也點了些上次無食的，像牛肉球和竹筒飯等，味道水準都維持得不錯，店員也會常常加茶，有感食物比那間米芝蓮的點心好得多。不過今次蝦餃今次就差了一點，外皮一夾就破，而且有點變形，可能要稍為留意一下呢。…查看更多

閒日下午七點黎老點食野, 好好彩店入面人唔係好多, 仲有位最後一個兩人位。一坐底即刻斟茶, 可惜冇得揀飲乜茶, 只有比茶餐廳茶水好飲少少既「茶」, 有D失望!叫左以下五個點心:滑雞竹筒飯雖然竹筒飯係紅白米飯混合, 比較健康, 但係最大既問題係唔夠熱, 食落D飯同肉硬哂, 唔合格!!斑蘭馬拉糕馬拉糕鬆軟有椰香同斑蘭味, 比起美X果D斑蘭蛋糕好食!!日式燒汁雞粒咸水角傳統咸水角入面係豬肉蝦米, 而呢個就包左燒汁雞粒入面, 感覺幾新鮮, 咸水角新鮮炸起, 好食!鮮上肉炸響鈴腸十分推薦!!自家炸響鈴好香脆, 比平時打邊爐果隻更脆口! 搭配爽口豬肉同腸粉, 新奇爽脆既口感, 值得叫黎食!!白汁芝士蘑菇雞批相對上面既點心比較失色, 白汁好重奶粉味而冇乜芝士味, 批底唔夠脆, 入面冇乜雞肉, 食味一般…查看更多