生記鮮魚湯米線

最近成日都天陰陰咁，好耐冇見過太陽了，難得一見，就出黎曬下啦 聽聞【生記】嘅魚湯係上環一絕，早就想黎試下喇，就今日啦～中午12點幾，午飯時間。。。。。。又唔係喺哩頭返工，我早唔黎遲唔黎，點解係哩個時間架 老婆話好肚餓啊。算，排隊。。。其實我仲點咗其他野食的，但我後叫嘅【魚腐米線】俾我嘅印象太深刻喇，所以我特登開多個食評，去記錄今次嘅經歷叫完，等咗5分鐘左右就上檯了～ 嗯。。。碗湯顏色怪怪地。。。。。。識煲魚湯嘅都知道，煲湯之前先煎煎條魚，放薑，條魚夠新鮮，碗湯就會呈現出一種好自然嘅，帶淡黃嘅奶白色，就算唔白都一定好飲（其實如果條魚新鮮，你冇揀啲古靈精怪嘅魚，唔係急凍魚，湯嘅顏色想唔白都難）但哩碗湯嘛。。。個顏色白得黎好唔自然，白色，但又有啲透明。。。。。。我想咗一想，得出一個結論。。。如果唔係因為廚房加米線落魚湯度嘅時候完全冇隔走啲水，趕唔切咁就咁倒落去，咁就應該係啲湯溝咗水囉。。。。。。如果係因為前者嘅原因，咁我嘅評語就係個做廚房嘅好唔專業，好好一鍋白白嘅靚湯都俾佢搞成咁，炒咗煮米線條友去啦！！！但如果係後者嘅原因。。。。。。人地鋪頭生意太好，魚湯準備唔夠，冇理由有生意都唔做架，咁有原則做咩，又唔可以當飯食，反正自己唔係第一個，亦唔會係最後一個，又有乜所謂wo～～～我冇興趣知係咩原因，所以我冇去問佢地，嗰刻我淨係想知道碗湯嘅味道如何，話唔定人地識變魔術呢～ 我飲咗一啖。。。。。。當然神跡並冇發生（咁嘅顏色都好飲我仲驚，都唔知佢地加咗啲乜落碗湯度，好彩一切正常）可以飲得出有淡淡嘅魚味，味道偏淡，落唔夠鹽（？），魚香味好淡，絕對唔難飲，但冇乜好飲囉。。。冇魚腥味係唯一優點 試試啲米線先。。。淡，好淡，米線本身淡好正常，罪在于湯，但啲米線淡得黎又煮淋咗wo 又淋又冇味點食呀！ 咁我當然蠢唔曬，我識加調味料嘅。。。。。。唯一希望就放咗喺啲魚腐度，其實話就話叫魚腐，但睇落似煎炸過嘅鯪魚球，大大件，賣相都幾討好吖 試下味先。。。嗯，味道的確有啲似鯪魚球，入面有少少蔥，魚味幾足，味道對板，唔係話特別好食，但都算係食得過了碗米線幾錢我已經記得唔係好清楚了，30幾蚊呱。。。反正以一份食物黎講，味道永遠佔一個非常重要嘅位置，碗野都唔好味，價錢幾便宜都冇用啦！P.S. 非常遺憾，我叫咗嘅其他野食，味道都係偏向劣評的。。。。。。…查看更多

放假既日子約左朋友去上環LUNCH, 朋友介紹呢間佢平時最愛食既魚湯米線約左朋友12點去食, 未到正式午飯時間已經有人起門口排, 朋友話如果一點去真係排到放完飯都未輪到!!餐牌- 主要都係魚湯米線或者泡飯魚腐魚湯米線先講魚湯- 鮮甜唔腥有魚味, 連我呢個本身好怕魚腥既人都覺得好好飲! 有少許胡椒味不過唔會喧賓奪主, 反而吊出魚鮮味! 先前睇過有食評話魚湯凍左冇魚味, 不過我又完全唔覺, D湯好熱好新鮮!魚腐- 唔係一般街賣粉多過魚既魚腐, 反而食落有D似炸鯪魚球! 好彈牙好有魚味! 正總括而言, 湯底、魚腐都有真材實料, 三十幾蚊真係抵食過連鎖譚仔魚米家啦!!…查看更多

現代人追求健康飲食，魚湯米線正是最佳選擇。來到上環，一於食碗順德魚腐魚湯米線作下午茶。來到生記時已是下午二時四十分，不需等位便能輕鬆入座。除了餐牌中的米線、泡飯外，下午兩點後還有追加優惠，惠顧任何米線或泡飯加$7 或$10便享有魚腐、炸魚片頭、油菜、滷水雞翼等小食一款，或熱飲一杯。飲品選擇頗多，天冷需要熱飲的話不妨留意。不用多久，熱騰騰的袖珍順德魚腐魚湯米線便送至桌上。飢腸轆轆，馬上喝一口魚湯，喚醒沉睡了的味蕾。香濃的魚湯配搭順滑美味的魚腐，回憶中的滋味正一一回來。蔬菜份量足，但碗中未見爽口的木耳；加上米線煮得偏腍，口感略為遜色。可能真的太肚餓，不用十分鐘已吃完整碗袖珍米線，還想多吃一點。或許下次光顧時直接要一碗大的，吃得更痛快過癮吧。…查看更多

聽聞呢間魚湯米線味道十分不錯, 今日終於食晏經過可以試下裏面坐位比較逼,環境一般, 都係一般粉麵檔格局, 我左個魚湯雜會米線, 五分鐘送到魚湯米線 材料有魚片頭, 雞翼, 鯪魚球生菜, 魚湯好香而飲落有好濃烈既魚味,應該落左好多吾同既魚黎煲呢個湯底, 因為甘, 縱使米線一般但吸左魚湯都幾好味. 雞翼好香豉油味而且整到好林, 生菜新鮮, 鯪魚肉質感比較粉好香魚味而且彈牙, 魚片頭出面層皮厚度適中, 入面彈牙, 吸埋魚湯, 正!…查看更多

依間野係我第2次去食。第1 次去完就有一種下次一定要再黎既感覺，原因佢地個豬腩肉真係好好食，個魚湯都好好飲依次去既原因都係想食佢地既豬腩肉，不過我地今次係平日去，去到已經售罄。今次叫左魚腐魚湯米線同埋雞翼米線。兩碗米線都好鬼得佢D 魚腐同我想像中好唔同,佢地係一粒粒，而我平時去"譚X" 果間係扁身。魯水雞翼好鬼香，雞翼又滑，份量有足。真係冇得頂。O卡O卡~唯一唔好就係關門早，地方遠，唔"就"我地。…查看更多

因為出JOB，同事帶我來這裏吃。午飯時間，很多人等位呢！但隔離的食店卻不用等位，可見這店的人氣很高呢～！這店外賣自取減三元，真的很少見！多數外賣會加一元！店內有點迫，一張枱坐五至六人。入座前會問你要什麼，等你坐下後，店員不用再幫你落單，很快便有得吃了。我試了它的招牌魚腐米線，有六粒魚腐，而米線份量頗多！魚腐米線：看到魚湯是奶白色，首先試試它的魚湯。個人認為頗淡，不太鮮甜，沒有驚喜。喝下不覺得口渴！米線腍了一點，不太喜歡。魚腐炸得香口，不油膩，而且都幾滑幾彈牙，很不錯呢！整體上算幾抵食的呢！因份量不少，魚腐夠大粒。…查看更多

一碗 take away 既魚腐米線 HK$26! 有六件好大件既魚腐, 有椰菜,芽菜絲和木耳絲做配菜. 份量好足夠. 湯底OK,不過鮮味不足, 有啲啲腥, 米線份量很多但係有啲沐似 spaghetti.魚滑米線, 啲魚肉都好滑, 唔錯呀!片頭米線d片頭好爽,好彈牙, 好好味! 唔錯唔錯! Although recently they've reduced the amount of the 米線 but still acceptable for HK$26.…查看更多

三月二十八日 (星期一)今日心血來潮,突然想吃生記魚湯米線剛巧六月小姐又想一試,我們一行三人就去了遲來了一點,代價就是要等位我和六月小姐分別點了魚腐米線和片頭米線再share自製的雙併呢老公仔則照舊什錦米線廚房出菜時,店員看到少了一粒魚腐(原本應該是六粒),連忙着廚房補回真是很均真魚腐有豐富的鮮魚味,雖炸過,但仍不覺油膩米線份量真的很足,我和六月小姐都吃不完老闆晨早煮的魚湯極鮮甜,可惜太飽,不能喝光老公仔的雜錦有魚腐,魚滑,雞翼,片頭,絲瓜和腩肉最欣賞的是鹵水雞翼,腩肉半肥膏半豬肉,層次分明,口感豐富為什麼凡是叫生記的都是美食呢?…查看更多

五月十八日(星期二)假期後第一日返工,不想虧待自己,一於同老公仔吃個好味的午餐近來的確日子難捱!加油呀~放假回來的第一日,不算是太忙,但是辛苦的不是在肉體上,不知何時才有假期呢今日到了上環的生記去旅行前我都自己吃過一次,一個人比較易搵位!今日等一會,就有位了!我點了魚腐魚湯米線老公仔點了雜錦魚湯米線魚腐魚湯米線魚腐有五粒,味道好!是炸過的.但是不算油魚湯美味有益,米線份量多,女仕應該叫小米呢雜錦魚湯米線材料包括腩肉,魚腐,魚清,雞奕,魚角,瓜等等老公仔喜歡吃雞奕,魚滑亦新鮮份量很大!$36-抵吃!不愧為我最喜歡吃的米線每次都沒有令我失望呢…查看更多

四月十九日(星期一)原來和老公仔已經近三個月沒來過生記了當然,其間我自己來的也不少生記是隔離粥店的分枝,所以它的魚湯特別有保證,每個午飯時間都總是擠滿人今日剛好,去到不用等便有位了老公仔點了雜錦米線,而我則點了魚腐米線雜錦米線真的很雜錦有肥肥的腩肉,雞翼,魚肉,魚腐,魚片等等,應有盡有魚腐當然保持水準,很香的魚鮮味加上大大碗的魚湯米線,很滿足!份量真的非常多!想像不到米線也可以吃得如此的飽有心有保證,我們推介生記!…查看更多

今天下午和薑餅人、弟弟和頌頌去睇貨. 完成任務後我建議去生記吃魚湯米線.等了一陣便有位, 位子依舊很迫, 但客人依然很多.薑餅人和頌頌都要了魚腐豬潤米線，弟弟要了魚腐米線，我就揀了鮮鯪魚滑米線。 另外再加兩款小食, 炸魚片頭和炆豬腩肉.魚湯清甜不涸喉, 最愛是胡椒味不過重, 結果連湯都喝清.魚腐鬆嫩, 但我的鯪魚滑更出色. 鯪魚滑彈牙帶點煙韌, 魚肉清香, 可説是我吃過最出色的鯪魚滑.米線爽滑, 加入芽菜, 木耳絲和椰菜絲, 十分健康清新, 縱使分量不小, 吃完也不過膩 (不代表不會過飽, 哈哈)炸魚片頭一向是我至愛, 怎也不會太難食 (主觀大於一切).炆豬腩肉是切成薄片, 薑餅人和弟弟都讚不絕口. 鹵水味香, 不膩但充滿油甘香.四個人都吃清, 哈哈, 很大食啊！…查看更多