滿江紅小甜甜

星期日放假約咗朋友一齊食晚飯，突然好想食辣野，就去咗呢間食川菜既小甜甜🤗位於旺角歐美廣場既餐廳泊車都算方便，樓下有十幾個咪錶位，仲要係2個鐘果隻！我差唔多9點等左2、3個字就有位泊車，都算方便👍🏽我地叫左5個餸，有魚春魚卜煲、清炒萵筍絲、麻辣涼粉、辣子雞同埋原味焗蜆！個魚春魚卜煲，除左魚春魚卜外，佢入面仲有薯仔同青瓜，成個煲都煮得好入味，又夠辣！如果中意食蘿蔔嘅朋友仔可以轉蘿蔔底，一樣入味好好食😋清炒萵筍夠晒爽！雖然清炒但夠鹹都好味👍🏽麻辣涼粉唔太辣，但勝在涼粉夠爽，凍冰冰好開胃！辣子雞賣相靚，好多雞肉多，又夠香脆，唯一係order完要等好耐。最後係原味焗蜆！佢用錫紙封住，再用辣青椒一齊焗，一打開勁香，蜆肉夠鮮甜，鍾意食辣青椒可以食埋，因為好入味！😋😋…查看更多

天寒地凍 除左打邊爐之外 食辣野都係另一選擇😏今次同食得辣嘅朋友們黎到滿江紅食四川菜一入門口已經聞到陣陣香味 再望下每枱客人嘅餸菜果然係名符其實滿江紅😂😂點左名菜 水煮魚 紅紅的一大鍋佈滿了辣椒小辣都已經咁樣 佩服點大辣嘅人😂鯇魚片切得薄薄的泡浸係辣椒中入口嫩滑無骨 魚肉更佔滿辣椒湯嘅味道 正👍🏼湯鍋中重有大量大荳芽菜 完全被辣湯浸到入味了入口爽脆 送飯一流 但其實比魚更辣😌再來一個魚春魚卜煲 外面好少食到咁足料嘅魚春魚卜魚春完完全全鋪滿整個煲 再加上即場再加熱又有辣椒煮過 食起黎一啲都唔腥魚春脆脆的粒粒分明 口感十足👍🏼最後叫左大人細路都岩食嘅蒜香炸雞翼一碟5隻肥肥的 外層炸到金黃色 重有蒜粒係上面脆卜卜嘅外層加上啖啖肉 而且師父調味調得岩岩好唔洗點任何醬汁都好好食 👍🏼…查看更多