阿來客棧雞煲火鍋 (已結業)

♨️富妹鐘意食雞煲火鍋，今日熊妹等佢收工後係佢公司附近揾到間《阿來客棧》就係食雞煲火鍋，岩佢口味。‪📌晚上7點‬幾黎到，店鋪唔算好大，但都人頭湧湧，個個上班族💼都想放工黎聚一聚，抖下氣💨，雞煲火鍋真係一個好選擇。📌店員好貼心💓，一坐低，已經遞上熱茶解解渴，除除塵，真係好客服務🕴🏻。📌然後送上火鍋調味料讓客人自己先弄一碟自己的調味醬。熊妹好驚訝的係竟然有齊熊妹火鍋必要及只要的指天椒🌶及炸蒜🧄，其他調味唔需要多，就呢兩款加豉油已經好足夠。馳名重慶辣雞煲，$168📌事不宜遲，即刻叫半隻雞煲🥘，食咗雞先講。📌其實熊妹同富妹都食得辣，不過怕雞煲食完後加湯打邊爐會愈煮湯汁愈辣，所以都係決定揀小辣🌶。食完雞煲仲會打邊爐，仲會叫火鍋配料，所以雞煲叫半隻就夠啦。半隻雞都有十幾嚿雞，有雞腳，有雞翼，有雞胸，有雞髀位。雞煲辣汁超惹味，用咗勁多蒜片同埋洋蔥，當然仲有辣椒煮埋一齊，小辣辣度真係啱啱好，雞肉入面都滲滿醬汁，唔係剩係得表面先有醬汁味道，係煮得好入味，而雞肉肉質好嫩滑，繼續喺煲入邊煲，煮咗好耐，都仲係好嫩滑，完全唔鞋口，呢個雞煲真係好掂。阿來牛肉卷， $68📌食完雞煲，例行公事梗係要連雞煲的湯汁再打邊爐啦。呢個阿來牛肉卷係《阿來客棧》的招牌菜，當然要試下。一份有兩串，每串有三卷，即係有六卷。牛肉卷就係雪花肥牛入邊包住芫荽同芹菜，本身熊妹唔係好好芫荽🌿，但係雪花肥牛同芫荽嘅組合又唔錯喎！牛肉肥牛好夠牛味，出奇地蓋過咗芫荽的重味，加埋芹菜嘅爽口，呢個阿來牛肉卷真係幾特別喎！鮮滑牛（半份）， $48打邊爐又點可以唔叫牛呢？實不相瞞，其實熊妹係鍾意食新鮮牛肉多個食肥牛，因為肥牛都有啲肥肉位，新鮮牛肉🐮又有厚度，又冇肥肉位，仲要啖啖都係肉，咁樣食落口先有口感㗎嘛。:)半份都有五大片，厚切一片，洽兩洽，熟咗之後真係超嫩滑，啖啖都係肉又冇渣，湯汁滲哂喺牛肉入邊，唔點醬都好夠味。魚皮餃（半份）， $25半份魚皮餃🥟都有五粒，魚皮烚耐咗都仲係保持煙韌度，食落唔腥，再點自製豉油辣椒汁，又夠滋味！芝士丸（半份）， $25半份芝士丸🍢有四粒，芝士丸喺湯煲入邊煮左一陣，表面完全索晒啲湯汁，令本身包住芝士無咩味嘅白丸都充滿小辣湯汁嘅味道，咬一啖仲有芝士🧀流心澎湃地湧出，食落去的時候真係要小心啲，如果唔係會焫親嘴巴。所以話揀小辣做湯底真係好唔錯，唔會太辣，好夠味食得入口仲要唔使再額外點醬汁。翡翠豆苗（半份）， $25（右）有熊妹在，一定要點蔬菜。出到嚟打邊爐，梗係點啲平時好少食的蔬菜啦。翡翠豆苗好新鮮好翠綠🌱，洗得好乾淨，無根無渣，係雞煲湯底入邊煮，煮走咗草青味，仲有好濃郁的辣味，原來辣湯蔬菜都幾好味喎！皇帝菜（半份）， $28（左）皇帝菜🥬真係打邊爐恩物，因為皇帝菜有一種獨特嘅菜味，就算湯底幾濃味都好，皇帝菜嘅味道依然存在，仲會夾埋湯底嘅味道，所以打邊爐一定會點皇帝菜。鬼馬墨魚脆， $62又食完雞煲，又食完邊爐，再唔夠喉點多個小食-鬼馬墨魚脆，睇個名都幾特別。原來就係油炸鬼入邊再讓咗墨魚滑，油炸鬼炸得好脆，墨魚滑好彈牙，成個口感有脆又有咬口，真係相映成趣，點埋跟上嘅秘製醬汁，甜甜哋帶少少酸，炸物點醬就好滋味。📌整體來講，兩個人五百幾蚊，兩款蔬菜，四款火鍋配料，一款小食，又有雞煲，又有打邊爐，食物質素幾高，銅鑼灣地段，係幾唔錯，可以再來encore。…查看更多

打邊爐就話要圍爐取暖，咁雞煲又可唔可以呢？可能呢刻你會話夏天咁熱仲雞煲？Too naïve, too simple，我可以好肯定咁答你，就係要夠熱咁先暖到入心呀，如果唔係又點算係圍爐呢？👇🏻📌雞 煲 - ▪️ 馳名重慶辣雞煲 - $168/半隻  ▫️ 第一件事一定嗌返個「馳名重慶辣雞煲」先啦，雞件非常大份，而且一上枱已經好夠熱，直接食都仲得，肉質嫩滑完全唔老，好食；我揀左微辣，辣汁唔會太勁，加上芫荽、蒜片，洋蔥，反而好夠入味，正！📌炸 物 - ▪️ 鬼 馬 墨 魚 脆 - $62▫️ 呢個炸物「鬼馬墨魚脆」好有驚喜，外層係油炸鬼，炸到相當香口，裡面包住墨魚滑，口感彈牙，絕對係送酒一流。📌火 鍋 -▪️ 手 打 鮮 蝦 丸 - $56▪️ 手 打 牛 肉丸 - $50▫️ 食完雞煲仲可以加湯打邊爐，分別嗌左「手打鮮蝦丸」、「手打牛肉丸」，兩隻丸唔錯，蝦丸鮮甜爽滑，牛丸有咬口，過足口癮！▪️ 稻 庭 烏 冬 - $38▫️ 最後整埋個「稻庭烏冬」就岩岩好，整體我覺得性價比高，價單好抵食，兩個人share都夠飽，值得再去！…查看更多

渣甸中心新開咗間雞煲火鍋店，網上訂座仲有85折，一於同朋友試試。餐廳環境舒適都幾乾淨無咩油煙，枱與枱之間設掛簾分隔增加私隱度。 醬料茶芥每位收 $12，店員會放低醬料供自行調配，有辣椒粒、生蒜、蔥花、豉油。 馳名重慶辣雞煲 (半隻) $148雞件份量唔少，有大、中、小辣選擇，而我們要求微辣好了，雞件好入味，有點似咖哩汁辣中帶點甜，辣得黎又唔會令味蕾發麻的。 養顔花膠 $58花膠4塊都算大塊，唔會煮煮下就縮到唔見左。 廣島蠔6隻 $58 x2首6隻連雞煲一伴上，蠔身肥美好大隻的，吸晒雞煲的辣味，好惹味，朋友食到唔夠喉，再encore 6隻作火鍋配料，依個優惠價非常抵食。 珊瑚蚌 $58 （半份）蚌身好爽口，大部分配料都有半份/一份選擇，人少少就可以叫半份點多幾款配料。 即炸響鈴 $58一味二食，隨甜酸醬可即食，咬落非常酥脆，或作火鍋配料索啲湯汁，感覺大不同。 鬼馬墨魚脆 $58新鮮即炸油炸鬼配上彈牙墨魚丸，可蘸甜酸醬即食，又脆又彈牙口感十足。 最後仲送上每位花奶涼粉一碗，味道不會過甜。…查看更多

之前已經黎過阿來客棧，戈陣仲系新開冇耐，而且系正銅鑼灣，都吸引咗啲人去。之前黎戈陣仲系新開冇耐，有雞煲款式有做半價，勁抵，抵得黎仲要好味😋環境仲要好寬敞，吸引到我再去幫襯啦。餐廳都開咗一段時間，原本以為已經會冇咗啲優惠，點知呢家不論一隻定半隻都仲做緊優惠😍仲keep住可以以優惠價選擇各款海鮮同埋肉類。上次叫咗個小辣嘅重慶雞煲，有得揀大、中、小辣或者吾辣，今次就揀咗吾辣。吾辣同樣有吾辣嘅滋味，今次啲汁都系好惹味😋雞肉嘅份量都好多㗎，新鮮熱辣辣得黎又嫩滑。🖤 鮮松露墨魚滑 $48🦐 手打鮮蝦丸 $48💛 鮮腐竹 $20幾乎次次食雞煲/打邊爐都會食黑松露墨魚滑🤓超中意食黑松露🖤墨魚滑都好爽口彈牙。蝦丸賣相好精熒通透，裡面嘅蝦肉都好新鮮，幾高質。好耐冇試過打邊爐叫腐竹食，本身食腐竹都已經會有好重嘅豆味，沾埋雞煲嘅醬汁黎食勁入味😁講起打邊爐耐冇食豬頸肉，其實更耐冇食嘅系豬頸肉，顏色都幾粉嫩💖一望都知好食，有時食豬頸肉又驚會感覺好肥膩，結果都吾會呀，爽口有嚼勁。上次幫襯都有食鬼馬墨魚脆，覺得好正，所以今次又再食😆今次食就冇咁脆了🥲不過啲墨魚都好味。比上次遜色嘅系上次感覺上會脆啲，今次可能本身都擺耐咗就冇咁脆🙉anyway墨魚同埋油炸鬼始終呢個都系一個好正嘅組合黎嘅。脆炸午餐肉都幾正咁，喺其他火鍋店都食過同樣嘅菜式，呢度嘅都有少少脆，當下小食送吓口都吾錯。…查看更多

天氣一涼又好想打邊爐🙈今次轉個形式先 - 食雞煲上網搵到間做緊優惠嘅雞煲店—————————————————————由於依家餐廳做緊半價雞煲優惠去到發現幾近爆場 好彩預早book左位雞煲有4款選擇 1款乾鍋 3款湯鍋最後中島揀左花膠瑤柱雞鍋因為今晚想飲啖滋補靚湯😋超濃郁嘅花膠雞湯 飲完一碗接一碗有一刻懷疑個湯底其實係飲曬而唔係蒸發左🤣呢個雞煲有度好就係野食可以叫半份唔洗驚食唔曬會浪費所以好放心咁叫到成檯都係😂滑牛切得厚薄適中 但大塊食落冇乜筋 咬起黎唔會痴牙牛味濃郁煲完啲湯都有啲牛肉味半份瀨戶內蠔 有三大隻唔小心滾左五分鐘左右都冇縮到仲好有鮮味！🤤個心唔係實的的架～好滿足❤️蜂巢豆腐平時真係好少會叫但因為呢個湯底太正要叫舊豆腐吸湯黑毛豬同雲吞真心推介 薄切得黎油脂平均比起出面日式連鎖火鍋店嘅豬靚好多雲吞餡料好爽口就算烚耐左都無散開𥚃面一大隻彈牙鮮蝦🥰第一次食咁新鮮嘅鵝腸食落仲有陣油香為左醫肚餓先叫左個鬼馬墨魚脆油炸鬼舖上墨魚膠再炸 鮮脆彈記得記得記得打2577 7880訂位先呀因為地方唔大 但坐得舒服嘅😊依家仲送糖水添 堅抵呀—————————————————————⟠ 滋補花膠瑤柱雞 $84⟠ 鬼馬墨魚脆 $58⟠ 西班牙黑毛豬片 $68⟠ 即包鮮蝦雲吞 $42⟠ 鮮鵝腸 $45⟠ 蜂巢豆腐 $20⟠ 薯粉 $20⟠ 日本瀨戶內蠔 $45⟠ 油麥菜 $20⟠ 鮮滑牛 $42…查看更多

經過之前同朋友試過個好正既湯底，今次再接再厲，去搵另一間試吓先，最終我地選擇左呢間「阿來客棧」，價格相對比較便宜，室內環境好光鮮亮麗，廁所好靚，冷氣好夠，最緊要係如果隔離有客，佢會落布幕，避免注意力去咗聽隔離講乜，對住朋友傾偈都集中啲。金湯花膠瑤柱雞(半隻) $84(推廣期半價)花膠好爽又彈牙，都大件架。雞肉唔鞋，好滑，湯味濃度適中，飲左兩碗湯先至開始打邊爐。廣島蠔6隻 $58大大隻，雪冰狀態上碟，煮完縮左小小水，不過仍然好大隻，好滑，不過有少少腥。牛氣沖天(牛腩、牛筋、牛舌、金錢肚)$58牛腩好淋，牛筋又淋又彈牙，正！牛舌好淋身，金錢肚大件，味道ok。由於上碟時已經係熟，所以可以煮一陣就食得，唔洗等太耐。紅燒鮑魚2隻$68上碟時已經熟，煮一兩分鐘可以食，好煙韌有o趙口，好正。即包鮮蝦雲吞(半份/4隻)$36好新鮮，包得好結實，好爽口嘅雲吞，推介👍🏻特級雪花牛肉粒(小) $48煮一兩分鐘就夠，好夠淋，入口軟綿綿，好正！鬼馬墨魚脆$48上碟已經熟哂，我地分別試過即食同烚幾秒食，兩種食法都好食，因為油炸鬼很脆，口落有快感。白桃梳打$20非常香甜，好彩多冰，冰溶左冇咁甜好飲啲！藍妹啤酒 $35朋友飲得好開心，奈何這些機會不是屬於我的🥲…查看更多

行經銅鑼灣渣甸街，見到剛開業的「阿來客棧」做緊雞煲半價大優惠，見到咁抵梗係入去試吓啲新嘢啦！真係估唔到半價的重慶雞煲竟然料頭十足，洋蔥、紅蔥、芫荽、乾辣椒樣樣齊，雞件香辣入味，肉質亦爽滑彈牙。我只能吃到微辣，這個重慶雞煲可以選擇大、中、小辣或不辣，非常適合我的口味。吃完一輪雞煲，是時候加湯繼續打邊爐。「阿來」特別貼心，每樣菜式都可選擇半份量，這樣就可以多叫些不同菜式品嚐。見到啲嘢價錢超抵，所以叫了半份手打四寶丸、半份鮮松露墨魚滑半份鴨血半份魚皮餃、芋絲、白蘿蔔、即炸響鈴、鬼馬墨魚脆和脆炸午餐肉。所有的邊爐材料都新鮮，特別喜歡他的即炸響鈴和鬼馬墨魚脆，新鮮熱辣上枱，不用灼，原條響鈴放進口裏，甘香鬆脆好食過薯片。…查看更多

唔知大家有冇食過來來重慶雞煲？以前都好多間分店，好耐之前食過覺得好滋味😋都有一段時間冇食雞煲啦，覺得雞煲點都要間唔中食下先過癮。原來好多間都已經冇再營業🙈聽返嚟呢間係來來雞煲原班人馬主理，質素有一定嘅保證😊最近餐廳做緊優惠三重奏，揀半隻或者1隻雞都做緊半價優惠，好抵👍🏼凡幫襯呢啲湯底仲可以以優惠價選擇指定嘅幾款配料。餐廳配料選擇十分多，最多選擇系「火鍋必食」，以喺銅鑼灣呢個地段黎講呢啲價錢吾算進取。成日喺某間好出名嘅連鎖米線店都會食蒜泥白肉，好少可喺火鍋店食到喎😳有啲高級中菜廳我就知有。呢啲嘅蒜泥白肉同米線店就真系爭得遠😂每一塊白肉都有青瓜包住，白肉本身比人感覺就偏向油膩，連埋每一片青瓜食清新好多。雞煲一黎到已經忍吾住試舊先喇😍雞肉系超級多，重量兼重質❣️吾會偏向其中一邊～店員推薦重慶雞煲，我地吾食得辣，所以叫咗吾辣，啲雞肉都好惹味👍🏼👍🏼平時食雞煲都好驚啲雞肉好多骨好少肉，呢啲嘅雞系啖啖肉☺️原來想散叫鮑魚仔，店員話賣曬，反而有紅燒鮑魚。紅燒鮑魚其實即系雞煲入面嘅醬汁搭配鮑魚，鮑魚好爽口新鮮👍🏼配埋紅燒汁好香好好味😋🐚 貴妃蚌 $48 (半份)🐚 珊瑚蚌 $48 (半份)🖤 鮮松露墨魚滑 $42 (半份)細細碟嘅配料有三樣，揀咗珊瑚蚌、貴妃蚌同埋鮮松露墨魚滑。海鮮向來喺火鍋店都好吃香，一熟咗之後會顯得更加好味😋珊瑚蚌同埋貴妃蚌都好爽滑，絕無欺場😆對得起呢個價錢。鮮松露墨魚滑即系黑松露墨魚滑，黑松露味好濃郁。鬼馬墨魚脆即系墨魚滑配油炸鬼，好多火鍋店都有呢道菜式，都系一個幾有創意嘅配搭，油炸鬼好脆，兩樣都match到。…查看更多