治癒羔羊 (已結業)

法國玫瑰千層蛋糕 $60千層蛋糕既餅皮整得好薄身加上每疊啲cream上去 成個層次感出哂黎 面頭仲有啲玫瑰花瓣做裝飾 影出黎既效果就更加靚🤣食落啲cream好綿密 好重玫瑰味 不過佢都算細件 定價偏貴🤧評分: 8/10🌟髒髒肥仔朱古力 $50期待咗好耐既🍫 個個人影出黎都好澎湃勁吸引🤣 本身以為佢好大杯原來唔係 可能係有啲膩既關係飲完都有啲飽腹感😶 同埋呢杯係即叫即整 黎到仲會冒煙 啱哂冬天飲飲完暖笠笠🥰 整體來講朱古力味唔算好濃有啲偏甜 打卡性質較大😂評分: 8.5/10🌟同埋小店係月尾就會暫停營業 如果大家想去就要快啲喇💃🏻———————————————————————治癒羔羊 (長沙灣)長沙灣福榮街344-348號昌發工廠大廈D座9樓8室

一間位於長沙灣工廠大廈既cafe 裝修好有特色💕 店內仲放售少量衣物同飾品 座位夠闊落 坐得舒適All Day Breakfast$98賣相好靚既All Day😍 沙律菜好新鮮🥗 薯角香脆🥔 多士鬆軟🍞 腸仔同茄汁豆都好食😋 半熟蛋整得好靚🍳 不過如果太餓去食會唔夠飽🤣.黑松露蝦烤芝士焗薯$78🧀🦐🥔淡淡黑松露香味混和蝦肉醬 面頭配上焦香既芝士 幾好食😋 仲有茄汁豆同新鮮沙律菜🥗髒髒肥仔朱古力$45🍫賣相好打卡able😍 飲落無睇落咁濃 同埋都幾細杯🤣.熱抹茶牛奶$42🍵落order個時有得揀圖案 黎到先知原來要自己畫😳 好有趣既experience 🤣 玩得又飲得 呢杯奶味偏濃.熱焦糖脆脆鮮奶咖啡$42☕️呢杯都有得自己畫圖案🤣 偏甜 咖啡味唔算濃.蝶豆花伯爵茶千層蛋糕$55🍰好靚😍 賣相好高級😍 伯爵茶味好濃😍 唔漏.軟軟芋泥千層蛋糕$55🍰賣相唔錯 芋泥都唔少 幾好食😋有加一 價錢唔算好平 不過用餐環境好舒適 好適合黎chill下💕 建議上黎前留意下佢有無開

位於長沙灣工廈既治癒羔羊 空間感十足 以白色木色為主調 環境愜意舒適 仲有好多打卡位⁣⁣⁣⁣⁣⁣CAFE最特別既地方 莫過於可以自己嘗試筆尖拉花⁣⁣⁣話說嗰日去到門口以為佢無開 之後打左個電話比佢 佢就開門比我地 所以大家一去到見到佢鎖左門 唔好以為係摸門釘 打左個電話先🌟蛋糕 𝕩 飲品 $97⁣⁣⁣⁣⁣⁣▪️軟軟芋泥千層蛋糕⁣千層蛋糕本身做得唔錯 餅皮夠薄 忌廉幼滑 可惜芋泥係敗筆 芋泥偏硬 呈類粒狀 味道偏淡 感覺上綿密幼滑的芋泥跟千層蛋糕會比較合襯 呢個芋泥就有小小格格不入⁣▪️碟豆花伯爵茶千層蛋糕⁣⁣千層蛋糕驟眼望已經好唔錯 餅皮夠薄 忌廉均勻 入口層次感分明 忌廉幼滑 伯爵茶味突岀 但茶控表示可以更濃郁 整體甜度恰到好處⁣⁣⁣⁣⁣⁣▪️熱焦糖脆脆鮮奶咖啡⁣⁣⁣可以自己拉花呢個體驗真係唔錯 咖啡奶味偏重 咖啡味就無咁突岀⁣⁣⁣⁣⁣▪️髒髒肥仔朱古力⁣朱古力完全係滿瀉狀態 打卡一流 可惜味道比較似平時自己用粉既沖既朱古力 甜度較高 側邊有oreo 真係可以舔一舔浸一浸⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣整體而言 環境闊落 好多打卡位 伯爵千層蛋糕味道唔錯 飲品較為遜色