温野菜 (2000年廣場)

友人講左想食温野菜放題好耐，我就怕肥，不過今次都捨命陪君子，多謝友人請客，哈哈！我第一次食温野菜係因爲想試試壽喜燒，個次食過好多貴價肉，感覺肉類質素係高嘅，可惜全部超薄切，毫無質感，又貴又唔夠喉。所以今次友人話要試試放題。今次既放題係宮崎黑毛和牛肩脊肉放題，每位由$678起，另收加一。我地今次係星期一晚黎，只要7:30前離座，就收$678加一，正價係$728加一。１.　前菜先黎每人一件胡麻豆腐，同蟹柳梛菜絲沙律。胡麻豆腐質素正常，蟹柳梛菜絲沙律就普普通通，可唔可以唔好送？普通到我連相都無影！２.　肉類宮崎牛係連續兩屆榮獲「全國和牛能力共進會」既「全國和牛之首”日本一”」美譽。宮崎牛一份一盒，一盒3塊，油花好靚，切得唔會太薄。食落勁嫩口，而且牛味都唔錯，我地食到停唔到口。值得一提既係後期既肉類質素唔會差左。除左宮崎牛，另外仲有15款肉類任食：美國和牛肩胛眼，鹿兒島茶美豚腩肉，鹿兒島茶美豚肉眼，鹿兒島茶美豚梅肉，鹿兒島黑毛和牛肩脊肉，澳洲M9和牛肩脊肉，英國安格斯牛肋肉，美國牛肋肉，美國牛胸腹肉，美國上級牛肋肉，丹麥豚梅肉，丹麥豚肉眼，丹麥豚腩肉，新潟雞爽肉，丹麥雞腿肉。好老實，我地只係試左當中幾款，當你有最好既肉任食真係唔再需要食平ｄ個ｄ肉。服務員開頭送上英國安格斯牛肋肉同鹿兒島茶美豚肉眼各一份。英國安格斯牛肋肉唔知點解要俾人，好肥又唔夠嫩。鹿兒島茶美豚肉眼就豬肉味濃又算嫩，好食，不過我地後來再encore多一份就硬身左ｄ。特別推介新潟雞爽肉，超爽嫩，雞味好濃，我哋不斷追加。３.　湯底可任選1款$29以下湯底。湯底有12款，唔少都要加錢。秘傳月見壽喜鍋秘傳月見壽喜鍋配鮮雞蛋一隻，唔洗加錢。壽喜鍋味道真係好好，少少甜就夠哂味，好冶味。沾左蛋漿更香滑，不過蛋味會蓋過肉味，係另一種食法。食到後期就有ｄ口渴，飲返水就得啦。骨膠原柚子鹽湯 +$10呢個骨膠原柚子鹽湯好清新，帶微微柚子味，真係有柚子皮。少少鹹，鹹度好適中。可以更加食到食物嘅原味。之後加左湯就冇乜柚子味，好彩我哋可以免費追加柚子皮。不過骨膠原感唔覺有。４.　前菜5款前菜任食。我地只係試左泡菜，普通料。５.　鍋肴有２６款鍋肴任食。其他鍋肴望落都係普通火鍋料，冇乜興趣試。６.　野菜有27款野菜任食。識食當然食日本菜，我地基本上只係攻日本菜。九州梛菜超甜，係我地今餐既主要菜糧。福岡啡金菇爽甜，又係我地今餐既主要菜糧。日本豆苗味道唔算太突出，係質感嫩啲。福岡水菜味道唔算太突出。日本白蘿蔔超薄片，不過味道普通。冲繩苦瓜好苦。７.　飲品飲品放題選擇唔多。熱柚子蜜唔太甜，凍柚子蜜要狂攪起下底嘅柚子皮先好飲，否則只係冰水一杯，波子汽水服務員已經幫你開左上枱，冰水要自己叫。８.　白飯，烏冬，中華麵，蕎麥麵我地完全無叫。總括而言，肉類同日本菜質素高，上菜速度快，冇乜漏單。服務員普遍禮貌好好。座位都勉强算舒適（４個人就會太逼），私穩度高。可惜係食物選擇唔夠多，甜品小食都冇，不過都夠肉食，而且多選擇應該唔係呢度嘅賣點。想食高質火鍋放題而唔介意唔太多選擇絕對可以黎。…Read More

有年抽中了這個集團的普通會員咭，每年都有些coupon用，有幾餐可以食好一点点，但每年要消費滿3000才能續下年的會，牛角、牛涮鍋也是這集團的，有些朋友也會幫我儲儲分，我也是有會員咭後才認識溫野菜，試過一次後就喜歡了，之後也來過很多次～ 杏仁豆腐是我很喜歡的甜品😋 然後主食最主要是選湯底，昆布湯很清：要点醬油吃、我較喜歡完熟蕃茄湯：有些味道又有益、後來有人介紹我食四川麻辣：她說不辣的，我食過的確不算辣，味道很好😋 但最近再食的一次，湯底清單轉了而沒有四川麻辣，我就隨便選了辛辣蕃茄湯，不知道為什麼覺得不好吃，或許是意外，我有機會要再試多次才能證實質素是否下降了，或許其他舊湯底合我口味的⋯⋯ …Read More

一直都好想試依間餐廳，但皆因價錢太貴所以一直冇黎試！咁啱早幾日突然收到email推出信用卡優惠，仲只係得幾日，就即刻嗱嗱聲打電話去book位，結果星期六日晚都已經full晒，好彩仲有啲位係留俾walk in，咁我先有希望終於嚟到！6pm響apps度㩒定飛拎位，可能太多人知道信用卡優惠，所以個個都響Apps拎飛，6:30開始搞到Apps都故障但明顯個籌比平時多人，1個鐘先跳得2-3個結果我要等到9pm先入座一入門口就已經見到各種食材今次信用卡優惠係套餐半價，我哋兩個人嗌咗二人餐，另外再嗌多杯雜果賓治套餐係唔包湯底，要自己每人自選一款！依度特色一人一鍋，夠晒衛生，同埋可以迎合自己需要！骨膠原柚子鹽湯$39有輕輕的柚子味，都不錯好多食材都因為吸收左湯嘅味道變得更好味如肉類同烏冬！藥膳湯$39沒有藥膳味，但後尾再睇返網上評語，應該係有九格藥膳可自己調配味道，但我哋完全冇接觸過依個東西，可能店員遺忘了！錯過了真正藥膳湯的味道前菜 - 塩辛薯仔(伴魷魚沙律醬)，生菜沙律五品野菜盛合、黑芋絲、蝦丸、五目野菜餅佐賀A5黑毛和牛西冷嘩...真係無得輸！非常好味英國安格斯牛肋肉明顯肉汁比日本爭好遠，不過不失吧！熊本豚肉眼雖然都係來自日本，但火鍋後肉質有點硬！都係偏愛日本牛肉多啲鮑魚兩粒店員建議滾45秒至1mins，個人覺得都爽口，不錯黑松露免治雞肉店員建議分4-5件滾，滾大約5分鐘左右！味道一般般吧！烏冬睇到都有啲失望，因為唔似日本烏冬！而食落當然都麻麻吧！半價後埋單$762.1，質素其實不錯，尤其日本牛肉但如果冇優惠要大約$600/位打邊爐就真係未必會喇！…Read More

朋友A約我吃這間日式火鍋，聽說很特別，便答應選這間吃晚飯。朋友A說訂位都要一個月前安排，真的很誇張，那就讓姐看看你的厲害!可能提早預約，餐廳安排一張四人檯給我們兩人，檯上亦有嵌入式電磁爐，非常貼心安全。選了溫野菜嚴選御膳晚市定食A $348/一人前，包一杯$38或以下飲品一杯。首先要選一個湯底，價錢$29的湯底要額外加$10，今次就選了骨膠原柚子鹽湯。湯底味道不濃，有兩小片柚子皮作點綴。順帶一提，如想最後再點雜炊的話，可以選以上六種湯底。雜炊最特別的是有中華麵選擇，配上四川麻辣湯，今次就沒有點，因為食得太飽了。前菜的枝豆有點點鹽味，令枝豆加倍清新甘味泡菜不太辣有點點酸味，非常開胃。鹽醬麻香椰菜有灑上一條條紫菜條，醬汁沒有味道，可忽略。味付鵪鶉蛋非常入味，入口充滿醬油味，不太鹹。熊本豚腩肉、熊本豚肉眼、熊本豚梅肉及丹麥雞胸。坦白說，豚肉真的沒特別。切得非常薄。但雞胸非常粗糙，肉質較差，不太吸引。最好吃是金時蕃薯，非常清甜，但注意不要煮太久，不然會散掉。紅心蘿蔔完全沒下次，沒有味道。竹筒免治雞肉煮熟後，口感特別，有一粒粒的雞粒，而且非常彈口。炸魚餅有吃豆腐的感覺，很滑但夾起時請小心。點了Asahi啤酒，略嫌不夠凍。但十分適合女仕飲用，不太苦及易入口。最後以抹茶蕨餅拌雪糕作結，雲尼嗱雪糕味道不濃，但吃得出是高級貨。用紅豆茸伴雪糕非常配合，帶點點甜，令不太愛紅豆的我也全數清掉。蕨餅沾滿綠茶粉，大大顆很可靠的模樣。吃下去很QQ，充滿抹茶味。另外，侍應非常耐心解釋各食材的資料同食法，唯一缺點是很難叫人添茶，叫一次需要五分鐘。坦白說，我不覺得這種火鍋值得這價錢，味道不算很好，亦沒有特別。這飲食集團索價無可否應地是進取，希望食物質素再有提升。…Read More

朋友在日本吃過，見香港有開店就約了大家一起去吃!!誰知這家Booking很滿，要提早一個月Book才行 Orz 沒想到此時就有銅鑼灣開分店的消息終於約好這天可以去了。晚上有兩個時段可以Book - 18:00 / 20:30( *｀ω´) 大家下班時間不一，所以我們是選了後者的時間但去到也還得多等15分鐘才有得入座 (好像是說上一批客人未交枱)然後我們有7個人，雖然不算是分開坐~但在兩桌間加了這半屏風的設計感覺怪怪最後我們是拆成兩個人吃一個貴點的餐再散點餘下的五個人則點一份便宜的餐再散點一堆那樣子ヾ(*´∀｀*)ﾉ其中兩位朋友點了貴一點的套餐是 晚市定食D ($528)因為這是豪華餐來的喔～有松葉蟹腳，還有A5黑毛和牛、熊本豚、自家製福袋年糕等等其他的火鍋配料選擇和前菜也跟其他套餐不同。(我不是吃這個就沒拍照喔 )所有套餐配的湯底都是北海道昆布湯，+$10的便可以升級轉成其他湯底朋友則選了 骨膠原柚子鹽湯 (･A･) 不過朋友表示這湯底一般而已順帶一說這裡的套餐都註明是一人前，不過我們覺得如果每人點一個會太多所以我們五個人Share的則是先點 晚市定食A ($228)前菜有甘味泡菜、黑糖蠶豆 & 鹽醬麻香椰菜泡菜不算太辣~作為開胃小吃來說不錯。蠶豆亦算酥脆，椰菜則是普普通通吧這套餐，我們也是+$10轉成其他湯底～另外再散點了四個湯底有機豆乳湯、秘傳月見壽喜湯、鰹魚湯 ($29/每款湯底)這裡的豆乳湯是試過後想推薦給大家的！！不像一些店子會很淡味只有色~能嚐到豆味的喔另外兩款則是帶點甜味。沒想到的是鰹魚湯真的有魚 (笑)肉的話則有美國牛肋肉、牛胸腹肉、丹麥皇冠豚腩肉、雞腿肉入口非常軟嫩的牛肉，牛味亦濃。豚肉爽口、雞肉堅實(*-ω-) 跟餐還有半份的 竹筒免治雞肉～因為雞肉中有少少雞軟骨頗有口感，亦見鮮嫩另外還可自選三款的火鍋配料，我們選了 淮山卷、枝豆丸、蔥竹輪丸淮山卷有點像獅子狗丸那樣子吧，中間的淮山很爽脆枝豆丸那款還以為會有一粒粒豆 (誤) 蔥竹輪太的「蔥味」也不濃～野菜部份可從以下的款式選擇，總共五款因為喜歡吃菇，所以是菇的都盡量選～點了兩款 - 舞茸菇、直菇其他的則選了 旺菜、小棠菜、青蘿蔔另外套餐有烏冬 / 飯 選擇，我們選了烏冬~因為最尾我們會加錢叫飯 σ(o'ω'o)以下的便是散點喔~(´ω｀○)紫蘇梅子免治雞肉 ($29) & 黑松露免治雞肉 ($39)紫蘇梅子提升雞的美味；黑松露則聽說好像是香港才有的呢芝士片 ($22) & 芝士燒魚卷 ($29) 吃火鍋當然不能少的就是芝士嘛～～只吃套餐的野菜當然不夠吧~而且逐樣選好像又很麻煩所以我們點了 野菜五品盛盒 ($49)有生菜、旺菜、啡金菇、水菜、甘筍絲～～很適合喜歡野菜的朋友啊板麩 ($15) 見到這個很有趣就點了之前吃過的都是已經煮好在味噌湯內的 (oﾟωﾟo) 建議這個煮久一點~吸收足夠的湯會更好吃之後還點了 薯仔 ($15)、大啡菇 ($19)、豆腐麵 ($15)豆味頗濃的麵，但略嫌硬身了點 ; 啡菇夠厚身，水份滿滿 ; 薯仔則有點粉粉的說要留到最尾吃的「飯」就是這個！豆乳芝士雜炊 ($25) & 野菌雜炊 ($35)其實店員會幫大家整，不過朋友想自己動手而已最後調了兩種口感的飯~主要是看大家剩下的湯有多少吧 (建議愈少愈好)( ´∀｀)σ 但煮的時間都是維持火力在700度豆乳芝士那款湯很少，所以煮得很黏~反而增加了口感，芝士還有少少拉絲的呢野菌那款是配比較甜的湯底~湯相對留多了少少~像湯飯的吃法也很不錯每款套餐配的甜品都是雪糕球一客，不過加錢可以轉成其他甜品紅豆雪糕夾餅 (+$8)紅豆味不會太甜~而且一片片的雪糕很有趣～如果單點這款的話要$25的喔另外餐還跟一杯飲品。單看一人前的套餐來說其實也頗豐富嘛 (´ー｀)…Read More