隆姐泰國美食館

营业中

休息中

隆姐泰國美食館的馬拉盞炒通菜真是太好吃了！每一口都是濃郁的泰式風味，口感爽脆，讓人欲罷不能！🌿😍泰式炒蝦金邊粉的味道非常棒！蝦肉鮮嫩，金邊粉吸收了醬汁的精華，讓整道菜更加美味，滿足感十足！🍤🍜海南雞例牌的雞肉嫩滑，搭配香噴噴的醬油，味道鮮美，是我每次來隆姐泰國美食館必點的經典美食！🍗👌隆姐的菜品不僅味道好，而且份量十足，真的是物超所值！每道菜都讓我回味無窮，強烈推薦給喜愛泰國美食的朋友們！✨❤️在隆姐泰國美食館用餐的經驗總是愉快的，服務態度熱情，菜品新鮮，讓人每次都想再來！👍🥳

星期日晚喺九龍城唱完K，梗係順便去食泰國茶喇！平時嚟九龍城食泰國菜多數食小曼谷或者䧂伯耶，今次就由朋友介紹第一次試隆姐！一行4人咁啱有位唔洗等，見有好多枱客都幾full，而且成間店嘅職員都講泰文，感覺好正宗啊！叫咗馬拉盞炒通菜、炒金邊粉、泰式炸蝦餅、雞肉併豬肉燒烤串、蒜蓉飽同埋一人一杯泰式飲品！（1）馬拉盞炒通菜落咗單5分鐘都無個菜就嚟咗喇！比想像中細碟，幾入味，唔算好辣！（2）炒金邊粉金邊粉賣相唔錯，雖然有小小酸，但都幾香，味道就中規中矩，分量OK，無碟菜咁細碟。（3）泰式炸蝦餅咁多樣菜式入面我最滿意呢個炸蝦餅！佢有5大件每件幫你切開咗一半，細細件方便擺入口！點埋泰式辣醬一齊食，外脆內軟好彈牙，蝦味好出，唔會太油仲好香！（4）雞肉併豬肉燒烤串一共6串，雞肉豬肉各3串。串燒燒得幾好，一啲都唔燶！雞肉質地幾滑咬落唔乾身，不過沙爹醬好浠，味道太淡，食落好似有小小花生粒，個人覺得個沙爹醬可以再濃稠啲！（5）蒜蓉包一共4件，有手掌咁大件之餘夠厚身！咬落都幾脆唔硬，入口好鬆軟，蒜蓉好足料好香！（6）黑珍珠龍眼冰一人一杯泰式飲品我揀咗黑珍珠龍眼冰，好大杯、好足料！好多龍眼肉，黑珍珠幾爽口。如果甜度

星期一有同事生日,去左食泰國菜, 佢話見到呢間泰國菜好多人排隊等位,九龍城兩條街有兩間的,今次我們去唔係主店,係分店,唔知係咪星期一,又唔知係咪分店,所以冇人排隊喎,間店好小的,仕應都係泰國人,唔係好識講中文架.我們點左:泰式金邊粉上菜好快,份量唔算好大,但係好味喎,有蝦,芽菜,蛋,同事話呢個味好好味,勁鍾意鐵板蠔仔煎蛋蠔係好大隻架,唔係平時食開的蠔仔,仲要好肥美架,好正呀生蝦生蝦都好大隻架,好爽呀,加埋D特制的醬一齊食,GOOD冬蔭公湯(小)小以為唔多,但其實都有好多碗喎,有兩隻大蝦,好多大大件的菇,味道都幾好呀,酸酸辣辣咁燒豬頸肉賣相好靚,都爽身呀,不過我覺得佢肥左少少呀馬拉盞炒通菜呢個菜都好青綠,馬拉盞唔算好突出蒜蓉包(兩客)好大件的,一客有四件,好香口,好脆呀,加埋咖喱一齊食好夾好好味呀黃咖喱雞賣相失色左啦,好淺的顏色,味道都唔係好突出,普通,唔辣架,雞肉都好多,都淋身的,仲有青椒飲品:芒果冰,菠蘿冰,青檸冰,珍多冰芒果冰好好飲,係好沙好滑的,透心涼呀後加:魷魚沙律這個沙律看樣子是沒甚麼的,但原來辣到飛起,同事食左一塊生菜,充滿辣汁,可以維持左好耐都未散呀,魷魚都好大件及爽口的