馬來椰爺

呢間餐廳主打無味精叻沙摻摻，用上大量新鮮食材同自家炒製9個鐘調配嘅叻沙醬熬成湯底🇲🇾💗煙鴨胸肉 滷水燉金沙骨 椰爺秘傳叻沙掺摻 ($88）以熬過金沙骨嘅湯汁同椰奶煮開叻沙醬，湯底非常濃稠！椰香、香茅香、辣香、蝦香一齊爆發，層次非常豐富🥘掺摻係指米粉撈油麵，麵條吸收哂湯汁精華🍜每碗配料都有新加坡魚蛋、芽菜、豆卜、青瓜絲。煙鴨胸片鹹香惹味🦆金沙骨炆得軟腍，輕易就可以離骨🍖💗四重香蝦叻沙掺掺($108)叻沙掺掺加入福建櫻花蝦、 爆炒辣香蝦，蝦味超級濃郁，好似有百幾隻蝦係我個口游緊！🦐香煎越南虎蝦爽口彈牙，仲有青口、醬油炒蜆肉🐚配料同樣有新加坡魚蛋、芽菜、豆卜、青瓜絲😋💗鮮牛油班蘭椰香手工咖央多士 ($38)多士烘得焦黃香脆，班蘭椰香咖央幼滑香甜🌱夾入大大塊牛油，非常邪惡🧈💗馬來炸香蕉 ($28)香蕉以秘方香炸，外層金黃脆，香蕉肉炸熟後更香甜，再淋上煉奶🍌💗真.百香果茶($22)無糖茶底加上新鮮百香果肉，飲落酸酸地好清新🍹💗斑蘭椰汁冰($20)斑蘭椰汁冰冰涼解膩🥥…查看更多

大角咀一到夜晚，除咗酒吧，其他餐廳多數門可羅雀，但喺富多來偏偏有間馬拉餐廳仔誇張到，天黑都要等位好彩大胃早啲到，免受等位之苦呢間有好幾款湯底嘅摻摻選擇，其中呢款招牌椰爺秘傳叻沙湯底，自家製醬汁，真材實料熬製至少9粒鐘，唔需要味精，已經非常香濃，而且好暖胃軟殼蟹大大隻又夠實，唔會好空氣感，去咗蟹腮同蟹腸，放心食用，浸吓湯底食，更係好食到癲咗。食到一半，再唧啲青檸汁落湯底，頓時變咗另一種風味，更清新更有南洋feel另一碗就係三重香蝦叻沙湯底，混合咗叻沙香蝦、日本櫻花蝦、爆炒辣香蝦同虎蝦，哈哈哈哈咁熬成嘅湯麵，嗰種香辣，係史無前例嘅新境界，眼見連蝦花蝦都熬成不一樣嘅紅，就知個湯底幾耐人尋味摻摻唔係用一般嘅油麵嚟撈米粉，而係用類似意粉嘅麵，唔會變腍又更爽口馬拉嘅甜品點少點班蘭多士呢？呢款仲要係溝埋香蕉蓉，組合新奇，咖央醬屬於高難度製作，但竟然都係自家製作，令人欽佩。醬汁易溶，所以一上檯要即刻食，外脆內綿，又唔會太甜，真係五體投地除咗咖央，炸香蕉都係馬拉名物，其實香港好易炸爛，呢間炸完仲咁有質感，保持綿綿地嘅誘人口感，太神奇喇雖然好想飲熱拉茶試吓，不過真係需要凍飲解辣，服咗仲飲到熱飲嘅胃民凍拉茶都好ok，採用斯里蘭卡高山紅茶，有一種愜意舒暢嘅感覺…查看更多

推薦指數： 🌕🌕🌕🌕🌘—————————————————————📍HK 大角嘴 - 馬來椰爺餐室 🇲🇾💛非常用心嘅小店 (˶‾᷄ ⁻̫ ‾᷅˵) 足料+好味+唔貴～ 好希望多啲人食到佢！✨ 原隻炸軟殼蟹 蜆肉無味精 椰爺秘傳叻沙摻摻 $115 | 8/10𝗙𝗿𝗶𝗲𝗱 𝗦𝗼𝗳𝘁 𝗦𝗵𝗲𝗹𝗹 𝗖𝗿𝗮𝗯 𝘄/𝗖𝗹𝗮𝗺𝗮, 𝗚𝗿𝗮𝗻𝗱𝗽𝗮 𝗦𝗲𝗰𝗿𝗲𝘁 𝗟𝗮𝗸𝘀𝗮 超大碗嘅叻沙麵 ‼️ 呢個價錢，有咁嘅材料/份量，絕對抵食 👍🏻 首先，軟殼蟹好細心咁去除晒蟹腮及蟹腸 ♡ 唔需要擔心會食到內臟！軟殼蟹都有手掌咁大隻，仲要都唔少肉可以食🥹 配料方面，完全無手軟，包括有** 深海魚蛋、芽菜、豆卜、青瓜絲** 湯底方面，食得出好濃稠～ 唔單止標榜絕無添加味精，更加用咗9hours + 熬製個湯底 🥘 本人唔食得辣，就覺得個麵偏辣咗啲，建議嗌返杯凍飲配住食🥵 ✨ 滷水燉金沙骨 無味精 檳城白咖哩湯摻摻 $69 ｜8/10𝗟𝗼 𝗦𝘂𝗶 𝗠𝗮𝗿𝗶𝗻𝗮𝗱𝗲 𝗣𝗼𝗿𝗸 𝗥𝗶𝗯 𝗣𝗲𝗻𝗮𝗻𝗴 𝗪𝗵𝗶𝘁𝗲 𝗖𝘂𝗿𝗿𝘆 𝗠𝗲𝗲 𝘄/ 𝗺𝗶𝘅 𝗻𝗼𝗼𝗱𝗹𝗲𝘀我願意為咗個金沙骨再過嚟( ´▽｀) 啲肉住得幾淋，如果可以再入味啲會更加讚～ 加上$69/碗，性價比高到不得之了🥲 如果大家返工係附近，一定要過嚟G持G持！白咖喱湯有3種食法：1⃣️ 原汁原味咖喱湯底2⃣️ 撈埋旁邊嘅椰汁🥥 會有奶甜嘅味道3⃣️ 擠啲檸檬汁 🍋 湯底無咁油膩，更清爽開胃 ✨ 馬來炸香蕉 $28｜10/10𝗙𝗿𝗶𝗲𝗱 𝗕𝗮𝗻𝗮𝗻𝗮新鮮香蕉 即叫即炸而成 🔥 本人好少卑滿分，不過呢個真係值得 🥹 外脆內熱，好味到眼濕濕！雖然店主都有話呢個甜品好依賴 香蕉成熟程度，可能大家要睇吓自己彩數 🎉 **堂食限定**✨班蘭椰香 咖央多士 ＄29/份 ｜6/10𝗣𝗮𝗻𝗱𝗮 𝗞𝗮𝘆𝗮 𝗧𝗼𝗮𝘀𝘁可能其他太高質，個人覺得佢個Toast相對普通，如果多士再烘焦啲會更加香口～🥢 @malay_grandpa📍地址：馬來椰爺 (大角咀)大角咀櫸樹街62號富多來商場2期地下14號舖-地區：#laymao_大角嘴分類：#laymao_馬來菜-…查看更多

今日一家4口行完街，見到大角咀開了一間馬來餐廳，心郁郁入去試。大約2:00 已經坐滿人😅😅，好彩剛剛有人離開。見到餐牌唔係太多款式，但睇相已經好吸引😁😆我地叫左招牌虎🦐椰奶，因為標明不加味精，我最喜歡🤗🤗椰奶湯底同米粉好夾，一流虎🦐2隻又大隻，配料又足，真是要讚。另外再叫一個沙茶金沙骨白咖哩湯，金沙骨大大件好抵食，而且厨師話辣度自己調較，唔食得辣同有小朋友一齊食都可以食我仔唔食辣都要爭住食又叫左馬來炸香蕉，我2個小朋友超喜歡，剛剛炸出來脆卜卜，一咬流出香蕉，真係無得頂。必食推薦最後叫左牛油班蘭咖央多士，一上枱多士十分香脆，咖央流晒出來，我之前食過係香港其他馬來餐廳，只有少少咖央，從未見過滿瀉，呢間好有水準睇得出老闆㕑師好有心製作食物。食緊其間聽到隔離枱都讚好食🤭🤭🤭下次一定要再食🤩🤩…查看更多

今日放工經朋友介紹, 試下係大角咀一間新開既黃店  “ 星馬爺爺 “ . 間餐廳雖然唔近地鐵站, 不過由旺角朗豪坊行過去, 跟google map 行十分鐘就到左右. 聽朋友講如果係奧運站行過去仲快, 五分鐘到就到. 間舖畀我感覺係 , 嘩,好細間呀 ~ 睇落去大家都坐得好迫. 不過好好彩我同朋友夾埋三個人, 可以坐張四人大枱 . 間鋪細細地但裝修都順眼, 睇落幾舒服幾 warm . 間餐廳因為新開, 食物選擇唔多. 啱曬有選擇困難症嘅我. 我自己唔係食得太辣嘅人, 本身係有少少擔心, 但老闆好好人, 佢話我知檳城白咖哩辣度係可以自己調教. 所以我就順利成章 點左招牌菜檳城白咖哩配虎蝦, 而朋友就試招牌喇沙湯配虎蝦~ 白咖喱帶點椰香甜味，就算連不吃辣的朋友也可以品嘗馬莎辣醬味道非常特別, 初初食落去嘅時候係甜嘅, 然後慢慢會有啲辣味滲出嚟,唔係好刺激個種辣,辣醬份量可以自己控制,非常正 . 我好奇問廚師, 原来呢隻辣醬要用十幾個鐘精製而成, 落足心機.小吃試左斑蘭椰香多士 ，非常美味，斑蘭不會太甜總括，材料新鮮、秘製辣醬、無味精食完唔口喝、小吃可口、價錢親民 ~ 下次一定會再幫襯老闆年輕有理想，對食物質素有堅持，難得難得…查看更多

收工搵飯食，試新舖餐牌標明無味精而感到驚喜試左金沙骨湯底椰奶味好香金沙骨口感好好食得出煮製左好耐食埋個甜品都好驚喜馬來炸香蕉本身香蕉麻麻不過老闆推薦就一試香脆不太甜唔會太漏正可以再黎食…查看更多