SUKIYA すき家 (亞皆老街)

雖然香港成日話夜繽紛，但又有幾多餐廳開到夜一夜 😬 人在旺角想食飯就諗到24小時營業的SUKIYA，仲有期間限定韓式拌飯 🇰🇷～決定試一試！加碼要一份熱溶三式芝士牛肉韓式拌飯 🧀 芝士份量比預期小，牛肉和配菜剛剛好蓋飯面，加大後基本上餸菜不夠配飯。韓式辣醬味道一般，只有鹹味，拌飯還可以的。香蔥溫泉蛋牛丼 🍚 穩陣之選，不過不失。Sukiya 牛丼為平價牛肉飯，的確不能要求甚高；加配套餐，$50就有肉有菜還有湯，都算是一個划算的快餐 🥡…查看更多

去旺角行街，經過Sukiya驚覺佢啲丼真係幾平！知道成日都排長龍，所以我哋醒呀，5點45分就開始排之前母親大人買過普通牛丼返屋企食，所以今次同M仔就試吓其他啦！我睇中香蔥溫泉蛋牛丼，因為之前睇過娃妹推介 哈哈！M仔就要三式芝士牛丼。本身想要熱溶嗰款既，但燒一燒就貴7蚊，覺得唔係好抵啊。鍾意食蔥必叫！有蔥真係香好多，但牛肉份量就比普通牛丼少喇。撈埋蔥，真係成件事既好味程度提升幾倍！但隻蛋就一般，無乜蛋香味。加芝士都係無得輸啦！牛肉份量亦都正常，超滿足！因為想食啲蔬菜，所以加左10蚊，有一碟菜同一杯冰茶。個通菜真係老過我同M仔加埋但佢係有heart炒既，蒜蓉勁香！冰茶，甜度剛剛好，是微甜的，正常。下次想食經濟啲，都會再黎呀…查看更多

一去到，望到條隊，我已經唔想排… 唔明點解要排咁耐隊，為咗食一個快餐牛肉飯？完全本末倒置咁😨但係朋友話好想試吓係咪啲人講到咁好食，我就捨命陪君子啦！😭一路排隊嘅時候，我都祈禱自己唔好排到窗口位，俾咁長嘅人龍望住食真係好尷尬😅最後排咗45-60分鐘先入到去🥵🥵🥵香蔥溫泉蛋牛肉丼 +沙律餐 配 冰紅茶蔥無圖片上睇落咁澎湃咁多，牛肉味道偏咸小小，牛肉汁幾好味，M size $38 黎講，的確係大份夾抵食！另外最值得一讚係個冰紅茶，唔會死甜👍🏻溫泉蛋牛肉燒肉雙拼丼 + 靖魚餐 配 冰紅茶反而幾欣賞朋友嘅燒肉丼，因為燒肉甜甜地幾好食，我覺得牛肉鹹咗少少。唔推薦呢個鯖魚，好柴皮，肉質都麻麻！😧總括嚟講，餐飲味道正常。如果我住喺附近，我會成日都去買外賣，大件夾抵食，不過絕對唔值得用45-60分鐘去排隊，入邊明明有位，職員都唔叫我地入去，唔知係營銷手法定點？排咁耐，冇下次🤯🤯🤯…查看更多

SUKIYAすき家 (旺角) • 香蔥溫泉蛋牛丼 (S) $34 🍱鍾意用蔥嚟撈飯嘅人就會明白呢個牛丼飯當中嘅奧妙之處，而且層層有驚喜😍第一層喺滿滿嘅香蔥+蛋味濃郁嘅溫泉蛋。第二層喺薄切牛肉片+甜甜嘅洋蔥❤️最後一層就係日本珍珠米。整體食落唔乾，仲帶有輕微辣度🔥(S)分量適合細食嘅女仔，叫(M)會飽肚啲～建議大家可以+$10配埋蒜蓉炒青菜同一杯冰紅茶(^O^)🇭🇰旺角亞皆老街31號地舖 ⏰0600-0030#hongkong #hkfood #hkfoodie #hkgirl #hkig #hkeat #kissyfood #香港 #香港美食 #宅女 #吃貨 #吃貨宅女 #牛丼飯 #旺角美食 #SUKIYAすき家 #香蔥溫泉蛋牛丼…查看更多

相信好多人去日本既時候都有食過すき家, 我呢個日本旅行愛好者都唔例外。當佢話會進軍香港既時候有一絲興奮的感覺。知道開業以黎都排長龍, 但今晚好想食牛肉飯, 但因為唔可以食吉XX, 所以決定黎拜訪一下!況且一個人, 應該會快一點吧!大約等左20分鐘入座, 都唔算太耐既, 一個人冇咩所謂喇~安排坐係吧枱位置, 我揀左香蔥溫泉蛋牛丼M size+炸雞、味噌湯食物好快黎到, 我都急不及待要食喇, 因為真係好耐冇食過LU!溫泉蛋質地剛好, 正!!蔥都好新鮮, 好香~牛肉就比較碎一D, 但好入味!!飯加上醬汁、牛肉、蔥、蛋漿一齊食, 簡直係完美既配搭!!!!至於炸雞, 發揮正常! 想食飽D可以一試!味噌湯就普通喇~總括黎講呢一餐係平靚正!!唯一不足係店員忘記左比杯水我(留意到入坐既時候, 店員係會擺底一杯水比客人)…查看更多

🇯🇵《香蔥溫泉蛋牛丼》💰價錢：HK$48/ L size·記憶之中去日本食過松屋既香蔥豚肉飯真心係好好味🤤所以sukiya嚟香港開分店都算幾期待🤣但聽聞要排成兩粒鐘就算啦🙄咁岩尋日經過附近 中午時段發現人流唔多而且啲fd個個食完都話勁正😂所以心郁郁去咗排隊試吓雖然人流唔多但都排咗有7、8個字叫咗碗香蔥溫泉蛋牛丼 L size因為我聽聞m size似吉野家s size可能會唔夠食所以叫咗大份啲點知 食完發現其實一般女仔叫m size都夠食🧐唔知係咪我過分期待 食落冇想像之中咁好味😕香蔥份量係多 但係蔥味唔夠香牛肉份量適中反而醬汁好夠 撈勻嚟食真係粒粒飯都索滿晒牛肉汁可惜個人認為牛肉汁既牛味唔夠濃🤨隻溫泉蛋好靚😍 但撈埋飯食蛋味就冇曬特色 食唔出有咩特別飯就係用日本米 好有咬口另外有免費提供酸薑 酸薑真係太鹹太酸太辣唔啱我口味🙁 總結 唔明點解啲人講到咁好食🤷🏻‍♀️我個人覺得係還好 可能人人口味唔同未去到為咗食依碗飯要排成兩粒鐘咁誇張🤨…查看更多