寢宮

諾士佛臺是九龍版的蘭桂坊，這裡的酒吧不像太子旺角的劈場，酒客都以外藉人士或上班族為主，除了酒吧，近年樓上都多了很多酒吧餐廳，不止飲酒食小吃，同時也有晚餐供應。＊＊＊＊＊＊＊＊＊＊＊＊＊＊寢宮是諾士佛臺內其中一間酒吧餐廳，會來這裡是因為朋友介紹這裡的食物大份又抵吃，而且味道也不錯。店內有私密度較高的梳化座和普通高枱高凳，亦有beer pong、桌球和飛標機等設施。先來兩杯Mocktail，定價不便宜，跟Cocktail價錢差不多。左:  Shirley Temple 2nd($78)由石榴、青檸、橙汁和檸檬汁調成的Mocktail，糖漿下得較重，酸酸甜甜幾好飲。右: Mango Mule($78)以芒果、青刺和薑啤調成，因為加了薑啤，較多汽，以芒果甜味為主。晚餐由$168至$328，包沙律、餐湯和主菜，並可以加錢加配多款小吃。沙律沙鮮菜新鮮，不過略嫌沙律醬太少。雜菌湯雜菌湯很creamy，菌味都幾香濃。香蒜辣椒檸檬汁炒蝦(跟餐+$58)炒蝦炒肉結實，香香辣辣幾惹味，不過碟底就比較多油。香蒜辣椒炒牛柳粒(跟餐+$58)牛柳粒肥瘦適中不過韌，同樣香辣惹味。香煎大蝦配辣椒蒜香意粉($238)大蝦幾大隻，意粉軟硬適中，墊底還有大啡菇、脆肉款和露筍。美國肉眼牛扒配燒肉汁($328)肉眼扒足有成款面咁大，份量十足，旁邊還有番茄、脆肉瓜、冬菇、西蘭花和紫薯蓉，份量足夠二人分吃。紫薯蓉很香紫薯味。肉眼點了五成熟，實際有七成熟，但口感還可以。總結，食物中規中舉，勝在份量十足夠抵食，基本上兩個人點一個餐或三個人點兩個餐就可以。…查看更多

一聽到寢宮呢個名，感覺似係食中菜，點知望真d原來入面大有乾坤一行入去就覺得好似酒吧格局，又有桌球枱，而且仲有可以比你坐比你玩既搖搖櫈，用來打卡一流呀叫左2個dinner set, 首先食個頭盤，新鮮青瓜沙律，配埋紅白蘿蔔絲同埋烘多士粒，口感又脆又爽而且好fresh餐湯飲得出絕對唔係用粉開出黎，而且非常足料香蒜辣椒檸檬汁炒蝦 - $128叫左dinner set 之後想加d 小食，侍應哥哥話呢款佢自己都鍾意食，相信下佢，大大隻鮮甜爽滑大蝦配埋辣椒汁檸檬汁，刺激味蕾，醒神又開胃蒜辣雞翼條 - $88雞皮炸至金黃色，賣相已令人垂涎，炸粉厚度適中，食落不算油膩，配埋惹味蒜辣粒，令人一食難忘美國肉眼牛扒配燒肉汁 - $328一塊靚既牛扒係唔洗太熟架，所以叫左5成就剛剛好，d鮮嫩肉汁鎖晒喺入面，一切開香氣瞬間爆發，口滑更加係嫩滑無比香煎盲鰽魚柳保雲絲 - $258鍾意食煎魚既朋友一定唔可以放過呢個盲鰽喇，煎得香脆之餘又唔會dry, 值得一提係上面既香脆甜薯片同埋香芋薄片，非常有心思最後飲埋餐茶就走喇…查看更多

尋晚一行三人去左間喺諾士佛臺既上樓餐廳食野，貪佢有酒飲有野玩有得食，又可以唔嘈既地方下吹水。有一張美式桌球，等野食既時候玩左陣。叫左支Torbreck Woodcutter's Shiraz，fruity啲係幾易入口，大家都岩飲。香蒜辣椒檸檬汁炒蝦，蝦好彈牙，蒜唔多作調味用，所以無搶到蝦既味道，唔太辣幾好食。香蒜辣椒炒牛柳粒，好腍好香肉味，加埋蒜蓉令到牛肉更好味。香草炸魚條配檸檬汁，食落似大條版既白飯魚，非常香脆可口。每人一份沙律，菜都好fresh，只係落左少少橄欖油無咁dry。個湯好特別，好似溶哂既薯仔湯但無薯仔味，綠色既湯飲落幾好味。香煎大蝦配辣椒蒜香意粉，蝦大隻爽口，意粉無炒到乾哂，味道偏辣，整體黎講幾好味。焗酥皮羊扒，用酥皮包住令到塊皮索哂啲羊味，羊扒肥美肉嫩，羶味點都會有少少，但唔羶就唔係羊吧。慢煮西班牙黑毛豬鞍配鵝肝，豬鞍肉嫩多汁，肉質軟腍。…查看更多

雖然未到Happy Friday，但我同閨蜜K真係好需要Relax下，所以放工就相約去諾士佛臺酒吧餐廳到飲飲食食⋯ 呢間酒吧好新淨，而且又唔雜，環境好舒服。一早去到未肚餓，當然飲下酒先啦～ 呢到有好多款雞尾酒，而我們叫左以貴妃名為命名的特色Cocktail。楊貴妃以荔枝酒、Tequila為Base，再加入新鮮西柚。由於有荔枝酒，所以飲落遍甜，加埋一絲絲帶少少酸苦的西柚肉去平衡個甜味。我自己就好鍾意，不過朋友就比較鍾意佢個杯西施。西施同樣用中式的茶杯載住，以Rum酒一種酒做Base，再加入橙汁及桃蓉，飲落以甜味為主。有酒當然要有小食先至Perfect啦，我們不約而同地想食香蒜辣椒檸檬汁炒蝦(餐+$58/份)。雖然唔係用香蒜辣油浸住，不過每隻蝦都沾滿個汁，食落非常惹味。擁有黑松露+芝士的炸薯條(餐+$38/份)，係好多人的最愛的邪惡組合。粗薯條炸至外脆內軟，雖然芝士唔多，但大家仲可以點黑松露沙律醬，味道同樣出色。傾左成粒鐘，係時候要食埋Dinner⋯ 原來每個Meal都會有埋湯及沙律。呢份青豆湯無草青味，而且入口都幾滑。沙律上加了兩片凍鴨胸⋯ 但沙津唔係落左好多醋，所以唔多夠味～我本身有諗過叫一份羊，但原來朋友唔食羊，所以我們揀左一份意粉及一份牛排。呢個香煎大蝦配辣椒蒜香意粉真係幾香，而且辣得香口又惹味，佢D辣係入口等幾秒先滲出黎。只係食得譚仔清湯的我，就覺得辣左少少，不過我相信呢個會係好多人的心水。美國肉眼牛扒配燒肉汁的牛排比相像中大塊，下面放著娃娃菜及甜薯蓉。雖然唔係特別咩的牛種或級別，但牛肉的脂肪都算均勻，牛味都幾香，整體不錯的。好多的酒吧餐廳都有提供不同的食物，但水準參差。呢間位於諾士佛臺的樓上的酒吧，整體的水準都不錯。加上場內仲有Beer Pong、飛標等玩意，無論幾個閨蜜邊下野，定一大班朋友去玩都好適合。==============================鍾意我分享的，我邀請你訂閲我的食評，我會繼續與大家繼續發掘有咩CP高的冰糧！(敬禮)…查看更多

約左個朋友食生日飯, 知道佢鍾意HAPPY HOUR CHILL下, 就係諾士佛臺BOOK左寢宮因為見環境都唔錯, D位都坐得舒服餐廳大門用左白色, 2邊牆身都係雲石PATTERN, 入面既枱同地下都係以雲石紋為主, 真係幾靚一入門口就見到有人玩緊BEER PONG, 真係好耐冇玩啦除左BEER PONG仲有桌球台同標機, 都幾多野玩我地叫左2個小食, 分別係香蒜辣椒檸檬汁炒蝦同什菌芝士意式飯球個炒蝦食落去似少少冬蔭功既味道, 蝦肉好爽同彈牙, 少少辣, 好開胃個芝士意式飯球熱辣辣, 雖然話係飯球, 食落去完全唔覺自己係食緊飯入面既芝士勁香, 加埋什菌碎真係好好食之後就上沙律同餐湯, 沙律係parma ham雜菜沙律, 餐湯係忌廉湯, 好CREAMY, 稀竭度適中, 食到打溶哂既薯仔都未食主菜我個朋友已經不停讚好食同好正主菜我地叫左個燒羊鞍, 羊味好香, 配埋個醬汁非常好食配菜方面真係好係別, 係有紫薯蓉, 焗薯, 仲有蔬菜乾焗薯上面加左SOUR CREAM, 細細個好易食, 紫薯好香好甜, 蔬菜乾脆卜卜再加左少少蜜糖係面食到停唔到口呀電話影相影到冇電, 餐廳有免費充電借用, 掃一掃QR CODE 入少少資料就有得用啦除左充電服務抵讚, 另外仲有一個好貼心既設施大家都知道食肆已經全面禁煙, 餐廳專門安排左一個好似露台仔既地方比客人食煙要開門先出到去, 防止D煙味入返餐廳, 真係方便左要食煙既朋友唔使走上去落食煙成餐飯朋友都讚不絕口, 話以後多左個HAPPY HOUR既好地方…查看更多

星期五的晚上當然要放縱自己，來了久違的諾士佛臺的樓上酒吧餐廳飲杯酒吃美食！我們點了兩個set dinner，隨餐附送沙律和餐湯外，還可以差不多半價的價錢追加小食呢。首先來了兩客鴨胸沙律。充滿柚子醋的沙律菜加上兩片烤鴨胸，非常開胃又為我們展開了一個好開始！接著就是扁豆薯蓉湯。弱弱的說這是我們第一次開這兩個食物組合的湯呢，一開始感覺有點怪怪的，質感是扁豆薯蓉打磨後的比較黏稠，不過多喝幾口後又覺得挺清新不錯的。第一個小食香蒜檸檬汁炒蝦就是走泰式風味，混合了檸檬汁和辣椒蒜頭，酸酸辣辣的很過癮，而蝦的表面微微燒焦，肉質非常爽口彈牙呢！另一個香草炸魚條配檸檬汁乍看之下外型好像炸魷魚，實際是香脆可口又肉質鮮嫩的炸白飯魚。蘸著檸檬汁和沙律醬，忍不住一條接著一條呢。我們這晚都做了食肉獸 哈哈！男友點的美國肉眼牛扒配燒肉汁相當大塊，帶有點點肥膏。Medium煎的剛剛好，保存著香濃牛肉味，肉汁豐腴鮮美！配料亦很豐富，有焗薯、紫薯蓉、茄子、白菜和蕃茄等等。我選的是慢煮西班牙黑毛豬鞍配鵝肝。豬鞍的size亦不小大又挺厚身的。透過恰當的慢煮烹調方法，做到肉質粉嫩鬆軟又充滿肉汁！而鵝肝煎的外脆內軟，滿滿油香滋味非常！其他蔬菜配料就跟牛扒差不多。:)…查看更多

朋友說從OR平台發現這間有好多玩意的酒吧餐廳，而且有好多食評都給予滿分，其實我寫了這麼多食評，雖然給分不算太嚴謹，但也從未試過給全部滿分，所以都想去見識見識。說的是這間位於尖沙咀諾士佛臺的樓上酒吧餐廳，以「寢宮」為名，取名十分特別。因為訂了位，來到就即時有位，只是今晚所有較大的枱都已經訂滿了，只餘較小的吧枱，服務員說如果有位再給我們調換。餐廳內面積很大，還有房間及卡拉OK，氣氛很好，所以聲浪較大。而玩意及打卡位多的是，除了有油畫牆、玩味壁畫及鞦韆椅外，還有桌球枱、飛鏢及Beer Pong等玩意，只可惜我們今次只得兩人來，唯有隨意望望各種設備就算了。我們點了兩個套餐，計有美國肉眼扒配燒肉汁($328)及慢煮西班牙黑毛豬鞍配鵝肝($328)，套餐還附餐湯、沙律及餐茶，所以價錢不算貴，而且跟套餐追加小食只收$58，差不多是半價，我們就要了香蒜辣椒檸檬汁炒蝦及香煎芝麻吞拿魚柳，飲品就要了奶茶及Raspberry Mochaccino。先來的是兩款小食，香蒜辣椒檸檬汁炒蝦有六隻蝦，肉質結實爽口，鮮味濃郁，蝦煎得外層有少少微焦，不會過熟，十分香口，而檸檬汁與辣椒的酸辣味帶出些泰式風味，層次感豐富，來一個好的開始。香煎芝麻吞拿魚柳有七片之多，外層是黑芝麻及白芝麻，煎得香口，而裡面是慢煮的半熟吞拿魚，外脆內軟，保留了吞拿魚的鮮味，還附上醬油及wasabi，不過我還是喜歡原味。隨餐附上的沙律是煙鴨胸沙律，帶少許煙燻味的鴨胸，肉質軟滑而帶鹹香，與較為清的沙律菜一起，一鹹一淡配得很好。Raspberry Mochaccino味道較甜，咖啡味芳香，拉花漂亮。餐湯是豆蓉湯，豆蓉味濃香，稀稠適中，鹹淡得宜。主菜的慢煮西班牙黑毛豬鞍配鵝肝其中的豬鞍很大塊，肉質鬆軟而不柴，鵝肝煎得外香內軟，入口即溶，雖然份量較小，但亦不宜食太多。配菜方面有蕃茄、紹菜、焗薯及紫薯蓉，另外有長條形的脆片，增添了主菜的立體感。另一個主菜美國肉眼扒配燒肉汁的肉眼扒十分大塊，肉質腍滑很容易切，牛扒有些厚度，口感不錯，但稍嫌熟了一點，如果做到5成熟就最好。其他配菜則與另一主菜相同，在此亦不作重複。整體而言這裡實在是聚會的好地方，如果分開用餐區及品酒區就最好，否則亦可加多一些食餐的大枱，不然小餐桌雖配四張高椅，但放兩碟餐湯已經沒有其他位置了。…查看更多

今晚搵到嚟「本宮」嘅寢宮食飯餐廳英文名係Badroom壞壞的房間而唔係Bedroom，嚟到就想耍壞？！環境神秘得嚟好多嘢玩，有韆鞦、桌球、pongconnect等。最鍾意就係個油畫牆，幾個公主係睡房談天說地，美美的叫咗兩個set，包沙律同湯沙律菜夠fresh加上咸咸地嘅Parma ham好醒神湯夠creamy濃郁Slow Cook Iberico Porkchop＆Foie Gras$328-黑毛豬同鵝肝都大大塊，黑毛豬油脂豐富，鵝肝濃郁增添口感Lamp Chop With Puff Flio Pasty$318-酥皮湯就飲得多，酥皮羊扒就真係未試過。酥皮好酥脆，仲包埋三文魚係入面添！羊扒騷味剛好唔油膩，食埋配菜紫薯薯仔等好滿足香蒜辣椒檸檬汁炒蝦+$58-對唔食得辣嘅人嚟講都幾辣，但就好惹味同蝦夠大條香煎芝麻吞拿魚柳+$58-吞拿魚加上啲芝麻粒，香口又有口感，半熟嘅魚又腍又鮮Mango Mule$78-香濃芒果味甜甜蜜蜜Flower Market$78-本身杯嘢藍色，將另上嘅passion fruit with honey倒落去就會變咗粉紫色，好夢幻好靚呀！…查看更多

一向少落酒吧的友人剛從俄羅斯回來，話去過當地的酒吧，回港也要去一去香港的酒吧，哈！走進內裏，就見到一個大酒吧區，四處當然設有不少的酒吧玩意，有美式桌球枱、電子飛鏢靶機、放了杯子的乒乓枱，當然不是打乒乓球，而是Beer Pong玩意等。不懂玩這些玩意也不緊要，這裏還裝了多部電視機和兩張韆鞦，也是一個好娛樂。取名「寢宮」，除了有不少玩意之外，裝潢都要優美。牆上的油畫、舒適的座椅、寬敞闊落的梳化座等等，寢宮的確有得玩有得抖。看看餐牌，食品有Seal Meal、Tomahawk、Little Plates Taps和Snack Platter；飲品選擇極多，有Draught beer & cider、Vodka、rum、gin、Tequila、Classic Cocktail、Cognac、Whisky、House Cocktail、Mocktail、Soft Drink、Party Drink、Coffee Special Mix和Coffee Tea or me等等。 ********************精選套餐均配沙律和湯，是日餐湯是椰菜花忌廉湯，以忌廉畫花，伴上幾粒香脆的麵包粒，很美！入口微暖，稀稠度適中，夾雜少少椰菜茸，口感不俗。幸兒沒有加入大量忌廉，能嚐到椰菜花獨有的味道，不錯！是日沙律是三色藜麥沙律，既色彩豐富，亦有益健康。紅白黑三色藜麥外，還加入了清爽三色椒、洋蔥絲、爆汁的車厘茄和酸瓜絲。藜麥有咬口得來又不會太乾硬，拌入酸咪咪的醋汁，清新開胃。 ********************有三款追加小食，有魚、蝦和牛，愛海鮮的我倆當然要香煎芝麻吞拿魚柳 和香蒜辣椒檸檬汁炒蝦，兩客賣相都不錯。香煎芝麻吞拿魚柳 （+$58）切成方形，片片厚度和大小相若，肉心呈鮮紅，肉質柔軟腍嫩，味道鮮味，周邊沾滿黑白芝麻，咬下去甘香脆口。香蒜辣椒檸檬汁炒蝦（+58）也不錯，肉質爽彈，味道香濃，舖上炸蒜粒和辣椒，鹹香惹味。********************友人愛羊又愛酥皮，焗酥皮羊扒 Lamb Chop With Puff Filo Pasty ($318)必是她囊中物。嘩！用心擺設，好有層次，賣相很美。除了有兩大件羊扒外，還有大量的配菜，數數看，娃娃菜、西蘭花、椰菜花、薯仔、紫薯蓉、西芹、冬菇、茄子、蕃茄、意大利翠肉瓜、翠肉瓜、炸紫薯、炸蓮藕、炸芋頭片等等，還將西芹𠝹花，又豐富又優美。兩大件羊扒挺有份量，外層包着金黃的酥皮，好靚仔。把其切開，最驚喜是中間挾了一塊鹹香的三文魚，真係一個「鮮」字。羊扒看起來肉質紮實，還以為會嚡口，但意外地相當鮮嫩，焗製時間掌握得好，存有肉汁，還帶點羊羶，突顯羊的風味，再伴着薄而酥脆的酥皮同吃，好夾！********************另一款主菜點了帶子蕃茄意粉 Jumbo Scallops With Tomato Pasta ($238)，同樣配上脆口的炸蓮藕片、炸蕃薯片和炸芋片，再以西芹𠝹花裝飾，賣相也吸引。意粉煮得合宜，有嚼勁，條條掛上酸咪咪的蕃茄醬汁，味道剛好，越吃越開胃，加上拌入紅椒絲，既豐富又好吃！帶子肉厚肥大，稍稍煎至表面帶焦色，並非全熟，肉質保持鮮嫩，柔軟微爽，質素不俗。*********************雖然我唔係好飲得，但來到酒吧也不會滴酒不沾，而且俾我發現到一系列的酒調咖啡，我當然不會錯過。各款的Coffee 的配搭也有特色，而取名也特別。最後選了杯愛的勇氣 The Courage to Love ($78)，因為我此刻好需要這份勇氣......以一隻雞尾酒杯盛載上枱，而Coconut Liqueur 另上，按自己的酒量注入。咖啡面灑上椰絲，先啜一口，甘苦的咖啡中滲出椰香，此配搭挺特別。是時候注入Coconut Liqueur ，我的勇氣只有一半，哈！味道平平無奇......好吧！鼓起勇氣，再注入多1/4，味道變得香甜，椰香味更明顯，酒度剛好，不會搶喉。難道要有多些「愛的勇氣」才嚐到這份甜美的感覺......？友人一向都滴酒不沾，所以揀了杯Raspberry Mochaccino ($50)，估不到酒吧的咖啡都好有質素。咖啡面毫無粗泡，光澤幼滑，多瓣的心形拉花圖案清晰挺身，賣相不俗。友人話入口順滑，甘苦的咖啡中滲出香甜的莓香，只是甜咗少少，也不錯。------------------------------寢宮不單止是吃喝玩樂的好地方，也是傾計的好地方，大家邊吃邊傾，她分享了整個俄羅斯之旅，有趣之旅。…查看更多

今日約了兩個曾經一起出生入死的好朋友食飯，由於我們一年多沒見，所以想找一個坐得舒服又食得開心既地方Chitchat，跟住我就想起這家店，其實不是第一次食，因為它的裝修我好鍾意，看得出來店主很有心機，宮廷式，入去右邊有個迴轉木馬鏡底既千秋，拎黎打卡一流，又有beer pong 同flip cup玩，重點係坐得舒服之餘，飲品同食物都屬於不錯，所以有時間都會同朋友上去坐坐，店裏面空間感好好，今次我們坐在半圓的梳化位，自成一角，好適合ChitChat楊貴妃好正，飲落好香Margarita, 青檸同鹽邊完全帶左tequila個味出黎其中一個朋友點了Long Island，飲了半杯他的臉紅了😂偷了一啖，很足料下，飲到tequila,vodka,rum味Old Fashion, 呢杯我無偷飲，但朋友話太重酒味，比杯冰佢😂飲下又玩下好開心既一夜…查看更多