楚撚記大排檔 (寶光大廈)

餐廳翻新後 裝橫都係走港式懷舊風 佢地真係好出名 每日都大排長龍✨咁高人氣 果然有佢嘅道理 小菜碟碟又香又滾熱辣🔥.📌拔絲焦糖香燒脆腩仔 $98第一次見呢種做法 幾新穎特別🤩焦糖絲圍住燒腩仔 好似鳥巢入面嘅蛋咁🪺焦糖都幾難整到唔會過熟冇苦味 仲要定型一絲一絲🍮燒腩仔部位好靚 半肥瘦甘香 焦糖同皮都燒得好脆 夾埋啲一齊食 甜甜鹹鹹 又幾好食喎🐷.📌香爆黑椒牛仔骨煲 $113上碟時仲滾下滾下 牛仔骨份量都幾多 有八舊🐮配菜洋蔥都清甜 青椒炆得淋🧅🫑牛仔骨冇咩筋位 肉質好軟淋 肉味幾濃 加埋秘製黑椒汁 有鍋氣得嚟又惹味 必點呀‼️.📌啫啫唐生菜煲 $83唐生菜頭爽脆 綠葉部份幾軟淋 索哂啲汁🥬加左四條大蝦乾 啲海味味煲到入晒味🦐有辣椒 辣辣地🌶️好有鍋氣 惹味得嚟又唔鹹 食到中途都仲熱辣辣🍲但一煲唔滿 如果份量可以多啲就好喇🥹.📌黃金炸饅頭伴煉奶 $40/半打饅頭外皮炸得好薄脆 吸油時間應該唔算耐 所以唔會好勁油香酥炸嘅感覺 保留番饅頭本來嘅淡淡香甜 比較乾身 點埋煉奶更加好食🍞.📌靚仔白飯(碗) $13食得中菜點可以冇白飯呢 白飯粒粒分明 比較爽身 水份較少 有米香🍚.📌番薯糖水 $free番薯好大舊又粉甜 成隻碗都滿晒 有放到薑粒 薑水好濃薑味同辣 加番啲番薯甜味中和番🍠.📌綠豆清心丸 $free同平時啲綠豆糖水唔同 冇起沙係好清 得啲綠豆殼 仲有五粒綠豆爽 比較厚實煙韌 唔會太甜 幾清爽💚.📌可樂/忌廉 (枝裝) $13玻璃樽裝汽水總會覺得比罐裝特別好飲 可能懷舊嘅感覺係正啲🥤…查看更多

呢間人氣大排檔 大家應該都唔陌生～以前係其他分店食過 今次見土瓜灣新開分店 就再去試試！入到去環境好舒適闊落 好大間 果然係總店^.ˬ.^枱同枱都有距離 唔會話好壓迫 地方都好乾淨～而且冷氣好夠大 夏天入到去坐就啱曬(¯֊¯)當晚雖然係平日 但都有好多人嚟食 所以如果想嚟就訂定位最穩鎮～好多唔同款式嘅小菜選擇 有啲懷舊特色小菜都少見～另外見到有分店限定小菜 當然要試一試佢！🐖 拔絲焦糖香燒脆腩仔 $98賣相好igable(¯֊¯)外層圍住焦糖拔絲 因為好快會溶 所以想打卡就爭取時間～斬開佢就見入面嘅脆腩仔 食落肥瘦均勻 層皮都係脆卜卜( ˶´﹃`˵ )🐂 香爆黑椒牛仔骨煲 $113一開蓋就feel到佢好有鑊氣 熱辣辣 仲勁香黑椒味(˶ˊᵕˋ˵)平時出面食牛仔骨好驚好韌 咬到牙痛都咬唔開但呢到唔韌 肉都大舊 份量又多 餸飯就啱曬！ദ്ദി˶ｰ̀֊ｰ́ )🥬 黃沙豬膶杞子浸時蔬 $86當日時蔬係娃娃菜 啲菜索咗啲湯之後 清清地又唔油膩豬膶份量好多又好厚雖然最普通但就最推薦呢個菜式(´∇｀)🍚 懷舊豬油撈飯 $25以為佢豬油係液體 點知原來係膏狀～所以要襯熱撈入飯到 再加埋豉油 蔥同芫茜 成個飯都好香～🍞 黃金炸饅頭 $40外脆內軟嘅炸饅頭配煉奶 真係冇得輸😆都係分店限定菜式之一～最後仲會有蕃薯糖水/ 綠豆清心丸送返～為呢餐劃上句號～🤰🌟另有荃灣、西環分店🌟…查看更多

撚手小菜🍻港式室內大排檔 - 楚撚記雖然分店多，吾預約walk in去到真係排哂長龍🧍🏻🧍🏽‍♀️🧍🏻‍♂️嫁~! 今日我黎到土瓜灣既分店去為大家介紹，等大定望完👀d相都去一齊排隊食好野。七味黃金炸一口金磚豆腐💣 ($75) - 由於一口係重點，小食多滋味呀嗎，我個人冇點到調味醬汁，皆因我想試試豆腐個陣清香再加炸蒜蓉個種風味。香爆黑椒牛仔骨煲🐮 ($113) - 呢碟大牌檔例牌菜，大定吾會未食過。首先黑椒同胡椒味吾會太勁蓋過牛仔骨香味，我好驚食呢道菜得個辣字。牛仔入口口感鬆軟同埋惹味，好易就咬得開。避風塘鮮魷🦑 ($106) - 薄薄的生粉配上一條條既鮮魷肉落鍋炸至金黃，賣相我都吾使多講，味到香脆可口仲有D炸蒜蓉🧄，即頭可以當飯食，送酒一流!!懷舊豬油撈飯🐽 (復刻版) ($25) - 熱辣辣蒸出黎既白飯，用砵仔上盤，白色豬油一定要襯熱落呀 (碏用由蔥蒜料爆香)，JAMI落落飯之前自己試左啖，相當之滑同埋濃, 好似食緊雲呢拿雪糕咁呀，之後落埋秘制豉油同蔥花，自己DIY完一輪就可以食啦。嘩~好好味，呢個飯係必食嫁， 吾準走寶，因為可以自己調教份量，所以小朋友同大朋友都岩食。黃金炸饅頭 - 半打 ($40) - 外脆+內軟 麵粉香味點點煉奶，份量都吾小嫁 6隻岩岩好~ 河河唧，介介唧。枝裝氣水 ($13) - 250毫升玻璃樽既氣水夠凍夠好飲, 係大排檔吾小得既drink drink組合 Taste the Feeling~~~~~最後仲有綠豆清心丸糖水送，清清地真係好正啊。…查看更多