The Third Bakery (已結業)

星期六同老公去西營盤食lunch。依家lunch叫主食就包埋湯同餐飲，抵。櫻花蝦湯味道濃郁，熱熱的，幾好飲。香煎龍蝦、龍蝦沙律班戟呢個好有驚喜，龍蝦煎得好香，肉質又彈牙，龍蝦沙律又多，每啖都可以塞滿個口，班戟鬆軟，夾埋一齊食好夾，鹹甜鹹甜的，我鍾意。香煎鵝肝、蘆筍、野菌、乾瑤柱意大利飯鵝肝好肥美， 煎得岩岩好，意大利飯屬於煙韌有咬口個種，整體相當唔錯。即焗法式蘋果批、雪糕甜品好好食，即整上碟，蘋果片同提子乾鋪住香脆既金寶，加埋香濃既雲尼拿雪糕同幼滑既忌廉，好正。最後飲埋熱檸水同熱檸茶。

西營盤開左好多cafe，最啱weekend遠離煩囂去放空一下。The Third Bakery 外牆塗上柔和嘅淡藍綠色，好容易就spot到。店內裝修擺設同食物都散發著濃厚嘅fusion味道，而裝水嘅酒瓶同酒杯就搶fo兼棧鬼。鮑汁燜鮑魚、乾瑤柱、野菌意大利飯用煲仔飯嘅瓦煲上，意大利飯硬度同飯粒嘅濕度啱啱好，兩隻鮑魚放正中央感覺好高級，非常ig-able。香煎龍蝦、龍蝦沙律班戟係一個幾嶄新嘅嘗試，賣相好吸睛。個人認為鹹嘅龍蝦沙律同甜嘅班戟都係分開食好D，班戟嘅邊位有d乾。仲order左烤大啡菇、意大利黑松露煙三文魚扁意粉但唔記得左影相，黑松露油味好出，屬正常發揮。附上嘅餐湯櫻花蝦好creamy好有誠意，餐飲包   Expresso/Americano，或可以加$轉其他coffee/ special/ iced fruit tea。我order左latte都唔錯。食埋甜品即烤牛角包窩夫、榛子醬、雪糕就超滿足，經窩夫機烤壓扁左嘅牛角包有窩夫嘅格仔紋加牛角包富層次嘅酥皮口感，配雪糕超perfect~Menu-