八哥主題餐廳 (已結業)

朕都有好耐無食過好西喇，應該都有十日八日 >.< 朕今日就自己上網Check下呢排有咩好西食，俾朕Check到一間Hungry Pug，真係Pug全部都係Pug － 朕係講緊啲裝修呀！無論係牆身或者係燈箱甚至係Menu，真係全部都係Pug！朕既目的係食好西，當然就即刻叫野食啦，首先黎左個－燒瑞士芝士多士，燒芝士即叫即燒即熔，多士香脆，瑞士芝士香濃，頭盤開胃最啱！跟住就黎個湯，朕叫既唔係普通既湯，而係東星班配法式海龍皇湯，海龍皇湯非常鮮味，而且仲有原條東星，真係又打得又嚇得，仲好好飲得，下面仲用火暖住，真係幾時飲都得！跟住再食多個香煎韓式一口和牛配自家製泡菜，和牛入口即溶，加埋自家製泡菜有一點酸辣爽脆，有不同既口感，真係食多幾口都無問題！燒烤醬烤焗雞槌，外層香脆可口，猛火烤焗鎖住入面啲肉汁，肉質嫩滑，配理香濃燒烤醬汁，好惹味！跟住就係朕最期待既－低温慢煮加拿大AAA牛肋骨配薯菜，叫得AAA牛肋骨，啲肉質真係無得頂，加埋低温慢煮之後再烤焗鎖住肉汁，就算咁厚身既牛肋骨，食起上黎一啲都唔靭仲好腍身又香口仲有好香濃既牛味。最後就緊係食埋果甜品啦，朕就Order左個－加拿大嘉年華會漏斗蛋糕配雪糕，朕就問店小二咩叫漏斗蛋糕，小二就話同個形狀同味道無關（咩漏斗有味既咩！！！）係關個製作方法事，朕都無再去深究，反正朕係黎食好西，唔係黎食佢個名！致於朕就覺得漏斗蛋糕食落就唔多似蛋糕，似馬仔多啲，食落好脆口，加埋雪糕同芭菲，一凍一熱，一脆一腍，好好味！！！－－－－－－完－－－－－－…查看更多

夜晚去尖沙咀跟男友晚餐，他訂了這家叫Hungry Pug的餐廳，說有八哥好可愛，哈哈。上一層樓梯就到~餐牌上有大大隻八哥。餐廳的燈光效果較浪漫，環境設計都有情調~情侶來，朋友來用餐都合適。我們打算選個小食，三文治和主菜~ 主菜加25元跟餐有餐包，湯或沙律和飲品。餐包是非一般的，非常有誠意，是瑞士芝士多士啊上面的芝士就如raclette，半溶狀態下切出來舖上去~咬下軟滑香口，味道濃郁，好正 另外選了個田園沙律有松子仁口感不錯，頗refreshing~香煎一口牛簡直是讓我倆喜出望外！一口牛入口甜味四溢，充滿肉汁，肉質軟嫩 另外還有蒜片，沙律菜，自家製酸辣惹味泡菜帶來豐富味道和口感。泡菜酸酸的好開胃每一口都好享受，八粒不夠吃啦三文治選了燒春雞，預先切好一半分著吃。麵包是有果乾的麥包，感覺健康，還有沙律菜及邪惡的薯條燒春雞烤得外脆內軟，肉質嫩滑易咬，配搭茄醬，蕃茄，芝士和生菜，味道即時提升鐵板西冷牛扒來了~ 上菜時還吱吱作響，聽到都口水直流。配菜都不少，蔬菜都是烤的不是烚的，尤其蕃茄最好吃。牛扒我了是鐵板上所以點了七成，其實五成應該才是最正的食法。不過幸好切下去還看到粉紅色，肉中還有一點脂肪，咬下去肉質尚軟。味道方面，肉味頗濃郁，煎得也香~想點特飲，加了10元要了抹茶latte，應該用了好多抹茶粉，因為味道好重，甜味恰到好處不會太甜，加上香滑creamy的全脂奶，比某星還要好飲現在還有九折，變相免加一呢。一人二百元左右，有raclette，大份三文治，超好吃的一口牛還有西冷牛扒，這環境來說價錢並不貴。…查看更多

之前喺尖沙咀行街就有見到the one附近新開左一間八哥主題嘅cafe鐘意八哥的我就當然心心眼一定要黎試下😻😻 不過嗰陣因為繁忙時間，已經Full House，所以就搵左另外一日book定位再過嚟試入到去真係嘩嘩聲😋裝修得好靚！有好多八哥嘅擺設同裝飾！！好多瘋狂影相位！先點野食～ menu 都好靚睇食評見到有八哥造型嘅飲品，本來想點綠茶latte，以為每款熱飲都會有😝 好彩有問一問店員～ 店員好細心咁介紹！表示有兩款飲品會有八哥logo，分別係 mocha 同 cappuccino，佢仲解釋因為如果綠茶latte上沈左綠茶粉的話會變得有啲傑口，所以我就點左 mocha吶。呢杯mocha 真係色香味俱全非常香滑朋友就點左士多啤梨冰沙，雖然無八哥 feat.，不過都一樣好味，透心涼左邊係頭盤的墨魚咀，$38 咋！非常抵食。揀左榛子楓葉糖醬，甜甜的不錯這個是香煎韓式一口和牛配自家製泡菜，賣相好精緻細細份可以一啖食落去~ 和牛配上泡菜估唔到又幾夾~ 另一種食法可以分開食嗰個和牛同埋泡菜，一樣好味😋 非常推薦呢個頭盤！鐘意香口野的我嗌左個黑松露薯條唔係好肚餓，所以就嗌咗個三文治一齊share。呢個係越式香茅豬扒熱壓三文治，份量好大個三文治麵包烘得暖暖的非常香脆，咬落啖啖香茅豬扒，有啲肉汁唔會好乾身~ 要趁熱食的說最後嗌左個甜品拼盤，非常滿足店員介紹一個甜品拼盤就表示係有兩款口味嘅芭菲配加拿大嘉年華會漏斗蛋糕配雪糕。第一次聽漏斗蛋糕呢個東東，口感幾特別有啲似馬仔雪糕揀左清清地的豆腐味總結係非常推薦呢一間八哥主題嘅餐廳 餐廳裝修夠晒特色雖然好忙，不過店員服務態度好好，會好細心咁樣介紹食物，收碟上菜都好快…查看更多

尖沙咀加連威老道呢邊開咗間樓上餐廳,呢日就嚟試吓.一上到去就見到大大個燈箱,上面嘅八哥圖案好顯眼.入面嘅陳設同壁畫都用八哥做主題,似乎店主係一位愛狗之人嚟.窗邊嘅黑板都係八哥,好可愛.呢邊可以睇到樓下嘅街景,都唔錯呀!餐牌封面用綠色做主色.雖然呢度係西餐嚟,但佢哋都有唔少比較fusion嘅菜式.主菜嘅選擇都幾多,但頭盤嘅款式對我嚟講仲吸引,某啲係坊間唔常見嘅,咁就跳過主菜,主力試頭盤同甜品啦!祖傳什錦番茄水牛芝士沙律,第一次食用青醬調味嘅沙律,估唔到青醬嘅羅勒同蒜香加晌彩色車厘茄等蔬菜度都幾夾,松子仁又有咬口,水牛芝士就軟滑,整體清新又討好.榛子楓葉糖醬烤焗雞鎚,佢哋將雞鎚肉反起整到好似lollipop咁,食落更加方便,雞鎚烤焗得外層香脆,內層肉質仍滑,表面有啲楓葉糖醬,再加埋榛子果仁碎,味道唔錯.香煎韓式一口和牛配自家製泡菜,一口和牛軟嫩,上面用咗芝麻等等點綴,下面就墊咗佢哋自家製嘅泡菜,都幾清甜惹味.東星斑配法式海龍皇湯,原條東星斑咁拎出嚟,中間就開邊放咗啲切粒椰菜,甘筍同車厘茄等等,西餐廳嚟講可謂少見,幾特別.法式海龍皇湯就另外用小壺裝住,侍應仲拎埋個蠟燭台用嚟保溫,食之前先將湯倒入碗度,湯質creamy,加埋魚肉一齊邊食邊飲,鮮香得來又唔會太淡或太鹹.麥提沙芭菲,用咗紅桑子,紅莓,黑莓,薄荷葉,食用花瓣等等伴碟,賣相好靚.芭菲頂仲放咗粒麥提沙,入面就有朱古力碎,質感好似雪糕咁,甜但唔漏.嚟之前以為餐廳係間咖啡店,對佢哋嘅菜式期望唔大,實際上無論係烹調方法抑或擺盤都幾認真,呢樣係有少少意料之外.…查看更多