登堂

之前曾到登堂享用五道菜Tasting Menu，雖然位於觀塘工廠區但質素媲美中西區fine dining。環境方面一如既往寬敞舒適，格調高雅；最近轉型推出自助餐，每位只需$268可謂物有所值，如兼享意粉或主菜分別只需$298及$328起。沙律吧有三款新鮮沙律菜及粟米粒、青瓜、車厘茄、煙肉碎等配料。沙律醬除了有日式胡麻醬、千島醬等常見款式外，更有比較特別的藍芝士醬及藍莓紅石榴油醋汁。另一邊更有紅菜頭沙律、煙肉薯仔沙律及螺絲粉沙律三款已拌沙律。煙三文魚油潤鮮嫩值得一讚，另外亦有幾款凍切肉。凍海鮮包括藍青口、凍海蝦及翡翠螺，質素不過不失；赤貝刺身爽脆鮮甜比較出色。小食方面當日有芝士粟米、咖哩角、日式煎餃、魚肉燒賣、麻辣豬肉燒賣、燉炒蘑菇及香烤雞翼。最後更有各式各樣糖果、曲奇、雲石芝士蛋糕、啫喱糖、時令水果等甜點。每人另外$28可以任飲汽水，更是難得一見的玻璃樽裝。香煎蘇格蘭三文魚柳 ($328) 煎得恰到好處，肉質保持鮮嫩多汁，配上三文魚子及日式高湯忌廉汁別具日式風味。炭烤美國特級肉眼扒 ($538) 為唯一一款可以無限追加的主菜，五成生熟拿捏得宜，肉味香濃並帶陣陣炭燒香氣。雲尼拿、椰子及宇治抹茶三款是日雪糕香濃綿滑。…查看更多

今日約咗朋友觀塘食Semi Buffet dinner，餐廳位於興業街The Wave二樓，搭扶手就能夠到達，一到門口就見到有酒庫，放置唔少酒類。餐廳環境舒適，以大自然作主題，充滿綠色植物。我地分別揀咗main course & salad bar同pasta & salad bar 嘅配搭，而價錢都只喺$298起，性價比甚高。自助salad bar 有唔少食物，比如冷盤有煙三文魚、肉腸、羽衣甘藍、沙律雜菜、羅馬生菜等等，客人可以自製沙律，一旁都有多款醬汁提供。除此之外，餐廳都有直接整好嘅沙律，包括希臘沙律、意麵沙律同埋紅菜頭沙律。海鮮方面有翡翠螺、凍海蝦、藍青口同埋北寄貝、墨魚魚生，當中北寄貝幾鮮甜，我地都忍唔住夾都幾塊。Salad Bar都有時令水果同埋甜品，不過款式就唔算好多～向職員request可以食雪糕~是日口味有朱古力曲奇﹑豆腐同埋抹茶雪糕，賣相不錯。<北海道鮮帶子意粉> $358呢碟意粉除咗有海參、半乾車厘茄、勝瓜及雲耳等配料之外，醬汁用上xo醬日式高湯，好有港式風格。xo醬味道濃厚，加埋兩粒鮮甜嫩滑的大帶子，呢個fusion都幾特別~<香煎蘇格蘭三文魚柳> $328三文魚柳擺盤精緻，碟面用日式高湯忌廉汁畫圈，三文魚柳放於碟中，加上三文魚子和其他配菜嘅點綴，賣相吸引，三文魚皮香脆，肉質嫩滑，加上帶濃烈酒香既三文魚子，不但增加層次，並令三文魚柳既味道更為昇華。…查看更多

觀塘工業大廈近年多左好多喎同種類既餐廳🍽️有唔小都好高質，工廈既面積又比較大，餐廳都好闊落🤗今次黎到登堂，餐廳位於The Wave 2樓全層✌🏻晚餐晚形式係Semi Buffet，叫左main course之後揀有salad bar既選項就可以係自助Bar度羅野食😍自助Bar選擇都唔小，有海鮮、沙律菜、南瓜湯、唔同既小食等，好豐富😋主菜既質素亦好唔錯，擺盤都好靚🥳🥗Pasta+Salad Bar ($298)🦑鮮魷魚手造闊帶麵闊帶麵用左咸蛋黃忌廉做醬汁，麵條比一般寬條麵再闊啲☺️鮮魷魚爽口彈牙，仲有粒粒魚子😚口感豐富😜🍝鮮海蝦煙豬腩貓耳粉（+$20）我一向都好中意食貓耳粉😎貓耳既形狀令意粉既口感更豐富😉海蝦大大隻，爽口彈牙😝用巴馬臣芝士忌廉做醬汁，加埋半乾車厘茄，酸酸地好開胃🤓🥗Main course + Salad Bar ($328)🐟香煎蘇格蘭三文魚柳三文魚好高質，魚皮煎到焦香，好香脆😇魚肉厚實，一啲都唔腥😌加埋三文魚子提鮮，用埋日式高湯忌廉汁💯有驚喜❣️🐷炭烤伊比利亞黑毛豬鞍（+$80）黑毛豬鞍揀左七成熟，生熟度岩岩好😝肉質鮮嫩，一啲都唔韌😆加埋黑椒汁，好唔錯👍🏻/😋食物質素：7/10🍽️用餐環境：8/10💰性價比：7/10👣回頭率：7/10/📌登堂 (觀塘)觀塘興業街4號The Wave2樓…查看更多

每次行開The Wave都好想試吓呢間西餐廳 呢晚趁住朋友生日 就揀咗呢到食半自助晚餐😋每位298起就可以有主食+任食沙律吧😌餐廳環境富麗堂皇 與觀塘區四周嘅工廈顯然突出 好比高級fine dining 性價比高 難怪平日晚上依然頗多捧場客沙律吧款式超多超豐富🫶🏻有沙律菜、沙律冷盤、凍海鮮(凍海蝦、翡翠螺、藍青口)、煙三文魚、各式火腿、熟食(肉丸、燒賣、餃子等)、南瓜湯、生果、多款甜品😍款式多 味道都唔錯 而且refill得好快 淨係食呢個半自助餐都已經飽咗一大半🤣🍣香煎蘇格蘭三文魚柳 💰328擺盤超精緻 忍唔住影多幾張相🥰三文魚魚皮煎得好香脆 魚柳依然保持嫩滑 伴碟嘅日式高湯忌廉汁 配上三文魚籽 鮮甜可口🫶🏻🍝北海道帶子意粉 💰358意粉以XO醬日式高湯烹調 意粉彈牙且掛汁 帶子香甜 配以海蔘 勝瓜 雲耳 半乾車厘茄等配菜 有別於一般西式意粉☺️🥤金橘檸檬冰茶 💰0☕️熱柚子蜜 💰0跟餐配送的飲品 亦可另外加錢轉其他特飲或啤酒🍺值得一提嘅係 餐廳內設有一紅白酒展示區 標明價錢 客人可自行入內挑選喜好嘅酒 🍷…查看更多

😎 小編依晚揀咗間提供自助餐嘅西式餐廳同朋友聚下，兼一齊喺新一年食餐好嘅，嚟個好意頭！🤗🍽 香煎蘇格蘭三文魚柳 😋😋😋😋😋三文魚皮煎得好脆口，咬落魚皮同魚肉中嘅油脂會滲出嚟☺️，廚師烹調得唔錯！而且佢哋用咗黑醋汁配三文魚籽，加埋一齊食仲會有酸甜同三文魚籽嘅鹹鮮味！依種味道同煮法較少見，小編覺得好值得一試！👍🏻 🍝 北海道鮮帶子意粉 😋😋😋😋兩粒大過五蚊銀同有約2cm厚身嘅帶子，一梳梳嫩肉仲有彈性，超新鮮！👏🏻 雖然用咗XO醬，但廚師用咗🇯🇵日式高湯手法處理，味道一啲都唔會太搶！仲加咗節瓜同雲耳做配菜，食落多咗份清甜，尤其車里茄嘅甜味好出眾，配落意粉食好夾！🙌🏻🍽 Semi-Buffet 半自助餐 😋😋😋😋半自助餐提供嘅種類都有唔少，包括冷盤海鮮、意大利火腿、沙律菜🥗、熱盤、湯同甜品🍰。小編揀咗翡翠螺，螺肉味濃又清新，夾咗兩款火腿parma ham同salami都有水準，沙律菜等冷盤又好新鮮！朋友食咗海蝦🦐，都覺得蝦肉爽口彈牙，的確新鮮！甜品細細件，臨尾好飽都仲可以試到幾款！🍰🍪🍬🍫 朱古力brownie就最正，下層嘅果仁好香口，朱古力味唔會太甜！☺️🫖 超水果茶 😋😋😋😋水果茶色吸引，聞到有香水果味，入口舒服，加上使用嘅茶壺同茶杯玻璃切割，突顯美感。🤩 🍹 金桔檸檬冰茶 😋😋😋😋金桔🍊味同茶味好平均，帶有醃製過嘅微鹹同檸檬酸味。😚晚餐 💵💵💵💵💵💵💵💵 約港幣$360/人💁🏻‍♀️ 整體嚟講，依間餐廳都幾抵食，又有主菜加半自助餐嘅配搭！😎 地方間隔都好寬敞，聽聞港劇《百萬同居大劃》都有喺度取景，可想而知有一定空間感！🥳🙆🏻‍♀️ 最後，喜歡嘅話，歡迎follow @foodirectory.hk ！…查看更多

琴日放假等埋朋友觀塘收工，朋友帶咗我去觀塘一間餐廳食晚飯。餐廳面積都幾大，座位寬躺坐得都比較舒服。餐廳以半自助形式想食意粉最平Pasta + Salad $298起想食主菜Main Course + Salad $328起✨自助區食物選擇都幾多，▪️海鮮：藍青口、翡翠螺、凍蝦▪️水果：橙、火龍果、哈密瓜▪️甜品：藍莓芝士蛋糕、啫哩、蝴蝶酥、曲奇、朱古力布朗尼、多款糖果▪️自助沙律吧：沙律菜+配料、薯仔沙律、莎樂美腸、火腿、螺絲粉、鷹嘴豆沙律、煙三文魚、醃青瓜▪️熟食：燒賣、蝦餃、粟米、蜆、炸薯條、避風塘蘿蔔糕、煎餃子、西湯✨主菜▪️香煎蘇格蘭三文魚柳三文魚柳比較厚身，外皮煎得好香好脆，魚肉嫩滑充滿魚油香味，三文魚籽嘅鹹香魚油味同日式高湯忌廉汁做配搭，更提升三文魚柳嘅鮮味。▪️炭烤伊比利亞黑毛豬鞍我揀咗8成熟，口感仲非常軟腍又多肉汁，肉味香濃油脂豐富，但食落唔會覺得膩，我對豬嘅印象改觀左，高質嘅豬絕對可媲美高質和牛，呢個值得推介。另外餐廳設有酒吧區，想同朋友傾偈飲酒都有另一個天地。…查看更多