The Grill Room (銅鑼灣廣場二期)

营业中

休息中

呢度好有情調，非常適合約會，服務又好，除左食物質素好，餐具都好靚。嚟到有番咁上下水準嘅餐廳，我都會特別留意佢地啲餐具，尤其是牛扒刀😆。🥩香煎慢煮牛柳伴日本南瓜杏鮑菇 配 牛肝菌牛肉原汁真係五成熟，心係粉紅，好多肉汁，牛柳好冧，當然都關把刀事，把日本刀好好切。牛柳本身夠牛味，反而個牛肝菌汁唔係好出。杏鮑菇個醬汁做得好好，令到個菇鮮甜又好夠味。🐷煙燻香脆乳豬伴焦糖菠蘿 配 古斯米沙律真係用煙燻盒㗎，畀你睇完之後就去切件上碟。乳豬皮非常脆，好似薄脆薯片，有一兩舊少少肥，肉嫩多汁。古斯米沙律俗稱非洲小米，原來唔係米😅，食落粗鞋，當中有提子乾香草，食落甜甜地，單食就麻麻地，不過配乳豬食就剛好，中和到個肥膩感，幾得意。飲品：Cocktails🍹Berry well好靚😍，女仔實鐘意，白酒底，飲落甜甜地，伴隨薰衣草香氣。🥃Smokey Passion好得意，嚟到係酒杯噴幾下煙燻過嘅烈酒，中間有舊大冰，好有whiskey加冰嘅感覺，不過有熱情果嘅酸中和左烈酒，又幾易入口。最後叫左個🍰香提撻作為完美句號擺盤靚，個碟都好靚。撻面有金箔，好華麗。撻皮好脆，甜度適中。

上次喺銅鑼灣食到塊靚扒之後念念不忘😏，今次去另一間平少少，新開嘅西餐廳，try try 啲扒又有咩分別先！💂🏻呢間餐廳走英倫風，裝修好有格調，暗綠色配木色設計，高雅時尚，好 Chill 嘅感覺！🪵食物以扒為主，不過都有其他意大利飯、意粉同甜品可以揀，幾啱生日慶祝呢！🥩香煎慢煮牛柳伴日本南瓜杏鮑菇 配 牛肝菌牛肉原汁 $308食扒之前，服務生會畀 5款刀我哋揀，仲好有耐性咁講解。每把重量唔同，但都一樣鋒利，就係睇下邊把就手，儀式感滿滿！而牛柳熟度控制得好好，牛味唔算好濃，但都好腍，好嫩滑。而日本南瓜同杏鮑菇都煎得香口唔油膩！🍝龍蝦尾扁意大利麵 $288龍蝦尾已經拆好肉，好方便，厚肉彈牙，而扁意大利嘅龍蝦汁濃厚，唔好太膩，幾好味！🍰三層朱古力榛子蛋糕 $98蛋糕幾濃朱古力味，三層唔同口感，唔會太甜，而旁邊嘅馬令糖同忌廉，一甜一酸，好衝擊味蕾呢！🍹Berry Well呢杯 Berry Well 好靚，上面有薰衣草同玫瑰，散發淡淡花香，而雜莓混合酒後，花果味重，加埋面層嘅蛋白泡沫，入口順滑，好啱女仔飲！🥃Bird’s Eye呢杯 Bird’s Eye 入面有四川龍舌蘭同墨西哥辣椒，味道比較濃烈

呢間銅鑼灣人氣扒房，早排由L. Square搬咗去銅鑼灣廣場，成個環境變得更有格調，而menu亦都唔同咗，要去試吓啦～▪️餐包坐低冇幾耐就送上兩個餐包，配搭海鹽牛油▪️香煎帶子 配 粟米濃湯帶子煎得啱啱好，夠晒嫩滑。另外因為店員會喺上枱後先將粟米湯倒入碗內，夠晒熱辣辣，配埋燒過嘅粟米粒，香甜得嚟帶少少焦香味▪️龍蝦尾扁意大利粉龍蝦尾爽口彈牙，扁意粉好掛汁，仲有啲三文魚籽增加口感▪️香煎慢煮牛柳伴日本南瓜杏鮑菇 配 牛肝菌牛肉原汁牛柳叫咗medium，食落非常軟腍，而且肉味濃郁。配菜有南瓜同杏鮑菇，都好香口。另外有三款芥末醬可以揀，分別係法式、英式同芥末籽，不過其實本身個汁都好夠味，唔使再沾芥末都得▪️Not So Coca-Cola係有焦糖味嘅可樂，飲到咁上下，可以食住可樂糖再飲，會有啲氣泡感，又幾特別The Grill Room📍銅鑼灣駱克道463-483號銅鑼灣廣場二期3樓3B號舖📍尖沙咀堪富利士道6-6A號爵寓2樓

✨位於銅鑼灣既高級扒房✨️ 環境寬敞舒適又Grand兼極具格調😌服務周到貼心🤵🏻💓而且啲扒食落就知又靚又優質🐮✨有靚扒就緊係要配靚刀🔪呢度仲可以自選刀具😍每把刀都各具特色💕而且刀刃鋒利🔪💫真係据扒既高級體驗🤩❣️🍞餐包麵包軟熟，可配牛油或另外要求配黑醋及橄欖油都可以🐮香煎慢煮牛柳伴日本南瓜杏鮑菇 配 牛肝菌牛肉原汁牛柳慢煮至五成熟，唔單止將肉汁鎖住，仲可以盡量保持柔嫰口感，肉色粉嫰既賣相令人垂涎三尺，食落非常柔軟細嫰又juicy ，完全零乾柴，配埋牛肝菌牛肉原汁食落更顯鮮味濃郁，另外餐廳仲會提供三種唔同芥末醬比客人選擇，唔同醬料配個牛柳都有唔同既滋味，配菜南瓜香甜可口，杏鮑菇鮮味多汁，整體而言味道非常唔錯，極力推薦必點之一🍝燴和牛蕃茄闊意大利麵熱辣辣上臺香氣撲鼻，意大利麵以配料蔥、蒜、蕃茄仔、鮮茄醬汁烹調而成，燴和牛非常軟腍 入口即化，牛味香濃，和牛份量亦唔吝嗇，都有好多舊和牛，意大利麵軟硬適中帶點嚼勁，而且充滿茄香，酸甜惹味，咸度剛好🍹Garden Eve無酒精mocktails, 由橙、蘋果、蔓越莓、熱情果加上姜味汽水配製而成，面頭有玫瑰花及橙乾作裝飾，賣相都唔錯，飲落味蕾充滿住唔同果