冰室小菜館

我覺得係最超值下午茶.我講你都未必信.但事實就是這樣.長沙灣《冰室小菜館》我記得上一次嚟都應該有成大半年.因我唔係住喺呢頭.無嘜事都唔會過嚟.惜逢今日有啲事情辦.又得一個人.等我嚟探吓班.唔知有無變動或者更新.一到下午茶時間.座無虛席.搵咗個位坐低.睇吓個餐牌.比較上次嘅都無嘜分別.落單係用QR.我得一個人就叫咗個 冰室熱狗 X1 $22元.再嚟一個餐蛋公仔麵X1 $12元.一杯餐飲熱鴛鴦走糖多奶（免費）🚶🏻‍♂️👉📌冰室小菜館 (長沙灣)長沙灣青山道156-162號永基商業大廈地下A號舖…查看更多

大隻仔今次覓食嘅店舖就係💥 冰室小菜館 💥 大隻仔今日介紹呢間餐廳「冰室小菜館」，價錢真係平到你唔信，而且份量夠多，食物質素唔差，大隻仔覺得好抵食，真心推薦。而且員工有禮貌，每個客人走入餐廳都會主動招呼。果日大隻仔影餐廳menu 時，估唔到員工主動送份外賣Menu俾我拎走。👍👍⋯⋯⋯⋯⋯⋯⋯⋯⋯⋯⋯⋯⋯⋯⋯5⭐️ 超班3⭐️ 一般1⭐️ 差味道 ⭐️⭐️⭐️⭐️抵食 ⭐️⭐️⭐️⭐️⭐️服務 ⭐️⭐️⭐️⭐️環境 ⭐️⭐️⭐️⋯⋯⋯⋯⋯⋯⋯⋯⋯⋯⋯⋯⋯⋯⋯⋯🔥 下午茶餐-咖喱薯仔雞髀飯 $28 （包熱飲）賣相好吸引，份量夠多，飯一啲都唔少，唔會因為下午茶餐份量而減少。咖喱汁有椰漿味，比較似葡國汁，味道調校得好好，唔辣，配菜仲有薯仔🥔、粟米粒🌽，至於炸雞髀夠大隻，但唔算有好多肉汁。🔥 下午茶餐-冰室熱狗 $20熱狗包🌭️有烘過底，麵包鬆軟，熱狗材料好豐富：有生菜絲，蕃茄片，仲有兩條香腸。沙律醬甜甜酸酸，加埋茄汁配搭得出奇地好，味道極佳。估唔到咁簡單嘅熱狗咁好食。😋😋🔥 餐蛋公仔麵 $12 （下午茶餐追加）午餐肉唔會好鹹而且厚切，煎蛋正常，公仔麵🍜夠爽身，湯底唔會好味精，食完冇口乾，價錢超值。🔥 粒粒椰汁紅豆冰 $6 （下午茶餐升級飲品）紅豆粒夠冧，用上椰漿，味道足夠，不會太稀，再噴上忌廉，攪勻後飲，椰子味道香濃，夠滑又夠甜，紅豆冰好好飲。😋😋🔥 熱鴛鴦 $0（下午茶餐包熱飲）咖啡比例多過奶茶，帶苦澀味，味道一般。🔥 冰室白灼蝦 $38（半斤）白灼蝦🦐一共有15隻，好抵食，每一隻都好新鮮彈牙，冇一隻梅肉，附送辣椒豉油，十分滋味。😋😋溫馨提示：下午茶餐 14:00-18:00餐廳地方夠闊落，價錢平，顧客不絕，唯一缺點餐廳衛生一般般，有蚊飛來飛去。午市、晚市$38-$58鐵板餐$38起下午茶$20起…查看更多

現今社會百物騰貴.打工仔喺疫情關係.收入比之前少.食個早餐都要三至四拾元.喺長沙灣區有間餐廳.能夠做到下午茶.咖喱薯仔雞脾飯$28元.食個足料熱狗$20元.餐蛋公仔麵$12元.我相信是空前絕後.無人能出其右.今天特意來到長沙灣（冰室小菜館）享受全城最平宜.CP值最高之美食餐館.我和太太兩人在下午茶時段到達.我哋坐的是兩人對坐的餐枱.但餐枱比正常的細.坐位還好.唔會好迫.呢度可用QR或者侍應落單.兩者都可以.侍應都很熱誠協助.有問有搭.點餐如下：1. 咖喱薯仔雞髀飯跟餐熱飲X1 $28元2. 冰室熱狗跟餐熱飲 X1 $20元3. 餐蛋公仔麵 X2 $24元4. 跟餐熱飲轉凍鴛鴦 X1 $3元5. 跟餐熱飲轉凍檸檬茶X1 $3元 …查看更多