Dream Cafe (已結業)

喺附近做完嘢之後有啲肚餓所以就想喺附近食嘢。有啲想食西餐就睇睇附近有啲咩選擇，見呢度嘅評分都幾高就入嚟試一試啦。入到去裏面客人都幾多，好彩仲有一個位，唔使等就入得去坐啦。裏面裝修都OK，見好多人來的都好似情侶，可能呢度嘅氣氛比較啱啦。望一望餐牌，就見雙人套餐好似抵過單人套餐，冇計啦今晚冇約朋友就食單人套餐冇甜品送。嘢飲我就揀咗後邊嘅朱古力沙冰試吓餐湯好快就到左，係素菜湯比較清淡。調味都OK嘅比較鍾意裏便係攞咗啲蒜頭入去所以比較香。當塊牛扒嚟嘅時候有啲驚訝因為非常大片，我叫嘅係 medium rare有時擔心啲餐廳會唔小心煮熟得滯，但係好彩呢間冇。牛扒嘅味道唔錯，雖然啲汁我食唔到好強嘅黑松露味道不過都還可以接受。有埋啲煮嘅菜係側邊清清地都OK 㗎，點樣啲汁先至食會好味啲。我本人就幾鍾意飲嗰個朱古力沙冰，因為唔會太甜，對我來講當甜品飲已經好飽啦。雖然二人套餐真係抵好多因為佢會俾埋錢才俾你，但係一人套餐都算OK嘅，俾埋+1都係$248。

話說今日朗豪坊睇戲，想搵個地方慢慢坐住等夠鐘，最好有得嘆花茶🌸又唔好太貴（因為睇戲而家已經巧貴呢！？），睇完食評就去左隔離朗晴坊搵食。呢度二人套餐都岩食，跟餐湯或沙律，加錢有花茶，落order先～🔆香煎大蝦🦐配墨西哥香辣番茄意大利麵 - 大蝦煎得幾香，開左邊易食好多。醬汁spicy得黎蕃茄茸頗多，意大利麵麵質彈牙非常唔錯！🔆香焗香草蜜糖無骨春雞🐥配燒烤汁（全隻）- 無骨岩懶人，焗春雞全隻上，手殘用刀叉都好易食，唔洗整污糟對手。鍾意清d就咁食，雞肉滲有淡淡香草味。沾一沾燒烤汁又會有另一番滋味😋～🔆茉莉花茶、洋甘菊花茶🌼 - 花茶可以免費加一次水，洋甘菊味濃，茉莉花味清，個人黎講鍾意一向喜愛洋甘菊，聞一聞飲幾啖，身心都好舒服～慢慢歎，有火溫熱唔怕凍左，好舒服。👍🏻服務周到，餐廳細細，但被我裝到呢間餐廳，有人喺隱藏嘅秘密房間開party，可以考慮下姨娚仔生日會呢度攪，方便又經濟！

烤雞好嫩滑呀，連雞胸部分都多汁，絕對食唔到鞋既口感。醃料用上香草同蜜糖，調味岩岩好。烤雞下面有西蘭花，椰菜花同蘿蔔，再多點菜會好d健康d嘛，仲配左薯角，咸咸地，正，林左少少唔夠脆但整體都好好味終於都食到煙韌帶點彈牙闊條麵，good!配料有菇同粟米，炒得幾香沙律唔係配沙律醬，太好喇無咁肥，佢配左醋，酸酸地好開胃，yummy份量太少喇，好味既餐湯士多啤梨沙冰同芒果沙冰，我諗叫其他野飲好d⋯⋯最後一句，沙發好坐！對我黎講坐得舒服好重要😄

今次嚟到Dream Cafe搵食！ 旺角出名多cafe～今次我們就選一間評價良好的！朗晴坊雖然也是一整幢大廈也是餐廳～但升降機比較易等到～至怕那些要等到天昏地暗的升降機⋯⋯店內梳化位頗多～Cafe來說坐得舒服真的很重要！店內我至愛的裝飾就是這盞酒杯燈～十分特別！有散叫menu跟套餐menu可選～最抵的2人餐～就選這個吧！餐湯餐湯只有一款～而今天的是南瓜濃湯南瓜味濃、有一絲絲南瓜～看得出是用南瓜煲而非開水的香草味道也偏濃～是比較重口味的餐湯～榛子朱古力平常的餐廳通常只有榛子咖啡～但晚上我喝了咖啡就會失眠～看到有榛子朱古力～即使要加錢還是點了～一喝下去非常驚喜！榛子味極濃！朱古力濃度也充足真正的互相輝映～差點一口氣就喝光！為了這杯榛子朱古力我一定會再來的～香煎紐西蘭肉眼扒配什菌燒汁Cafe通常只有意粉意大利飯～即使有牛扒也是用上次等的薄薄一片但這兒是是厚度適中的一塊～點了七成熟～廚師亦能煎出完美的七成～略帶一點紅～咬下去不會太老～肉味也濃～剛好沒有筋～整塊也津津有味不過伴碟的薯角感覺炸完後放久了有點失望…蕃茄忌廉海蝦燴意大利飯份量頗多的意大利飯～蕃茄味濃厚～但因為加入忌廉～不會太酸～而且海

嗰日收工約咗男朋友嚟試呢間樓上cafe~先講講環境 燈光暗暗的 幾有feel喎又😆.見佢有set for 2 就嗌咗我地揀咗兩個限定供應嘅黑松露龍蝦意大利飯同炭燒12安士美國安格斯肉眼扒配黑松露菌汁黑松露龍蝦意大利飯一上嘅時候 我地仲諗緊係咪嚟錯😂因為一粒龍蝦肉都見唔到後尾發現原來寶物沉歸底！一粒粒龍蝦肉混咗入飯度 而且都有唔少㗎！🙌而個飯就好重黑松露味👍🏻仲有啲拉芝feel添！.炭燒12安士美國安格斯肉眼扒配黑松露菌汁個扒雖然都係黑松露汁 但係就無個飯咁香啦～反而有少少辣辣地嘅黑椒味！當日嗌咗7成熟 樓上cafe嚟講都算唔錯😏雖然未到好嫩 但唔會嚡口！驚喜嘅係個配菜薯角 本身好怕薯角好膩 因為平時入面好多薯蓉 仲會嚡口但係呢個唔單止外皮脆卜卜 入面啲薯蓉仲好滑 真係忍唔住係咁食呀~~😍😍.飲品方面我就加錢嗌咗個曲奇沙冰唔會太甜幾好飲 重點係沙冰打得夠細 正！

旺角一向好多café，見到朗晴坊最近都開左一間，近近地睇完戲就上左去試下。餐廳唔算好大，但都幾有情調，可以容納20~30左右。見到有二人套餐 $238包餐湯/ 沙律，唔想揀就叫左呢個餐。餐湯係雜菜湯，係想像到既味，酸酸地，ok 啦。另一個叫左沙律，都有幾多菜，同黑醋，不過不失。墨西哥香辣茄醬會大蝦意大利麵個醬汁辣得黎令人好想再食多啖，因為啖啖都有香辣茄醬。蝦身好大，但略嫌蝦有d熟，肉質偏實。炭燒12安士美國安格斯肉眼扒配黑松露菌汁真係超級大塊，脂肪比例均勻，而且足12安士，都幾重炭燒味！不過可以再厚身少少就好。反而個黑松露菌汁幾特別！可以一試！超級大塊，成把刀咁長。肥仔仲好細心咁幫我切晒一粒粒俾我食tim。包$28飲品兩杯，多過$28補差價。凍薄荷朱古力咖啡 $38推介推介！本身都係以為普通mint mocha，點知佢有d咖啡粒係入面，可以食的，令到成杯野好有咖啡味！因為唔太喜歡好甜，喜歡咖啡味重d,但自己又飲唔到齋啡，所以有推介佢d咖啡!薄荷朱古力咖啡沙冰 $42肥仔喜歡飲朱古力沙冰，薄荷朱古力味都幾重，只係要飲快d，唔係好快溶！加$15配法式焦糖燉蛋真係已經食到好飽，不過15蚊幾抵