Chop Chop 食神叉燒 (新城市廣場) (已結業)

今次走進沙田新城市廣場裏的Chop Chop 食神叉燒用膳， 餐廳環境簡潔， 食具全部即用即棄。 到食神叉燒當然要點這裏最出名的食神黯然銷魂飯$79、 然後想試下食神炒飯$75和咖哩菠蘿牛肉$88，飲品有咸檸七$25和熱檸賓$23。食神黯然銷魂飯～ 半肥瘦帶有點燶邊的叉燒， 流心荷包蛋，蛋黃粘稠味濃， 飯裏面還有藜麥非常健康， 再配上特製醬汁，拌飯尤佳， 是港人最愛食物之一。食神炒飯～ 賣相靚， 炒飯有櫻花蝦、蝦仁、青豆、叉燒粒和蟹籽， 材料豐富，炒飯炒得乾身，粒粒分明，夠香又有咬口， 果然鑊氣十足。咖哩菠蘿牛肉～ 幼嫩多汁的菠蘿配咖喱口感更加香甜可口，跟牛肉很是配搭的菜式。咸檸七～味道甜中帶咸，但又多了幾份檸檬的清爽，咸甜交雜， 解渴好飲。熱檸賓～ 利賓納酸酸甜甜的味道， 配上檸檬更加清香。喜歡食神叉燒的黯然銷魂飯， 叉燒口感一試難忘， 下次一定再來。:)…查看更多

今日放假去左沙田新城市廣場行街，行完買完野就食埋晚飯先返屋企，今晚食Chop Chop食神叉燒呢間。食神黯然銷魂飯飯粒粒分明，飯粒又有味道好香，叉燒肥瘦均勻肉質又淋又香，叉燒又有沾上蜜糖美味可口又好入味。食神炒飯上面舖滿蟹籽，炒飯炒到粒粒分明仲有叉燒粒和蝦粒一起炒，蝦又爽口彈牙叉燒又好味，飯粒粒軟硬適中又好夠味道。燒鵝雙拼有燒🦢和油雞，燒鵝燒到好香又不肥膩肉質又香，油雞肉質嫩滑又香雞皮又不肥膩，沾上醬汁更加美味可口。…查看更多

夜晚又有番堂食，好掛住食神炒飯呀～炒飯做到粒粒分明，爽而不乾，香而不鹹，飯粒有咬口，爽口蝦肉、叉燒、雞蛋、蔥花以及放上無加熱的蟹籽，醬汁炒得均勻，只係賣$75，係期望之上。燒鵝切雞雙拼成隻鵝脾上，油香加梅醬最正。切雞唔少得自製薑蔥油，好味呀～唔可以唔食呢度招牌飯，「食神黯然銷魂飯」，特別重焦香味嘅叉燒配上較杰身嘅秘製醬汁，可以食多幾碗飯！（呢度係白飯任裝），留意番，叉燒係一層肥一層瘦㗎，所以食落去好有口感～仲有飲品原罐汽水上嘅鹹檸七、鹹檸樂，鹹檸味道有d鹹柑桔味，清熱解渴！餐廳用包裝左嘅即棄筷子，疫情下感覺較衛生👍🏻…查看更多

今晚同男朋友黎到沙田，因為夜晚無得堂食，所以我地唯有外賣自取解決晚餐啦。見呢間都幾多人排隊買外賣，一於就食呢間啦。正宗黯然銷魂飯選用肥叉燒，數量都唔少架。有隻蛋係面，拮穿隻蛋，蛋黃流晒出黎撈飯食，正。食神炒飯有叉燒、蝦仁、瑤柱粒、櫻花蝦、蟹籽、青豆同蔥一齊炒，材料豐富，份量十足，炒飯屬於偏濕潤個種。外賣都無減少份量，抵讚。燒味雙拼要燒鵝髀同切雞，兩款都啖啖肉，充滿油香。最後配埋凍奶茶同無糖可樂，飽。  …查看更多

抗疫尚未成功，大家繼續外賣。碰巧在沙田收工，見到食神大名，勾起了對這套電影的回憶，決定買回家好好品味一番。⭐️ 黯然銷魂飯$79要叫的當然是電影裡面的經典，黯然銷魂飯。這叉燒看上去肥瘦均勻，火候控制剛好。配上太陽煎蛋，一碗美味的黯然銷魂飯就足以帶你來回電影之中了。⭐️食神炒飯$75第二個餐是食神炒飯。叫他是因為被賣相吸引了，但實物竟然也與廣告照一模一樣，令我食指大動。炒飯十分足料，有蝦子蝦仁小蝦，飯身炒得剛剛好，粒粒柔軟分明，十分香口。⭐️豆腐燒腩仔$78另外還叫了個小菜-豆腐燒腩仔，雖然都是用紙碗外賣，但吃起來跟沙煲差別不大。火腩十分夠火候，軟腩腩的吸收了蔥蒜的配料的味道豆腐似乎不是用傳統豆腐，而是用類似玉子豆腐但比玉子豆腐實淨的豆腐做的，味道很好，送白飯一流。飲料叫了鹹檸樂$12和鹹檸七$12，值得一讚的是整粒黃金鹹檸檬，十分足本。…查看更多

這晚放工後又去買外賣，今次近近地於沙田新城市廣場的Chop Chop 食神叉燒外賣自取。餐廳裝潢打破燒味店舊有形象，簡潔明亮，環境整齊潔淨。餐廳由香港四大名廚之一、曾在電影《食神》中客串的戴龍師傅擔任顧問，供應各款燒味斬料、小菜、炒粉麵飯外賣。今次就點了招牌黯然銷魂飯、食神炒飯、咕嚕肉小菜和兩杯飲品。正宗黯然銷魂飯 $79叉燒特意選用本地豬梅頭肉製作，以香醇玫瑰露酒醃製，不加色素，以醬料和焦糖上色，讓叉燒煎蛋飯不再平凡。叉燒每日分五個時段新鮮出爐，脂肪層較厚，雖然較為肥膩，但肉質鬆軟不韌，吃罷滿嘴油香。雞蛋是特意挑選本地的初生蛋，蛋黃質地較黏稠，蛋味更濃郁，拌飯尤佳。選用黑龍江五常米，混合秘製拌飯醬油，微甜不會過鹹，相當好下飯。食神炒飯 $75加入了招牌叉燒、蝦仁、櫻花蝦、青豆和蟹籽，食材豐富，飯量更是重量級，兩個人才可KO一整碗。以白米混合美國野米，令飯粒更有咬口，炒香後甚有鑊氣，米飯粒粒分明，鹹香惹味。開胃咕嚕肉 $78向來愛酸甜味道的我，咕嚕肉當然是必點的，酸中帶甜的醬汁，令人胃口大開。雖然拿到回家無可避免地欠了點酥脆口感，但粉漿不過厚，肉質鬆化柔嫩，一口咬下充滿肉汁，也沒有太多肥膏。飲品則選了熱檸蜜 $23 及鹹檸七 $25。…查看更多

平日夜晚嘅7點半, 新城市一田嗰邊3樓嘅食肆竟然企滿等緊枱嘅人, 我地泊左車唔想等, 行多兩步食li間鋪位唔太當眼嘅ChopChop食神叉燒(同埋因為店內職員好welcome).🥢燒味雙拼 (HKD109)店員推介佢地嘅燒味雙拼, 我地揀左燒鵝x鼓油雞, 大隻燒鵝髀*lucky*, 平時唔多食皮都食埋, 因為個皮燒得好有油香, 同埋唔會好似平時燒味鋪鄒哂皮, 燒鵝就啖啖肉唔dry👍🏻; 鼓油雞喺燒鵝髀下層, 雞肉非常嫩滑dip附上嘅薑蓉好好味👍🏻.🥢正宗黯然銷魂飯 (HKD78)睇過”食神”一定聽過黯然銷魂飯!! (原來係li個師傅整ga). 店家採用腩位嘅叉燒, 切得厚薄適中, 叉燒juicy完全唔乾, 肥瘦比例均匀, 味道唔會過醎, dip店家秘製叉燒醬更加惹味. 飯量則多到有點嚇人😅, 細心位係旁邊嘅菜心係熱的, 唔會因為佢唔係主角就擺啲一早淥好凍哂嘅菜, 大部分枱都有order li個飯呢.🥢食神炒飯 (HKD75)唸住嗌個湯粉, 點知7點半左右已經賣哂🤣, 咁就來個炒飯吧! 好多叉燒粒, 仲要係肉多過肥膏的👍🏻; 蝦粒, 葱, 乾蝦仔, 碎炒蛋...勁足料!! 唯一多左嘅就係我唔食嘅青豆🤭. 炒飯份量都好勁, 以價錢, 服務, 地點, 份量, 叉燒質素黎講, 好抵食.🥢一人一杯飲品🍹熱檸蜜同凍檸茶, 臨走時見到poster迷你版嘅黯然銷魂飯外賣價都只不過係HKD40 ja, 住喺附近又多一個唔使煮飯嘅選擇.…查看更多

經過見到好多人叫外賣，於是就試下，食完覺得整體都不錯，員工服務態度好，地方夠大，坐得舒適，之後網上查下，睇到評論意外地較小好評，但相信餐廳已改善了很多，食物質素也完全冇問題，大家可放心去試😉-🤍黯然銷魂飯$79🤍食神炒飯$75🤍燒味雙拼$109-🤍黯然銷魂飯⭐️⭐️⭐️⭐️配料有一排叉燒、一隻蛋、菜心，叉燒既角位有小小lon邊，所以有小小焦香同口感😍仲有蜜汁味，重點有黯然銷魂汁，酸酸甜甜，配飯不錯！/🤍燒味雙拼⭐️⭐️⭐️⭐️叫左油雞同燒鵝雙拼，油雞仲係無骨既Tim，肥瘦均勻😍 燒鵝外層燒得香脆，內裏肉質鮮嫩，價錢合理。-環境：7.5/10服務：9.5/10好味指數：8/10回頭率：7/10…查看更多