今日家人生日，她提議要食流浮山「歡樂海鮮酒家」。呢間酒家不是第一次食，上次食的體驗唔好，服務差。但因為家人堅持來呢度，所以姑且比多次機會佢地啦。坐k65到流浮山，一到總站已經見到間舖頭，都好易認。門口有寫上一些二人餐、四人餐，我地就決定左要個價錢$1680的四人餐。入到餐廳，裡面大約六成滿吧(當時係12點正午)，環境大致乾淨，一來到，就遞上一些小食。有酸蘿蔔片和花生，花生無咩特別，但酸蘿蔔片就好好食，我地成餐飯食左4碟:)也放上比我地洗手的茶水。我地最後決定除左叫$1680的四人餐之外，再要多個椒鹽鮑魚，隻鮑魚都幾貴，要$68隻，不過因為家人想食，就照叫了。第一碟食物來的是「蒜蓉粉絲蒸貴妃蚌」，呢個好好食，貴妃蚌好新鮮，豉油唔太多亦唔太鹹，剛剛好，粉絲亦蒸得好好味。以第一碟餸來講，會對呢間舖頭加上好感。之後來的是芝士牛油焗龍蝦伊面底。呢個的芝士係好味，但偏鹹。而我亦覺得個伊面有啲過淋。不過個龍蝦好好食，加埋有4隻開邊龍蝦，啲肉都好新鮮同實淨，同埋都幾大隻。之後來的是麻香江煎瀨尿蝦，呢個又係好好食，個餐總共有2隻瀨尿蝦，前後斬開。瀨尿蝦好大隻，大約有前臂咁長，瀨尿蝦好重麻香，好好味，個肉好實淨，感覺好新鮮，唯一可惜的是2隻瀨尿蝦都見唔到有蝦膏。跟住再來左歡樂黃金蟹，呢個又係好好食，蟹殼好脆，咸蛋味唔算太重，剛剛好，而隻蟹亦好新鮮。再來就是我地另外要的椒鹽鮑魚。反而今日覺得咁多海鮮中，呢個一般般，唔係咁好食。個煮法無乜問題，粉漿亦唔鹹唔太厚，問題出現在係隻鮑魚。隻鮑魚唔算細，大約6至7cm 左右長。但呢隻鮑魚是沒有鮑魚味的，似係一個稍為有咬口的魚蛋(但無魚蛋味)，總括來說，唔值$68一隻。再來就到佢地的，上次來食個陣，佢比的是菜心，菜是新鮮的，但太大條。今次我們要求轉做筧菜，筧菜屬於是菜笛個種，又係好新鮮，好好味。上面亦有一些菇係面。跟住到佢地好出名的「食神炒飯」。呢個飯都食左好多次了，熱辣辣上菜，好食，水準能夠保持到。最後包埋個水果盤，水果盤就有西瓜和橙，正正常常，都算好味。最後，埋單大約是$ 2275 ，講真以中午來講都真係唔平，但係海鮮水準係好穩定的，而且今次比上次來，服務態度亦進步左好多。今日係家人生日，都算係一家人一齊食，食得開心的。最後加入一張流浮山碼頭的一張相，個鴨仔好得意。…查看更多
超超勁好味 
簡直係人間極品 !!!
亞公食到耳仔都郁 !!仲話下個月去食多次 ! 真係有口福啦 
都食左兩碗 
