鮨瀛海 (已結業)

廚師發辦（omakase）向來深受香港人愛戴，眾所週知人均消費大都要逾千元；相反外賣壽司店往往予人一種「劣食」的感覺，雖然價格低廉但質素亦成正比。最近得知尖沙咀K11 附近新開一間外賣壽司店——鮨瀛海，反其道而行打破外賣壽司一貫作風，用上高級食材之餘更融入廚師發辦概念，價格更加親民但質素更高。除了各式各樣單點壽司、手卷、刺身、魚生丼之外，重點當然是數款飛機直送壽司或刺身拼盤，由師傅根據當日時令鮮魚而定，每件平均亦不用二十元可謂是物超所值。外賣均以乾冰及冰袋包裝妥當，確保新鮮亦可見每個細節都考慮周到。飛機直送8貫 ($148) 由左至右分別為鰆魚、炭烤鰹魚、池魚、真鯛、鷹羽鯛、赤伊佐木及笠子，壽司飯標榜用上日本米口感軟硬適中。八款當中又以炭烤鰹魚最令人印象深刻，鰹魚本身鹹鮮濃郁伴隨淡淡燒烤香氣；鷹羽鯛及笠子則比較罕見，前者鮮甜如蜆肉質嫩滑，而笠子又稱鮋魚，夏季盛產份外鮮美，肉質細膩彈牙。蔥香左口魚邊手卷 ($38) 將紫菜獨立包裝保持香脆，左口魚邊經炙燒後逼出魚油，豐潤肥美入口即化。

係K11行完街，行過對面見到間新開既外賣壽司店，用親民既價錢就可以食到高級食材。見到樣樣都好想食，心思思都唔知食咩好，還好見到有個OMAKASE飛機直送8貫，唔洗自己諗，岩哂有選擇困難症既我。深海池魚、真鯛、赤伊左目、目仁奈、間八、石鯛、左口魚邊、太刀魚店員仲好細心介紹每一款魚，有好多魚都未聽過，款式果然夠特別，當中最鍾意食深海池魚，肉質厚實鮮甜、間八肉質嫩滑清甜、太刀魚更係第一次食，外皮燒過好香濃，每一款魚都係當日空運直送到港，必定新鮮。另外仲叫左一個店員推介既吞拿魚蓉手卷，呢個吞拿魚蓉比起一般既較粉紅色，店員話係佢地店舖特製，吞拿魚蓉鮮甜，中間仲夾左好細粒既蘿蔔，食落去更有口感。

尖沙咀鬧市裏面竟然開間壽司外賣專門店，呢間鮨瀛海相當高質，全部都係飛機直送，令人有返喺日本食壽司嘅感覺。第一次幫襯，少少哋試吓先。飛機直送係屬於廚師發板，我偷睇到另一客人買嘅確係有啲分別。真鯛即係香港人所講嘅赤鱲，肉質比較結實，彈性十足，入口釋放出油脂，味道甘甜。赤伊佐目就係香港講嘅雞魚，肉質柔軟中帶點爽脆，魚油適中，作為刺身比熟食嘅味道更佳。劍魚腩嘅味道並不陌生，佢嘅肉質柔軟亦充滿油脂，但鮮甜而不油膩。魴鮄近年喺香港比較優質嘅壽司店都會見到，肉質鮮甜爽口，我對爽口嘅刺身特別情有獨鍾。深海池魚肉質鮮嫩肥美，脂肪厚充滿魚油香，入口甘香細膩。剝皮魚係香港人稱呼為沙鯭，脂肪含量相對較少，而蘊含豐富嘅蛋白質同其他營養元素，健康又美味。白玉貝肉質厚實爽口，就好似食緊爽口嘅蟶子一樣，同時亦帶有鮮味。左口魚邊一向都係我嘅至愛，滑滑嘅口感加上炙燒嘅炭燒香味，再配以少量蔥花，味道怡人。另外仲揀選咗店員推介嘅軟綿綿手卷，入面有黑松露玉子、左口魚邊同埋穴子，三款材料都係非常軟滑，連埋飄香柔軟嘅珍珠米，真係好有軟綿綿嘅感覺。呢間鮨瀛海嘅出品整體感覺都好好，用料新鮮，服務亦好好，所以絕對值呢個價錢，下次經過我都