樸生 (已結業)

今晚嚟到青衣城搵好嘢食，見到有一間外觀好清新，好Green 嘅餐廳，原來佢係有兩邊嘅舖位，一邊係素食嘅，另一邊係食火鍋自助餐！一於入黎試吓啦，而家仲做緊秋日優惠，每人只需要$188再加一，以任食黎講呢個價錢都唔算貴呀！係呢度可以揀人蔘雞鍋，或者係海鮮部隊鍋，海鮮部隊鍋嘅話仲可以有唔同嘅湯底可以揀㗎，我哋今次就揀咗蝦汁芝士湯底，我地真係冇揀錯，呢個湯底係我打過咁多次邊爐最好味嘅一個，因為香濃嘅蝦汁同芝士嘅配合，就好似食緊喇沙咁，回味無窮，淨係飲佢個喇沙湯都已經覺得好好味！海鮮部隊鍋入邊有蜆，青口同埋蝦，當然仲有部隊鍋必要嘅午餐肉啦，另外仲可以無限添加特選牛肉，黑毛豬，同埋雞柳！除咗部隊鍋之外，大堂仲有好多熟食同埋甜品㗎，亦都可以任點炸雞！我哋仲可以喺大堂揀好多唔同嘅醬汁用嚟點炸雞，例如有士多啤梨醬，擔擔麵醬，芫荽等等，有啲醬汁都好特別架！呢度嘅熟食有好多唔同嘅選擇，例如有關東煮，咖喱魚蛋，韓式年糕，滷水雞翼，仲可以揀自選配料嘅石頭鍋飯添，不過食得太飽所以我哋都冇試到喇！除咗食物之外呢度都有幾款飲品可以任飲㗎，全部都係一啲自家製比較特別嘅飲品，好似樸生珍露特飲就係有酒精成份嘅，不過飲落都唔會好難入口，酒精成份唔算高，另外仲有凍柚子茶同埋烏梅汁，熱飲方面都有柚子茶等等可以自己加熱水調配！除咗食物同埋飲品之外，估唔到呢度嘅甜品都有咁多選擇，唔單止有大人細路都啱嘅棉花糖機，我地可以自己整棉花糖，仲有好多一樽樽嘅甜品杯，例如石板街，芒果威化，仙草竽圓等等，如果威化餅可以更加脆就仲正啦！整體來講，為食總司令非常之滿意今次呢一間餐廳入邊嘅食物啊，特別值得推介嘅就係蝦汁芝士湯底嘅海鮮部隊鍋，鍾意食喇沙嘅你哋一定唔可以錯過呀！…查看更多

去完青衣自然徑、青衣公園和青衣海濱公園，窩夫與蝦子餅去青衣城覓食。樸生的門面看來不錯，窩夫與蝦子餅有一段時間沒有吃過韓國菜，便進去一試。自助晚餐由晚上六時開始供應，限時90分鐘。炸雞和火鍋配料都是任食的，另外每位客人可選一款限定美食。自助任食區提供的食物選擇很多，單是韓式煎餅便有兩款，分別有海鮮煎餅及泡菜煎餅，適合不同客人的口味。窩夫很喜歡這個關東煮，特別是薄薄、滑滑的年糕和彈牙的蒟蒻，煮得很入味。其他熱葷有咖喱豬皮魚蛋、韓式果醬雞翼和辣炒年糕。可以自己動手做石鍋飯。火鍋配料除了點菜紙上的特選牛肉、雞柳和黑毛豬外，還有自助區的食材櫃，其中濟州墨魚丸窩夫與蝦子餅第一次吃，口感像沒有蟹籽的龍蝦丸。還有火鍋的蔬菜區，必吃羽衣甘藍。自助飲品區有三個選擇，其中一款是有酒精的，窩夫與蝦子餅較喜歡無酒精的提子味特飲。限定美食之一的芝士焗濟州元貝，芝士醬裡加了菇粒，令口感更豐富。迷你燜牛肋骨煲的煲仔細細，裡面放了一件牛仔骨、兩塊年糕，一隻冬菇，一塊紅蘿蔔再加一塊薯仔，誠意十足。窩夫與蝦子餅選了人蔘雞鍋當火鍋湯底，人蔘雞湯的味道很好，人蔘味不會太濃，叫人很容易接受，沒想到樸生依足傳統做法在雞裡釀了糯米呢。火鍋的特選牛肉，窩夫略嫌脂肪比例稍高。蝦子餅喜歡的雞柳。三款肉類當中，窩夫與蝦子餅最欣賞黑毛豬。火鍋的醬料是非常重要的配角，樸生秘製火鍋豉油叫人一試難忘，蝦子餅加入了葱、辣椒、黑白芝麻和蔴油，令味道更有層次。韓式炸雞絶對是水準之作，外層炸得很脆很乾身，沒有令人產生罪惡感的油份，裡面的雞肉嫩滑，肉汁都被鎖住了。炸雞的醬汁和配料各有六款，青檸蜜糖醬和菠蘿椰香醬都不錯。最後是甜品時間，竟然有窩夫愛吃的芋圓！…查看更多

早前睇過齣韓劇「一起吃飯吧3」，集集都講食韓國特色好嘢，仲要拍到好鬼滋味，搞到小弟都心癢癢想食番餐韓國菜。韓國菜其實都好多元化，今晚走到嚟「樸生」，就喺為咗一次過可以試到多啲嘢，因為，依家逢星期五至日及公眾假期，都轉咗做任飲任食形式。咪睇個門面好似唔喺好大，其實，入到裡面個鋪位好長、好深，地方都頗大吓，加上樓底稍高，環境光猛企理，第一印象真喺幾唔錯。雖然，門口有大大個廣告牌寫住「自助晚餐」、「韓式火鍋任飲任食」，原價$338，秋日試食價為$248 + 10%，但實際喺點玩法，真喺要介紹吓。首先，坐落店員會有張「點餐紙」俾你，韓式炸雞喺任食，韓式火鍋亦喺任食，每兩個人可以揀一個鍋底：人蔘雞鍋或海鮮部隊鍋，而後者就更有4款湯底可揀；而每位客人仲有一款限定美食：芝士焗濟州元貝或迷你燜牛肋骨煲。此外，仲有堆追加食品、飲品、甜品，不過就需另付收費。個人就覺得都無需額外使呢啲錢，因為出面已擺放咗好多任食嘅食物。餐具、紙巾、濕紙巾早已放晒晌枱上，唔使勞煩店員，自主方便。雖然好多嘢都喺自助，不過，其他服務都好唔錯，食物補充幾快手，啲店員亦好有禮，尤其門口接待嘅後生哥仔，主力招呼我哋嘅妹妹，真喺超有笑容、超有禮。韓式炸雞雖然可以任點，但考慮到仲有好多嘢食，所以，店員提議先落單兩隻，因為，佢哋嘅炸雞真喺堅大隻，而且，都喺新鮮即叫即做。最驚喜喺啲炸雞伴醬，有成6款之多，而且甚具特色，仲另有6款配料添。小弟就揀咗青檸牛油果醬及黑糖梅子醬，果然好有特色，前者口感綿滑，帶青檸嘅清香；後者就酸酸甜甜，而酸味感覺醇厚:)。啲炸雞亦好出色，新鮮熱辣夠脆口，卻喺唔油膩，啲肉又夠嫩喎。芝士焗濟州元貝個人對客芝士焗元貝感覺一般，因為，個白汁底太厚身，沖淡晒啲芝士香味，還好嘅喺啲元貝幾爽口，不愧老遠過嚟嘅濟州貨。迷你燜牛肋骨煲真喺好，迷你版本，試得到又唔會太飽。對比客元貝，件牛肋骨確喺正好多，燜到啲肉好鬆化，味道濃郁，就連底下嘅白蘿蔔、甘筍都入晒味。韓式火鍋鍋底最正斗喺嗰兩款韓式火鍋鍋底，就晌門口擺咗實物你做參考，由於個雞鍋喺原整一隻雞，真喺怕得兩個人食完個雞鍋都再食唔到啲乜嘢，所以，就要個部隊鍋，仲要喺減碼，等我哋可以再試多啲其他嘢。而枱上嘅電磁爐有晒使用指引，以控制火力，簡單易用，更重要喺，多加一句溫馨提示：「愛惜地球、不要浪費」！所以，我哋都食得好有節制，絕無浪費。海鮮部隊鍋雖然減碼，但樣樣食材有啲，最後嘅份量都喺唔少，而我哋揀咗蝦汁芝士湯，所以，湯底呈奶白色，味道都唔錯，有啲鮮味，又有啲芝士香。咁叫得部隊鍋，就喺大堆頭啦，又蝦、又蜆、又餐肉……配公仔麵，喺奢華嘅「公仔麵」。究竟出面有幾多嘢食，逐樣介紹吓先。餐廳中央，有張大枱，擺放咗好多生、熟嘅食物。醬料區，就正如平常酒樓啲任食火鍋咁，自己混醬自己搞，相信港人非常熟悉呢個玩法。特選牛肉話就話幾款肉喺可以任點，但3款肉少試牛刀各點一客試試就夠。啲牛肉睇落唔喺話好似平時食涮涮鍋佈滿油花，但啲肉質都真喺唔差。雞柳由於啲雞柳切成一片片，又唔太厚身，都較易控制灼熟所需時間。灼過之後，啲雞柳入口確喺幾嫩滑細緻。黑毛豬啲豬肉用上腩位，而且，睇落又幾靚仔，色澤紅潤。而黑毛豬果然喺有質素，食落好有肉味及脂香。火鍋食材（蔬菜）食完啲肉，就介紹吓出面任攞任食嘅食材。有好多蔬菜種類及公仔麵，其中一款仲喺少見嘅羽衣甘藍添。食完部隊鍋，再嚟「烚吓烚吓」之用。目測所見，啲蔬菜都幾新鮮，有光澤。火鍋食材（其他）暫時跳一跳去另一邊，因為有一組大雪櫃，擺放多款丸類、香腸、蜆、餃子、魚柳……等等，同樣喺配合食部隊鍋嘅食材。就算樣樣只揀少少，都食到你飽上心口呀！前前後後都食咗唔少肉，所以，我哋後段揀火鍋食物主要都喺食番多啲蔬菜，以平衡番餐飯嘅營養、纖維。熱食1無論炸雞、部隊鍋、烚吓烚吓嘅食材都要時間等，如果想即時有嘢落肚都無問題，4款熱辣辣美食已一早就緒等你試，包括：關東煮、辣炒年糕、韓式果醬雞翼及港式嘅咖喱魚蛋豬皮，但講真，今次對呢幾樣嘢嘅興趣就唔大。熱食2反而，隔離另外幾款熱食就有興趣啲，包括韓式海鮮煎餅、泡菜煎餅及天婦羅野菜。啲煎餅又真喺幾好食喎，天婦羅野菜亦唔差，至少唔油膩，不過，就無小弟心水嘅蕃薯同南瓜，其實唔知有無供應，不過，走過幾轉都唔覺有。中式老火湯遷就番香港人口味，特設一鍋中式老火湯，唔喺咩特別湯水，似喺青紅蘿蔔粟米煲豬骨一類，味道都唔錯，都夠老火，但就覺得油咗啲啫。石鍋飯或韓式拌飯大枱上最後一類美食，就喺石鍋飯或韓式拌飯，枱上有好多配料配個人喜好嚟配搭，如黑豆、菠菜、大豆芽、泡菜、韓式辣雞、韓式烤豬肉、韓式烤牛肉、海鮮雜綿……等等，全程自己動手搞，究竟想食石頭鍋飯定拌飯，在乎你揀個咩兜，前者就要揀個石鍋，再埋位以電磁爐加熱至飯焦效果。雖然我都鍾意食石頭鍋飯，但一攞就一鍋，肯定食唔晒，盞嘥！故此，就拎咗一小兜配菜，當喺前菜咁食，過吓口癮都好吖。飲品區有3款現成調好嘅特飲冰茶，食炸雞及火鍋，有啲涼快嘢入口的確幾爽，不過個人覺得有少許偏甜。而其中一款更加入真露，不過，酒精度唔高，大可放心飲。但如果唔飲得凍飲，又想飲啲熱飲，點算好？齋飲熱水？小弟有計，就喺晌炸雞醬裡面，有一款柚子醬，試過根本就喺柚子蜜，自行加熱水成為一杯熱柚子蜜即可。甜品區自詡為自助餐，又點少得供應甜品！甜品區正正設晌入門口附近，喺進入內堂嘅必經之路，款式唔算好多，但部份做得頗精緻。計有朱古力噴泉、多款樽仔甜品、棉花糖、芋圓、仙草……等等。之前，一路都食得比較克制，無非都想臨尾試多幾樣甜點，一口氣拎咗芒果拿破崙、宇治金時蛋糕杯、石板街、椰奶黑糖仙草，因為同樣以小玻璃樽裝住，更顯的骰。味道亦比預期好，尤其芒果拿破崙、宇治金時蛋糕杯，都喺新派演繹，配搭出色。最後，貪口爽，追加多一小份芋圓，配上椰奶及黑糖水，而芋圓、南瓜圓都煙煙韌韌，好有咬口。有去開日本住溫泉旅館嘅朋友都知，例必「一泊兩食」，即喺一晚住宿就包埋晚上及早上兩餐，嚟到「樸生」，就「一樸多食」，食乜、食幾多都可以自由控制，唯獨喺無韓燒啫，否則，就滿足晒咁多個願望喇。…查看更多